Why Invest in Cambodian Property?
ហេតុអ្វីត្រូវវិនិយោគក្នុងវិស័យអចលនទ្រព្យកម្ពុជា? The Realetate.com.kh មគ្គុទ្ទេសក៍វិនិយោគិនមកកាន់ប្រទេសកម្ពុជា។ កម្ពុជាត្រូវបានមនុស្សជាច្រើនចាត់ទុកថាជា ព្រំដែនរបស់វិនិយោគិនចុងក្រោយបង្អស់ក្នុងអាស៊ីអគ្នេយ៍។ ប្រទេសកម្ពុជាសម្បូរដោយធនធានធម្មជាតិ និងចំណុចខ្លាំងដែលមិនទាន់ត្រូវបានអភិវឌ្ឍ។ នៅពេលដែលវិនិយោគិនបរទេសនាំយកដើមទុន និងចំណេះធ្វើលំដាប់ពិភពលោកលេខ១ មកកាន់ទីនេះ រឿងរ៉ាវអច្ឆរិយអាចនឹងកើតឡើង។ កម្ពុជាផ្ដល់ជូនវិនិយោគិននូវកញ្ចប់នៃផលចំណេញជាច្រើន ដែលធ្វើឲ្យទៅជាភាពជាម្ចាស់កម្មសិទ្ធិភាពគ្រាន់តែជា គ្រឿងលើកទឹកចិត្ត មួយក្នុងចំណោមគ្រឿងលើកទឹកចិត្តជាច្រើន ។ នៅក្នុងប្រទេសកម្ពុជា មានភាពរើសបន្តិចបន្តួចប៉ុណ្ណោះរវៀងជនបរទេស អ្នកប្រជាជនក្នុងស្រុកពាក់ព័ន្ធនឹងការចុះបញ្ជីក្រុមហ៊ុន ពន្ធដារ និង ពន្ធគយ។ ខណៈនេះដែរ ប្រទេសនេះ គឺជាមជ្ឈមណ្ឌលភូមិសាស្ត្រដែលមាន កម្លាំងពលកម្មក្មេងៗ និងពោពេញដោយការលើកទឹកចិត្ត ហើយពិតណាស់ ត្រូវបានលើកទឹកចិត្តដោយប្រាក់ដុល្លាអាមេរិក។ ជាងនេះទៅទៀត រងចក្រសហគ្រាសដែលមានមូលដ្ឋាននៅប្រទេសកម្ពុជា នៅតែរីករាយនឹងការនាំចេញទៅកាន់អឺរ៉ុបដោយមិនបាច់បង់ពន្ធ ព្រោះប្រទេសកម្ពុជានៅតែត្រូវបានដាក់ចំណាត់ថ្នាក់ជាប្រទេសដែលមានការអភិវឌ្ឍតិចតួច (LDL)។ លោក រ៉ាមី សារ៉ាហ្វ សមាជិកក្រុមប្រឹក្សាផ្ដល់យោបល់អន្តរជាតិ អេភីស៊ីអូ វើលវ៉ាយដ៍ និងជាគាំទ្រដ៏ល្បាញម្នាក់សម្រាប់ទីផ្សារកម្ពុជា បានមានប្រសាសន៍ថា “ការទាក់ទាញដ៏ធំសម្បើមសម្រាប់វិនិយោគិនបរទេស ដែលគិតពិចារណា ថាតើពួកគេគួរតែវិនិយោគនៅក្នុងប្រទេសកម្ពុជា ដែលកំណើនសេដ្ឋកិច្ចមានស្ថេរភាពល្អ របស់ប្រទេសសមាជិកអាស៊ានមួយនេះ កំណើនស្ថេរភាពជាអភូតហេតុគឺ ៧.៥ ភាគរយជាមធ្យមសម្រាប់រយៈពេល ៥ឆ្នាំចុងក្រោយ និងឆ្នាំបន្តៗទៅមុខទៀត។ រឿងនេះបានដាក់កម្ពុជាក្នុងចំណាត់ថ្នាក់ទី ២១ ទូទាំងពិភពលោក ក្នុងកំណើនសេដ្ឋកិច្ច និង លេខ ១ ក្នុងតំបន់”។ ១) ឱកាសវិនិយោគនៅកម្ពុជារយៈពេលខ្លី ២) ទស្សនវិស័យបច្ចុប្បន្ន និង និន្នាការអភិវឌ្ឍសំខាន់ៗ ៣) ការពិនិត្យឡើងវិញអចលនទ្រព្យកម្ពុជា ឆ្នាំ២០១៥ របស់គេហទំព័រ Realestate.com.kh ៤) វិស័យសំណង់នៅកម្ពុជា ៥) ការព្យាករទីផ្សារអចលនទ្រព្យនៅកម្ពុជាក្នុងឆ្នាំ ២០១៦ ៦) ទស្សនវិស័យសេដ្ឋកិច្ច ចង់សិក្សាបន្ថែមៈ សូមពិនិត្យមើល បណ្ដុំព័ត៌មានទាន់ហេតុការណ៍ និងព័ត៌មានស្ដីពី ការវិនិយោគក្នុងប្រទេសកម្ពុជា, នៅលើ គេហទំព័រ Realestate.com.kh ថ្ងៃនេះ! សូមស្វែងរកអចលនទ្រព្យទូទាំងព្រះរាជាណាចក្រកម្ពុជានៅលើគេហទំព័រ Realestate.com.kh ឥឡូវនេះ! សូមពិនិត្យមើលប្រភពសំខាន់ៗដទៃទៀត នៅលើគេហទំព័រ Realestate.com.kh ក្នុង ទម្រង់ទីតាំងរបស់យើង និង មគ្គុទ្ទេសក៍វិនិយោគិនៈ សិក្សាបន្ថែមទៀតអំពី ប្រទេសកម្ពុជា, រាជធានីភ្នំពេញ, ខេត្តសៀមរាប, និងក្រុងព្រះសីហនុ។ សិក្សាបន្ថែមទៀតអំពី ការវិនិយោគក្នុងប្រទេសកម្ពុជា, កម្មសិទ្ធិភាពរបស់ជនបរទេសនៅកម្ពុជា និង បទពិសោធន៍ជនបរទេសនៅកម្ពុជា! ១) ឱកាសវិនិយោគនៅកម្ពុជារយៈពេលខ្លីៈ ហេតុអ្វីត្រូវវិនិយោគក្នុងវិស័យអចលនទ្រព្យកម្ពុជា?សេដ្ឋកិច្ចវិនិយោគលុយដុល្លាអាមេរិកៈ វិនិយោគក្នុងរូបិយវត្ថុដែលឆាប់ងើបឡើងវិញបំផុតរបស់ពិភពលោក ជាសេដ្ឋកិច្ចដុល្លារូបនីយកម្ម ហើយនឹងបន្តក្លាយជាសេដ្ឋកិច្ចដុល្លារូបនីយកម្ម។ដែនវិនិយោគថ្មីបំផុតៈ សក្ដានុពលកំណើតដ៏មហិមា និង និន្នាការគួរឲ្យសរសើរជាវិជ្ជមានក្នុងរយៈពេលប៉ុន្មានឆ្នាំថ្មីៗនេះ។កំណើនដ៏ខ្លាំងនិងមានស្ថេរភាព ផលិតផលសរុបក្នុងស្រុក (GDP): ៧.៥ភាគរយជាមធ្យមសម្រាប់រយៈពេល៥ឆ្នាំចុងក្រោយ ពីមួយឆ្នាំទៅមួយឆ្នាំ។ ចំណាត់ថ្នាក់លេខ ២១ ទូទាំងពិភពលោក និងលេខ ១ ក្នុងតំបន់។ទ្រព្យសកម្មដ៏មានសុវត្ថិភាពៈ ច្បាប់កម្មសិទ្ធិភាពរបស់ជនបរទេស និងកិច្ចសន្យាជួលរយៈពេលយូរដ៏គួរឲ្យទាក់ទាញ។តំបន់យុទ្ធសាស្ត្រៈ ដែលត្រូវបានគាបឲ្យនៅចំកណ្ដាលដោយប្រទេសដែលមានសេដ្ឋកិច្ចខ្លាំងពីរគឺ ថៃ និងវៀតណាម នៅចំកណ្ដាលរវៀង ប្រទេសដែលមានសេដ្ឋកិច្ចកំពុងលូតលាស់ យ៉ាងធំបំផុត និងលឿនបំផុតរបស់ពិភពលោក គឺចិន និងឥណ្ឌា និងអង្គុយនៅរវៀងចន្លោះទ្វីបអូស្ត្រាលី និងអាស៊ី ដោយមានកិច្ចព្រមព្រៀងជំនួញ ភ្ជាប់ប្រទេសនេះទៅនឹង ទ្វីបទាំងពីរ។ស្ថេរភាពនយោបាយៈ ប្រទេសនេះមាននាយករដ្ឋមន្ត្រីតែមួយជាង១ភាគ៤នៃសតវត្ស ជាមេដឹកនាំមិនមែនជាក្សត្រយូរជាងគេបំផុតក្នុងអាស៊ីអគ្នេយ៍។សមាហរណកម្មជំនួញៈ អាស៊ានដែលដាក់បញ្ចូលគ្នា សម្រាប់ច្រកចូលដែលកើនឡើងទៅរកទីផ្សារក្នុងតំបន់ ស្ថានភាពប្រទេសដែលមានការអភិវឌ្ឍតិចតួច (LDC) ផ្ដល់ច្រកចូលមិនគិតពន្ធចំពោះទីផ្សារដែលមានការអភិវឌ្ឍខ្ពស់ក្នុង អឺរ៉ុប និងអាមេរិក។ភស្តុភារដែលប្រសើរឡើងៈ កំពង់ផែសមុទ្រជ្រៅ, ផ្លូវដែក, ផ្លូវថ្នល់ និងការតភ្ជាប់ជើងហោះហើរជុំវិញប្រទេសនិងនៅ អាស៊ីកំពុងកើនឡើងជារៀងរាល់ឆ្នាំ ។កន្លែងទាក់ទាញរបស់និវត្តជនៈ ដោយអាស្រ័យទៅលើ គុណភាពនៃជីវិតដែលមានតែមួយ និងមានតម្លៃថោក។ប្រទេសកម្ពុជាគឺមានតែមួយៈ ប្រទេសដែលមានការអភិវឌ្ឍតិចតួចទាំងឡាយ ដែលមានសក្ដានុពលកំណើនសេដ្ឋកិច្ចខ្ពស់ ជាទូទៅមិនស្វាគមន៍យ៉ាងសកម្មចំពោះការវិនិយោគនោះទេ ហើយ វាមិនសូវមានស្ថេរភាពនយោបាយ និងហិរញ្ញវត្ថុនោះឡើយ។ការបូកបញ្ចូលគ្នានៃរដ្ឋាភិបាលដែលមានស្ថេរភាព និងឧស្សាហកម្មធនាគារ គោលនយោបាយគាំទ្រធុរកិច្ច និងវិនិយោគបរទេស ព្រមទាំងសក្ដានុពលកំណើនសេដ្ឋកិច្ចដ៏មហិមាគឺវាកម្រមានមែនទេន។ ស្ថេរភាពហិរញ្ញវត្ថុនិងរដ្ឋាភិបាល គឺជាប់ទាក់ទងគ្នាជាពិសេសជាមួយនឹងទីផ្សារដែលមានលក្ខណៈចាស់ទំជាងមុន មានឧបសគ្គកាន់តែធំទៅផ្សំជាមួយនឹងសក្ដានុពលកំណើនសេដ្ឋកិច្ចកាន់តែតិចទៅ។ នេះជាការរួមបញ្ចូលគ្នាមិនធម្មតាមួយនៃកត្តាគាំទ្រការរីកចម្រើននិងការអភិវឌ្ឍបានផ្តល់នូវការអភិវឌ្ឍនិងការរីកចំរើនប្រកបដោយចីរភាពរួចជាស្រេច នៅក្នុងប្រទេសកម្ពុជា ប៉ុន្តែនៅមានលុយជាច្រើនទៀតដែលត្រូវធ្វើឲ្យកើតមានឡើង។ នេះគឺជាប្រទេសមួយ ដែលប្រជានុរាស្ត្រចង់បានការរីកចម្រើន ហើយធ្វើរឿងរ៉ាវអស្ចារ្យជាច្រើនឲ្យបានត្រឹមត្រូវ។ វាជាពេលវេលាដ៏រំភើបមួយសម្រាប់ប្រជាជនក្នុងតំបន់ ក្នុងការទន្ទឹងរង់ចាំអនាគតដ៏ភ្លឺស្វាងមួយផង និង សម្រាប់ វិនិយោគិនបរទេសដ៏មានសក្ដានុពល ស្វែងរកព្រំដែនវិនិយោគផង។ គោលនយោបាយរាជរដ្ឋាភិបាលគាំទ្រធុរកិច្ច បានជួយទាក់ទាញវិនិយោគពីបរទេសមកកាន់វិស័យទីផ្សារផ្សេងៗជាច្រើន ដែលរួមមានៈ ការិយាល័យ និងការអភិវឌ្ឍពាណិជ្ជកម្ម, ការអភិវឌ្ឍផ្នែកលក់រាយ, ការអភិវឌ្ឍឧស្សាហកម្ម, អចលនទ្រព្យលំនៅស្ថាន, ការអភិវឌ្ឍកសិកម្ម។ វាត្រូវបានគេដាក់ដោយចំៗផងដែរដោយអាស្រ័យទៅលើ ភាពកៀកជិតនៃរាងកាយទៅនឹងទីផ្សារដ៏រស់រវើកបំផុតមួយចំនួននៅលើភពផែនដីនេះ។ សភាពពិតមួយនេះគឺត្រូវបានគេបណ្ដាក់ទុន និងធ្វើឲ្យប្រសើរឡើងតាមរយៈកិច្ចព្រមព្រៀងពាណិជ្ជកម្មក្នុងតំបន់ដែលពង្រឹងចំណងកម្ពុជាទៅនឹងទីផ្សារអភិវឌ្ឍធំៗជាច្រើន។ កម្ពុជាមានកម្លាំងពលកម្មវ័យក្មេង និងប្រកបដោយថាមពល ព្រមទាំងបេតិកភណ្ឌវប្បធម៌ដ៏សំបូរបែប និង ល្បីល្បាញ។ រតនវត្ថុទាំងពីរនេះ ត្រូវបានដាក់នៅចំកណ្ដាលទិដ្ឋភាពមួយ ពេញទៅដោយសម្រស់ធម្មជាតិ ដែលទាក់ទាញទេសចរណ៍បានកាន់តែច្រើនរៀងរាល់ឆ្នាំ។ វាជាពិភពមួយពោរពេញដោយឱកាសសម្រាប់វិនិយោគិនដែលមានបំណងដើម្បីបំពេញនូវសេចក្ដីព្យាយាមរបស់ពួកគេ និងនាំយក នូវការយល់ដឹង ព្រមទាំងដើមទុនលំដាប់ទីមួយរបស់ពិភពលោកមកកាន់តុចចារនេះ។ វានៅជាជ្រុងមួយនៃពិភពលោកដែលត្រូវបានមនុស្សជាច្រើនមើលរំលង។ ការធ្វេសប្រហែសនេះគឺជារឿងមួយដែលពួកគេអាចនឹងរស់នៅដោយភាពសោកស្ដាយ។ បើទោះបីជាមានកត្តាហានិភ័យនៅក្នុងការវិនិយោគណាមួយក៏ដោយ ក៏មូលដ្ឋានគ្រឹះនៅទីនេះគឺរឹងមាំមិនគួរឲ្យជឿ។ ហេតុនេះ គម្រោងអភិវឌ្ឍបរទេសដែលគ្រោងឡើងនិងរៀបចំបានត្រឹមត្រូវ មានទស្សនវិស័យដ៏ប្រសើរ។ ទីនេះគឺជាកន្លែងដែលសុបិនមិនត្រឹមតែអាចក្លាយជាការពិតនោះទេ តែសុបិនទាំងនេះអាចរៀបចំទុកនូវអនាគតបានផងដែរ។ តើលោកអ្នកចង់សាងសង់អ្វី? វារីកសិកម្ម? កសិកម្មសរីរាង្គ? សណ្ឋាគារលំដាប់ពិភពលោក? ខុនដូមានលក្ខណៈសិល្បៈ? សូមស្វែងរកនូវការវិនិយោគអចលនទ្រព្យដ៏អស្ចារ្យឥឡូវនេះ! ២) ទស្សនវិស័យបច្ចុប្បន្ន និង និន្នាការអភិវឌ្ឍសំខាន់ៗ ប្រទេសនេះរីករាយនឹងការរស់នៅដោយការចំណាយទាប ដែលជួយឲ្យថ្លៃឈ្នួលទាបដែរ ហេតុនេះធ្វើឲ្យប្រទេសនេះក្លាយជាកន្លែងមួយដែលវិនិយោគិនអាចចាប់ផ្ដើមដម្បូងជាមួយនឹងហានិភ័យទាប។ រាជរដ្ឋាភិបាលមានគោលនយោបាយធុរកិច្ចសេរី ហើយកំពុងតែស្វែងរកយ៉ាងសកម្មដើម្បីទាក់ទាញការវិនិយោគពីបរទេសបន្ថែមទៀត។ វាជាប្រទេសដ៏ស្រស់ស្អាតមួយ ដែលមានបេតិកភណ្ឌសំបូរបែប បើកឱកាសជាច្រើននៅក្នុងវិស័យទេសចរណ៍។ វាមានទីតាំងភូមិសាស្ត្រល្អខុសគេ ធ្វើឲ្យវាឈានទៅកាន់ទីផ្សារដែលកំពុងតែរីកចម្រើន ធំៗបំផុត និងសកម្មបំផុតក្នុងពិភពលោកបាន។ ដោយសារសមាជិកភាពរបស់ប្រទេសនេះនៅក្នុងអាស៊ាន ប្រទេសនេះមានលទ្ធភាពចូលទៅកាន់តំបន់ពាណិជ្ជកម្មសេរីរបស់អាស៊ានបាន។ អាស៊ានគឺវាហាក់ដូចជាសហភាពអឺរ៉ុបយ៉ាងអីចឹងដែរ សម្រាប់ប្រទេសទាំងអស់ក្នុងតំបន់អាស៊ី អគ្នេយ៍។ ដើម្បីជាការប្រៀបធៀប ប្រទេសទាំងឡាយនៅសហភាពអឺរ៉ុប មានប្រជាជនចំនួន ៥០៨ លាននាក់ ហើយប្រទេស អាស៊ានមានប្រជាជន ចំនួន ៦២៥ លាននាក់ ហើយជាទីផ្សារដែលមិនសូវចាស់ទុំប៉ុន្មានទេ ជាហេតុផ្ដល់ឱកាសកាន់តែទូលាយសម្រាប់កំណើនសេដ្ឋកិច្ច។ ប្រទេសកម្ពុជាបានចូលជាសមាជិក សមាគមប្រជាជាតិអាស៊ីអគ្នេយ៍ (អាស៊ាន) ក្នុងឆ្នាំ ១៩៩៩។ អង្គការពហុជាតិនេះ មានគោលបំណងត្រឹមត្រូវចំពោះការអភិវឌ្ឍសេដ្ឋកិច្ច សម្រាប់ក្រុមប្រទេសទាំងឡាយដែលមានទីតាំងនៅចន្លោះប្រទេសអូស្ត្រាលី និងចិន ប្រទេសជាច្រើនក្នុងចំណោមប្រទេសទាំងនេះ គឺជាប្រទេសដីកោះ។ ប្រសិនបើអាស៊ានគឺជាប្រទេសតែមួយ វានឹងជាប្រទេសដែលមានសេដ្ឋកិច្ចធំជាងគេទី ៧ ក្នុងពិភពលោក បន្ទាប់ពី សហរដ្ឋអាមេរិក, ចិន, ជប៉ុន, អាល្លឺម៉ង់, បារាំង និងចក្រភពអង់គ្លេស។ សូមមេត្តាកត់សម្គាល់ថា អាល្លឺម៉ង់ បារាំង និងចក្រភពអង់គ្លេស គឺសុទ្ធតែជាសមាជិកនៃសហភាពអឺរ៉ុប អង្គការអាស៊ាន សង្ឃឹមថានឹងដណ្ដើមបានសញ្ញាប័ត្រមួយចំនួនដែរ។ ជាងនេះទៅទៀត ប្រទេសកម្ពុជាត្រូវបានចាត់ទុកជាប្រទេសដែលមានការអភិវឌ្ឍតិចតួចបំផុតមួយ (LDC), ដែលផ្ដល់ឲ្យប្រទេសនេះ នូវលទ្ធភាពពិសេស និងពាណិជ្ជកម្មសេរីទៅកាន់ទីផ្សារអឺរ៉ុប និងទីផ្សារអាមេរិកខាងជើង។ ស្ថានភាពប្រទេសមានការអភិវឌ្ឍតិចតួចរបស់កម្ពុជា បានផ្ដល់លទ្ធភាពពិសេសចំពោះទីផ្សារមានជាងគេបំផុតមួយចំនួននៅក្នុងពិភពលោកសម្រាប់ផលិតផលជាក់លាក់មួយចំនួន។ ជាក់ស្ដែងគុណសម្បត្តិរបស់ប្រទេសនេះគឺជាប្រទេសដែលមានការអភិវឌ្ឍតិចតួចបំផុតមួយក្នុងចំណោមប្រទេសដែលមានការ អភិវឌ្ឍតិចតួចបំផុត នៅមានចំណុចខ្សោយជាច្រើនដូចជា ហេដ្ឋារចនាសម្ព័ន្ធនៅមានកំណត់នៅឡើយ និងភាពក្រីក្រនៅពាសពេញ ប្រទេស។ ប៉ុន្តែ ជាងនេះទៅទៀត មានភស្តុតាងមួយបង្ហាញថាក្រុមហ៊ុនបរទេសជាច្រើនបានផ្ដល់នូវប្រាក់ខែប្រសើរជាងមុន និងលក្ខខណ្ឌការងារល្អសម្រាប់ប្រជាពលរដ្ឋក្នុងតំបន់។ នេះមានន័យថាការវិនិយោគក្នុងប្រទេសដែលមានការអភិវឌ្ឍតិចតួចបំផុត អាចជាករណីនៃការធ្វើសេចក្ដីល្អ ខណៈពេលដែលធ្វើឲ្យកាន់តែប្រសើរទៅទៀត ពោលគឺលោកអ្នកអាចមានអារម្មណ៍ល្អអំពីការកែលម្អ ដែលការវិនិយោគរបស់លោកអ្នកកំពុងតែនាំយក មកកាន់ប្រទេសនេះ ខណៈមានសេចក្ដីរីករាយនឹងផលប្រយោជន៍ដែលលោកអ្នកទទួលបានតាំងពីបន្ទាត់ខាងក្រោមទៅ។ ជាការពិតណាស់ អត្រាភាពក្រីក្រនៅក្នុងប្រទេសកម្ពុជាអាចនឹងធ្លាក់ចុះយ៉ាងគំហុក ពី ៤៧.