ផ្ទះខ្ញុំជាវីឡាកូនកាត់ LH1 ក្នុងបុរីឌឹផ្លរ៉ា(The Flora) សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ដែលមានចំងាយ14Km ពីរង្វង់មូលស្ពានជ្រោយចង្វារ (រង្វង់មូលព្រហ្មបាយ័ន)។ ផ្ទះនេះមានការរៀបចំលក្ខណៈដូចជាខុនដូ មានពន្លឺគ្រប់គ្រាន់ និងមានផាសុកភាព សម្រាប់អ្នកចូលចិត្តរស់នៅបែបសម័យទំនើប តែស្ងប់ស្ងាត់ មានរបៀបរៀបរយ សណ្តាប់ធ្នាប់ និងអនាម័យ។ វាជាទីកន្លែងរស់នៅដ៏ស្រស់ស្អាត និងសែនមនោរម្យសម្រាប់គ្រួសារតូច។ ខ្ញុំរៀបចំសម្រាប់រស់នៅខ្លួនឯង ប៉ុន្តែដោយសារគ្រួសារទាំងអស់ត្រូវប្តូរទីលំនៅទៅរស់នៅស្រុកក្រៅមិនមានអ្នកនៅមើលថែទាំ ទើបសម្រេចចិត្តលក់វាចេញវិញ។

លក្ខណៈផ្ទះ
-មាន2ជាន់ E0+E1 (មិនមែនជាផ្ទះល្វែងប្រភេទមានឡៅតឿនោះទេ)។
-ទំហំដី 5.30m x 16m មានរបងខាងមុខសម្រាប់ចតរថយន្ត រឺធ្វើជាសួនច្បារ។ អាចចតរថយន្តបាន២គ្រឿង ១ខាងមុខរបង និង១ក្នុងរបង ហើយក៏អាចចតរថយន្តផ្សេងៗទៀតនៅចំណតសាធារណៈរបស់បុរីបានផងដែរ។
-E0 មានទំហំ 5.30m x 10m មានបន្ទប់ទទួលភ្ញៀវធំទូលាយ, ផ្ទះបាយទំនើប, កន្លែងទទួលទានអាហារស្រស់ស្អាត, កន្លែងបោកសម្លៀកបំពាក់, បន្ទប់ដាក់អីវ៉ាន់ក្រោមជណ្តើរ និងបន្ទប់ទឹក១ ដោយឡែកៗពីគ្នា។
-E1 មានទំហំ 5.30m x 8m មានបន្ទប់គេងស្រស់ស្អាត2, បន្ទប់ទឹក2 និងមានវេរ៉ង់ដាខាងមុខ។
-ផ្ទះមានការរៀបចំដេគ័រដាក់គ្រឿងសង្ហារិមនិងបំពាក់គ្រឿងបរិក្ខាគ្រប់ទាំងអស់ ដែលផ្តល់ភាពងាយស្រួលសម្រាប់ការរស់នៅ។ ផ្ទះនេះបើទិញភ្លាមគឺអាចចូលមករស់នៅបានភ្លាម ចូលគេងបានភ្លែតតែម្តងដូចទៅស្នាក់នៅសណ្ឋាគារ ព្រោះគ្រួសារខ្ញុំសម្អាត និងមើលថែទាំរាល់ថ្ងៃ។
-មានម៉ាស៊ីនត្រជាក់សរុប3គ្រឿង ដែលមាននៅគ្រប់បន្ទប់គេង និងបន្ទប់ទទួលភ្ញៀវ ដែលទាំង៣គ្រឿងតម្លៃសរុប $1,200។
-មានវាំងនន១ឈុតពេញគ្រប់បន្ទប់ដែលមានតម្លៃ $1,400។
-មានទូរទស្សន៍ខ្នាតតូច១គ្រឿង។
-មានម៉ាស៊ីនទឹកក្តៅនៅគ្រប់បន្ទប់ទឹកនៃបន្ទប់គេងទាំង2។
-មានទូដែកសុវត្ថិភាព1គ្រឿង។
-មានម៉ាស៊ីនបូមធូលី1គ្រឿង។
-មានម៉ាស៊ីនបោកសម្លៀកបំពាក់ធំ1គ្រឿង។
-មានទូទឹកកកធំ1គ្រឿង។
-មានចង្ក្រានបាយអគី្គសនីធំ1គ្រឿង។
-មានម៉ាស៊ីនកម្តៅអាហារ (Microwave Oven) 1គ្រឿង។
-មានឆ្នាំងដាំបាយអគ្គីសនីធំ1គ្រឿង
-មានកំសៀវដាំទឹក1គ្រឿង
-មានចានឆ្នាំងនិងសំភារៈផ្ទះបាយស្អាតៗបែបជប៉ុន និងអឺរ៉ុប ដែលទិញទាំងនៅក្នុងស្រុក និងក្រៅស្រុក។ គ្រឿងសំភារៈទាំងអស់មានតម្លៃ2-3ពាន់ដុល្លារ។
-សង្ហារិមរួមមាន: សាឡុង1ឈុត, តុញ៉ាំបាយ1ឈុត, ទូតាំងតូចធំ, ទូចង្ក្រាន, គ្រែគេង, ទូសម្លៀកបំពាក់ តុសម្អាង,...៘ ដែលមានតម្លៃសរុបប្រមាណ $5,000។

