តារាសាគរគឺជាគម្រោងអភិវឌ្ឍន៍អចលនទ្រព្យខ្នាតធំនិងដំបូងគេបង្អស់នៅចំកណ្ដាលតំបន់អភិវឌ្ឍន៍ពិសេស ឆ្នេរ Stardream ដែលបាននឹងកំពុងដាក់លក់នៅលើទីផ្សារ។ ជាមួយរចនាបទបែបរមណីយដ្ឋានវិស្សមកាល គួបផ្សំនឹងការរចនាផ្អែកលើបែបផែននៃការរក្សានិរន្តរភាពនៃជីវិតនិងប្រព័ន្ធអេកូឡូស៊ី គម្រោងនេះនឹងត្រូវស្ថាបនាទៅជាសហគមន៍អេកូឡូស៊ីជាប់ឆ្នេរសមុទ្រដែលជានិមិត្តរូបរបស់អាស៊ីអាគ្នេយ៍។ គ្រោងនឹងបញ្ចប់ការសាងសង់ក្នុងរយៈពេល៥ឆ្នាំ គម្រោងនេះរួមបញ្ចូលគ្នារវាងលំនៅដ្ឋានលក្ខណៈឯកជន សណ្ឋាគារ រមណីយដ្ឋានលម្លែកាយ និងមជ្ឈមណ្ឌលពាណិជ្ជកម្មស្តង់ដារអន្តរជាតិ។

គម្រោងអភិវឌ្ឍន៍ដ៏សម្បើមនេះគ្របដណ្ដប់លើផ្ទៃដីទំហំ ២០ គីឡូម៉ែត្រការ៉េ និងមានទំហំអភិវឌ្ឍន៍សរុបប្រមាណ ៤.៥ លានម៉ែត្រការ៉េ។ ២ភាគ៣នៃគម្រោងអភិវឌ្ឍន៍ទាំងមូលនឹងត្រូវស្ថាបនាសម្រាប់ដាក់លក់នៅលើទីផ្សារ។​

គម្រោងអភិវឌ្ឍន៍ដំណាក់កាលទី១ផ្តោតសំខាន់លើអគារលំនៅដ្ឋាន ដែលមានក្រឡាផ្ទៃសរុបប្រមាណ ១៣៣,០០០ ម៉ែត្រការ៉េ និងដង់ស៊ីតេក្នុងកម្រិត ០.៧៨។ គម្រោងនេះផ្ដល់ជូននូវលំនៅដ្ឋានប្រណីតលក្ខណៈផ្ទះវីឡានិងផ្ទះល្វែងដែលមានចំណតរថយន្តផ្ទាល់ខ្លួន រួមជាមួយនឹងអគារពាណិជ្ជកម្មកម្រិតខ្ពស់ដែលប្រមូលផ្តុំដោយផ្សារទំនើប មជ្ឈមណ្ឌលកម្សាន្ត សណ្ឋាគារ និងអាផាតមិន។

តារាសាគរ គឺជាគម្រោងអភិវឌ្ឍន៍ចម្រុះដែលរួមបញ្ចូលគ្នារវាងលំនៅដ្ឋាន រមណីយដ្ឋានទេសចរណ៍ ភោជនីយដ្ឋាន ហាងលក់ទំនិញ មជ្ឈមណ្ឌលកម្សាន្ត មជ្ឈមណ្ឌលថែទាំសុខភាព សាលារៀន និងសេវាសាធារណៈជាច្រើនទៀត។ រមណីយដ្ឋានវិស្សមកាលមួយនេះគឺជាទិសដៅដ៏ល្អឥតខ្ចោះសម្រាប់គ្រប់ឱកាស មិនថាការក្រេបទឹកឃ្មុំរបស់គូស្វាមីភរិយាថ្មី ការជួបជុំវិស្សមកាលលក្ខណៈគ្រួសារ ពិធីជប់លៀងព្រឹត្តិការណ៍សង្គម ឬវេទិកាឧស្សាហកម្មនោះឡើយ។

តារាសាគរ គឺជាបេះដូងនៃជីវិតរស់នៅតាមកម្រិតស្តង់ដារអន្តរជាតិនៅក្នុងតំបន់ឆ្នេរ Stardream។ តំបន់ឆ្នេរ Stardream គឺជាគម្រោងអភិវឌ្ឍន៍ទ្វេភាគីរវាងប្រទេសចិន និងប្រទេសកម្ពុជា ដែលបាននឹងកំពុងត្រូវបានអភិវឌ្ឍដោយក្រុមហ៊ុន Union Development Group Co.,Ltd ចាប់តាំងពីឆ្នាំ ២០០៨ មកម្ល៉េះ។ វាមានទីតាំងស្ថិតនៅខេត្តកោះកុងដែលជាឆ្នេរប៉ែកនិរតីរបស់ប្រទេសកម្ពុជាក្នុងឈូងសមុទ្រថៃ ហើយមានចម្ងាយ ២៦៣ គីឡូម៉ែត្រពីរាជធានីភ្នំពេញ។

តំបន់នេះគឺជាជម្រកព្រៃកោងកាងធំបំផុតលំដាប់ទី២ក្នុងពិភពលោក និងហ៊ុមព័ទ្ធដោយឆ្នេរស្រស់ស្អាតចំនួន៧កន្លែង ដែលធ្វើឱ្យតំបន់ធម្មជាតិនេះមានឈ្មោះល្បីខ្ទរខ្ទារហើយត្រូវបានគេដាក់ឈ្មោះថាជាឆ្នេរ Stardream។

