សណ្ឋាគារដ៏ស្រស់ស្អាតជាមួយការរចនាយ៉ាងទាក់ទាញដ៏គួរឲ្យចាប់ចិត្តនេះ មានបន្ទប់គេងចំនួន 28 បន្ទប់ដែលមានការថែរក្សាគ្រប់គ្រងបានយ៉ាងល្អ ដែលស្ថិតនៅលើផ្ទៃដីសរុប 1,200 ម៉ែត្រការ៉េ (30 ម៉ែត្រ x 40 ម៉ែត្រ) ដែលមានទីតាំងស្ថិតនៅក្នុងតំបន់ដែលមានបរិយាកាសស្ងប់ស្ងាត់គួរឲ្យចង់រស់នៅក្នុងសង្កាត់ស្វាយដង្គំ ខេត្តសៀមរាប។

ជាន់ទីមួយ គឺជាកន្លែងទទួលភ្ញៀវដែលមានពណ៌ចម្រុះជាមួយនឹងភោជនីយដ្ឋាន/បារ អាងហែលទឹក និងទេសភាពនៃអាងហែលទឹកពីខាងក្រៅគួរឲ្យចាប់អារម្មណ៍។

សណ្ឋាគារនេះគឺមានបីជាន់ដែលមានបន្ទប់គេងតុបតែងបានយ៉ាងប្រណីត និងមានកន្លែងទំនេរ ដែលមានប្លង់បែបបើកចំហ និងមានពន្លឺធម្មជាតិគ្រប់គ្រាន់ពីបង្អួចដ៏ធំទូលាយ។ បន្ទប់នៅជាន់ខាងលើមានរានហាល ដែលលោកអ្នកអាចរីករាយនឹងទេសភាពដ៏ស្រស់ស្អាតនៃទីក្រុងផងដែរ។

សណ្ឋាគារនេះក៏ត្រូវបានជួលបានក្នុងតម្លៃ 4,000 ដុល្លារក្នុងមួយខែ ដែលរួមមានកិច្ចសន្យាជួលរយៈពេល 10 ឆ្នាំដោយមានប្រាក់កក់ 5 ម៉ឺនដុល្លារ។

សណ្ឋាគារសម្រាប់លក់នេះ មានភ្ជាប់មកជាមួយនឹងប្លង់រឹងស្រាប់!