ស្របពេលកំណើនប្រជាជនកំពុងមានការកើនឡើងពីមួយថ្ងៃទៅមួយថ្ងៃធ្វើឱ្យចំនួននៃអ្នករស់នៅក្នុងទីក្រុងភ្នំពេញកាន់តែរីកសុះសាយជាបន្តបន្ទាប់ ដែលធ្វើឱ្យប្រជាពលរដ្ឋមួយចំនួនកាន់តែពិបាកក្នុងការស្វែងរកផ្ទះបុរីដែលមានតម្លៃសមរម្យ និងទីតាំងដែលល្អៗនៅជិតកន្លែងធ្វើការ សាលារៀន ឬទីប្រជុំនៃតំបន់សម្រាប់ប្រកបមុខរបរជាដើម ។ ថ្ងៃនេះ Realestate.com.kh នឹងនាំលោកអ្នកដែលកំពុងតែមានបំណងស្វែងរកគម្រោងផ្ទះបុរីដែលមានតម្លៃទាប និងទាំងល្អៗបំផុត ៖
ទី១- គម្រោងបុរី មហាបឹងទ្រា
បុរី មហាបឹងទ្រា គឺជាគ្រោងអភិវឌ្ឍន៍បុរីមួយដែលមានទីតាំងស្ថិតនៅក្នុងខណ្ឌដង្កោ រាជធានីភ្នំពេញ ។ គម្រោងនេះមានតម្លៃចាប់ពី $2x,xxx ប៉ុណ្ណោះ (ប្លង់រឹង) ហើយមានទីតាំងនៅភាគខាងត្បូងនៃរាជធានីភ្នំពេញ ដែលស្ថិតនៅក្បែរគម្រោងសាងសង់អាកាសយានដ្ឋានអន្តរជាតិភ្នំពេញថ្មី និងគម្រោងផ្សារទំនើបអ៊ីអនទី៣ ។ គម្រោងនេះស្ថិតនៅក្នងតំបន់ដែរមានការអភិវឌ្ឍទៅលើវិស័យអចលនទ្រព្យជាច្រើនគួបផ្សំទាំងការអភិវឌ្ឍហេដ្ឋារចនាសម្ព័ន្ធ, ផ្លូវក្រវ៉ាត់ក្រុង, គម្រោងបុរី, គម្រោងអភិវឌ្ឍន៍ឧស្សាហកម្ម និងគម្រោងអភិវឌ្ឍដីឡូត៍ជាច្រើនទៀត ។
ទី២- គម្រោងបុរី អេចអិម ឡាក់គី ហូម
គម្រោងនេះមានទីតាំងស្ថិតនៅក្នុងឃុំសំរោងលើ ស្រុកអង្គស្នួល ខេត្តកណ្ដាល មិនឆ្ងាយពីរាជធានីភ្នំពេញប៉ុន្មាននោះទេ តែស្ថិតក្នងតំបន់ដែលមានការអភិវឌ្ឍខ្លាំងលើវិស័យអចលនទ្រព្យជាច្រើនគួបផ្សំនូវការអភិវឌ្ឍហេដ្ឋារចនាសម្ព័ន្ធនានា ។ គម្រោងបុរីមួយនេះមានតម្លៃចាប់ពី $5x,xxx ជាមួយនឹងការផ្តល់ជូនប្លង់រឹងថែមទៀតផង ។
ទី៣- គម្រោងបុរី វីល្លៀម
បុរី វីល្លៀម មានទីតាំងស្ថិតនៅជិតទីលានបាញ់កាំភ្លើងភ្នំពេញក្នុងភូមិរំដួល សង្កាត់ស្នោរ ខណ្ឌពោធិសែនជ័យ រាជធានីភ្នំពេញ ពោលគឺតំបន់នេះជាការរីកច្រើនថ្មីមួយនាភាគខាងលិចនៃទីក្រុង ដែលមានក្តានុពលសម្រាប់វិស័យលំនៅឋាន និងពាណិជ្ជកម្ម ហើយជាពិសេសវាជាទីតាំងខ្ពង់រាបមិនលិចទឹក និងមានហេដ្ឋារចនាសម្ព័ន្ធអភិវឌ្ឍយ៉ាងល្អ ។ តម្លៃចាប់ពី $7x,xxx ប៉ុណ្ណោះជាមួយនឹងប្លង់រឹង ដោយគម្រោងនេះផ្តល់ជូនការបង់ប្រាក់ដ៏ងាយស្រួលតាមរយៈការបង់រម្លស់ផងដែរ ។
ទី៤- គម្រោងបុរី ខាសិន ភ្នំពេញ
គម្រោងនេះគឺជាគម្រោងបុរីមួយដែលធំជាងគេ ស្ថិតនៅជាប់នឹងផ្លូវជាតិលេខ៣តែម្តង ដោយធ្វើដំណើរត្រឹមតែ៧នាទីប៉ុណ្ណោះពីរង្វង់មូលចោមចៅ និង១០នាទីពីអាកាសយានដ្ឋានអន្តរជាតិភ្នំពេញ ។ គម្រោងបុរីនេះត្រូវបាន សាងសង់ឡើងលើផ្ទៃដីប្រមាណ៣០ហិកតា មានទីតាំងស្ថិតនៅតាមបណ្តោយផ្លូវជាតិលេខ៣ (គីឡូម៉ែត្រទី១៥) នៅក្នុងភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។ ជាមួយតម្លៃចាប់ពី $1xx,xxx (ប្លង់រឹង) គម្រោងនេះមានលក្ខណៈពិសេសជាច្រើនដូចជា សន្តិសុខ២៤ម៉ោង, សួនច្បារ ក្លឹបហោស៍, អាងហែលទឹក, ក្លឹបហាត់ប្រាណ, ហាងកាហ្វេ និងកន្លែងទិញទំនិញផ្សេងៗ ។
ទី៥- គម្រោង អ័រគីដេ ដឹពោធិ៍ចិនតុង
គម្រោង អ័រគីដេ ដឹពោធិ៍ចិនតុង គឺជាគម្រោងថ្មីបំផុតរបស់ក្រុមហ៊ុនអភិវឌ្ឍន៍អ័រគីដេ ដែលមានទីតាំងនៅតំបន់ដែលមានសក្តានុពលខ្ពស់ជាងគេ ងាយស្រួលធ្វើដំណើរ និងមានចម្ងាយត្រឹមតែ 3 នាទីពីអាកាសយានដ្ឋានអន្តរជាតិភ្នំពេញ ។ តម្លៃចាប់ពី $2xx,xxx ជាមួយនឹងប្លង់រឹង គម្រោងនេះមានទីតាំងនៅតាមបណ្ដោយផ្លូវជិតវត្តតាំងក្រសាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ដែលគ្របដណ្តប់លើទំហំអភិវឌ្ឍន៍ប្រហែល 30 ហិកតា ជាប់ជាមួយសហគមន៍លំនៅឋានទំនើប និងស៊ីវិល័យ ស្របតាមបរិយាកាសរស់នៅដ៏ទំនើបបូករួមទាំងធម្មជាតិអមដោយសួនច្បារដ៏ស្រស់ស្អាតដែលគួរអោយចង់រស់នៅ ៕
Comments