៥ភាគរយក្នុងឆ្នាំ ១៩៩៣ មកនៅត្រឹម ២៣ភាគរយក្នុងឆ្នាំ ២០១១។ ដូច្នេះក្នុងខណៈដែលប្រទេសនេះនៅតែជាប្រទេសក្រីក្រ គេក៏មើលឃើញនូវការអភិវឌ្ឍទៅមុខដែលមិនគួរឲ្យជឿផងដែរ។ ហេតុការណ៍នេះជួយធានាបានថា ការវិនិយោគនឹងមានផលចំណេញច្រើនសម្រាប់វិនិយោគិន។ ជាងនេះទៅទៀត កម្ពុជាគឺស្ថិតនៅចំផ្លូវកណ្ដាលរវៀងចិននិងឥណ្ឌា។ នាពេលថ្មីៗនេះ ឥណ្ឌាបានស្នងតំណែងចិនជាប្រទេសដែលមានសេដ្ឋកិច្ចរីកចម្រើនឆាប់រហ័សជាងគេបំផុតរបស់ពិភពលោក។ បើអាស្រ័យទៅលើទីតាំងភូមិសាស្ត្រ ប្រទេសកម្ពុជា មានទីតាំងភូមិសាស្ត្រល្អប្រសើរ ចំពោះទីផ្សារដ៏ធំនិងកំពុងលេចធ្លទាំងពីរនេះ។ ភោគទ្រព្យនាពេលអនាគតត្រូវបានធានាយ៉ាងច្បាស់ថា ត្រូវសម្រេចដោយអ្នកណាដែលមានលទ្ធភាពអាចចូលទៅកាន់ទីផ្សារដ៏ធំសម្បើម និងរីកចម្រើនយ៉ាងឆាប់រហ័សទាំងនេះបាន។ កិច្ចពិភាក្សាកំពុងតែដំណើរការ រវៀងឥណ្ឌានិង អាស៊ាន ដែលអាចបង្កើតបាននូវ ប្លុកទីផ្សារស្រដៀងគ្នាមួយ។ ក្នុងឆ្នាំ២០១០ តំបន់ពាណិជ្ជកម្មសេរី ចិនអាស៊ាន (ACFTA) បានក្លាយជាការពិត នាំឲ្យប្រទេសជាសមាជិកអាចចូលទៅកាន់ប្លុកពាណិជ្ជកម្មមួយដែលមានប្រជាជន ១ពាន់ ៧រយលាននាក់។ អាស៊ានក៏មានកិច្ចព្រមព្រៀងមួយជាមួយនឹងប្រទេសអូស្ត្រាលី និង នូវែលហ្សេឡង់ ដែលបង្កើតបានតំបន់ពាណិជ្ជកម្មសេរីមួយទៀតនៅក្នុងទិសដៅផ្សេងទៀត គឺ តំបន់ពាណិជ្ជកម្មសេរី អាស៊ានអូស្ត្រាលីនូវែលហ្សេឡង់ (AANZFTA). នៅក្នុងឆ្នាំ២០០៣ សន្ទស្សន៍សេរីភាពសេដ្ឋកិច្ចរបស់មូលនិធិបេតិកភ័ណ្ឌបានដាក់ចំណាត់ថ្នាក់ប្រទេសកម្ពុជាលេខ ៣៥ ក្នុងចំណោមប្រទេសទាំង១៧០ នៅក្នុងលក្ខខណ្ឌនៃសេរីភាពសេដ្ឋកិច្ច។ នេះចាត់ទុកដូចជាប្រទេសជប៉ុន និងកន្លែងជាច្រើនទៀត ដែលវាឈានមុខគេក្នុងចំណោមប្រទេសជិតខាងរបស់ខ្លួននៅក្នុងសហគមន៍អាស៊ាន។ ប្រទេសកម្ពុជាត្រូវបានគេកត់សម្គាល់ពីកម្រិតមិនធម្មតារបស់ខ្លួននៃភាពទាក់ទាញបានទីផ្សារសម្រាប់ប្រទេសដែលមានការអភិវឌ្ឍតិចតួចបំផុត។ វិស័យដែលគួរកត់សម្គាល់រួមមានៈ ឱកាសនៅក្នុងវិស័យទេសចរណ៍ៈ ដោយប្លែកពីប្រទេសជិតខាងរបស់ខ្លួន ដូចជាថៃ និងវៀតណាម ប្រទេសកម្ពុជា មានឆន្ទៈយ៉ាងមុតមាំដើម្បីទាក់ទាញវិនិយោគបរទេស នៅក្នុងវិស័យទេសចរណ៍របស់ខ្លួន។ ទេសចរណ៍គឺជាវិស័យមួយដែលកម្ពុជាចង់ទាក់ទាញការវិនិយោគពីបរទេសជាគេបំផុត។ គោលបំណងនេះគឺវាខុសប្លែកគ្នាបន្តិចបន្តួចជាងប្រទេសជិតខាងរបស់ខ្លួន ដូចជាថៃ វៀតណាម និងនាពេលថ្មីៗនេះគឺប្រទេសឡាវ។ ប៉ុន្មានឆ្នាំថ្មីៗនេះ ទេសចរណ៍នៅកម្ពុជាបានផ្ទុះឡើង ទទួលបានចំនួនកើនឡើងទ្វេដង ជាច្រើនឆ្នាំ ហើយទទួលបានភ្ញៀវទេសចរ ៤.៥ លាននាក់ក្នុងឆ្នាំ ២០១៤។ នៅឆ្នាំ ១៩៩២ អង្គរវត្ត ដែលជាវិមានសាសនាធំជាងគេបំផុតក្នុងពិភពលោក ត្រូវបានដាក់ឈ្មោះជាតំបន់បេតិកភណ្ឌពិភពលោក។ វាទាក់ទាញបាននូវផលប្រយោជន៍យ៉ាងសំខាន់ ធ្វើឲ្យមានកំណើនសណ្ឋាគារ និង សេវាដទៃៗទៀតក្នុងទីក្រុងក្បែរខាងខេត្តសៀមរាប។ ខណៈពេលដែលប្រាសាទនេះបានក្លាយជាតំបន់ដែលល្បីល្បាញជាងគេបំផុតនៅកម្ពុជា វាមិនមានកង្វះខាតនៃបេតិកភណ្ឌវប្បធម៌ និងសម្រស់ធម្មជាតិទៀតទេសម្រាប់ទាក់ទាញ លុយដុល្លាពីទេសចរណ៍បន្ថែមទៀតមកឲ្យប្រទេស។ ការអភិវឌ្ឍសណ្ឋាគារ ទាលានវាយកូនហ្គោល និងសេវាដទៃទៀត គឺជាទីផ្សារយ៉ាងខ្លាំងក្លា។ រាជរដ្ឋាភិបាលមានកំណត់ត្រាតាមដាននូវការដោះស្រាយជាមួយនឹងផ្នែកអភិវឌ្ឍនេះ ដូចជានៅព្រលានយន្តហោះអន្តរជាតិភ្នំពេញ ដែលត្រូវបានមើលឃើញនាពេលថ្មីៗនេះថាជាលទ្ធភាពដ៏ធំសម្បើមសម្រាប់ការអភិវឌ្ឍ។ កំណើនលក់រាយៈ វិស័យទីផ្សារលក់រាយកំពុងកើនឡើងយ៉ាងឆាប់រហ័សៈ ផ្សារទំនើបថ្មីៗដូចជា អ៊ីអន ពោលគឺអ៊ីអន ២ និង ផាកសាន់នឹងដាក់ដំណើរការឆាប់ៗក្នុងឆ្នាំ ២០១៦ កំពុងតែមានឥទ្ធិពលយ៉ាងខ្លាំងក្លានៅលើវិស័យលក់រាយនៅរាជាធានីភ្នំពេញ។ បើយោងទៅតាមក្រុមហ៊ុន Knight Frank Cambodia បានឲ្យដឹងថា “អចលនទ្រព្យកម្ពុជាបានគូសបញ្ជាក់នូវពាក់កណ្ដាលឆ្នាំ ២០១៥ថា ការផ្គតផ្គង់សរុបកំពុងកសាងយ៉ាងលឿនៈ ឆ្នាំ២០១១ ទំហំ ៥៩,១៥៤ ម៉ែត្រក្រឡា, ២០១២ ទំហំ ៦៦,១៥៤ ម៉ែត្រក្រឡា, ២០១៣ ទំហំ ៧២,១១៤ ម៉ែត្រក្រឡា, ២០១៤-១៥ទំហំ ១៣៤, ១៥៣ ម៉ែត្រក្រឡា, ឆ្នាំ២០១៦ ប្រហែល ២២៣,១៧៣ ម៉ែត្រក្រឡា, ២០១៧ ប្រហែល ២៩៧,៥៩១ ម៉ែត្រក្រឡា។ ជាមួយនឹងច្រកចូលនៃម្ចាស់ក្រុមហ៊ុនម៉ាកថ្មី និងការពង្រីកបន្ថែមនូវសិទ្ធិអាជីវកម្មដែលមានស្រាប់ក្នុងវិស័យលក់រាយ ការផ្គត់ផ្គង់នៅតាមស្រុកខណ្ឌ កំពុងថយចុះ។ ការធ្លាក់ចុះហ៊ុននៃការផ្គត់ផ្គង់លក់រាយអាចទាក់ទិនទៅនឹងម៉ាក់ថ្មីៗ ដែលមានស្រាប់ កំពុងតែកើនឡើងខ្លាំងនៅខាងក្រៅរាជធានីភ្នំពេញ ដែលអតិថិជនជាច្រើនកំពុងជ្រើសរើសជាកន្លែងសម្រាប់រស់នៅ។ ឱកាសវិនិយោគផ្នែកកសិកម្មៈ ដោយមានទឹកបរិបូរនិងដីសំបូរជីជាតិ ផ្សំនឹងកម្លាំងពលកម្មដែលអាចស្វែងរកបាននៅក្នុងស្រុក បង្កើតបាននូវឱកាសសំខាន់មួយសម្រាប់ ការវិនិយោគ និងការអភិវឌ្ឍផ្នែកកសិកម្ម ដូចជាការធ្វើកសិកម្មសរីរាង្គ និងកសិកម្មកែឆ្នៃ។ ដៃគូបរទេសមិនត្រឹមតែនាំដើមទុនមកប៉ុណ្ណោះទេ តែថែមទាំងនាំមកនូវចំណេះដឹងនិងជំនាញពិសេសមកជាមួយផង។ ទោះបីជាវិនិយោគិនបរទេសមិនមានសិទ្ធិកាន់កាប់ដីធ្លីក៏ដោយ ក៏ការកាន់កាប់ដីអាចធ្វើទៅបានតាមរយៈកិច្ចសន្យាជួលនិងបណ្ដាក់ទុនរួម រយៈពេល ៩៩ឆ្នាំ ដែលដៃគូក្នុងស្រុកកាន់កាប់យ៉ាងហោច ៥១ភាគរយនៃហ៊ុនសរុប។ វិស័យកសិកម្មសំខាន់ៗមួយចំនួនរួមមានៈ ជលផល, ការកែឆ្នៃកៅស៊ូ, ការកែឆ្នាំស្ករ, ក្រចៅ, រោងចក្រចម្រាញ់ប្រេងដូង, និង ផ្លែឈើតំបន់ត្រូពិក ព្រមទាំងផលិតផលសរីរាង្គជាច្រើនប្រភេទទៀត។ ការវិនិយោគផ្ទាល់ពីបរទេស (FDI): ពេញមួយទសវត្សឆ្នាំ ១៩៩០ ប្រទេសកម្ពុជាបានទាក់ទាញចំនួនកើនឡើងនៃការវិនិយោគផ្ទាល់ពីបរទេស។ ម៉ាឡេស៊ីបានទទួលមុនគេ ហើយបានច្បាមយកនូវផលចំណេញយ៉ាងសម្បើមអស្ចារ្យក្នុងនាមជាអ្នកមកកាន់ទីនេះដម្បូងគេ ព្រមទាំងទទួលបានសម្បទានវិនិយោគ ដូចជាការរុករករ៉ែ និងព្រៃឈើជាដើម។ ប្រទេសកម្ពុជាបានធ្វើដំណើរយ៉ាងវែងឆ្ងាយចាប់តាំងពីម៉ាឡេស៊ីបានកត់សម្គាល់ជាលើកដម្បូងចំពោះប្រទេសនេះនៅក្នុងលក្ខខណ្ឌនៃការកែលម្អនិងការអភិវឌ្ឍផ្ទៃក្នុង ប៉ុន្តែនៅតែមានកន្លែងទំនេរយ៉ាងធំធេងសម្រាប់ការអភិវឌ្ឍបន្ថែមទៀត។ កំណត់ត្រាតាមដានដ៏ល្អមួយនៃការកែលម្អផ្សំជាមួយនឹង កំណើនដែលនៅមានសល់យ៉ាងច្រើនគឺជាស្ថានភាពមួយដែលទាកទាញវិនិយោគិនបានយ៉ាងអស្ចារ្យ។ សូមពិនិត្យមើលប្រភពសំខាន់ៗដទៃទៀត នៅលើគេហទំព័រ Realestate.com.kh ក្នុង ទម្រង់ទីតាំងរបស់យើង និង មគ្គុទ្ទេសក៍វិនិយោគិនៈ សិក្សាបន្ថែមទៀតអំពី ប្រទេសកម្ពុជា, រាជធានីភ្នំពេញ, ខេត្តសៀមរាប, និងក្រុងព្រះសីហនុ។ សិក្សាបន្ថែមទៀតអំពី ការវិនិយោគក្នុងប្រទេសកម្ពុជា, កម្មសិទ្ធិភាពរបស់ជនបរទេសនៅកម្ពុជា និង បទពិសោធន៍ជនបរទេសនៅកម្ពុជា! ៣) ការពិនិត្យឡើងវិញអចលនទ្រព្យកម្ពុជា ឆ្នាំ២០១៥ របស់គេហទំព័រ Realestate.com.kh: តើស្ថានភាពអភិវឌ្ឍរបស់ប្រទេសនាពេលឥឡូវនេះគឺឆ្នាំ ២០១៦បានមកដល់ វាយ៉ាងម៉េចដែរសម្រាប់វិនិយោគិនអចលនទ្រព្យ? សេដ្ឋកិច្ចកំពុងរីកលូតលាស់យ៉ាងឆាប់រហ័សៈ កំណើនសេដ្ឋកិច្ចរបស់កម្ពុជា ជាង១០ឆ្នាំកន្លងមកនេះ គឺជាតំបន់ដែលមានសេដ្ឋកិច្ចរហ័សបំផុត និងស្ថេរភាពបំផុតក្នុងតំបន់អាស៊ីអគ្នេយ៍ កំណត់ត្រាកំណើនGDPជាមធ្យមគឺ ៧.០% ក្នុងមួយឆ្នាំចាប់តាំងពីឆ្នាំ២០១០មក។ ក្នុងឆ្នាំ២០១៥ អត្រានេះបានធ្លាក់ចុះតែបន្តិចប៉ុណ្ណោះគឺមកនៅត្រឹម ៦.៩ %។ កម្ពុជាមានស្ថិតិប្រជាជនសរុបចំនួន ១៥.៤ លាននាក់ ហើយភ្នំពេញដែលជារាជធានី និងជាមជ្ឈមណ្ឌលសេដ្ឋកិច្ចនៃប្រទេសកម្ពុជាមានស្ថិតិប្រជាជនសរុបប្រហែលជា ២.