ផ្ទះអាជីវកម្មក្នុងបុរីនេះមានជាន់សរុប ៣ ជាន់ កន្លះ មានបន្ទប់គេង ៥ និងបន្ទប់ទឹក ៦ ដែលបែងចែកទៅ តាមជាន់នីមួយខាងលើ។ ជាន់ផ្ទាល់ដីគឺជាកន្លែងចតយានដ្ឋាននិងកន្លែងទទួលភ្ញៀវ បន្តទៅមុខ បន្តិចអ្នកនឹងឃើញមានបន្ទប់ទឹករួម១ ចង្ក្រានបាយ និងកន្លែងទទួលទានអាហារនៅខាងក្រោយ។ ជាន់ទី ២ មានបន្ទប់គេង ២ ដែលក្នុងបន្ទប់នីមួយៗសុទ្ធតែមានបន្ទប់ទឹកឯកជនផ្ទាល់ខ្លួន។ ជាន់ទី ៣ ក៏មានបន្ទប់គេង ២ បន្ថែមទៀត នឹងបន្ទប់ទឹកឯកជននៅក្នុងនោះ។ ការឡើងជាន់លើបង្អស់ លោកអ្នកនឹងឃើញមានបន្ទប់គេង១ទៀតស្ថិតនៅទីនោះ បណ្ដោយ ដំបូលរាបស្មើរបែបឯកជនដ៏ធំទូលាយលាតសន្ធឹងប្រវែងទាំងមូលនៃផ្ទៃផ្ទះ ហើយអនុញ្ញាត ឲ្យកែប្រែតាមចំណងចំណូលចិត្តរបស់ម្ចាស់ផ្ទះ។