យូនីតមួយផ្សេងទៀតដែលមានលក្ខណៈពិសេសជាងគេ មានទំហំសរុប ២៤០ ម៉ែត្រការ៉េ ព្រោះវាមានកន្លែងទទួលភ្ញៀវ បន្ទប់គេង និងដំបូលឯកជនសម្រាប់ការជួបជុំក្រុ​មគ្រួសារ! ចូលយូនីតនេះភ្លាម លោកអ្នកនឹងទៅដល់មុខបន្ទប់គេងទាំង២នោះ ដែលមួយក្នុងចំណោមនោះជាបន្ទប់គេងមេជាមួយបន្ទប់ទឹកឯកជនផ្ទាល់ខ្លួន។ នៅខាងឆ្វេងដៃជាកន្លែងបន្ទប់ទឹក និងជណ្តើរឡើងទៅលើដំបូលផ្ទះឯកជន។ ដើរទៅមុខបន្តិចទៀតនឹងនាំឱ្យលោកអ្នកទៅដល់ផ្ទះបាយដែលមើលទៅសាកសមជាមួយកន្លែងទទួលទានអាហារតូច និងបន្ទប់ទទួលភ្ញៀវ។ វ៉េរ៉ង់ដាអាចចូលបានតាមទ្វារកញ្ចក់នៃបន្ទប់ទទួលភ្ញៀវ។

លក្ខណៈពិសេសគួរឱ្យចាប់អារម្មណ៍បំផុតនៃយូនីតនេះគឺដំបូលផ្ទះឯកជន។ តំបន់នេះ មានបរិវេនធំទូលាយ ល្អសម្រាប់ការជួបជុំនៃគ្រួសារតូច ឬមធ្យម ដែលផ្ដល់ជូនភ្ញៀវនូវការចងចាំកាន់តែច្រើនជាមួយនឹងទេសភាពធម្មជាតិដ៏រុងរឿងរបស់គម្រោងខុនដូបែប រីស៊តលំហែ Angkor Grace។