៥ លាននាក់ ក្នុងឆ្នាំ២០១៥នេះ គឺជា ស្ថិតនៅលំដាប់លេខ២ បន្ទាប់ពីឡាវនិងអាស៊ីអគ្នេយ៍ សម្រាប់អត្រានៃការពង្រីកទីក្រុងបន្ថែមយ៉ាងឆាប់រហ័ស នេះបើតាមការគូសបញ្ជាក់ដោយធនាគារពិភពលោក។ អាថ៌កំបាំងមួយក្នុងចំណោមអាថ៌កំបាំងសំខាន់ៗ របស់ប្រទេសកម្ពុជាដើម្បីទទួលបានជោគជ័យ ក្នុងកំណើនសេដ្ឋកិច្ចរបស់ខ្លួនបានបង្កើតនូវបរិយាកាសទាក់ទាញសម្រាប់ការវិនិយោគបរទេសហើយនេះនៅតែជាកម្លាំងចលករដ៏សំខាន់។ នៅឆ្នាំ ២០១៥ កម្ពុជាទទួលបានជាង ៤កោដិដុល្លាអាមេរិក ក្នុងការវិនិយោគផ្ទាល់ពីបរទេស (FDI) និងមានជនបរទេសអចិន្រ្តៃយ៍ជាង ៧៨,០០០ នាក់។ Realestate.com.kh បានស្នើថាកម្ពុជាកំពុងក្លាយជាមេដែកសម្រាប់ការវិនិយោគផ្ទាល់ពីបរទេសដោយសារតែភាពសម្បូរបែបនៃកម្លាំងពលកម្មដែលមានតម្លៃទាប, នគរូបនីយកម្មយ៉ាងឆាប់រហ័ស, ទីផ្សារអតិថិជនវណ្ណៈកណ្តាលកំពុងកើនឡើង, ឧបសគ្គតិចតួចក្នុងការជ្រៀតចូលសម្រាប់អាជីវកម្មបរទេស, ភាពជំនាញពិតប្រាកដក្នុងភាសាអង់គ្លេស, ការលើកទឹកចិត្តផ្នែកពន្ធដារគួរឱ្យទាក់ទាញ និងការលើកលែងពន្ធនាំចូល / នាំចេញ បន្តកែលម្អបណ្តាញភស្តុភារ និងសេដ្ឋកិច្ចដែលគាំទ្រដោយប្រាក់ដុល្លារអាមេរិក។ ជាងនេះទៅទៀ ដោយមានចំណងសាមគ្គីភាពនៃអាស៊ាន ប្រទេសកម្ពុជាស្ថិតនៅក្នុងទីតាំងល្អ ហ៊ុំព័ទ្ធដោយប្រទេសដែលមាន សេដ្ឋកិច្ចក្នុងតំបន់ខ្លាំងៗ កំពុងតែជួលយកប្រតិបត្តិផលិតដែលមានជំនាញកម្រិតទាននិងកណ្ដាលមកកាន់ព្រះរាជាណាចក្រមួយនេះ។ ឱកាសឧស្សាហកម្មថ្មីៗទាំងនេះ កំពុងតែបន្ធូបន្ថយការពឹងផ្អែកសេដ្ឋកិច្ចតែទៅលើឧស្សាហកម្មកាត់ដេរ ហើយផ្ដល់ឱកាសបន្ថែមទៀតដល់កម្មករដែលមានប្រាក់ឈ្នួលទាបសម្រាប់កំណើនមុខរបរនិងជំនាញ។ ប្រជាជនកម្ពុជាកំពុងតែឈានចូលទៅរកសមាគមពិភពលោករួមគ្នាតែមួយតាមរយៈបច្ចេកវិទ្យាផងដែរ ពោលគឺតាមរយៈការ កើនឡើងយ៉ាងគំហុកនូវច្រកចូលបណ្ដាញអ៊ិនធើណិតសម្រាប់ប្រជាជនទាំងអស់។ ក្នុងឆ្នាំ២០១៥ កម្ពុជាមានអ្នកប្រើប្រាស់អ៊ិនធើណិតដល់ទៅជាង ៥លាននាក់ ស្មើនឹង មួយភាគបីនៃចំនួនប្រជាជនសរុប ។ ចាប់តាំងពីឆ្នាំ ២០១០មក ជនបរទេសត្រូវបានអនុញ្ញាតឲ្យកាន់កាប់បន្ទប់ជួល និងខុនដូ នៅក្នុងប្រទេសកម្ពុជា ប៉ុន្តែមិនមែនជា ដីធ្លីទេ ហើយក៏មិនមែនអគារជាន់ទី១ដែរ។ ខណៈពេលដែលការកាន់កាប់ដីធ្លីរបស់ជនបរទេសនៅមិនទាន់ស្របច្បាប់ ដីធ្លីអាចត្រូវបានជួលក្នុងរយៈពេលវែងដោយជនបរទេស ហើយដែលអាចជួលជាថ្មីបានទៀត និងតាមរយៈក្រុមហ៊ុនកាន់កាប់ក្នុងតំបន់ចំនួនភាគច្រើន ចូលហ៊ុនគ្នានៅក្នុងប្រទេសកម្ពុជា។ រចនាសម្ព័ន្ធទាំងនេះ គឺមានសុវត្ថិភាពជាង គម្រោងផ្លូវច្បាប់របស់ប្រទេសដទៃក្នុងអាស៊ីអគ្នេយ៍នេះ ដែលសិទ្ធិកាន់កាប់ដីធ្លីជនបរទេសត្រូវបានហាមឃាត់។ ទិដ្ឋភាពទូទៅរាជាធានីភ្នំពេញៈ ភ្នំពេញគឺជារាជធានីនៃប្រទេសកម្ពុជា ស្ថិតនៅចំណុចប្រសព្វនៃទន្លេទាំងបីគឺ ទន្លេមេគង្គ, ទន្លេបាសាក់ និងទន្លេសាប។ តំបន់ដែលមានប្រជាជនច្រើនកុះករាជធានីភ្នំពេញគឺជា ទីជម្រកសម្រាប់ប្រជាជនប្រហែលជា ២.៥ លាននាក់។ ភ្នំពេញគឺជាមជ្ឈមណ្ឌលសេដ្ឋកិច្ចរបស់កម្ពុជា ព្រោះវាមានចំនួនមួយភាគធំនៃសេដ្ឋកិច្ចកម្ពុជា។ អត្រាកំណើនសេដ្ឋកិច្ចខ្ពស់នៅក្នុងប៉ុន្មានឆ្នាំចុងក្រោយនេះបានបង្កឱ្យមានកំណើនអចលនទ្រព្យនៅរាជធានីភ្នំពេញ ហើយការសាងសង់កពុងតែធ្វើឡើងនៅទូទាំងទីក្រុង, ជាមួយ សណ្ឋាគារថ្មីៗយ៉ាងច្រើនសន្ធឹកសន្ធាប់, ភោជនីយដ្ឋាន, បារ, ព្រមទាំងអគារ លំនៅស្ថាននិងអគារពាណិជ្ជកម្មខ្ពស់ៗ ដែលផុសឡើងនៅជុំវិញទីក្រុង។ តំបន់ឧស្សាហកម្មនៅជាយក្រុង ក៏បានពង្រីកបន្ថែមជាបន្តបន្ទាប់ ក្នុងប៉ុន្មានឆ្នាំថ្មីៗនោះ ព្រមជាមួយកំណើនយ៉ាងធំធេង ក្នុងវិស័យបុរី ពាសពេញតំបន់ជាយក្រុងភ្នំពេញ “បុរី” មានន័យជាពិសេសថាជាការអភិវឌ្ឍលំនៅស្ថានលក្ខណៈសមាគមដោយហេដ្ឋារចនាសម្ពន្ធ ត្រូវរត់ការដោយខ្លួនឯង។ អចលនទ្រព្យប្រភេទនេះកំពុងតែមានប្រជាប្រិយភាពជាមួយនឹងអ្នកទិញក្នុងស្រុក ហើយក៏មានការផ្ដល់ជូនប្រភេទផ្ទះប្លែកៗពីគ្នាផងដែរ។ អចលនទ្រព្យទាំងនេះភាគច្រើនត្រូវបានទិញតាំងពីមុនពេលសាងសង់ម្ល៉េះ។ គម្រោងមេរាជធានីភ្នំពេញឆ្នាំ ២០៣៥ ជិតបានបញ្ចប់ហើយដោយរាជរដ្ឋាភិបាលនៅឆ្នាំនេះ ស្វះស្វែងគ្រប់គ្រងគម្រោងទីក្រុង សម្រាប់ការពង្រីកទីក្រុង និងសាងសង់ហេដ្ឋារចនាសម្ព័ន្ធថ្មីៗ ដើម្បីផ្ដល់ទីស្នាក់អាស្រ័យដល់ចំនួនប្រជាជនដែលកំពុងេតែកើនឡើង។ រហូតមកដល់ឥឡូវ ទីក្រុងមិនទាន់មានបទបញ្ញត្តិបែងចែកតំបន់ ហើយក៏មិនទាន់មានគម្រោងអភិវឌ្ឍក្រុងជាក់ច្បាស់ដែរ។ បើយោងទៅលើការស្រាវជ្រាវរបស់គេហទំព័រ Realestate.com.kh បានឲ្យដឹងថា ផ្ទះល្វែងស្ថិតនៅកណ្ដាលក្រុងមានតម្លែប្រហែលជា ៣០០០ដុល្លាអាមេរិកក្នុងមួយម៉ែត្រក្រឡា គិតជាមធ្យមទូទាំងតំបន់ស្នាក់នៅសំខាន់ៗ។ ថ្លៃជួលអាចចាប់ពី ៩ ទៅ ១៤ ដុល្លាអាមេរិកក្នុងមួយម៉ែត្រក្រឡាក្នុងមួយខែអាស្រ័យទៅលើទីតាំងនិងគុណភាព។ ផ្ទះវីឡាជាទូទៅមានតម្លៃថ្លៃជាងផ្ទះល្វែង ប្រហែលជា ៣៥០០ ទៅ ៤៥០០ដុល្លាអាមេរិកក្នុងមួយម៉ែត្រក្រឡា។ តម្លៃជួលសម្រាប់ ផ្ទះវីឡាយ៉ាងទាបចាប់ពី ៦ ទៅ ២៧ ដុល្លាអាមេរិក ក្នុងមួយម៉ែត្រក្រឡា។ ការអភិវឌ្ឍបន្ទប់ជួលពីលំដាប់ទាបទៅមធ្យម សំដៅទីផ្សារក្នុងស្រុក ជាមធ្យម ពី ២០០ ទៅ ៥០០ ដុល្លាអាមេរិកក្នុងមួយខែសម្រាប់ មួយបន្ទប់នៅក្នុងមជ្ឈមណ្ឌលក្រុងភ្នំពេញ។ ទីផ្សារខុនដូប្រណីតមានតម្លៃខ្ពស់និងសេវាល្អ ត្រូវបានដាក់តម្លៃខ្ពស់ជាងនេះ ក៏ប៉ុន្តែតម្លៃទាំងនេះខុសគ្នាទៅតាមការអភិវឌ្ឍ អាស្រ័យលើទំហំ ទីតាំង និងគុណភាព។ សង្កាត់បឹងកេង ខណ្ឌចំការមន ជាខណ្ឌដែលមានតម្លៃថ្លៃជាងគេបំផុតក្នុងរាជធានីភ្នំពេញ ដែលតម្លៃដីធ្លីឡើងដល់ ៦០០០ ដុល្លាក្នុង មួយម៉ែត្រក្រឡា នៅកន្លែងខ្លះ។ កាលដើមឡើយ ផ្ទះវីឡា ជាជម្រើសដ៏មានប្រជាប្រិយសម្រាប់ក្រុមគ្រួសារដែលមានប្រាថ្នារស់នៅ ក្នុងខណ្ឌចំការមន ក៏ប៉ុន្តែជាទូទៅផ្ទះវីឡាជាច្រើននាពេលឥឡូវត្រូវបានកម្ទេចចោល ហើយដីត្រូវបានលក់ចេញសម្រាប់ការអភិវឌ្ឍ ឬត្រូវបម្លែងឲ្យទៅជាសណ្ឋាគារ ឬភោជនីយដ្ឋានទៅវិញ។ ការអភិវឌ្ឍខុនដូ និងសណ្ឋាគារដែលមានតម្លៃថ្លៃ កំពុងតែផ្លាស់ប្ដូរតំបន់នេះ ទាំងស្រុងនាពេលបច្ចុប្បន្ននេះ។ ប៉ុន្តែ ខណៈពេលមានការកកស្ទះកំពុងតែកើនឡើង និងភាពកង្វះខាតនៃចំណតឡាន នៅក្នុងទីក្រុងនិង នៅជុំវិញទីក្រុងកំពុងតែបង្កើតឡើងនូវបញ្ហាយ៉ាងច្រើនសម្រាប់ប្រជាជនដែលរស់នៅក្នុងរាជធានីភ្នំពេញ។ តំបន់អចលនទ្រព្យលំនៅស្ថានរាជធានីភ្នំពេញបន្តទៀតនេះរួមមាន តំបន់នៅភាគខាងលិច និងខាងត្បូងទីក្រុង ផ្ទៃដីតំបន់ជ្រោយចង្វាកំពុងតែមើលឃើញថាជាតំបន់អភិវឌ្ឍដ៏ធំសម្រាប់អ្នកអភិវឌ្ឍបរទេស និងក្នុងស្រុក ហើយការដាក់កម្រិតកម្ពស់នៅទីនេះស្ដីទៅលើអគារថ្មីៗមិនមានកំណត់ទេ។ តំបន់ទាំងនេះគឺវាកៀកនឹងរាជធានីភ្នំពេញ តែតម្លៃដីធ្លីនៅទាបជាគេឆ្ងាយណាស់។ បច្ចុប្បន្ននេះ កន្លែងទំនេរសម្រាប់ការិយាល័យលំដាប់ខ្ពស់ និងលំដាប់មធ្យមទូទាំងក្រុងភ្នំពេញកំពុងតែកើនឡើងយ៉ាងគំហុក ជាមួយនឹងគម្រោងអគារខ្ពស់ៗ ចាប់ផ្ដើមដាក់ចូលទៅក្នុងទីផ្សារ បម្រុងនឹងបញ្ចប់ប៉ុន្មានឆ្នាំខាងមុខ។ បរិវេណការិយាល័យថ្មីៗទាំងនេះ នាំមកជូនក្នុងតម្លៃដែលអាចផ្ដួលតម្លៃផ្ទះវីឡា ផ្ទះល្វែង និងអចលនទ្រព្យចាស់ៗដទៃទៀត។ ការិយាល័យចំណាត់ថ្នាក់ B&C បង្ហាញឲ្យឃើញនូវប្រជាប្រិយភាពខ្លាំងបំផុត ខណៈពេលដែលការិយាល័យចំណាត់ថ្នាក់ A គឺហួសពីថិវិការបស់ក្រុមហ៊ុនក្នុងស្រុក។ ជម្រើសអចលនទ្យព្យពាណិជ្ជកម្មនៅក្រុងភ្នំពេញ ត្រូវបានកំណត់ថានឹងរីកចម្រើនខ្លាំងនាពេលអនាគត ជាពិសេសជាមួយនឹងការកើនឡើងនៃអាស៊ាន និង សមាគមសេដ្ឋកិច្ចអាស៊ាន (AEC)។ និន្នាការមួយទៀតគឺ អំពីការមកដល់នៃមជ្ឈមណ្ឌលលក់ទំនិញ និងផ្សារទំនើបគុណភាពខ្ពស់។ ហាងលក់ទំនិញអន្តរជាតិលេខមួយនៅកម្ពុជា បានបើកទ្វាររបស់ខ្លួននៅក្នុងខែ មិថុនាឆ្នាំ២០១៤ គឺផ្សារអ៊ីអន។ ផ្សារអ៊ីអនបានមើលឃើញនូវតម្រូវការខ្ពស់សម្រាប់ ហាងលក់ទំនិញពីអ្នកលក់រាយបរទេស និងក្នុងស្រុក។ អ្នកទិញសិទ្ធិអាជីវកម្មអន្តរជាតិប្រភេទថ្មី ដែលមិនបានអើពើនឹងទីផ្សារកម្ពុជាអស់រយៈពេលជាច្រើនឆ្នាំ បដិសេធមិនព្រមចូលមកកាន់ទីផ្សារនេះ បែជាមើលឃើញនូវចំណុចទាក់ទាញនៃការកាន់កាប់តំណែងទាំងនេះនៅក្នុងបរិវេណទាំងឡាយដូចជា អ៊ីអនម៉ល ខណៈពេលដែលវាឆ្លុះបញ្ចាំងនូវស្តង់ដារអន្តរជាតិនៃទីកន្លែងលក់រាយ និងការគ្រប់គ្រងកន្លែងលក់រាយ។ ផ្សារទំនើបថ្មីនេះបានបញ្ចុះបញ្ចូលអ្នកទិញសិទ្ធិអាជីវកម្មទាំងនេះ ថា មានឱកាសជាច្រើន ហើយថាមានកន្លែងរួចជាស្រេចសម្រាប់ពួកគេដើម្បីចាប់ផ្ដើមដាក់នូវផលិតផលដែលមានម៉ាករបស់ពួកគេ។ ផាកសាន់ម៉ល នៅវិថីសហពន្ធរុស្ស៊ីគឺជាផ្សារទំនើបបន្ទាប់ដែលត្រូវបើកនៅរាជធានីភ្នំពេញ ហើយកំពុងតែស្ថិតនៅក្រោមការសាងសង់។ អ៊ីអនទី២ ក៏កំពុងតែមានពាក្យចចាមអារាមថានឹងត្រូវសាងសង់បន្តទៀត។ រុក្ខវិថីទួលគោកគឺជាមជ្ឈមណ្ឌលលក់ទំនិញ និងបរិវេណរោងកុនដ៏ល្បីល្បាញ សាងសង់យ៉ាងល្អប្រសើរ និងទំនើប ស្ថិតនៅក្នុងខណ្ឌទួលគោក។ ទីផ្សារខុនដូក្នុងរាជធានីភ្នំពេញបន្តពង្រីកបន្ថែម ជាមួយនឹងវិនិយោគិនដម្បូង នៅក្នុងតំបន់អភិវឌ្ឍមជ្ឈិមរីករាយនឹងអំណររហូតដល់ទៅ ៣០%ពីការទិញគម្រោងមុនការសាងសង់។ ការអភិវឌ្ឍខុនដូដែលមានតម្លៃថ្លៃត្រូវបានកំណត់ថាបន្តបង្កើតនៅក្នុងទីតាំងលំនៅស្ថានសំខាន់ៗ ជាមួយនឹងអ្នកអភិវឌ្ឍដែលកំពុងតែផ្ដល់ជូននូវគម្រោងប្រណីតៗ នៅខាងក្រៅខណ្ឌលំនៅស្ថានបែបប្រពៃណី។ ខណៈពេលដែលទីផ្សារខុនដូត្រូវបានគ្របដណ្ដប់ដោយវិនិយោគិនបរទេស អតិថិជនជនជាតិខ្មែរកំពុងតែចាប់ផ្ដើមមានតម្រូវការខុនដូ យ៉ាងច្រើនលើសលប់សម្រាប់គោលបំណងវិនិយោគ និង សម្រាប់ដាក់ជួល។ បញ្ហានេះបាននាំទៅរកនិន្នាការនៃអ្នកអភិវឌ្ឍក្នុងស្រុកផ្ដល់ជូននូវគម្រោងអភិវឌ្ឍខុនដូថ្នាក់ទាបទៅកាន់ទីផ្សារ ហើយការអភិវឌ្ឍប្រភេទទាំងនេះ មានតម្លៃចាប់ពី ៣០-៦០,០០០ ដុល្លា ក្នុងមួយឈុត សម្រាប់គម្រោងមុនសាងសង់ ហើយត្រូវបានទិញជាបឋមដោយអតិថិជនក្នុងស្រុក។ តម្រូវការក្នុងស្រុកគឺជាធាតុសំខាន់នៃគម្រោងខុនដូដ៏ជោគជ័យសម្រាប់អ្នកអភិវឌ្ឍក្នុងប្រទេសកម្ពុជា ដោយយោងទៅលើការកាន់កាប់អគារជាលក្ខណៈបុគ្គលរបស់ជនបរទេស (ច្បាប់ភូមិបាល) ត្រូវបានដាក់កំហិតដោយច្បាប់ដល់ទៅ ៧០%។ និន្នាការមួយទៀតយើងនឹងឃើញនៅឆ្នាំ២០១៦នេះគឺបរិវេណអភិវឌ្ឍរួមបញ្ចូលគ្នា រួមមាន ខុនដូ ការិយាល័យ និងកន្លែងលក់រាយ។ គេហទំព័រ Realestate.com.kh សូមស្នើថា មូលហេតុសម្រាប់រឿងរ៉ាវនេះគឺថាអ្នកអភិវឌ្ឍ ដឹងពីការផ្គត់ផ្គង់លើសកំណត់ដែលមានសក្ដានុពល នៅក្នុងទីផ្សារខុនដូសុទ្ធ ក្នុងឆ្នាំ ២០១៨-២០១៩ ហេតុនេះហើយទើបកំពុងបោះទុនទុបស្កាត់ការខាតបង់ជាមួយនឹងការផ្ដល់ជូននូវការអភិវឌ្ឍបូកបញ្ចូលគ្នា។ ការវិនិយោគកំពុងតែកើនឡើងពីប្រជាជនសិង្ហបូរី, ជប៉ុន, កូរ៉េ, តៃវ៉ាន់, ហុងកុង, និងចិន កំពុងបន្តកើនឡើងនៅក្នុងកម្ពុជា ហើយឲ្យផលយ៉ាងខ្ពស់ធានាដោយអ្នកអភិវឌ្ឍជាច្រើន នៅតែទាក់ទាញអតិថិជនពីបរទេសដែលមើលឃើញឱកាសវិជ្ជមានសម្រាប់អំណោយផលក្នុងការអភិវឌ្ឍនៅកម្ពុជា បើប្រៀបធៀបទៅនឹងទីផ្សារក្នុងស្រុកដ៏យឺតយ៉ាវរបស់ពួកគេ។ ហេតុនេះអ្នកអភិវឌ្ឍមកពីចម្ងាយក្នុងប្រទេសកម្ពុជា បានផ្ដោតទៅលើទីផ្សារដែលមានតម្លៃខ្ពស់ និងវណ្ណៈកណ្ដាលជាន់លើមួយចំនួន ខណៈដែលទីផ្សារទាំងពីរនេះតំណាងឲ្យ វត្ថុអ្វីមួយដែលងាយនឹងទទួលយកបានបំផុត។ គេហទំព័រ Realestate.com.kh នៅតែស្នើថា តម្រូវការដ៏ធំសម្បើមមានការអភិវឌ្ឍលំនៅស្ថានដែលមានគុណភាព និងអាចលៃលកបាននៅក្នុងប្រទេសកម្ពុជា សក្ដិសមចំពោះតម្រូវការនៃអ្នកដែលមានវណ្ណៈកណ្ដាលជាន់ទាប និងអ្នកដែលរកចំណូលបានទាប ជាពិសេសនៅក្នុងការពង្រីកមជ្ឈមណ្ឌលទីក្រុង។ ដោយគ្មានអន្តរាគមពីរដ្ឋាភិបាលដែលស្នើឡើងណាមួយ នៅក្នុងទីផ្សារសម្រាប់តម្រូវការនេះ គឺហាក់ដូចជាផ្ដល់ជូននូវឱកាសដ៏អស្ចារ្យទៅឲ្យអ្នកអភិវឌ្ឍមានលទ្ធភាពដើម្បីបំពេញបំណងចំពោះប្រជាជនដ៏ច្រើនកុះករនេះ។ សូមពិនិត្យមើលប្រភពសំខាន់ៗដទៃទៀត នៅលើគេហទំព័រ Realestate.com.kh ក្នុង ទម្រង់ទីតាំងរបស់យើង និង មគ្គុទ្ទេសក៍វិនិយោគិនៈ សិក្សាបន្ថែមទៀតអំពី រាជធានីភ្នំពេញ... កំណើននៅក្រុងព្រះស៊ីហនុៈ ខណៈពេលដែលតម្លៃអចលនទព្យនៅក្នុងក្រុងភ្នំពេញបន្តឡើងថ្លៃខ្លាំង វិនិយោគិនជាច្រើននាក់កំពុងតែត្រូវបានដាក់តម្លៃយ៉ាងឆាប់រហ័ស នូវទីផ្សារលំដាប់ថ្នាក់ទីមួយទាំងនេះ ដោយអ្នកអភិវឌ្ឍជាច្រើនកំពុងស្វែងរកដីធ្លីសម្រាប់គម្រោងបន្ទាប់របស់ពួកគេ។ ក្រុងព្រះសីហនុបានងើបឡើងជាតំបន់វិនិយោគដ៏គួរឲ្យរំភើបនិងមានតម្លៃគួរយកមកពិចារណា។ ជាទីកន្លែងរបស់កំពង់ផែនៃព្រះរាជាណាចក្រកម្ពុជា ក្រុងព្រះស៊ីហនុគឺជារាជានីរបស់ខេត្តដែលមានឈ្មោះតែមួយ ហើយជាលំនៅស្ថានរបស់ប្រជាជនពលរដ្ឋដែលមានស្ថិតិកំពុងតែកើនឡើង ប្រហែលជា ៣០០,០០០នាក់។ ប្រជាពលរដ្ឋនៅក្រុងព្រះស៊ីហនុជាច្រើននាក់ រស់នៅទីនោះផ្អែកលើកំពង់ផែ ឬ ការផលិតដើម្បីនាំចេញ។ ទីក្រុងនេះគឺជាមូលដ្ឋានផលិតដ៏ធំជាងគេបំផុតទីពីរបន្ទាប់ពីរាជាធានីភ្នំពេញ ដែលផលិតផលភាគច្រើនគឺជាសម្លៀកបំពាក់និងស្បែកជើង។ គម្រោងរបស់រដ្ឋាភិបាលដើម្បីបម្លែងតំបន់នេះឲ្យទៅជាតំបន់សេដ្ឋកិច្ចពិសេសទាំងស្រុង ហើយ ឥឡូវនេះកំពុងតែ បូមខ្សាច់ចេញពីកំពង់ផែដើម្បីគាំទ្រនាវាដឹកទំនិញធំៗ។ អាងស្តុកប្រេងដ៏ធំមាននៅលើកោះនៃក្រុងព្រះសីហនុ ត្រូវបានគេរំពឹងទុករួចជាស្រេច ហើយគម្រោងត្រូវបានធ្វើឡើងសម្រាប់ការទាញយកមកប្រើប្រាស់ក្នុងឆ្នាំខាងមុខ។ នៅក្នុងឆ្នាំ២០១៥ ភាគរយជាមធ្យមនៃកំណើនពីមួយឆ្នាំទៅមួយឆ្នាំប្រហែលជា ១៥-២៥ ភាគរយសម្រប់ដីធ្លីដែលស្ថិតនៅក្នុងក្រុងព្រះសីហនុ នេះបើយោងទៅតាមការស្រាវជ្រាវរបស់គេហទំព័រ Realestate.com.kh ក៏ប៉ុន្តែនៅតាមបណ្ដោយផ្លូវតាមមាត់ឆ្នេរនិងផ្លូវពាណិជ្ជកម្មធំៗ តម្លៃបានកើនឡើងយ៉ាងគំហុកក្នុងរយៈពេលប៉ុន្មានឆ្នាំថ្មីៗនេះ ពោលគឺក្នុងកន្លែងខ្លះ រវៀង ពី ៤០-៥០ភាគរយបើប្រៀបធៀបទៅនឹងតម្លៃក្នុងឆ្នាំ ២០១៣-១៤។ ក្រុងព្រះសីហនុផ្ដល់នូវឱកាសសម្រាប់ដីធ្លីដែលមានតម្លៃថោកយកទៅអភិវឌ្ឍឲ្យទៅជា កន្លែងកម្សាន្ត (រីសត), ការិយាល័យ, ផ្ទះសំណាក់, សណ្ឋាគារ, និងបន្ទប់ជួល។ ខណៈពេលដែលដើមទុនវិនិយោគបន្តហូរទៅក្នុងតំបន់ ជាពិសេសពីជនជាតចិន តំបន់នេះកំពុងតែមើលឃើញនូវការចាប់ផ្ដើមនៃទីផ្សារខុនដូដែលមានតម្លៃថ្លៃ ជាមួយនឹងគម្រោងដែលមានទំហំធំផ្សេងៗគ្នាដាក់ឲ្យដំណើរការ រួចជាស្រេច។ សូមពិនិត្យមើលប្រភពសំខាន់ៗដទៃទៀត នៅលើគេហទំព័រ Realestate.com.kh ក្នុង ទម្រង់ទីតាំងរបស់យើង និង មគ្គុទ្ទេសក៍វិនិយោគិនៈ សិក្សាបន្ថែមទៀតអំពី ក្រុងព្រះសីហនុ... តើអ្វីគឺជាសភាពនៃទីផ្សារខុនដូ? វាមិនមែនជារឿងចៃដន្យនោះទេនៅពេលដែលវិនិយោគិនបរទេសចូលមកកម្ពុជា ហើយចំណាយលុយរាប់លានទៅលើគម្រោងខុនដូច ដែលកំពុងកើនឡើងខ្ពស់។ ហេតុអ្វីបានជាវិនិយោគិនបរទេសវិនិយោគក្នុងវិស័យខុនដូកម្ពុជា? ចម្លើយគឺពាក់ព័ន្ធនឹងស្ថេរភាពនយោបាយ, កំណើនសេដ្ឋកិច្ចខ្លាំង, ហើយនឹងការប្រើប្រាស់លុយដុល្លាដោយសេរី។ សេដ្ឋកិច្ចកម្ពុជាបានកើនឡើងយ៉ាងឆាប់រហ័សចាប់តាំងពីសង្គ្រាមស៊ីវិលត្រូវបានបញ្ចប់ ហើយស្ថេរភាពនយោបាយត្រូវបានធ្វើឲ្យសម្រេចក្នុងរយៈពេលត្រឹមតែពីរទសវត្ស។ កម្ពុជាទទួលបានកំណើនផលិតផលសរុបក្នុងស្រុក ៧.៨ភាគរយ រៀងរាល់ឆ្នាំចាប់តាំងពីពេលនោះមក(GDP) ដែលធ្វើឲ្យប្រទេសកម្ពុជាក្លាយជាប្រទេសដែលមានសេដ្ឋកិច្ចរីកលូតលាស់លឿនបំផុតទី ៦ ក្នុងពិភពលោក។ នាយកប្រតិបត្តិ អភិវឌ្ឍ Eastland HK លោក សំា យ៉ាង ដែលបានសាងសង់ខុនដូនិងអគារការិយាល័យខ្ពស់ៗនៅកម្ពុជា ក្នុងទីក្រុងភ្នពេញ បានមានប្រសាសន៍ថា គម្រោងចុងក្រោយបំផុតរបស់គាត់ គឺមជ្ឈមណ្ឌលពាណិជ្ជកម្មបូព៌ា (ECC) នឹងបញ្ចប់នៅចុងឆ្នាំ ២០១៧ ។ អគារនេះមានកម្ពស់ ៣៨ ជាន់តាមបណ្ដោយមហាវិថីព្រះនរោត្តម ដែលមានបន្ទប់ការិយាល័យតូចៗល្មមសម្រាប់លក់ និងជួល ជាមួយនឹងតម្លៃសមរម្យ និងទីតាំងល្អ។ យើងនៅតែនិយាយ “ខ្ញុំគិតថា ឆ្នាំ២០១៨គឺ អូខេ។ គ្មានទីផ្សារណាមួយដែលមិនត្រូវបានប៉ះពាល់ដោយនយោបាយនោះទេ។ អ្នកត្រូវតែចងចាំថា ប្រទេសភូមានិងថៃ ក៏នឹងមានការបោះឆ្នោតដែរ ហើយវាក៏នឹងមានស្ថានភាពដូចគ្នានឹងយើងព្យាករទុកក្នុងប្រទេសកម្ពុជាដែរ”។ គាត់បានបន្តទៀតថា មានចំណុចសំខាន់ៗបីនៅក្នុងទីផ្សារនេះ ដែលធ្វើឲ្យវាទាក់ទាញខ្លាំងបំផុត។ ទីមួយ យើងជឿជាក់ថា កំណើនសេដ្ឋកិច្ចអន្តរជាតិដ៏ធំបំផុតបន្ទាប់នឹងកើតមានឡើងក្នុងប្រទេសអាស៊ាន។ ទីពីរ កម្ពុជា គឺជាប្រទេសទីបីនៅក្នុងអាស៊ាន ដែលត្រូវទទួលបានស្ថេរភាពនយោបាយ។ ទីបីវិនិយោគិនអាចពឹងលើប្រាក់ដុល្លានៅក្នុងប្រទេសកម្ពុជា ហើយនេះជាចំណុចដែលទាក់ខ្លាំងជាងគេ”។ លោកយ៉ាងក៏បានមើលឃើញផងដែរនូវការវិនិយោគរបស់ជនជាតិចិនកំពុងបន្តកើនឡើងក្នុងរយៈពេលប៉ុន្មានឆ្នាំបន្ទាប់ ដោយលើកគម្រោងសម្រាប់ផ្លូវដែកចិនក្នុងតំបន់នាឆ្នាំខាងមុខៗ។ គាត់បានបន្ថែមទៀតថាហេតុនេះទីផ្សាអចលនទ្រព្យនៅកម្ពុជា បានទាក់ទាញតែក្រុមវិនិយោគតូចៗប៉ុណ្ណោះ បើប្រៀបធៀបនឹងការវិនិយោគធំដែលមានស្តង់ដារអន្តរជាតិ។ ជាទូទៅ ការវិនិយោគផ្នែកអចលនទ្រព្យថ្មីៗ នៅកម្ពុជាត្រូវបានដាក់តម្លៃនៅត្រឹមប្រហែល ពី ៥ ទៅ ១០ លានដុល្លាប៉ុណ្ណោះ។ មូលនិធិវិនិយោគអចលនទ្រព្យធំជាងនេះ ចាប់ពី ២០០ ទៅ ៦០០ លានដុល្លា មិនទាន់មកដល់កម្ពុជានៅឡើយទេ ក៏ប៉ុន្តែវានឹងមកដល់ក្នុងពេលឆាប់ៗនេះ។ “ទីផ្សារខុនដូនៅកម្ពុជានឹងបន្តកែលម្អ ហើយវិនិយោគិនជនជាតិចិនគ្រោងសាងសង់ផ្លូវថ្នល់ និងផ្លូវដែកបន្ថែមទៀតក្នុងឆ្នាំ២០១៨ ដើម្បីភ្ជាប់ទៅទីផ្សារអាស៊ានរួមគ្នា” លោកសាម យ៉ាង បានអះអាង។ “ទោះបីជាការវិនិយោគ នៅកម្ពុជា កំពុងតែកើនឡើងយ៉ាងឆាប់រហ័ស ក៏ដោយ ក៏យើងនៅតែគិតអំពីការផ្គត់ផ្គង់ដ៏ត្រឹមត្រូវខណៈពេលដែលប្រទេសនេះកំពុងអភិវឌ្ឍ។ មូលហេតុនេះហើយដែល មជ្ឈមណ្ឌលពាណិជ្ជកម្មបូព៌ា (ECC) កំពុងផ្ដោតមកលើការិយាល័យដែលអាចលៃលកបាន”។ នាយកក្រុមហ៊ុន JS Land Limited លោកកុយ លីសាន បាននិយាយថា បើទោះជាមានគម្រោងខុនដូជាច្រើនកំពុងត្រូវបាន សាងសង់នាពេលបច្ចុប្បន្ននេះក៏ដោយ ក៏ខុនដូមួយចំនួនមិនឆ្លើយតបទៅនឹងតម្រូវការរបស់អតិថិជន ទេ ហើយម្យ៉ាងទៀតវាថ្លៃខ្លាំងពេក។ តម្លៃក្នុងមួយឈុតប្រហែជា ៨ ទៅ ១០ម៉ឺនដុល្លា មិនសក្ដិសមទៅនឹងប្រាក់ចំណូលនៅកម្ពុជា។ គាត់បន្តនិយាយថា តម្រូវការ កន្លែងស្នាក់អាស្រ័យសម្រាប់ប្រជាជនក្នុងស្រុក និងជនបរទេស កំពុងតែកើនឡើង ប៉ុន្តែគម្រោងខុនដូភាគច្រើននៅតែមានតម្លៃខ្ពស់ដដែល។ ការស្វែងយល់នេះបានជំរុញឲ្យមានគម្រោងថ្មីមួយរបស់ JS Land. គម្រោងខុនដូនៅកម្ពុជា គឺមានកម្ពស់ ១៩ ជាន់ និងមាន ២១២ ឈុត។ ក្នុងមួយឈុតតម្លៃត្រឹមតែ ៣៨០០០ដុល្លាប៉ុណ្ណោះ។ រឿងដែលសំខាន់គឺថា វានឹងមានភាពងាយស្រួលសម្រាប់អតិថិជន ដើម្បីធ្វើសហប្រតិបត្តិការជាមួយនិងធនាគារ May bank ដែលបានផ្ដល់ហិរញ្ញប្បទានសម្រាប់គម្រោងនេះ។ ពួកគេអាចបង់រំលោះក្នុងរយៈពេលវែង ពី ២០ ទៅ ២៥ ឆ្នាំ ដោយអនុញ្ញាតឲ្យអតិថិជនគ្រប់គ្រងការវិនិយោគរបស់ពួកគេ ជាមួយនឹងប្រាក់ចំណូលមធ្យមទាប សម្រាប់ប្រជាជនទូទាំងប្រទេស។ នាយិកាប្រតិបត្តិរបស់ KH NIRON Investment អ្នកស្រី ឡុក សុវណ្ណា វិនិយោគនៅក្នុងគម្រោងខុនដូជាច្រើន ដើម្បីលក់បន្ត។ គាត់បានមានប្រសាសន៍ថា “វាមានហានីភ័យខ្លះៗដែរ ប៉ុន្តែយើងសង្កេតឃើញថា ប្រជាជនកម្ពុជា និង ជនជាតិបរទេស ត្រូវការខុនដូ និងបន្ទប់ជួលបន្ថែមទៀត ហើយបានស្វែងយល់ពីផល់ប្រយោជន៍ នៃការវិនិយោគធំៗ។ ឧទាហរណ៍មានដូចជា ខុនដូ ក្នុង Bodaiju Residences, DI Riviera, The Peak, The Bridge, and East One. អគ្គនាយកក្រុមហ៊ុន សតវត្សទី ២១ គេវិន គូស បានមានប្រសាសន៍ថា ព្រះរាជាណាចក្រកម្ពុជា គឺជាទីផ្សារដ៏ទាក់ទាញបំផុត ក្នុងចំណោមប្រទេសផ្សេងទៀតនៅអាស៊ី។ ទីផ្សារអចលនទ្រព្យធំៗបំផុតរបស់សិង្ហបូរី ហុងកុង និងតៃវ៉ាន់ កំពុងតែថយចុះក្នុងការវិនិយោគ មកត្រឹមប្រហែល សាមសិបភាគរយ។ ហេតុនេះ យើងអាចរំពឹងនូវការវិនិយោគដែលកើនឡើងនៅកម្ពុជា ក្នុងរយៈពេលពីរឆ្នាំខាងមុខ។ គាត់បន្តមានប្រសាសន៍ថា ទីផ្សារអចលនទ្រព្យក្នុងរាជធានីភ្នំពេញ មានតម្លៃអាចលៃលកបាន ប្រសិនបើយើងប្រៀបធៀបទៅនឹង ប្រទេសផ្សេងទៀតនៅអាស៊ី។ កម្ពុជានៅតែកើនឡើងឆាប់រហ័ស តាមរយៈវិស័យសេដ្ឋកិច្ច ដូចដែលវាធ្លាប់បានកើនឡើងចាប់តាំងពីឆ្នាំ២០០១មកម្ល៉េះ។ បើយើងប្រៀបធៀបទីផ្សារអចលនទ្រព្យនៅកម្ពុជា គឺវាដូចគ្នាទៅនឹងប្រទេសផ្សេងៗទៀត ដូចជា សិង្ហបូរី តៃប៉ិ និងហុងកុង ក្នុងអំឡុងទសវត្ស ឆ្នាំ១៩៨០ និង ៩០។ គាត់បន្តមានប្រសាសន៍ថា កម្ពុជាបានផ្ដល់នូវឱកាសល្អសម្រាប់ការពង្រីកពាណិជ្ជកម្ម និង គោលជំហរ របស់រដ្ឋាភិបាលទៅលើ ការវិនិយោគដោយផ្ទាល់ពីបរទេស (FDI) គឺទាក់ទាញមែនទេន ប្រសិនបើប្រៀបធៀបទៅនឹង គោលនយោបាយប្រទេសសមាជិកអាស៊ានផ្សេងទៀត។ គាត់បន្ថែមទៀតថា ការបង្កើតច្បាប់សាងសង់ថ្មី និង ការអភិវឌ្ឍនៅក្នុងប្រទេស ជាទូទៅ នឹងត្រូវបើកធ្វើសម្រាប់វិនិយោគិនមកវិនិយោគយ៉ាងច្រើនបន្ថែមទៀតក្នុងវិស័យអចលនទ្រព្យ និងជំនួយជនបរទេសសម្រាប់ទិញខុនដូជាមួយនឹង តម្លាភាព និងសង្គតភាពយ៉ាងអស្ចារ្យ។ នាយកក្រុមហ៊ុនអចលនទ្រព្យខ្មែរ លោក គឹម ហ៊ាង បានមានប្រសាសន៍ថា ការអភិវឌ្ឍអចលនទ្រព្យនៅកម្ពុជា កំពុងបង្ហាញនូវសក្ដានុពលយ៉ាងអស្ចារ្យ ខណៈដែលវិស័យសេដ្ឋកិច្ចនៅកម្ពុជាកំពុងតែកើនឡើង ដល់ ៨ភាគរយក្នុងមួយឆ្នាំ សម្រាប់រយៈពេល ២០ឆ្នាំចុងក្រោយ។ កម្ពុជាកំពុងតែក្លាយទៅជាកន្លែងដ៏ទាក់ទាញយ៉ាងខ្លាំងសម្រាប់វិនិយោគិន ពីព្រោះកម្ពុជានាពេលបច្ចុប្បន្ននេះ មានហេដ្ឋារចនាសម្ព័ន្ធប្រសើរជាងមុន មានតម្លៃពលកម្មថោក ដែល ៧០ ភាគរាយនៃប្រជាជនសរុបមានអាយុក្រោម ៣៥ឆ្នាំ។ កត្តាទាំងអស់នេះ គឺជាកត្តាលើកទឹកចិត្តខ្លាំងបំផុតសម្រាប់វិនិយោគិន លោកហ៊ាង គាត់ជឿដូច្នេះ។ គាត់បន្តមានប្រសាសន៍ថា កំណើនវិស័យសំណង់កពុងទាមទារនូវទំនួលខុសត្រូវ និងការគោរព ព្រោះវាបានក្លាយជាឧស្សាហកម្មសំខាន់សម្រាប់ ការអភិវឌ្ឍប្រទេស និង ទ្រព្យសម្បត្តិប្រជាជាន។ គាត់មានប្រសាសន៍ថា “អ្នកវាយតម្លៃ និងភ្នាក់ងារកម្ពុជាឥឡូវនេះ ក៏កំពុងតែកើនឡើងផងដែរ ក្នុងសមត្ថភាព និងវិជ្ជាជីវៈរបស់ពួកគេ ដើម្បីត្រៀមសម្រាប់សមាហរ័ណកម្មសមាគមសេដ្ឋកិច្ចអាស៊ាន” “ប្រទេសកម្ពុជាគឺជាប្រទេសនាំមុខគេមួយក្នុងចំណោមប្រទេសនាំមុខគេជាច្រើនទៀត