​អគារដ៏ប្រណិតស្ថិតនៅទីក្រុងកោះពេជ្រគឺអគារ ​Aquation Diamond Island ដែលជាតំបន់ប្រមូល
ផ្តុំដោយការិយាល័យជាច្រើន។​​​​ Aquation​ ​មិនមែនជាតំបន់ការិយាល័យបែបសាមញ្ញៗនោះទេ​
ប៉ុន្តែវាគឺជាតំបន់មួយ ដែលត្រូវបានបង្កើតឡើងដោយរូមបញ្ចូលនូវគំនិតរចនាដ៏ស្រស់ស្អាត​​
និងសោភណ្ឌភាពបែបអេកូធម្មជាតិ ជាមួយលក្ខណៈពិសេសដ៏ល្អប្រណិត។​

Aquation Diamond​​ Island ត្រូវបានបង្កើតឡើងជាមួយភាពឆើតឆាយ​ និងរចនាបថដ៏ទាក់ទាញ។​
បរិវេណគម្រោងនេះមានប្រាំមួយអគារផ្សេងៗគ្នា​ ដែលអគារទាំងអស់​សាងសង់ជាជួរយ៉ាងរៀបរយ
និងរូមបញ្ចូលគ្នាយ៉ាងឥតខ្ចោះទៅតាមបែបធម្មជាតិ​។​


តំបន់បៃតងគឺជាកន្លែងដែលធំបំផុតនៅបរិវេណ Aquation Diamond Island​ ដែលមានដូចជា
ទឹករាំនៅចំចំណុចកណ្តាល អាងហែលទឹក និងទីលានបាល់ទាត់។

ដោយស្ថិតនៅផ្នែកខាងស្តាំនៃកោះពេជ្រ Aquation គឺជាកន្លែងដែលសម្បូរទៅដោយអ្នកជំនួញ ធំៗជាច្រើនរបស់កម្ពុជា។
ជាក់ស្តែងក្នុងពេលបច្ចុប្បន្ននៅក្បែរ Aquation​ ជាកន្លែងដែលប្រមូលផ្តុំទៅដោយខុនដូប្រណិតៗ រួមទាំងកន្លែងវាយកូនហ្គោល
អាងហែលទឹក កន្លែងហាត់ប្រាណ ភោជនីយដ្ឋាន ធនាគារ និងសាលាអន្តរជាតិជាច្រើនទៀតផង។​
អ្វីដែលពិសេសនោះគឺ Aquation គឺជាតំបន់ដ៏ល្អឥតខ្ចោះសម្រាប់ការធ្វើការងារ
និងរស់នៅសម្រាប់ជីវិតបែបទាន់សម័យនៅក្នុងទីក្រុង។

អគារនីមួយៗរបស់ Aquation Diamond Island មានការិយាល័យធ្វើការងារពីរជាន់។​ អ្នកដែលធ្វើការនៅក្នុងការិយាល័យរបស់ Aquation Diamond Island​ ទាំងអស់នឹងមានអារម្មណ៏
ស្រស់ស្រាយ ជាមួយបរិយាកាសធម្មជាតិពិតៗ។

ការិយាល័យនៅទីនេះមានទំហំពី​ ១២៧ ទៅ ២៨៤ ម៉ែត្រការ៉េ និងមានតែ ៥០​ យូនីត​ប៉ុណ្ណោះ។
សម្រាប់ការជួលការិយាល័យគម្រោងក៏ផ្តល់ជូនកន្លែងចតរថយន្តដ៏ធំទូលាយ។

បើសិនជាអ្នកត្រូវការការិយាល័យការងារមួយដែលផ្តោតសំខាន់លើបរិយាកាសល្អ ឬការយកចិត្តទុកដាក់ខ្ពស់ផ្នែករចនា ទីនេះគឺល្អបំផុតសម្រាប់អ្នក។ តម្លៃជួលត្រឹមតែចាប់ពី ២២ ដុល្លារក្នុង ១ ម៉ែត្រការ៉េ រួមបញ្ចូលទាំងថ្លៃសេវាគ្រប់គ្រង។

ការិល័យការងារ ជាផ្នែកមួយដ៏ចាំបាច់នៃភាពរីកចម្រើននៃអាជីវកម្មរបស់អ្នក។​