ជាប្រភេទ យូនីត ដែលមាន បន្ទប់គេង ២​ បន្ទប់ទឹក​ ២ ផ្ទះបាយមួយ និង បន្ទប់ទទួលភ្ញៀវ ១ មា​នទំហំ ១២០ម៉ែត្រការ៉េ ដែលស្ថិតនៅជាន់ទី១។ ច្រកចូលនៃយូនីតនេះហាក់ខុសប្លែកពីយូនីតមុនបន្តិច ដោយសារតែផ្លូវចូលរបស់វាគឺនៅស្ថិតនៅកណ្ដាលនៃបណ្ដោយផ្ទះទៅវិញ ដែលនៅខាងឆ្វេងដៃរបស់លោកអ្នកគឺជាកន្លែងទទួលភ្ញៀវ ជាមួយនឹងផ្ទាំងកញ្ចក់ដ៏ថ្លាមួយដែលអាចឲ្យអ្នកមើលឃើញទេសភាពខាងក្រៅតាមរយៈវេរ៉ង់ដានៅខាងមុខបន្ទប់។ ខាងស្ដាំដៃរបស់លោកអ្នកវិញ មានធ្នើដាក់ឥវ៉ាន់តូចមួយ វាទល់មុខនឹងបន្ទប់មេគ្រួសារ ដែលមានបន្ទប់ទឹកឯកជនមួយផងដែរ។ ទល់មុខបន្ទប់មេគ្រួសារ លោកអ្នកនឹងឃើញបន្ទប់ទឹកសាធារណៈមួយ ជាប់នោះគឺជាបន្ទប់គេងមួយទៀតនៃយូនីតនេះ។