ក្នុងកំណើតសេដ្ឋកិច្ចក្នុងអាស៊ាន ហើយយើង នឹងឈានទៅមុខនាពេលអនាគត ជាទីផ្សារដ៏ខ្លាំងមួយ”។ អគ្គនាយកក្រុមហ៊ុនមេគង្គសតវត្សទី ២១ លោកច្រឹក សុខនីម បានមានប្រសាសន៍ថា គាត់មានសុទិដ្ឋិនិយមអំពីកំណើនៃ អចលនទ្រព្យនៅកម្ពុជា។ “រឿងនេះគួរតែបន្តកើនឡើងដោយចិរភាពរហូតដល់ឆ្នាំ ២០១៨ ពីព្រោះវិស័យមួយនេះមានឧបសគ្គអ្វីរាំងស្ទះទេ”។ គាត់បានអះអាងថា មានកត្តាបីនាពេលឥឡូវនេះដែលគាំទ្រកំណើនវិស័យទីផ្សារអចលនទ្រព្យ។ ទីមួយ ស្ថេរភាពនយោបាយល្អ គឺសំខាន់ដើម្បីទាក់ទាញវិនិយោគិនបន្ថែមទៀត។ ទីពីរ សមាហរ័ណកម្មអាស៊ាន នៅចុងឆ្នាំនេះនឹងមានការធ្វើពាណិជ្ជកម្មបន្ថែមទៀត ហើយនិងការផ្លាស់ប្ដូរវប្បធម៌គ្នារវាងប្រទេសអាស៊ានទាំងអស់ ជាធម្មតាគាំទ្រតម្រូវការ ការស្នាក់អាស្រ័យ ការវិនិយោគអចលនទ្រព្យ និងកន្លែងករិយាល័យ។ ទីបី ការកើនឡើងក្នុងផ្នែកអចលនទ្រព្យដែលមានគុណភាពនិងបែបយ៉ាង នឹងអនុញ្ញាតឲ្យវិនិយោគិន មានជម្រើនបន្ថែមទៀត ពេលដែលពួកគេទិញអចលនទ្រព្យនៅកម្ពុជា។ ហើយទីបួន រាជរដ្ឋាភិបាលកម្ពុជា ក្នុងពេលឆាប់ៗនេះ នឹងមានលទ្ធភាពផ្ដល់កម្ចីទៅឲ្យប្រជាពលរដ្ឋ ដោយការបង់រំលោះរយៈពេលវែង ចាប់ពី ២០ឆ្នាំឡើងទៅ មានន័យថាប្រជាជនជាច្រើន នឹងមានប្រាក់ដើម្បីទិញផ្ទះផ្ទាល់ខ្លួន។ នៅពេលដែលចំនួនភាគច្រើននៃប្រជាជនអាចទិញផ្ទះមួយបាន ពេលនោះ វិស័យសំណង់ និងអចលនទ្រព្យអាចនៅតែកើនឡើង។ គាត់បានបន្ថែមទៀតថា “ទោះបីជាគម្រោងនៃការអភិវឌ្ឍថ្មីៗប្រឈមនឹងឧបសគ្គមួយចំនួនក្នុងឆ្នាំបន្តបន្ទាប់ក៏ដោយ ប្រសិនបើពួក ជ្រើសរើសយកទីតាំងដ៏ត្រឹមត្រូវ ហើយសាងសង់តាមស្តង់ដារគុណភាពត្រឹមត្រូវ បញ្ហាទាំងអស់នោះនឹងត្រូវលុបបំបាត់អស់តែម្ដង”។ គាត់បានពណ៌នាថា អត្រាកំណើនសេដ្ឋកិច្ច ពី៧ទៅ៧.៥ ភាគរយគឺជាគំនិតដ៏ប្រសើរថ្លៃថ្លាសម្រាប់កំណើនធុរកិច្ច ហើយក៏នឹងគាំទ្រឧស្សាហកម្មអភិវឌ្ឍទីផ្សារអចលនទ្រព្យផងដែរ។ លោក សៀរ ឆាយលីន អគ្គនាយកក្រុមហ៊ុនអចលនទ្រព្យ CL Realty Estate បានមានប្រសាសន៍ថា អចលនទ្រព្យដែលត្រូវបានលក់ចេញបានថយចុះបន្តិចបន្តួចក្នុងរយៈពេលប៉ុន្មានខែចុងក្រោយនេះ ប៉ុន្តែនេះវាជារឿងធម្មតានៅពេលដែលរដូវវស្សាបានមកដល់។ ក្នុងអំឡុងពេលនេះ ជំនួញទិញដូរអតិថិជនជាទូទោយឺតយ៉ាវជាងមុន។ វានឹងកើនឡើងនៅពេលកម្ពុជាត្រៀមខ្លួនរួចរាល់ដើម្បីធ្វើសមាហរ័ណកម្មជាមួយនឹងអាស៊ាន នៅដំណាច់ឆ្នាំនេះ។ ក្រុមហ៊ុនជប៉ុនជាច្រើននាពេលឥឡូវនេះកំពុងតែហូរចូលមកទីផ្សារកម្ពុជា នាំយកនូវបញ្ហាប្រឈម មួយអន្លើដោយឱកាសមកកាន់ទីផ្សារនេះ។ លោក សៀរ ឆាយលីន បានមានប្រសាសន៍ថា “ខ្ញុំគិតថាវិស័យទីផ្សារអចលនទ្រព្យកម្ពុជា នឹងបន្តអភិវឌ្ឍ ព្រោះតម្រូវការរបស់ ប្រជាជនកំពុងតែកើនឡើង កំណើនសេដ្ឋកិច្ចដ៏ខ្លាំងកំពុងតែកើតមានឡើងមួយអន្លើដោយស្ថេរភាពនយោបាយ និងសុវត្ថិភាពក្នុងការសាងសង់ វានឹងសក្ដិសមទៅនឹងកំណើនសេដ្ឋកិច្ចនាពេលបច្ចុប្បន្ន និងតម្រូវការរបស់ប្រជាជន”។ ទីប្រឹក្សាសេដ្ឋកិច្ចជាតិជាន់ខ្ពស់ ឯកឧត្តម ម៉ី កល្យាណ បានមានប្រសាសន៍ថា “ជាឧទាហរណ៍ នៅពេលដែលយើងទិញត្រី បន្លែ និងអង្ករនៅថ្ងៃនេះ ពេលក្រោយមកយើងអាចញ៉ាំវាបាន។ ប៉ុន្តែប្រសិនបើយើងទិញផ្ទះ និងអចលនទ្រព្យ យើងមិនអាចទទួលបានផល ភ្លាមៗនោះទេ។ យើងត្រូវតែរងចាំរយៈពេលយូរ ហើយវាក៏ប្រឈមនឹងហានីភ័យខ្ពស់ផងដែរ។ ប្រសិនបើអ្នកមិនមានលុយគ្រប់គ្រាន់ទេ អ្នកអាចខ្ចីលុយពីធនាគារ ដើម្បីវិនិយោគ ហើយសង្ឃឹមថា វានឹងផ្ដល់ផលចំណេញក្នុងពេលអនាគត។ ប៉ុន្តែ ប្រសិនបើផ្ទះមិនត្រូវបានលក់ និងជួលទេ ប្រជាជាននឹងមិនមានលុយដើម្បីសងធនាគារបានឡើយ ហើយប្រសិនបើបញ្ហានេះកើតឡើងចំពោះមនុស្សច្រើនពេក នោះធនាគារនឹងដួលរលំ។ ពេលដែលធនាគារដួល ប្រព័ន្ធហិរញ្ញវត្ថុ និងសេដ្ឋកិច្ចជាតិគឺស្ថិតនៅក្នុងហានិភ័យខ្ពស់”។ ឯកឧត្តម ម៉ី កល្យាណ បានមានប្រសាសន៍ថា “សូមប្រុងប្រយ័ត្នប្រសិនបើលោកអ្នកកំពុងតែសាងសង់អគ្គារសម្រាប់ជួល ឬសម្រាប់លក់ ពេលនោះលោកអ្នកមិនអាចជួល ឬលក់ ដោយអាស្រ័យលើការសាងសង់រួចរាល់ នេះជាបញ្ហាដ៏ធំ។ ហេតុនេះ ចូរគ្រប់គ្រងហានិភ័យរបស់លោកអ្នក ហើយព្យាយាមកំណត់ឱកាសបរាជ័យរបស់លោកអ្នកឲ្យបាន”។ “រាជរដ្ឋាភិបាលកម្ពុជាអាចមើលឃើញនូវហានិភ័យនេះ។ សូមប្រុងប្រយ័ត្ន ព្រោះវិស័យណាមួយដែលរីកចម្រើនលឿនពេកនឹងមានហានិយភ័យដូចនេះឯង”។ ឯកឧត្តម ម៉ី កល្យាណបន្តមានប្រសាសន៍ថា រដ្ឋាភិបាល គួរតែគ្រប់គ្រងលំហូរលុយនៅក្នុងមធ្យោបាយដ៏ត្រឹមត្រូវ ដើម្បីគ្រប់គ្រង ហានិភ័យដ៏ខ្ពស់នេះ។ ក៏ប៉ុន្តែនៅពេលដែលលោកអ្នកការពារនូវលំហូរលុយបាន កំណើនសេដ្ឋកិច្ចអាចនឹងទទួលការឈឺចាប់។ ហេតុនេះ ការគ្រប់គ្រងនូវលំហូរលុយត្រូវតែដើរតួនាទីដែលមានតុល្យភាពនាពេលអនាគត។ ឯកឧត្តម ម៉ី វ៉ាន់ អគ្គនាយកឧស្សាហកម្មហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុ បានមានប្រសាសន៍ថា លំហូរលុយចូលទៅក្នុងវិស័យទីផ្សារអចលទ្រព្យនាំមកនូវហានិភ័យតិចតួចរហូតមកដល់ពេលនេះ ប៉ុន្តែក្រសួងកំពុងតែបរិសកម្មក្នុងការធ្វើកិច្ចការងារជាមួយនឹងវិនិយោគិន ដើម្បីគ្រប់គ្រងទិន្នន័យនៃការអភិវឌ្ឍ តម្រូវការ និង ការគាំទ្រជាក់លាក់សម្រាប់ទុបស្កាត់ហានិភ័យនៅក្នុងវិស័យមួយនេះ។ ឯកឧត្តម ម៉ី វ៉ាន់បានមានប្រសាសន៍ថា “ការគ្រប់គ្រងទិន្នន័យ និងការគ្រប់គ្រងលំហូរលុយ នៅក្នុងវិស័យនេះគឺសំខាន់ខ្លាំងណាស់ សម្រាប់ពួកយើង ប្រសិនបើយើងចង់បានស្ថេរភាពក្នុងការអភិវឌ្ឍអចលនទ្រព្យ”។ សូមពិនិត្យមើលនូវខុនដូថ្មីៗសម្រាប់លក់ឥឡូវនេះ! សូមពិនិត្យមើលប្រភពសំខាន់ៗដទៃទៀត នៅលើគេហទំព័រ Realestate.com.kh ក្នុង ទម្រង់ទីតាំងរបស់យើង និង មគ្គុទ្ទេសក៍វិនិយោគិនៈ សិក្សាបន្ថែមទៀតអំពី ប្រទេសកម្ពុជា, រាជធានីភ្នំពេញ, ខេត្តសៀមរាប, និងក្រុងព្រះសីហនុ។ សិក្សាបន្ថែមទៀតអំពី ការវិនិយោគក្នុងប្រទេសកម្ពុជា, កម្មសិទ្ធិភាពរបស់ជនបរទេសនៅកម្ពុជា និង បទពិសោធន៍ជនបរទេសនៅកម្ពុជា! ៤) វិស័យសំណង់នៅកម្ពុជាៈ វិស័យសំណង់បានក្លាយជាយន្តការដ៏មានថាមពលបំផុតនៃការអភិវឌ្ឍ មួយផ្នែកអាស្រ័យលើការវិលត្រឡប់របស់ស្ថេរភាពនយោបាយ និង ការប្រើប្រាស់សាឡើងវិញ នេះបើយោងទៅលើរបាយការណ៍ថ្មីមួយដោយធនាគារពិភពលោក។ កំណើនសេដ្ឋកិច្ចនៅទីនេះគឺនៅតែត្រូវបាននាំមុខដោយ សំណង់ ការនាំចេញសម្លៀកបំពាក់ និង ទេសចរណ៍ ធនាគារពិភពលោក បាននិយាយនៅក្នុងរបាយការណ៍របស់ខ្លួនថា “ធនាគារអាស៊ីបូព៌ា និង ការធ្វើបច្ចុប្បន្នភាពសេដ្ឋកិច្ចប៉ាស៊ីហ្វិក កំពុងស្ថិតនៅលើផ្លូវដើរ”។ ការវិនិយោគសំណង់បានកើនឡើងជិត ៣ពាន់លានដុល្លា ក្នុងរយៈពេល១១ខែដម្បូងនៅឆ្នាំ ២០១៥ ប្រសិនបើប្រៀបធៀបជាមួយនឹង ពេលវេលាដូចគ្នាក្នុងឆ្នាំទៅម៉ិញ នេះបើយោងទៅលើទិន្នន័យពីក្រសួងរៀបចំដែនដី នគរូបនីយកម្ម និងសំណង់។ នេះបើយោងទៅលើ ឯកឧត្តម អ៊ឹម ឈុនលឹម ទេសរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានឲ្យដឹងថា ដើមទុនវិនិយោគវិស័យសំណង់ បានឈានដល់ប្រហែលជិត ២.៩ ពាន់លានដុល្លា ក្នុងរយៈពេល ១១ ខែដម្បូងក្នុងឆ្នាំ ២០១៥ប្រសិនបើប្រៀបធៀបជាមួយនឹងរយៈពេលតែមួយកាលពីឆ្នាំទៅ ពោលគឺកើនឡើង ២៧ ភាគរយ។ អ្នកជំនាញផ្នែកអចលនទ្រព្យមួយក្រុម បាននិយាយថា វិស័យសំណង់ជួយឲ្យសេដ្ឋកិច្ចលូតលាស់ឡើង ព្រមទាំងកំណើន ផលិតផលសរុបក្នុងស្រុកផងដែរ។ លោកគឹម ហ៊ាង នាយកប្រតិបត្តិនៃក្រហ៊ុនអចលនទ្រព្យខ្មែរ និងជាប្រធាននៃសមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា (CVEA) បាននិយាយថាវិស័យសំណង់បានចូលរួមយ៉ាងធំធេងនៅក្នុង ផលិតផលសរុបក្នុងស្រុក របស់កម្ពុជាព្រោះអ្នកមានទ្រព្យស្ដុកស្ដមបានទទួលផលចំណេញពីដីធ្លីនិងសំណង់។ គាត់បានព្រមានថា “យើងមិនត្រូវផ្ដោតអារម្មណ៍តែទៅលើវិស័យសំណង់ប៉ុណ្ណោះទេ ព្រោះតម្លៃអាចកើនឡើង ឬ ថយចុះ អាស្រ័យលើស្ថានភាពនៅពេលដែលមានវិស័យជាច្រើនទៀត ដែលយើងត្រូវផ្ដោតទៅលើដូចជា ទេសចរណ៍ កសិកម្ម ព្រមទាំងសម្លៀកបំពាក់”។ គាត់បានមានប្រសាសន៍ថា “ប្រាក់ចំណូលរបស់ប្រជាជនមិនគ្រប់នឹងទិញលំនៅស្ថានបច្ចុប្បន្ននេះទេ ហើយចំនួននៃអ្នកជួលផ្ទះគេនៅ ឃើញថាមានការកើនឡើង ហេតុនេះរដ្ឋាភិបាលត្រូវតែចាត់វិធានការដើម្បីធ្វើឲ្យអ្នកដែលមានប្រាក់ចំណូលមធ្យម អាចមានលទ្ធភាពទិញលំនៅស្ថានបាន”។ លោកហ៊ាង បានមានប្រសាសន៍ថា “ដើម្បីក្លាយទៅជាប្រទេសអភិវឌ្ឍបានជាមួយនឹងផលិតផលសរុបក្នុងស្រុក GDP ខ្ពស់ យើងត្រូវអាស្រ័យលើធនធានមនុស្ស។ វាជាការវិនិយោគដែលមានរយៈពេលវែង ហើយប្រព័ន្ធអប់រំត្រូវតែធ្វើការកែលម្អ”។ លោកច្រឹក សុខនី នាយកប្រតិបត្តិ របស់ក្រុមហ៊ុនមេគង្គសតវត្សទី ២១ បានសង្កត់ធ្ងន់នូវតួនាទីសំខាន់នៃវិស័យសំណង់ក្នុងសេដ្ឋកិច្ចកម្ពុជា. “សេដ្ឋកិច្ចនិយាយអំពីលុយ។ បច្ចុប្បន្ននេះដូចអ្វីដែលយើងអាចមើលឃើញ វិស័យសំណង់នៅកម្ពុជាបានចាក់បញ្ចូលលុយចូលទៅក្នុងសេដ្ឋកិច្ចជាច្រើន។ នោះជាមូលហេតុដែលវិស័យសំណង់ចូលរួមចំណែកយ៉ាងធំក្នុងកំណើន ផលិតផលសរុបក្នុងស្រុក GDP” លោក សុខនីមបាននិយាយដូច្នេះ។ ក៏ប៉ុន្តែលោកបាននិយាយទៀតថា “ទោះបីជាវិស័យអចលនទ្រព្យ កម្ពុជានៅក្មេងខ្ចីនៅឡើយបើប្រៀបធៀបជាមួយនឹងប្រទេសផ្សេងៗទៀត ក៏ដោយ ក៏ព្រះរាជាណាចក្រមួយនេះទទួលបានផលប្រយោជន៍ជាច្រើនពីវិស័យនេះដែរ។” គាត់បានបន្ថែមទៀតថា “ជាមួយនឹងប្រាក់ចំណូលថេររបស់ប្រជាជន វិស័យធនាគារនៅកម្ពុជា ក៏ដើរតួនាទីយ៉ាងសំខាន់នៅក្នុងការជំរុញវិស័យអចលនទ្រព្យដែរ ហើយ លំហូរសាច់ប្រាក់សុទ្ធ អាចជួយដល់សេដ្ឋកិច្ច”។ លោកសុខនីមបានមានប្រសាសន៍ថា “ដើម្បីធ្វើឲ្យវិស័យសំណង់មានសង្គតភាព រដ្ឋាភិបាលត្រូវតែថែរក្សាវិនិយោគិនដោយចេញច្បាប់ ការពារទាំងវិនិយោគិន ទាំងអតិថិជន”។ លោក អ៊ិន ស៊ីថា អនុប្រធានក្រុមហ៊ុន World Trust Estate បានមានប្រសាសន៍ថា បច្ចុប្បន្ននេះ មានការដ្ឋានសំណង់ជាច្រើន បានរីកដុះដាលឡើងក្នុងរាជធានីភ្នំពេញ ហើយវាបានបង្កើតការងារយ៉ាងច្រើនសម្រាប់ប្រជាជនព្រមទាំងអ្នកជំនាញនៅក្នុងវិស័យនេះ។ លោកបានមានប្រសាសន៍ទៀតថា “វាមានន័យថាកម្មករ និងអ្នកជំនាញនៅក្នុងវិស័យសំណង់រកបានប្រាក់ចំណូលបន្ថែមទៀត ពីសំណង់ ហើយសំណង់ជាច្រើនលើកកម្ពស់កំណើនផលិតផលសរុបក្នុងស្រុក GDP ហើយបើយោងទៅលើទិន្នន័យបច្ចុប្បន្នពីក្រសួង រៀបចំដែនដី នគរូបនីយកម្ម និងសំណង់ បានឲ្យដឹងថា សំណង់បានមើលឃើញថាមានការកើនឡើង ហើយនេះមានន័យថា វាចូលរួមក្នុង ផលិតផលសរុបក្នុងស្រុក GDP ផងដែរ”។ គាត់បានបន្ថែមទៀតថា “វិស័យធនាគារដើរតួនាទីសំខាន់ក្នុងការផ្ដល់ប្រាក់កម្ចីសម្រាប់ប្រជាជន ដើម្បីឲ្យពួកគាត់មានលទ្ធភាពអាចទិញគេហដ្ឋានបាន ខណៈពេលដែលប្រជាជនមានប្រាក់ចំណូលមធ្យមជាច្រើនរូប ប្រើប្រាស់ប្រាក់កម្ចីដើម្បីទិញគេហដ្ឋានផ្ទាល់ខ្លួន”។ ការទទួលបានលទ្ធផលពីការវនិយោគខុនដូនៅកម្ពុជាគឺប្រហែល ៧.