ទីតាំងបុរីស្ថិតនៅលើផ្លូវជាតិលេ៦ មិនឆ្ងាយពីសួនវិមានឈ្នះឈ្នះ(Win-Win Memerial Park), ពហុកីឡាដ្ឋានជាតិមរតកតេជោ(Morodok Techo National Stadium), ភ្នំពេញសាហ្វ៉ារី(Phnom Penh Safari World), សណ្ឋាគារ និងទីលានវាយកូនហ្គោលហ្កាដិនស៊ីធី(Garden City Golf Club and Hotel), រីស្សតបុរីអាទាំងមាស(Borey Ataingmeas Resort), ហាយលែនកីឡាដ្ឋាន(Highland De Lagoon)...និងផ្សេងៗទៀត។ បុរីឌឹផ្លរ៉ាជាគម្រោងអភិឌ្ឍន៍មានទំហំធំ ផ្តោតទៅលើការរស់នៅបែបទំនើបទាន់សម័យន និងស៊ីវីល័យ។ វាមានមជ្ឈមណ្ឌលលក់ទំនិញ, ផ្សារទំនើប, ផ្សារធម្មតា, ហាងទំនិញផ្សេងៗ, ម៉ាស៊ីន ATM,ហ្វាម៉ាស៊ី,ហាងលក់សម្លៀកបំពាក់, ហាងអាហារ, កាហ្វេ, ភោជនីយដ្ឋាន, រីស្សត និងកន្លែងកម្សាន្តផ្សេងៗនៅក្នុងបុរីផ្ទាល់ និងក្បែៗបុរីផង។ បុរីមានសន្តិសុខយាមការ24ម៉ោង។ ក្នុងបុរីមានអនាម័យ និងសណ្តាប់ធ្នាប់ល្អ, មានដើមឈើធំៗច្រើនផ្តល់ម្លប់ត្រជាក់ស្រួល, មានសួនកុមារ, សួនច្បារ និង សួនអង្គុយលេខសាធារណៈ។ វាពិតជាទីកន្លែងដ៏គួរអោយចង់រស់នៅណាស់។

