នេះជាលំនៅឋានដែលមានបន្ទប់គេង 3 ដែលកន្លែងរស់នៅប្រកបដោយផាសុកភាព សុវត្ថិភាព និងងាយស្រួលក្នុងការរស់នៅ។​ មានគ្រឿងសង្ហារឹមពេញលេញ ដាក់លក់ឥឡូវនេះជាមួយប្លង់រឹង ស្ថិតនៅក្នុងបុរីទេសចរណ៍! ផ្ទះនេះទំហំ 120 ម៉ែត្រការ៉េ និងមាន​ទីធ្លា​ក្នុង​ផ្ទះ​ពី​ទ្វារ​ចូល 40 ម៉ែត្រការ៉េ។

ទីធ្លាធំទូលាយផ្តល់កន្លែងចតយានយន្តបានយ៉ាងងាយស្រួល និងមានសួនច្បារទៀតផង។ លើសពីនេះមានផ្លូវពីចំហៀងធំល្មមចូលទៅខាងក្រោយផ្ទះ ដោយនៅខាងក្រោយនេះដែរអ្នកនឹងឃើញមានទីធ្លាទូលាយ​សមល្មមអាចជាកន្លែងហាលសម្លៀកបំពាក់បាន។ ខាង​ក្នុងផ្ទះ មាន​គ្រឿង​សង្ហារិមស្រស់ស្អាត ភ្ជាប់ជាមួយឈុត​សាឡុង និង​ទូរទស្សន៍ រួមមានបំពាក់​ម៉ាស៊ីនត្រជាក់​ផងដែរ។ ជណ្តើរ និងបន្ទប់ទឹកត្រូវបានដាក់នៅចន្លោះបន្ទប់ទទួលភ្ញៀវខាងមុខ និងកន្លែងទទួលទានអាហារដែលនៅខាងស្តាំមានផ្ទះបាយ មានកន្លែងចម្អិនអាហាររាងអក្សរ L ដ៏​ធំ​ទូលាយ និង​មាន​របៀប ដោយ​មាន​ទូទឹកកក​រួម​ជាមួយ​ទៀតផង។ ចំណែកបន្ទប់គេងវិញ គឺនៅជាន់ខាងលើទាំងអស់ ដោយ 1 បន្ទប់មានបន្ទប់ទឹកខាងក្នុង និង​ 2 បន្ទប់ទៀតមានបន្ទប់ទឹករួមមួយ។ បន្ទប់គេងធំក៏ត្រូវបានភ្ជាប់ទៅនឹងយ៉រតូចល្មមនៅខាងមុខដែលអាចឲ្យលោកអ្នករីករាយគយគន់ទេសភាពស្រស់ស្អាតបានទៀតផង។

ផ្ទះនេះមានទីតាំងនៅក្នុងឃុំកណ្តែក ស្រុកបាគង ខេត្តសៀមរាប។ ចម្ងាយ​ 5 នាទីពីផ្សារស្វាយធំ ផ្សារទំនើប Makro មណ្ឌលសុខភាពកណ្តែក និងសាកលវិទ្យាល័យអង្គរ 10 នាទីពី​ Navutu Dreams រីសត​ និងភូមិបាគង ហើយ 15 នាទីពីសួនរាជព្រះរាជដំណាក់។