៥ ភាគរយ ប្រសិនបើប្រៀបធៀបទៅនឹងទីផ្សារដូចគ្នានៅអាស៊ី ការវិនិយោគនៅកម្ពុជាផ្ដល់ផលប្រយោជន៍ច្រើនជាង ខណៈដែលប្រទេសថៃ និងជប៉ុនទទួលបានតែ ៦.៣ និង ៥.៥ ភាគរយ ចិន និងហុងកុង ផ្ដល់ទិន្នផលថ្លៃឈ្នួលត្រឹមតែ ២.៧ និង ៣.៣ភាគរយ ហើយ ហ្វីលីពីន ៧.១ភាគរយប្រចាំឆ្នាំ នេះបើយោងទៅលើការសិក្សាថ្មីមួយរបស់ក្រុមហ៊ុនអចលនទ្រព្យ មេគង្គសតវត្សទី២១។ ដោយយោងទៅលើរបាយការណ៍នៃទីភ្នាក់ងារអចលនទ្រព្យ បានឲ្យដឹងថា ការអភិវឌ្ឍខុនដូរបស់ក្រុមហ៊ុន សតវត្យទី ២១ បានកើនឡើងត្រឹម ២០ភាគរយប្រចាំឆ្នាំ ចាប់ពី ឆ្នាំ ២០០៨ ដល់ឆ្នាំ ២០១៤ ជាមួយនឹងគម្រោងទាំង ១៣ ដែលត្រូវបានបញ្ចប់ដោយជោគជ័យ ដែលត្រូវបានប្រែក្លាយទៅជា ៣០៩០ ឈុតដូចរាល់ថ្ងៃនេះ។ ជាមួយនឹង គម្រោងចំនួន ១៧ គម្រោង កំពុងដំណើរការនាពេលឥឡូវនេះ របាយការណ៍បានព្យាករថា នៅត្រឹមឆ្នាំ ២០១៨ ពេលដែលគម្រោងជាច្រើននាពេលបច្ចុប្បន្នបម្រុងនឹងបញ្ចប់ ចំនួននេះនឹងកើនឡើង៣ដងទៅជាជាង ១០,០០០ ឈុត ទូទាំងរាជាធានីភ្នំពេញ។ ផលិតផលសរុប GDP សម្រាប់មនុស្សម្នាក់ៗរបស់កម្ពុជាត្រូវបានព្យាករថានឹងឈានដល់ ១២២០ ដុល្លាក្នុងមួយឆ្នាំ កើនឡើងពី ១១២៣ ដុល្លាកាលពីឆ្នាំទៅ នេះបើយោងទៅលើទិន្នន័យផ្លូវការ។ រឿងនេះបានដាក់ប្រទេសនេះនៅក្បែរស្ថានភាពប្រាក់ចំណូល ក្រោមមធ្យម។ ការព្យាករថ្មីរបស់គេ បានកើតឡើងត្រឹមតែប៉ុន្មានសប្ដាហ៍ប៉ុណ្ណោះបន្ទាប់ពីធនាគារអភិវឌ្ឍអាស៊ី បានកែប្រែការព្យាករកាលពីខែមីនាសម្រាប់កំណើនសេដ្ឋកិច្ចនៅឆ្នាំនេះពី ៧.៣ភាគរយ ទៅ ៧ ភាគរយ។ វិស័យសំណង់បានក្លាយជាយន្តការដ៏មានថាមពលបំផុតនៃការរីកចម្រើន មួយផ្នែកអាស្រ័យលើ លទ្ធផលនៃស្ថេរភាពនយោបាយ និង ការយកមកប្រើប្រាសសាជាថ្មី ប៉ុន្តែវិស័យទេសចរណ៍គឺដើរតួបន្ទាប់បន្សំ ថ្មីត្បិតតែការត្រឡប់មកសភាពដើមវិញក្នុងការមកដល់នៃទេសចរក្នុងប្រទេថៃក៏ដោយ។ របាយការណ៍ពីធនាគារពិភពលោកបាននិយាយថា វត្តមានភ្ញៀវទេសចរ ៦ ខែដម្បូង បានកើនឡើងត្រឹម ៤.៦ភាគរយ (ឈានដល់ ២.៣ លាននាក់) បើប្រៀបធៀបទៅនឹង ៦.៩ ភាគរយ រយៈពេលដូចគ្នាកាលពីឆ្នាំទៅ។ សូមពិនិត្យមើលប្រភពសំខាន់ៗដទៃទៀត នៅលើគេហទំព័រ Realestate.com.kh ក្នុង ទម្រង់ទីតាំងរបស់យើង និង មគ្គុទ្ទេសក៍វិនិយោគិនៈ សិក្សាបន្ថែមទៀតអំពី ប្រទេសកម្ពុជា, រាជធានីភ្នំពេញ, ខេត្តសៀមរាប, និងក្រុងព្រះសីហនុ។ សិក្សាបន្ថែមទៀតអំពី ការវិនិយោគក្នុងប្រទេសកម្ពុជា, កម្មសិទ្ធិភាពរបស់ជនបរទេសនៅកម្ពុជា និង បទពិសោធន៍ជនបរទេសនៅកម្ពុជា! ៥) ការព្យាករទីផ្សារអចលនទ្រព្យនៅកម្ពុជាក្នុងឆ្នាំ ២០១៦ គេហទំព័រ Realestate.com.kh បាននិយាយទៅកាន់ថ្នាក់ដឹកនាំនៃទីផ្សារអចលនទ្រព្យកម្ពុជាឲ្យស្វែងរកនូវប្រភេទនៃនិន្នាមួយណា ដែលយើងគួរតែ ដឹងឮនៅក្នុងទីផ្សារអចលនទ្រព្យក្នុងឆ្នាំ ២០១៦។ លោក ស៊ុន នី នាយកគ្រប់គ្រង ក្រុមហ៊ុន Keystone ដៃគូកម្ពុជា Savills: “សម្រាប់រយៈពេល៦ខែចុងក្រោយនេះ ល្បឿននៃប្រតិបត្តិការលក់បន្ទប់ជួល បានចុះខ្សោយជាសំខាន់ ក្នុងកម្ពុជា ជាពិសេសគម្រោងទាំងនោះ ផ្ដោតខ្លាំងទៅលើអតិថិជនបរទេស ហើយមនុស្សម្នាក់គួរតែសន្និដ្ឋាននិន្នាការនេះដើម្បីបន្តក្នុងឆ្នាំ២០១៦ ជាពិសេសនៅពេលដែលមានការប្រែប្រួលនូវសេដ្ឋកិច្ចក្នុងតំបន់បន្តជាបញ្ហាប្រឈម ហើយសេដ្ឋកិច្ចកម្ពុជាទាំងមូលធ្វើចលនាយឺតជាង ការរីកចម្រើនទីផ្សារអចលនទ្រព្យ ទីផ្សារនេះនឹងប្រឈមមុខនឹងការកែសម្រួល។ ការបោះឆ្នោតក្នុងឆ្នាំ ២០១៨ខាងមុខ ប្រហែលជាញ៉ាំងឲ្យអ្នកអភិវឌ្ឍមួយចំនួនចាប់ផ្ដើមពិចារណាទៅលើផែនការអភិវឌ្ឍរបស់ពួកគេពីពេលឥឡូវនេះទៅ លុះត្រាតែឆ្នាំ២០១៦នេះ បង្ហាញថាជាឆ្នាំល្អសម្រាប់ប្រតិបត្តិការលក់។ ទោះជាយ៉ាងណា វាហាក់ដូចជាថាការអភិវឌ្ឍដីធ្លី ព្រមទាំងគម្រោង ផ្ដោតលើអតិថិជនក្នុងស្រុក នឹងបន្តមើលឃើញនូវតម្រូវការខ្ពស់ ខណៈពេលដែលក្រុមអ្នកមានប្រាក់ចំណូលមធ្យមនឹងកើនឡើងធំជាងមុន។ សរុបមកនៅមានឱកាសល្អៗជាច្រើន សម្រាប់ការអភិវឌ្ឍអចលនទ្រព្យក្នុងវិស័យការិយាល័យនិង សណ្ឋាគារធន់មធ្យម។ ទីផ្សារកម្ពុជានឹងបន្តនៅតែសំខាន់ សម្រាប់ការវិនិយោគពិចារណា ក្នុងចំណោមប្រទេសក្នុងតំបន់នាឆ្នាំ២០១៦នេះ”។ លោក ស៊ីម៉ុន គ្រីហ្វហ្វ៊ីធ នាយករងរបស់ក្រុមហ៊ុន CBRE ប្រចាំប្រទេសកម្ពុជា: “សម្រាប់ឆ្នាំ ២០១៦ ទំនុកចិត្តនៅក្នុងទីផ្សារអចលនទ្រព្យនៅរាជធានីភ្នំពេញ, ដោយយោងជាពិសេសទៅកាន់ទីផ្សារខុនដូនោះនឹងមានកម្រិតទាបនៅក្នុងប្រទេសកម្ពុជាដោយមានមតិយោបល់បញ្ជាក់ថាការផ្គត់ផ្គង់លើសតម្រូវការនិងកំណើនឆាប់ពេកបណ្តាលឱ្យមានការផ្គត់ផ្គង់លើសកម្រិត ហើយចុងក្រោយនាំឱ្យមានហានិភ័យ។ គួរឱ្យចាប់អារម្មណ៍ដែរ ដែលវេទនារម្មណ៍នេះនឹងមិនត្រូវបានឆ្លុះបញ្ចាំងនៅក្រៅប្រទេសកម្ពុជាទេ ជាពិសេសទាក់ទងទៅនឹងកោះតៃវ៉ាន់និងប្រទេសចិន ជាកន្លែងដែលការវិនិយោគក្នុងស្រុកត្រូវបានគេរំពឹងថា នឹងកើនឡើងពីអតិថិជន ក៏ដូចគ្នានិងអ្នកអភិវឌ្ឍន៍ដែរ ។ ទោះជាយ៉ាងណា, ការវិនិយោគរបស់សិង្ហបុរីទំនងជានឹងថយចុះ។ អ្នកអភិវឌ្ឍន៍ដែលមិនបានចាប់ផ្តើមធ្វើគម្រោងមុនឆ្នាំ ២០១៦ ទំនងជានឹងបន្តបង្កើនគម្រោងអភិវឌ្ឍន៍ ប៉ុន្តែទំនងជាមិនធ្វើការពិចារណាអំពីការអភិវឌ្ឍខុនដូជាពិសេសនោះទ។ គម្រោងចម្រុះព្រមទាំងការិយាល័យដែលផ្ដល់បណ្ណកម្មសិទ្ធិ និង កន្លែងលក់រាយ ទំនងជានឹងក្លាយជាការពេញនិយមថែមទៀត ខណៈពេលដែលផលចំណេញដែលបានមកពីវិស័យដែលមានសក្តានុពលទាំងនេះត្រូវបានដឹងទាំងក្នុងស្រុកនិងជាអន្តរជាតិ "។ លោក ជូន សេង ទីប្រឹក្សាវិនិយោគក្រុមហ៊ុនអចលនទ្រព្យ ដា យុ Da Yu: "នៅក្នុងគំនិតរបស់ខ្ញុំ, ឆ្នាំ២០១៦ នឹងក្លាយជាឆ្នាំផ្សេងមួយទៀត សម្រាប់ក្រុមហ៊ុនអភិវឌ្ឍន៍ក៏ដូចជាភ្នាក់ងារអចលនទ្រព្យ ។ រឿងពិតដ៏ធំដែលអ្នករាល់គ្នាត្រូវតែប្រឈមមុខគឺថា ពេលវេលាដែលកន្លងផុតទៅ គឺជាពេលវេលាដែលអ្នករាល់គ្នាត្រូវមានដីមួយប្លង់នៅក្នុងក្រុងមួយដែលអាចធ្វើឱ្យយើងមានសំណាង សាងសង់អ្វីមួយនៅលើដីនោះបាន។ សម័យកាលនៃអ្នកជំនាញបានមកដល់ហើយ ដែលជាលទ្ធផលមានន័យថាលាហើយភាពគ្មានទេពកោសល្យ។ នៅរាជធានីភ្នំពេញ តួនាទីទីផ្សារនឹងគាំទ្រយ៉ាងពេញទំហឹងនុវ គម្រោងមួយចំនួនដែលបានពិន្ទុខ្ពស់នៅក្នុងទិដ្ឋភាពពីរ: ផលិតផលល្អឥតខ្ចោះនិងទីផ្សារជំនាញវិជ្ជាជីវៈ។ អ្វីទាំងអស់មួយប្រភេទទៀត ខ្ញុំខ្លាចក្រែងតែអាចនឹងនាំមកនូវការខកចិត្ត។ នេះជាសំណួរបន្ទាន់ រាជធានីភ្នំពេញ ឆាប់ៗនេះនឹងប្រឈមមុខ ក្នុងឆ្នាំនេះគឺមិនថាមានឬមិនមានខុនដូច្រើនពេកនៅក្នុងទីផ្សារនោះទេ ប៉ុន្តែហេតុអ្វីបានជាមិនមានខុនដូធុនតូចនិងមានតំលៃសមរម្យគ្រប់គ្រាន់សម្រាប់អ្នកមានវណ្ណៈថ្នាក់កណ្តាលវ័យក្មេង និងជនបរទេស។ ដូច្នេះឆ្នាំ ២០១៦ គឺជាឆ្នាំសម្រាប់មនុស្សជាច្រើនត្រូវពិនិត្យមើលឡើងវិញនូវតម្រូវការដែលមិនមែនជារឿងអាក្រក់នោះទេ ព្រោះនោះជារបៀបដែលទីផ្សារត្រូវរៀនឲ្យកា្លយជាទីផ្សារចាស់ទំ ។ ទោះបីជាមានការប្រកួតប្រជែងថ្មីមួយក្នុងរាជធានីភ្នំពេញក៏ដោយ ក៏ដែនទឹកដែលគ្មានក្នុងគម្រោងនៃខេត្តជាច្រើនទៀតគឺនៅតែស្រស់ស្រាយ។ ឆ្នាំ ២០១៦ គឺជាឆ្នាំដែលយើងអាចនឹងឮរឿងជោគជ័យសំខាន់មួយពីទីក្រុងលូតលាស់យ៉ាងឆាប់រហ័សផ្សេងទៀត -ដូចជា ខេត្តព្រះសីហនុ, ត្រូវដាក់ឈ្មោះជាទីក្រុងដែលមានសក្តានុពលបំផុតមួយ»។ លោក វ៉ា វីរៈប្រធានក្រុមហ៊ុន Century 21 Fortune Investment: “ទីផ្សារអចលនទ្រព្យនៅកម្ពុជាក្នុងឆ្នាំ ២០១៦ នេះមានបញ្ហាប្រឈមខ្លាំងណាស់ហើយវាពិបាកណាស់ក្នុងការទស្សន៍ទាយអំពីអនាគតរបស់ខ្លួនសម្រាប់ឆ្នាំនេះនិងឆ្នាំក្រោយៗទៀត។ ម្យ៉ាងវិញទៀត, មានបញ្ហាប្រឈមមួយចំនួនជាមួយនឹងការផ្គត់ផ្គង់ដែលកើនឡើង (ផ្ទះ ខុនដូ អាផាតម៉ង់ ការិយាល័យ, ... ) និងលទ្ធភាពនៃផលប៉ះពាល់សេដ្ឋកិច្ចពិភពលោក (ភាគច្រើនមកពីប្រទេសចិននិងប្រទេសក្នុងតំបន់ អត្រាការប្រាក់និងគោលនយោបាយប្រាក់កម្ចីរបស់ធនាគារ (ដែលអាច ផ្លាស់ប្តូរ), អត្រាប្តូរប្រាក់ពីដុល្លារអាមេរិកទៅរូបិយប័ណ្ណផ្សេងទៀត (ប្រាក់ដុល្លារអាមេរិក ខ្លាំងជាងគេ), ។ល។ ហើយម្យ៉ាងវិញទៀត, សេដ្ឋកិច្ចកម្ពុជាអាចរក្សាបាននូវកំណើនប្រហែល ៦.៩% រហូតដល់ឆ្នាំ ២០១៨ អត្រាកំណើនប្រជាជននៅក្នុងតំបន់ទីក្រុង ព្រមទាំងការធ្វើសមាហរណកម្មសហគមន៍សេដ្ឋកិច្ចអាស៊ាន ។ កំណើនសេដ្ឋកិច្ចមានន័យថាមានប្រាក់ចំណូលបន្ថែមទៀតចំពោះប្រទេសនិងប្រជាជនផងដែរ, ហេតុនេះផលិតផលក្នុងស្រុកសរុបសម្រាប់មនុស្សម្នាក់នឹងមានការកើនឡើង ដូច្នេះប្រជាជនអាចមានប្រាក់ច្រើនដើម្បីទិញអចលនទ្រព្យ - ជាការពិតណាស់ប្រសិនបើ គ្មានអតិផរណាខ្ពស់ខ្លាំងពេក។ កំណើនប្រជាជននៅក្នុងទីក្រុងនេះបង្កឱ្យមានតម្រូវការលំនៅដ្ឋាន ខណៈដែលអ្នកអភិវឌ្ឍន៍ភាគច្រើនត្រូវមានមូលដ្ឋាននៅតែក្នុងទីក្រុង ។ ការធ្វើសមាហរណកម្មសហគមន៍សេដ្ឋកិច្ចអាស៊ាននឹងនាំមកនូវកម្មករជំនាញនិងអ្នកឯកទេស, ដូច្នេះកម្លាំងពលកម្មថ្មីនេះអាចជួយបង្កើនតម្រូវការ ជាពិសេស ខុនដូ, បន្ទប់ អាផាតម៉ង់ និងអគារការិយាល័យ។ កត្តាទាំងអស់នេះអាចជួយធ្វើឱ្យមានតុល្យភាពលើទីផ្សារអចលនទ្រព្យ”។ លោកវ៉ាន់ចាន់ថន (John) នាយកគ្រប់គ្រងនៃ ក្រុមហ៊ុនអចលនទ្រព្យTown City: «ទីផ្សារអចលនទ្រព្យនៅកម្ពុជានឹងមានភាពប្រសើរជាងឆ្នាំមុនៗសម្រាប់ហេតុផលដូចខាងក្រោម។ សមាហរណកម្មអាស៊ាននឹងនាំយកនូវជនបរទេសបន្ថែមទៀតមកកម្ពុជា។ នៅពេលដែលជនបរទេសមកដល់, មិនថាភ្ញៀវទេសចរ, អ្នកវិនិយោគ, បុគ្គលិក, សិស្សនិស្សិត, កម្មករ, ឬអ្នកហាត់ការនោះទេ, រឿងដំបូងដែលពួកគេត្រូវការគឺកន្លែងស្នាក់នៅ, កន្លែងសម្រាប់ធ្វើអាជីវកម្ម, ការិយាល័យ, ឬសណ្ឋាគារសម្រាប់ការស្នាក់នៅបណ្តោះអាសន្ន។ ដូច្នេះនៅពេលដែលពួកគេមក, វាមិនត្រឹមតែទទួលបានអត្ថប្រយោជន៍ដោយផ្ទាល់ដល់កម្ពុជាទេតែថែមទាំងដោយប្រយោលផងដែរ។ ប្រជាជនកម្ពុជាអាចរកប្រាក់បានកាន់តែច្រើនហើយនឹងមានអានុភាពបញ្ជាទិញ ដើម្បីទិញផលិតផលផ្សេងៗទៀត។ នៅពេលដែលរឿងនេះកើតឡើង, នៅទីបំផុតអ្នកស្រុកនឹងមានប្រាក់គ្រប់គ្រាន់ដើម្បីវិនិយោគនៅក្នុងអចលនទ្រព្យ។ ឥឡូវនេះអ្នកធ្វើមាតុភូមិនិវត្តជនជាតិកម្ពុជា