លំនៅឋាននៃគម្រោង ដឹ ផាក លែន ៥៩៨ (The Park Land 598) របស់ក្រុមហ៊ុន ជីប ម៉ុង លែន នឹងបើកលក់ជាផ្លូវការនាពេលឆាប់ៗខាងមុខនេះ ដោយសាងសង់ឡើងតាមរចនាតាមបែបអឺរ៉ុប ស្អាត ទំនើប និងផ្ដល់ផាសុកភាពខ្ពស់ក្នុងការរស់នៅ។

សម្រាប់គម្រោង The Park Land 598 ក្រុមហ៊ុន ជីប ម៉ុង លែន សាងសង់លំនៅឋានប្រាំមួយប្រភេទ គឺ វីឡាឃ្វីន, វីឡាឃ្វីនប្រភេទ A, វីឡាភ្លោះ, វីឡាកូនកាត់ប្រភេទ A, វីឡាកូនកាត់ប្រភេទ B, និងហ្សប់ហោស៍ ព្រមទាំងក្លឹបហាត់ប្រាណ និងហេដ្ឋារចនាសម្ព័ន្ធខ្វាត់ខ្វែងផងដែរ។ លក្ខណៈពិសេសនៃលំនៅឋានទាំងអស់ របស់គម្រោងថ្មីនេះ គឺការរចនាតាមបែបអឺរ៉ុប ពោលគឺជញ្ជាំងខាងក្រៅនៃលំនៅលាត លាបពណ៌ស្រគត់ស្រគំ ដែលជាម៉ូដទាន់សម័យនាពេលបច្ចុប្បន្ន។

បង្អួច និងទ្វារធំៗ និងបំពាក់ដោយកញ្ចក់ ដែលជួយឲ្យពន្លឺព្រះអាទិត្យ ចូលមកក្នុងលំនៅឋានបានគ្រប់គ្រាន់ សន្សំសំចៃអគ្គីសនី ហើយអាចការពារសំឡេងរំខាន ពីខាងក្រៅបានយ៉ាងមានប្រសិទ្ធភាព។ គ្រប់លំនៅឋានទាំងអស់មាន រានហាលដែលអាចអង្គុយ លម្ហែកាយបានយ៉ាងមានសេចក្ដីសុខ។ ទីធ្លាខាងមុខនៃលំនៅឋានធំទូលាយ អាចចតរថយន្តប្រកបដោយសុវត្ថិភាព។

បន្ទប់ទទួលភ្ញៀវ, បន្ទប់ទទួលទានអាហារ, បន្ទប់គេង, និងបន្ទប់ទឹក រចនាយ៉ាងប្រណិត និងផាសុកភាព ដែលអាចផ្ដល់សេចក្ដីសុខពេញបរិបូរណ៍ ជូនសមាជិកនីមួយៗ ដែលរស់នៅក្នុងលំនៅឋានគ្រប់ប្រភេទ របស់គម្រោង The Park Land 598។

គ្រាន់តែឈរនៅក្នុងបរិវេណនៃគម្រោង The Park Land 598 លោកអ្នកនឹងទទួលបានអារម្មណ៍ប្លែក និងរំភើបនឹងរចនាបទ ដែលធ្លាប់តែឃើញក្នុងទ្វីបអឺរ៉ុប ផុសអណ្ដែតលើផ្ទៃដី ដែលស្ថិតតាមបណ្ដោយផ្លូវ៥៩៨ (ផ្លូវឯកឧត្តមជាសុផារ៉ា) ចម្ងាយប្រហែលបួនគីឡូម៉ែត្រ ពីរង្វង់មូលកាំកូស៊ីធី៕