ផ្ទះវីឡា 2 បន្ទប់គេងសម្រាប់លក់នេះ ជាលំនៅឋានដ៏ស្រស់ស្អាតនៅក្នុងខេត្តសៀមរាប ។ នៅក្នុងបរិវេណអចលនទ្រព្យនេះមានអាងហែលទឹកឯកជនដ៏ធំទូលាយ អមដោយទេសភាពសួនច្បារបែបត្រូពិចដ៏ស្រស់ត្រកាល ជាមួយនឹងសំណង់ដែលមានគុណភាពខ្ពស់ និងមានបំពាក់គ្រឿងសង្ហារិមពេញលេញ។ ចំណែកដីមានទំហំ 1,072 ម៉ែត្រការ៉េ ដែលមានវិមាត្រ 16 ម៉ែត្រ x 67 ម៉ែត្រ ដែលធ្វើឲ្យយើងមានដីស្រឡះគ្រប់គ្រាន់សម្រាប់សាងសង់ផ្ទះវីឡាបានរហូតដល់ពីរបន្ថែមទៀតនៅលើដីនេះ។

កន្លែងចម្អិនអាហារត្រូវបានបំពាក់ដោយឡាបូ ចង្ក្រាន បំពង់បឺតផ្សែង ឡ និងទូដាក់សម្ភារផ្ទះបាយដែលបានសាងសង់នៅផ្នែកខាងក្នុងនៃខោនធ័រ។ អ្នកថែមទាំងអាចរីករាយទស្សនានូវទិដ្ឋភាពដ៏អស្ចារ្យនៃ សួនច្បារ វាលស្មៅ និងអាងហែលទឹកពីបង្អួចកញ្ចក់បីផ្ទាំងធំៗ ដែលអនុញ្ញាតឱ្យពន្លឺព្រះអាទិត្យចេញចូលបានគ្រប់គ្រាន់ទៅក្នុងកន្លែងចម្អិនអាហារផងដែរ។ ទន្ទឹមនឹងនេះ នៅក្នុងបន្ទប់ទទួលភ្ញៀវ អ្នកនឹងឃើញមានសាឡុង តុកាហ្វេ និងកំរាលព្រំផងដែរ ព្រមទាំងទូរទស្សន៍ស្ដើង នៅលើធ្នើរតូចមួយ និងមានធ្នើរនៅពីខាងលើផងដែរ។ ក្រៅពីការសម្រួលដល់ការរៀបចំលម្អគេហដ្ឋាន ធ្នើរទាំងនេះក៏អាចប្រើសម្រាប់ដាក់តាំងវត្ថុអនុស្សាវរីយ៍គ្រួសារ និងសម្ភារផ្សេងៗទៀតផងដែរ។

ចំពោះបន្ទប់គេងទាំងពីរវិញ ត្រូវបានបំពាក់ដោយគ្រែធំ តុមានថតដាក់ក្បែរគ្រែ និងទូខោអាវធំទូលាយ ធ្វើឲ្យបន្ទប់គេងមានលក្ខណៈស្រឡះទូលាយសម្រាប់សម្រាកលំហែផ្ទាល់ខ្លួន ស្របតាមចំណូលចិត្តនៃការរស់នៅរបស់អ្នក។ នៅក្នុងបន្ទប់ទាំងពីរក៏មានពន្លឺ និងខ្យល់ចេញចូលបានគ្រប់គ្រាន់ផងដែរ ចំណែកបន្ទប់ទឹកត្រូវបានបំពាក់ដោយទឹកក្តៅ និងទឹកត្រជាក់។ នៅខាងក្រោយផ្ទះវីឡាមានបន្ទប់មួយសម្រាប់ធ្វើការបោកគក់សម្លៀកបំពាក់ ផ្ដល់ភាពងាយស្រួលក្នុងការធ្វើកិច្ចការផ្ទះ និងផ្តោតអារម្មណ៍លើអ្វីដែលអ្នកចង់ធ្វើនៅក្នុងផ្ទះវីឡាកម្ពស់ពីរជាន់ដ៏ស្រស់ស្អាតនេះ ដែលមានទំហំ 80 ម៉ែត្រការ៉េនៅក្នុងដីដ៏ធំល្វឹងល្វើយ។

វីឡានេះក៏ត្រូវបានបំពាក់ប្រព័ន្ធចម្រោះទឹកស្អាត កាមេរ៉ាសុវត្ថិភាព CCTV និងរបងបេតុងខ្ពស់ ច្រកទ្វារប្រកបសុវត្ថិភាព និងម៉ាស៊ីនភ្លើងប្រចាំការដើម្បីធានានូវសុវត្ថិភាព និងភាពងាយស្រួលដល់អ្នកទិញ និងអនាគតម្ចាស់ផ្ទះនេះផងដែរ។

អចលនទ្រព្យនេះមានទីតាំងស្ថិតនៅក្នុងសង្កាត់ជ្រាវ ដែលមានចម្ងាយត្រឹមតែ 3 នាទីពីសាលាបឋមសិក្សា និងវិទ្យាល័យ ISSR ចម្ងាយ 5 នាទីពីមណ្ឌលសុខភាព និងផ្សារជ្រាវ ចម្ងាយ 9 នាទីពីផាប់ស្ទ្រីត និងមន្ទីពេទ្យនាគទេព និងចម្ងាយ 13 នាទីពីផ្សារទំនើបម៉ាក្រូ និងសារមន្ទីរជាតិអង្គរ។