ផ្ទះដូចគ្នានៅក្នុងបុរីតែមួយដែលមានតែសម្បកផ្ទះលក់ក្នុងតម្លៃ 7ម៉ឺន ទៅ 8ម៉ឺន ហើយទិញផ្ទាល់ពីបុរីដែលជាផ្ទះមិនទាន់សាងសង់ក៏មានតម្លៃជាង 7ម៉ឺន ដែរ តែផ្ទះរបស់ខ្ញុំលក់ក្នុងតម្លៃទាបជាង ហើយថែមទាំងមានសំភារៈដែលមានតម្លៃជាង 1ម៉ឺនដុល្លារ ផង។ ខ្ញុំចំណាយសរុបទៅលើផ្ទះនេះទាំងថ្លៃទិញផ្ទះនិងការរៀបចំអស់ជាង 7ម៉ឺន។ ខ្ញុំលក់ចេញខាត 1ម៉ឺន ហើយត្រូវបង់សេវាផ្ទេរឈ្មោះបន្ថែមទៀតផង។ ខ្ញុំលក់ខាតព្រោះខ្ញុំត្រូវការលក់បន្ទាន់ខ្លាំង។ ផ្ទះនេះ បើអ្នកទិញ ទិញហើយមិនរស់នៅក៏អាចដាក់វាជួលភ្លាមៗបាន1ខែពី 300 ទៅ 500ដុល្លារ ដោយពុំចាំបាច់រៀបចំ រឺចំណាយទៅលើអ្វីទាំងអស់ រឺក៏ដាក់លក់បន្ត បើមិនប្រញ៉ាដូចខ្ញុំ ប្រាកដជាអាចលក់ចេញក្នុងតម្លៃខ្ពស់ដែលអាចចំណេញបានដល់ទៅ 1ម៉ឺនដុល្លារ រឺច្រើនជាងនេះទៀត។

***បញ្ជាក់: ផ្ទះមិនទាន់បានធ្វើប្លង់នៅឡើយទេ ត្រឹមតែកាត់ឈ្មោះបង់ផ្តាច់ចេញពីបុរីប៉ុណ្ណោះ ប៉ុន្តែវាងាយស្រួលធ្វើទេ បន្ទាប់ពីទិញ និងផ្ទេរឈ្មោះ អ្នកទិញអាចធ្វើប្លង់រឹងបានដោយមានការជួយពីខាងបុរី (ខាងបុរីជាអ្នករត់ការសុំប្លង់អោយ តែអតិថិជនជាអ្នកបង់ប្រាក់) រឺអ្នកទិញអាចរត់ការដោយខ្លួនឯងក៏បាន។

តម្លៃលក់ទាំងផ្ទះ និងសំភារៈ 6ម៉ឺន9ពាន់ដុល្លារអាមេរិក។ ប្រសិនបើអ្នកទិញបង់ប្រាក់ចាប់ពី50%ឡើងទៅ ខ្ញុំអាចសម្រួលផ្តល់កម្ចីជូន 50% រយៈពេល5ឆ្នាំដែលអ្នកទិញអាចបង់រំលោះទាំងការទាំងដើមរៀងរាល់ខែអោយខ្ញុំក៏បាន, បង់ជារៀងរាល់ឆ្នាំក៏បាន, រឺក៏បង់តែការប្រាក់1ខែម្តង 3ខែម្តង រឺ6ខែម្តង និងបង់ប្រាក់ដើម1ឆ្នាំម្តង រឺសរុប5ឆ្នាំតែម្តងក៏បាន ជាមួយអត្រាការប្រាក់ 7.8% ក្នុង1ឆ្នាំ រឺ 0.65%ក្នុង1ខែ។ អ្នកទិញក៏អាចស្វែងរកកម្ចីដោយខ្លួមឯងពីធនាគាណាមួយដែលខ្លួនពេញចិត្តហើយបង់ជាមួយធនាគារនោះពី5ឆ្នាំដល់20ឆ្នាំក៏បាន។ បើព្រមព្រៀងទិញ គ្រាន់តែកក់ប្រាក់ត្រឹមតែ5ពាន់ជាមុន ខ្ញុំនឹងយល់ព្រមអោយអ្នកទិញចូលមកស្នាក់នៅបានភ្លាមតែម្តង។