ដែលបានស្នាក់នៅបរទេសអស់រយៈពេលជាយូរមកហើយបានបញ្ចប់ការសិក្សានៅក្នុងប្រទេសដែលពួកគេបានទៅរស់នៅ ហើយបានមើលឃើញប្រទេសកម្ពុជាថាជាវិធីសាស្ត្រនៃការធ្វើអាជីវកម្មថ្មី និងប្រកបដោយការច្នៃប្រឌិត ។ នៅពេលដែលអាជីវកម្មថ្មីៗទាំងនេះចូលទៅក្នុងទីផ្សារ អចលនទ្រព្យនិងការិយាល័យគឺជាតម្រូវការដំបូងរបស់ពួកគេ។ និវត្តជននិងជនបរទេសទាំងនេះ នឹងស្វែងរកស្ដង់ដារនៃការរស់នៅខ្ពស់ផងដែរ, មានន័យថាតម្រូវការខុនដូក៏គួរតែកើនឡើងដែរ។ គោលនយោបាយធនាគារ ក៏កំពុងផ្លាស់ប្តូរដែរ ហើយនេះនឹងជំរុញទីផ្សារអចលនទ្រព្យសម្រាប់អ្នកដែលមានប្រាក់ចំណូលទាប។ សម្រាប់រយៈពេល ៥ ឆ្នាំមុន វិស័យធនាគារបានកើនឡើងជារៀងរាល់ឆ្នាំ ហើយនឹងនៅតែមានធនាគារកាន់តែច្រើនទៀត។ នៅពេលដែលមានដៃគូប្រកួតប្រជែងកាន់តែច្រើនចូលមកដល់ គោលនយោបាយរបស់ធនាគារ មានសភាពសមរម្យជាងកាលពីមុនចំពោះវិនិយោគិនកម្ពុជានិងគូស្វាមីភរិយាវ័យក្មេងដែលកំពុងស្វែងរកប្រាក់កម្ចីសម្រាប់ទិញលំនៅស្ថានលើកដំបូងរបស់ខ្លួន។ គោលនយោបាយប្រាក់កម្ចីរឹតតែសមស្របជាងមុន នឹងជំរុញឱ្យមានតម្រូវការផ្ទះល្វែងនិងវីឡា ធុនកណ្តាល និងធុនទាបនៅទូទាំងទីផ្សារ។ គោលនយោបាយរដ្ឋាភិបាលផ្ដល់កម្លាំងចិត្តដល់វិនិយោគិនអន្តរជាតិ និងក្នុងស្រុក នឹងត្រូវអភិវឌ្ឍផងដែរក្នុងឆ្នាំ២០១៦នេះ។ នៅពេលដែលរដ្ឋាភិបាលអនុវត្តនូវគោលនយោបាយថ្មីដើម្បីលើកទឹកចិត្តវិស័យឯកជន នឹងមានអាជីកម្មជាច្រើនទៀតមកដល់ ហើយនៅពេលដែលការធ្វើអាជីវកម្មបានមកដល់ ប្រជាជននឹងមានការងារធ្វើ មានប្រាក់ខែសមរម្យ ហើយមានបទដ្ឋានជីវិតរស់នៅខ្ពស់។ ដូច្នេះវានឹងមានតម្រូវការកាន់តែខ្លាំងឡើងចំពោះការវិនិយោគអចលនទ្រព្យ និងលំនៅស្ថានសម្រាប់ការស្នាក់អាស្រ័យផងដែរ។ ជាពិសេស វិស័យអចលទ្រព្យកំពុងតែពិនិត្យពិច័យទៅលើគម្រោងរបស់រដ្ឋាភិបាលក្នុងការពង្រីកទីក្រុង និងអភិវឌ្ឍហេដ្ឋារចនាសម្ព័ន្ធក្នុងតំបន់ទីក្រុង”។ លោក សារ៉ុន លីអ៊ូ នាយកប្រតិបត្តិរបស់ក្រុមហ៊ុន Huttons CPL: “ឆ្នាំ២០១៦នេះ នឹងក្លាយទៅជាឆ្នាំដែលមានការប្រកួតប្រជែងខ្ពស់សម្រាប់ទីផ្សារអចលនទ្រព្យនៅកម្ពុជា។ ជាមួយនឹងម្ចាស់កម្មសិទ្ធិនិងវិនិយោគិន ដែលស្វែងរកជម្រើសសម្រាប់ខុនដូស្នាក់នៅ និង ការបោះឆ្នោតជាតិដែលនឹងមកដល់នាពេលខាងមុខនេះ អតិថិជនកំពុងតែធ្វើការប្រុងប្រយ័ត្នខ្ពស់ទៅលើ ការជៀវរបស់ពួកគេ។ ចំពោះខ្ញុំ ខ្ញុំមានអារម្មណ៍ថានេះជាការចាប់ផ្តើមដ៏ល្អប្រសើរមួយ ដែលការប្រុងប្រយ័ត្ននាំឱ្យអតិថិជនបានជ្រាបដំណឹងបន្ថែមទៀត, ហើយនេះអាចជួយក្នុងការបង្ការការកេងប្រវ័ញ្ចរបស់អ្នកអភិវឌ្ឍដែលបានធ្វើការសន្យាជ្រុលហួសនោះ។ ទីផ្សារនេះបានធ្វើឱ្យប្រសើរបន្ថែមទៀតចំពោះអចនលទ្រព្យលក្ខណៈពាណិជ្ជកម្មដែលជានិន្នាការថ្មី ហើយនេះគឺជាបញ្ហាប្រឈមមួយផ្សេងទៀតសម្រាប់អតិថិជនក្នុងស្រុកដែលត្រូវការស្រូបយកតម្លៃវិនិយោគពាណិជ្ជកម្មដែលមានលក្ខណៈថ្មីស្រឡាងនៅក្នុងទីផ្សារនេះ។ ជារួម តាមរយៈបទពិសោធ ខ្ញុំតែងតែជឿថា " អចលនទ្រព្យចម្បងនឹងនៅតែរក្សាបាននូវតម្លៃរបស់វា" ហើយ "សត្វបក្សីដែលទទួលបានដំណឹងមុនគេ និងច្បាស់ល្អ តែងតែចាប់ដង្កូវបាន" "។ លោក ឈី យ៉ាប នាយកគម្រោងក្រុមហ៊ុន Grand Phnom Penh International City: “បច្ចុប្បន្ននេះ មានកត្តាជាច្រើនដែលយើងមិនបានដឹងនៅក្នុងប្រទេស ព្រមទាំងបញ្ហាក្នុងតំបន់ និងក្នុងពិភពលោកផង។ ដម្បូងបង្អ់ ខ្ញុំសូមស្នើនូវ ការស្រូបយកនិងការរំលាយអាហារជាក់ស្ដែងនៃកំណើនតម្លៃដីឡើងថ្លៃឆាប់រហ័សក្នុងឆ្នាំ ២០១៥ នឹងក្លាយទៅជារឿងអ្វីម្យ៉ាងដ៏គួរឲ្យចាប់អារម្មណ៍ក្នុងការពិនិ្យមើលនៅឆ្នាំ២០១៦ នេះ។ ទន្ទឹមនឹងនេះដែរ មានកត្តាផ្សេងៗទៀតនឹងដាក់គំនៀបទៅលើទីផ្សារអចលនទ្រព្យក្នុងស្រុក ក្នុងមធ្យោបាយមិនជាក់លាក់ជាច្រើន ដូចជា ប្រាក់ពលកម្មអប្បបរិមាឡើងដល់ ១៦០ ដុល្លាក្នុងមួយខែ បញ្ហានយោបាយអាថ៌កំបាំងក្នុងស្រុក ប្រជាជនកម្ពុជា សម្របទៅនឹងកំណែប្រែច្បាប់មួយចំនួនដូចជា ច្បាប់ចរាចរណ៍, ច្បាប់ពន្ធដារ, ច្បាប់រក្ខាប្រមាញ់ជាដើម, ការធ្លាក់ចុះនៃតម្លៃប្រេងក្រោម ៣០ ដុល្លាក្នុងមួយបារ៉ែល, ការឲ្យតម្លៃនូវរូបិយបណ្ណអាមេរិក (ប្រាក់ដុល្លា) ទល់នឹងរូបិយបណ្ណសំខាន់ៗដទៃទៀតក្នុងឆ្នាំ២០១៦, និងឥទ្ធិពលក្នុងតំបន់ពីក្រុងចាកាតាដែលកំពុងតែរីកចម្រើន ព្រមទាំងតម្រូវការកើនឡើងក្នុងមជ្ឈមណ្ឌលតំបន់សំខាន់ៗដទៃទៀត។ ជាមួយបញ្ហាទាំងអស់នេះ នាពេលខាងមុខឆាប់ៗត្រូវប្រុងប្រយ័ត្ន និងអភិរក្សម្រាប់ឆ្នាំ២០១៦។ ជាចុងក្រោយនេះ ឧទ្យានទឹក ដ៏អស្ចារ្យ Water World របស់ Grand Phnom Penh នឹងត្រូវបានបញ្ចប់ នៅពាក់កណ្ដាលខែកុម្ភៈ ឆ្នាំនេះ ហើយគេរាល់គ្នានិងនិយាយពីវា ហើយចាប់អារម្មណ៍ជាមួយនឹងវា ក្នុងអំឡុងបុណ្យចូលឆ្នាំខ្មែនេះ”។ លោក Ross Wheble, នាយកប្រចាំប្រទេស របស់ក្រុមហ៊ុន Knight Frank Cambodia: “ជាមួយនឹងសញ្ញានៃការបន្ទន់ក្នុងវិស័យមួយចំនួន ក្រុមហ៊ុនអភិវឌ្ឍន៍ខ្លះៗ កំពុងតែធ្វើឲ្យមានច្រើនបែបច្រើនយ៉ាង។ ខណៈពេលដែលការផ្គត់ផ្គង់ នូវការលក់រាយ និងអគ្គារការិយាល័យ នឹងត្រូវកើនឡើងទ្វេដងក្នុងឆ្នាំ២០១៨នេះ ការផ្គត់ផ្គង់ខុនដូនឹងកើនឡើងច្រើនជាង ៦ជំពូក។ បញ្ហានេះនាំឲ្យមានការធ្លាក់ចុះក្នុងអត្រាលក់ចេញនូវខុនដូ ហើយក្រុមហ៊ុនអភិវឌ្ឍកំពុងសម្លឹងមើលប្រភេទទ្រព្យសកម្ម ផ្សេងទៀតដើម្បីស្នើសុំការគាំទ្រពីវិនិយោគិន។ TC Royal Asset Manor គឺជាអ្នកត្រួសត្រាយដម្បូងគេមួយនៅក្នុងវិស័យនេះជាមួយនឹងការចាប់ផ្ដើមនូវអគ្គារការិយាល័យដែលចាត់ជាលំដាប់ថ្នាក់ នៅក្នុងការអភិវឌ្ឍ TK Royal One។ រឿងនេះត្រូវបានតាមពីក្រោយដោយ ការអភិវឌ្ឍផ្នែកការិយាល័យដែលចាត់ជាលំដាប់ថ្នាក់ថ្មីៗជាច្រើនទៀត ខណៈដែលក្រុមហ៊ុនអភិវឌ្ឍស្វះស្វែងដើម្បីធ្វើឲ្យមានច្រើនសណ្ឋាន ដែលខុសពីវិស័យខុនដូ ហើយយើងរំពឹងថានិន្នាការនេះនឹងបន្តកើតមានក្នុងឆ្នាំ២០១៦នេះ។ ដោយមិនលំអៀង ជាមួយនឹងមូលនិធិបន្ថែមទៀតដែលត្រូវបានត្រៀមទុកសម្រាប់ការកែលម្អហេដ្ឋារចនាសម្ព័ន្ធ យើងកំពុងតែមើលឃើញនូវការវិនិយោគកំពុងតែកើនឡើង ក្នុងវិស័យឧស្សាហកម្ម ខណៈដែលក្រុមហ៊ុន អន្តរជាតិជាច្រើន វាយតម្លៃផលចំណេញ នៃការបង្កើតប្រតិបត្តិការណ៍ក្នុងប្រទេសកម្ពុជា ជាពិសេសតាមបណ្ដោយព្រំដែនជាមួយប្រទេសថៃ។ យើងក៏រំពឹងមើលឃើញនូវតម្រូវការដែលកើនឡើងសម្រាប់ដីកសិកម្មផងដែរ ខណៈដែលក្រុមហ៊ុនបរទេសជាច្រើនស្វះស្វែងរកផលប្រយោជន៍ពីវិធីសាស្ត្រប្រើប្រាស់គ្រឿងយន្តដើម្បីធ្វើកសិកម្ម ដោយផ្ដល់ទិន្នផលខ្ពស់ ហើយទទួលផលចំណេញបានប្រសើរជាងវិធីសាស្ត្របែបប្រពៃណីដែលត្រូវបានប្រើប្រាសនាពេលបច្ចុប្បន្នក្នុងប្រទេសកម្ពុជា”។ Alex Evengroen, អ្នកគ្រប់គ្រងទូទៅក្រុមហ៊ុនអចលនទ្រព្យខ្មែរៈ “ការព្យាកររបស់ខ្ញុំសម្រាប់ទីផ្សារអចលនទ្រព្យក្នុងឆ្នាំ២០១៦ នេះគឺថានឹងមានការផ្លាស់ប្ដូរដ៏ធំ ពីការទិញអចលនទ្រព្យទៅជាការវិនិយោគដីធ្លីវិញ។ កម្ពុជាបានក្លាយជាសមាជិកសហគមន៍អាស៊ាន នេះមានន័យថា ប្រទេសនេះនឹងជរជន់ដោយអ្នកអាជីព និងវិនិយោគិនផ្នែកអចលនទ្រព្យដ៏មានជំនាញ និងស្រេកឃ្លាន ជាមួយនឹងចំណេះដឹងនៅខាងក្នុងស្រាប់។ តម្លៃ M2 នៅតែកើនឡើង ដូច្នេះវាជាការជៀសមិនរួចដែលថានៅចំណុចមួយប្រជាជនចាប់ផ្តើមសម្លឹងមើលជម្រើសផ្សេងទៀតនិងជម្រើសដែលមានការច្នៃប្រឌិតខ្ពស់ ... នេះគឺនៅក្នុង គំនិតរបស់ខ្ញុំអំពីដីធ្លី។ វានឹងមានការផ្លាស់ប្តូរមួយនៅក្នុងនៅក្នុងចំនួនប្រជាជនការទាក់ទងនឹងទីផ្សារដីធ្លី ។ អតិថិជនភាគច្រើននឹងសម្លឹងរកមើល ដីធ្លី (ដែលលក់ក្នុងតម្លៃទាប) នៅតាមបណ្ដាខេត្តផ្សេងទៀតដូចជាខេត្តកែប, កំពត, ព្រះសីហនុ, និងខេត្តផ្សេងទៀតនៅក្បែរព្រំដែន។ បញ្ហាមួយដែលខ្ញុំរំពឹងថានឹងកើតមានគឺ ការផ្គត់ផ្គង់ហួសកម្រិតនូវ ចំនួនខុនដូ ដែលស្ថិតនៅក្នុងចំណុចមួយនឹងបន្ទាបនូវតម្លៃ ហើយក៏នឹងមានផលប៉ះពាល់ទៅលើការវិនិយោគដែលប្រជាជនបានធ្វើការទិញនូវអចលនទ្រព្យទាំងនេះ។ ប្រសិនបើយើងមិនបានពិនិត្យពិច័យបានត្រឹមត្រូវល្អទេ នោះប្រជាជនជាច្រើននឹងមានបញ្ហាលំបាកជាមួយនឹងផ្នែកហិរញ្ញវត្ថុមិនខាន។ ការផ្លាស់ប្ដូរប្រកបដោយវិជ្ជមានដ៏សំខាន់បំផុតនោះគឺថា ខ្ញុំនឹងជាអ្នកធ្វើការបង្រួបបង្រួមនូវក្រុមហ៊ុនអចលនទ្រព្យផ្លូវការទាំងអស់ ស្ថិតក្រោម ដែនសមត្ថកិច្ចរបស់ សមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា (CVEA)។ រឿងនេះនឹងផ្ដល់លទ្ធផលជាការយោគយល់គ្នាប្រសើរឡើង និងការចែករំលែក នូវ ការផ្លាស់ប្ដូរ និងតម្រូវការដែលរំពឹងថានឹងកើតមាននាពេលអនាគត នៅក្នុងឧស្សាហកម្មអចលនទ្រព្យ ហើយជាយថាហេតុនឹងលុបបំបាត់មនុស្សមួយចំនួនដែលធ្វើការរកស៊ីផ្នែកអចលនទ្រព្យ ដោយគ្មានក្រដាសស្នាមត្រឹមត្រូវ ឬចំណេះដឹងដែលពាក់ព័ន្ថ។ យើងត្រូវតែយល់ថា យើងត្រូវតែធ្វើការខិតខំប្រឹងប្រែង និងប្រកបដោយភាពឆ្លាតវៃដើម្បីបន្តធ្វើដំណើរទៅកាន់គោលដៅដ៏ត្រឹមត្រូវ គោលដៅដែលយើងនឹងផ្ដល់ផលប្រយោជនដល់ប្រជាជនកម្ពុជា និង ធានាសុវត្ថិភាពការវិនិយោគរបស់ពួកគាត់នៅក្នុងឧស្សាហកម្មនេះ។ នេះមានន័យថា វាមានសារសំខាន់យ៉ាងខ្លាំងដើម្បីបន្តធ្វើទំនាក់ទំនងយ៉ាងញឹកញាប់ និងធ្វើការសម្រេចចិត្តដើម្បីឈានដល់ ការធ្វើឲ្យកាន់តែប្រសើរឡើងថែមទៀត”។ លោក David Kim នាយកប្រតិបត្តិ ក្រុមហ៊ុន Informax Property: “វិស័យចម្បងនៃការអភិវឌ្ឍថ្មីៗ នឹងប្ដូរពីលំនៅស្ថានស្នាក់នៅពិតប្រាកដទៅជាការអភិវឌ្ឍបញ្ចូលគ្នាបែបពាណិជ្ជកម្ម និង លំនៅស្ថាន ក្នុងឆ្នាំ២០១៦ និន្នាការមួយកំពុងត្រៀមចាប់ដ្ដើមមើលឃើញហើយ។ ដោយអាស្រ័យនឹងការផ្លាស់ប្ដូលំនៅស្ថានថ្មីៗនេះ ក្នុងអំឡុងឆ្នាំ២០១៤ និង២០១៥ទៅកាន់តំបន់ជាយក្រុងរាជធានីភ្នំពេញ ឥឡូវនេះតំបន់ទាំងនេះត្រូវការបរិក្ខារពាណិជ្ជកម្ម ដូចជា មជ្ឈមណ្ឌលលក់ទំនិញ មន្ទីរពេទ្យ ការិយាល័យ និងសាលា។ ដោយរំពឹងមើលនូវសភាពមមាញឹកពីប្រទេសចិនដីគោ ។ ខណៈដែលក្រុមហ៊ុនអភិវឌ្ឍសិង្ហបូរី និងតៃវ៉ាន់ គឺជាក្រុមហ៊ុនអភិវឌ្ឍដ៏ចម្បង សម្រាប់ឆ្នាំ២០១៥នេះ ឥឡូវក្រុមហ៊ុនអភិវឌ្ឍចិនដីគោ ដែលមានដើមទុនច្រើន កំពុងចាប់ផ្ដើមដំណើរការគម្រោងនៅក្នុង ប្រទេសកម្ពុជា។ ពេលដែលគេចាប់ផ្ដើមជម្រុញឲ្យគម្រោងទាំងនេះកើតមានឡើងក្នុងប្រទេសចិន វិនិយោគិនជនជាតិចិនជាច្រើន នឹងពិចារណាអំពីការវិនិយោគនៅកម្ពុជា។ ការអភិវឌ្ឍឧស្សាហកម្មតាមបណ្ដោយព្រំដែនប្រទេសកម្ពុជា នឹងរីករាយទទួលយកផលចំណេញរបស់សហគមន៍សេដ្ឋកិច្ចអាស៊ាន។ ប្រទេសកម្ពុជាមានបរិស្ថានអាជីវកម្មដ៏ល្អសម្រាប់ការពង្រីកនៅក្នុងតំបន់ ដូចជា តម្លៃពន្ធទាប តម្លៃពលកម្មថោក ការកាន់កាប់អចលនទ្រព្យ និងការភ្ជាប់ភស្ដុភារចម្បងទៅនឹងប្រទេសសមាជិន សហគមន៍សេដ្ឋកិច្ចអាស៊ានផ្សេងទៀត។ នៅពេលដែល សហគមន៍សេដ្ឋកិច្ចអាស៊ានធ្វើដំណើរឆ្លងកាត់នូវឧបសគ្គដ៏ធំបំផុតនៃកម្ពុជា ពោលគឺទីផ្សារក្នុងស្រុកតូចពេក តែនឹងមិនមែនជាឧបសគ្គតទៅទៀតឡើយ។ បញ្ហាទាំង ៣ នេះ នឹងនៅតែជារឿងដែលត្រូវឃ្លាំមើលនៅក្នុងទីផ្សារអចលនទ្រព្យកម្ពុជានាឆ្នាំ២០១៦នេះ”។ លោក គឹម ហ៊ាង ប្រធានសមាគមវាយតម្លៃ និងភ្នាក់ងារអចលនទ្រព្យកម្ពុជាៈ “ខ្ញុំសូមដាក់ឈ្មោះឆ្នាំ២០១៦ នេះថាជា “ឆ្នាំ នៃការសាងសង់ខុនដូ” ដូចដែលលោកអ្នកអាចមើលឃើញនូវសំណង់ខុនដូជាច្រើន នៅពាសពេញទីក្រុង, ជាពិសេសក្នុងខណ្ឌចំការមន, ខណ្ឌដូនពេញ, ខណ្ឌ ៧មករា និងខណ្ឌទួលគោក។ វានឹងមានចំនួនខុនដូប្រហែលជា ១៨ ០០០ ទៅ ២០ ០០០ ឈុតនៅឆ្នាំ២០១៨ បរិមាណនេះគឺវាច្រើនខ្លាំងពេកសម្រាប់ទីផ្សារក្នុងស្រុក ក៏ប៉ុន្តែវានៅតែជាបរិមាណដ៏តូចតាចសម្រាប់ទីផ្សារអាស៊ាន។ ក្រុមហ៊ុនអភិវឌ្ឍត្រូវការស្វែងយល់នូវទីផ្សារផ្ទាល់របស់ពួកគេ ឬបង្កើតទីផ្សារផ្ទាល់របស់ពួកគេ សម្រាប់ផលិតផលរបស់ពួកគេ។ រដ្ឋាភិបាលកម្ពុជាក៏ត្រូវការទាក់ទាញវិនិយោគិនបន្ថែមទៀតដើម្បីជួយក្នុងឧស្សាហកម្មខុនដូនេះ។ តម្លៃដីធ្លី បានកើនឡើងខ្លាំងក្នុងឆ្នាំ ២០១៣, ២០១៤ និង ២០១៥ ដូច្នេះតម្លៃដីធ្លីក្នុងឆ្នាំ២០១៦ នឹងមិនឡើងថ្លៃខ្លាំងពេកទេ។ វាប្រហែលជា ត្រឹមតែ ៥ ទៅ ១០% នៅតាមជាយក្រុងប៉ុណ្ណោះ ហើយវានៅតែប្រហែលជា ២០% សម្រាប់ដីធ្លី នៅខាងក្រៅទីក្រុង។ បុរីសម្រាប់អតិថិជនវណ្ណៈកណ្ដាល និងវណ្ណៈខ្ពស់ បានឈានដល់កម្រិតកំណត់ហើយ ដូច្នេះវាជាការប្រសើរសម្រាប់ក្រុមហ៊ុន អភិវឌ្ឍដែលត្រូវផ្ដោតទៅលើទីផ្សារសម្រាប់គ្រួសារដែលមានប្រាក់ចំណូលទាបនិងគ្រួសារថ្មី ជាពិសេសសម្រាប់ផ្ទះល្វែងដែលមានតម្លៃពី ៣ ម៉ឺន ទៅ ៤ម៉ឺន ៥ពាន់ដុល្លា ចំនួសឲ្យផ្ទះល្វែងដែលមានតម្លៃចាប់ពី ៨ម៉ឺនទៅ ១០ម៉ឺនដុល្លា សម្រាប់វណ្ណៈកណ្ដាល ឬ ២០ម៉ឺន អៅ ៣០ ម៉ឺន ដុល្លា សម្រាប់អតិជនវណ្ណៈខ្ពស់។ ឃ្លាំងទាំងឡាយត្រូវផ្លាស់ប្ដូរទៅជាយក្រុង ខណៈដែលតម្លៃនៅតែកើនឡើងសម្រាប់ដីធ្លីនោះ។ ម្ចាស់ឃ្លាំងដែលមានការយល់ដឹងច្រើន ត្រូវការលក់ដីធ្លីរបស់ខ្លួនដើម្បីលុយដ៏ច្រើនសន្ធឹកសន្ធាប់ ហើយប្ដូរអាជីវកម្មរបស់ពួកគេទៅកន្លែងផ្សេង។ បន្ទប់អាផាតម៉ិន ដែលផ្ដល់សេវាកម្ម ក្នុងតំបន់សំខាន់ៗ ដូចជា បឹងកេងកង ១ និងតំបន់ក្បែរៗនោះ កំពុងតែមានអាជីវកម្មល្អ។ ប៉ុន្តែបន្ទប់អាផាតម៉ិនដែលមានស្តង់ដារទាប នឹងបាត់រូបរាង ហើយត្រូវបានជំនួសមកវិញដោយបន្ទប់អាផាតម៉ិនដែលមានស្តង់ដារខ្ពស់។ វានឹងមានវិនិយោគិនមកទិញរោងចក្រក្នុងប្រទេសកម្ពុជា ពេលនោះយើងនឹងទទួលបានផលប្រយោជន៍យ៉ាងធំសម្រាប់ឧស្សាហកម្មនេះ។ ជាពិសេស គ្មានពន្ធនាំចេញទៅ កាន់សហគមន៍អឺរ៉ុប, សហរដ្ឋអាមេរិក និងប្រទេសអាស៊ីដទៃទៀត ហើយមានតម្លៃពលកម្ម ថោក។ ប៉ុន្តែ វាមានការធ្វើបាតុកម្មជាច្រើននៅក្នុងវិស័យឧស្សាហកម្មនាពេលថ្មីៗនេះ ហេតុដូច្នេះ រដ្ឋាភិបាលត្រូវតែចាត់វិធានការ និងស្វែងរកដំណោះស្រាយចំពោះបញ្ហាទាំងឡាយរបស់កម្មករ”។ លោក Desmond Yap អ្នកគ្រប់គ្រងទូទៅរបស់ក្រុមហ៊ុនអចលនទ្រព្យ Yong Yap Properties: “ប្រទេសកម្ពុជានៅតែជាប្រទេសដែលទាក់ទាញវិនិយោគដដែល ជាពិសេស ជាមួយនឹងសមាហរណកម្មជាបន្តបន្ទាប់ចូលទៅក្នុងអាស៊ាន ហើយរដ្ឋាភិបាលពង្រឹងច្បាប់ដើម្បីធានានូវបរិស្ថានអាជីវកម្មឲ្យកាន់តែស្អាតជាងមុន”។ ចង់ដឹងបន្ថែមទៀតៈ សូមពិនិត្យមើលបណ្ដុំព័ត៌មានថ្មីៗ ស្ដីអំពីការវិនិយោគនៅកម្ពុជា នៅក្នុងគេហទំព័រ Realestate.com.kh ថ្ងៃនេះ! សូមពិនិត្យមើលប្រភពសំខាន់ៗដទៃទៀត នៅលើគេហទំព័រ Realestate.com.kh ក្នុង ទម្រង់ទីតាំងរបស់យើង និង មគ្គុទ្ទេសក៍វិនិយោគិនៈ សិក្សាបន្ថែមទៀតអំពី ប្រទេសកម្ពុជា, រាជធានីភ្នំពេញ, ខេត្តសៀមរាប, និងក្រុងព្រះសីហនុ។ សិក្សាបន្ថែមទៀតអំពី ការវិនិយោគក្នុងប្រទេសកម្ពុជា, កម្មសិទ្ធិភាពរបស់ជនបរទេសនៅកម្ពុជា និង បទពិសោធន៍ជនបរទេសនៅកម្ពុជា! ៦) ទស្សនវិស័យសេដ្ឋកិច្ច កំណើនផលិតក្នុងស្រុកសរុប កើនឡើងជានិច្ចជាមួយនឹងភាពប្រសើរឡើងដែលនៅតែបន្ត ក្នុងការប្រើប្រាស់ និងវិនិយោគ។ អត្រាកំណើនសេដ្ឋកិច្ចថេរខ្លាំង គឺ៧ភាគរយរៀងរាល់ឆ្នាំ បានធ្វើឲ្យកម្ពុជាក្លាយជាប្រទេសដែលទាក់ទាញនូវវិនិយោគិនប្រកបដោយសក្ដានុពល។ បើយើងទៅលើធនាពិភពលោកបានឲ្យដឹងថា តម្លៃប្រេងទាប និងទំនុកចិត្តអាជីវកម្មដែលកើនឡើង បានធ្វើឲ្យមានការប្រើប្រាស់ខ្លាំងនៅតែបន្ត ដែលគាំទ្រដោយកំណើនការប្រើប្រាសឥណទានឆាប់រហ័ស (ជាមធ្យមកំណើនប្រហែល ៣០ភាគរយកាលពី៥ឆ្នាំកន្លងទៅ) បាននាំទៅរកការពង្រីកនូវអាជីវកម្មលក់ដុំ និងរាយនេះ។ កំណើននៃការបង្កើតមូលធនអចល័តសរុបដ៏រឹងមាំ គឺ ៩.១ ភាគរយពីមួយឆ្នាំទៅមួយឆ្នាំក្នុងឆ្នាំ ២០១៤ ត្រូវបានធ្វើឲ្យកើតឡើងយ៉ាងច្រើន ដោយឧបករណ៍និងសំណង់ប្រើប្រាស់បានយូរ ។ អតិផរណាបានធ្លាក់ចុះបន្ថែមទៀតដល់ ០.៨ ភាគរយនៅក្នុងឆមាសទីពីរនៃឆ្នាំ ២០១៥ បន្ទាប់ពីបានធ្លាក់ចុះយ៉ាងខ្លាំងក្នុងឆ្នាំ ២០១៤ ដែលមានអត្រា ១.២ ភាគរយ - នេះគឺទោះបីជាមានតម្រូវការក្នុងស្រុកដែលបានឆ្លុះបញ្ចាំងពីតម្លៃ ម្ហូបអាហារនិងប្រេងមធ្យមក៏ដោយ។ នៅក្នុងបរិបទនេះវិស័យសំណង់និងអចលនទ្រព្យបានក្លាយជាយន្តការដ៏ខ្លាំងក្លាបំផុតនៃកំណើនសេដ្ឋកិច្ចនៅក្នុងសេដ្ឋកិច្ចកម្ពុជា។ ការស្មានទុកជាមុននៃការធ្វើសមាហរណកម្មក្នុងតំបន់របស់ប្រទេសកម្ពុជាចូលទៅក្នុងសហគមន៍សេដ្ឋកិច្ចអាស៊ាន (AEC) បានបង្កើនទំនុកចិត្តអាជីវកម្មនិងនៅតែបន្តជំរុញឱ្យមានឧស្សាហកម្មសំណង់និង អចលនទ្រព្យដែលកំពុងរីកលូតលាស់ ។ ការពង្រីកយ៉ាងឆាប់រហ័សនៃវិស័យធនាគារនិងហិរញ្ញវត្ថុរួមផ្សំជាមួយនឹងកំណើនលុយកាក់ទូលំទូលាយដែលបន្តកើតមាន បានចូលរួមចំណែកនៅក្នុងកំណើនសេដ្ឋកិច្ចក្នុងសេដ្ឋកិច្ចកម្ពុជា។ កំណើនប្រាក់ ឆាប់រហ័ស និងទូលំទូលាយបានបន្តអត្រានៃ ២០.៦ ភាគរយ ពីមួយឆ្នាំទៅមួយឆ្នាំត្រឹមពាក់កណ្តាលឆ្នាំ ២០១៥ ដែលបានជំរុញជាចម្បងដោយប្រាក់បញ្ញើជារូបិយប័ណ្ណបរទេស។ ប្រាក់បញ្ញើរបស់វិស័យឯកជននៅតែមានសុខមាលភាពល្អនៅក្នុងអត្រាកំណើន ២១.១ ភាគរយពីមួយឆ្នាំទៅមួយឆ្នាំ, ដែលគាំទ្រដល់កំណើនឥណទានក្នុងវិស័យឯកជនខ្ពស់។ ការពឹងផ្អែករបស់កម្ពុជា ទៅលើដុល្លារូបនីយកម្មនៅតែបន្តប៉ះពាល់ដល់ដំណើរការសេដ្ឋកិច្ច។ ធនាគារជាតិនៃកម្ពុជា (NBC) បានខិតខំប្រឹងប្រែងយ៉ាងខ្លាំងទៅលើការអភិវឌ្ឍការត្រួតត្រា និងការត្រួតពិនិត្យកាន់តែខ្លាំងក្លាបន្ថែមទៀតនូវគោលនយោបាយ សម្រាប់ វិស័យធនាគារនិង ហិរញ្ញវត្ថុក្នុងគោលបំណងដើម្បីរក្សាបាននូវស្ថិរភាពហិរញ្ញវត្ថុនិងជួយរក្សាកំណើនសេដ្ឋកិច្ចនេះ។ ជាមួយនឹងកំណើនប្រាក់ដុល្លារអាមេរិកដែលចេះតែកើនឡើង, ការប្រកួតប្រជែងក្នុងទីផ្សារកំពុងមានការថមថយមួយចំនួន ដែលនាំឱ្យមានការទប់ស្កាត់កំណើននេះនៅក្នុងវិស័យកាត់ដេរនិងទេសចរណ៍ ដែលធ្លាប់តែជាកត្តាជំរុញសេដ្ឋកិច្ចចម្បងនៃប្រទេសនេះ។ កំណើននៃប្រាក់ដុល្លារអាមេរិក, ការកើនឡើងនៃ ដៃគូប្រកួតប្រជែងក្នុងតំបន់អំពីប្រាក់ឈ្នួលទាប ដូចជាប្រទេសភូមា និងភាពមិនប្រាកដប្រជាជុំវិញការចរចាប្រាក់ឈ្នួលដែលកំពុងបន្ត, ជាពិសេសនៅក្នុងវិស័យកាត់ដេរនេះ កំពុងតែទប់ស្កាត់ការប្រកួតប្រជែងពីខាងក្រៅ។ ដូច្នេះការនាំចេញសំលៀកបំពាក់បានធ្លាក់ចុះបន្តិចទៅអត្រាកំណើនពីមួយឆ្នាំទៅមួយឆ្នាំត្រឹម ៧.៨ ភាគរយនៅក្នុងលក្ខខណ្ឌតម្លៃ ក្នុងឆមាសទីមួយនៃឆ្នាំ ២០១៥ នេះបើធៀបនឹងឆ្នាំមុនៗគឺ ៩.២ ភាគរយ ។ វិស័យទេសចរណ៍ក៏ត្រូវគេមើលឃើញថាមានការធ្លាក់ចុះដោយមានអ្នកមកដល់ក្នុងអំឡុងឆមាសទី១នៃឆ្នាំ ២០១៥; ការថយចុះដល់ ៤.៦ ភាគរយពីមួយឆ្នាំទៅមួយឆ្នាំ (ភ្ញៀវទេសចរឈានដល់ ២.៣ លាននាក់), បើធៀបនឹងឆ្នាំ២០១៤ គឺ ៦.៩ ភាគរយ ។ ការវិនិយោគផ្ទាល់ពីបរទេស (FDI) នៅតែបន្ត មានសុខមាលភាពល្អ និងទទួលខុសត្រូវភាគច្រើនសម្រាប់ការផ្តល់ហិរញ្ញប្បទានដល់ឱនភាពគណនីចរន្តរបស់ព្រះរាជាណាចក្រកម្ពុជា។ លំហូរវិនិយោគផ្ទាល់ពីបរទេសបានរួមចំណែកក្នុងការបង្កើនទុនបម្រុងអន្តរជាតិសរុបកើនឡើងដល់ ៥.២ ពាន់លានដុល្លារអាមេរិក ត្រឹមពាក់កណ្តាលឆ្នាំ ២០១៥ នេះ ។ ការវិនិយោគពីប្រទេសដែលមានសេដ្ឋកិច្ចធំៗ ដូចជាប្រទេសចិន, តៃវ៉ាន់, កូរ៉េ, ថៃ, សិង្ហបុរី, វៀតណាមនិងប្រទេសដទៃទៀត បន្តចាក់បញ្ចូលនូវមូលធនបរទេស។ ហានិភ័យនាពេលអនាគតជាបុព្វភាគនេះ រាជរដ្ឋាភិបាលនៃព្រះរាជាណាចក្រកម្ពុជាបានបើកដំណើរការ នូវគោលនយោបាយអភិវឌ្ឍន៍ឧស្សាហកម្មរបស់ខ្លួនជាថ្មី (IDP) (ឆ្នាំ 2015-2025) កាលពីឆ្នាំមុន ។ គម្រោងនេះមានគោលបំណងដើម្បីពង្រឹងការប្រកួតប្រជែងតាមរយៈការសម្របសម្រួល, លើកទឹកចិត្តឱ្យធ្វើពិពិធកម្មសេដ្ឋកិច្ច, ផលិតភាពនិងកំណើនសរុប។ គោលនយោបាយអភិវឌ្ឍន៍ឧស្សាហកម្ម IDP នេះបានស្វែងរកការដោះស្រាយបញ្ហាបណ្តាប្រទេសដែលពឹងផ្អែកលើវិស័យជាប្រពៃណី និងការងារដែលមានជំនាញទាប / តម្លៃទាប ដោយការធ្វើពិពិធកម្មសកម្មភាពឧស្សាហកម្ម។ កម្ពុជានៅតែជា សេដ្ឋកិច្ចទីផ្សារបើកចំហ ជាមួយនឹងគោលនយោបាយពាណិជ្ជកម្មនិងការវិនិយោគសេរី ដូច្នេះធ្វើឱ្យវាមានឱកាសពេញលេញសម្រាប់វិនិយោគិន។ Realestate.com.kh បានបង្ហាញថាប្រទេសកម្ពុជាជាទិសដៅទាក់ទាញសម្រាប់វិនិយោគផ្ទាល់ពីបរទេស ដោយសារតែភាពអាចរកបាននៃពលកម្មតម្លៃទាប, នគរូបនីយកម្មយ៉ាងឆាប់រហ័ស, មនុស្សវណ្ណៈកណ្តាលកំពុងកើនឡើង, ងាយស្រួល, គោលនយោបាយសេរីនិងបើកចំហសម្រាប់អាជីវកម្មបរទេស, ភាសាភាសាអង់គ្លេសជាភាសាអាជីវកម្មចម្បង, ទាក់ទាញនូវការលើកទឹកចិត្តពន្ធដារ និងការលើកលែងពន្ធនាំចូល / នាំចេញ, ការកែលម្អហេដ្ឋារចនាសម្ព័ន្ធ និងបណ្តាញដឹកជញ្ជូននៅតែបន្ត ព្រមទាំងឥទ្ធិពលនៃប្រាក់ដុល្លារអាមេរិក។ សូមស្វែងរកអចលនទ្រព្យទូទាំងព្រះរាជាណាចក្រកម្ពុជានៅលើគេហទំព័រ Realestate.com.kh ឥឡូវនេះ! សូមពិនិត្យមើលប្រភពសំខាន់ៗដទៃទៀត នៅលើគេហទំព័រ Realestate.com.kh ក្នុង ទម្រង់ទីតាំងរបស់យើង និង មគ្គុទ្ទេសក៍វិនិយោគិនៈ សិក្សាបន្ថែមទៀតអំពី ប្រទេសកម្ពុជា, រាជធានីភ្នំពេញ, ខេត្តសៀមរាប, និងក្រុងព្រះសីហនុ។ សិក្សាបន្ថែមទៀតអំពី ការវិនិយោគក្នុងប្រទេសកម្ពុជា, កម្មសិទ្ធិភាពរបស់ជនបរទេសនៅកម្ពុជា និង បទពិសោធន៍ជនបរទេសនៅកម្ពុជា!