ស្របពេលដែលប្រទេសកម្ពុជាមានការរីកចម្រើនទៅមុខឥតឈប់ឈរក្នុងអំឡុង១ទស្សវត្សរ៍ចុងក្រោយនេះតំបន់អភិវឌ្ឍន៍ពិសេស Stardream ក៏មានការរីកលូតលាស់ទៅមុខយ៉ាងរហ័សផងដែរជាមួយនឹងការអភិវឌ្ឍគម្រោងប្លង់មេថ្មីដែលរួមបញ្ចូលគ្នារវាងតំបន់សេដ្ឋកិច្ចពហុវិស័យ រួមមាន វិស័យទេសចរណ៍ វិស័យដឹកជញ្ជូនទំនិញតាមផ្លូវអាកាស ឧទ្យានឧស្សាហកម្ម វិស័យកសិកម្ម វិស័យវប្បធម៌ និងវិស័យសុខាភិបាល។ មកទល់សព្វថ្ងៃ បណ្តាញផ្លូវមួយខ្សៃប្រវែង ៣០០ គីឡូម៉ែត្រត្រូវបានសាងសង់រួចរាល់ជាស្ថាពរ ដោយរួមបញ្ចូលនូវផ្លូវល្បឿនលឿន ៦គន្លង ដែលផ្សារភ្ជាប់តំបន់អភិវឌ្ឍន៍នេះទៅកាន់ពិភពខាងក្រៅ។ ហេដ្ឋារចនាសម្ព័ន្ធជាច្រើនទៀត ដូចជា ឃ្លាំងផ្ទុកទំនិញ (ចំណុះ ២ ម៉ឺនតោន) អាងស្តុកទឹក រោងចក្រចម្រោះទឹក រោងចក្រផលិតថាមពល សណ្ឋាគារ ក្លិបវាយកូនហ្គោល និងរមណីយដ្ឋានធម្មជាតិបែបត្រូពិក ក៏ត្រូវបានដាក់ឱ្យប្រើប្រាស់ផងដែរ។ បន្ថែមពីលើនេះទៀត ផ្លូវចុះចតយន្តហោះប្រវែង ៣,២០០ ម៉ែត្រ នឹងត្រូវបើកដំណើរការជាផ្លូវការនាចុងឆ្នាំ ២០២០នេះដែរ។

តំបន់អភិវឌ្ឍន៍ពិសេសនេះគឺជាជម្រកព្រៃកោងកាងធំបំផុតក្នុងឧបទ្វីបអាស៊ីអាគ្នេយ៍ និងលំដាប់ទី២នៅក្នុងពិភពលោក។ ក្រៅពីសម្បត្តិធម្មជាតិដ៏ស្រស់ត្រកាល តំបន់ធម្មជាតិមួយនេះត្រូវបានហ៊ុមព័ទ្ធដោយឆ្នេរសមុទ្រដ៏វែងអន្លាយប្រវែង ៩០ គីឡូម៉ែត្រ និងកំរងកោះចំនួន ៤ ស្ថិតនៅប៉ែកខាងត្បូង។ តំបន់ឆ្នេរ Stardream នាំមកនូវបទពិសោធថ្មីនៃការរុករកក្នុងឧទ្យានអេកូឡូស៊ី និងពិភពបាតសមុទ្រ។ រមណីយដ្ឋាន Stardream Coast Resort មានទីលានវាយកូនហ្គោល ៣៦រន្ធ ស្តង់ដារអន្តរជាតិដំបូងគេបង្អស់របស់ប្រទេសកម្ពុជាដែលទាក់ទាញភ្ញៀវអន្តរជាតិយ៉ាងច្រើនសន្ធឹកសន្ធាប់ ហើយជាទីតាំងរៀបចំព្រឹត្តិការណ៍សំខាន់ៗ ដូចជា ពិធីបើកយុទ្ធនាការប្រណាំងកង់អន្តរជាតិឆ្នាំ ២០២០ ជាដើម។

តារាសាគរ ផ្តល់ជូននូវជម្រើសផ្ទះវីឡានិងបឹងហ្គាឡូច្រើនប្រភេទ អមដោយតំបន់អាជីវកម្មចម្រុះដ៏ធំទូលាយ។ តំបន់អាជីវកម្មនេះមានផ្សារទំនើបចំនួន២កន្លែង ព្រមទាំងសេវាកម្មជាច្រើនទៀត​ រួមមាន សាលប្រជុំ ការិយាល័យធ្វើការរួម​ រោងភាពយន្ត សាលសម្រាប់រៀបចំកម្មវិធីជប់លៀង បន្ទប់ស្ប៉ា ភោជនីយដ្ឋាន ហាងកាហ្វេ ហាងនំ ហាងលក់ទំនិញ ឱសថស្ថាន បារ ក្លិបកម្សាន្ត និងសេវាកម្មជាច្រើនទៀត។ គេហដ្ឋាននីមួយៗត្រូវបានរចនាឡើងយ៉ាងឆើតឆាយគួរឱ្យចង់រស់នៅ។ លើសពីនេះ​ ម្ចាស់គេហដ្ឋានអាចប្រើប្រាស់ក្លិបហាត់ប្រាណ អាងហែលទឹក និងកន្លែងថែទាំសុខភាពលក្ខណៈសហគមន៍ ដោយឥតគិតថ្លៃ។
ក្លាយជាម្ចាស់អាផាតមិន ឬ គេហដ្ឋាននៃគម្រោងតារាសាគរដើម្បីភ្លក្សរសជាតិនៃជីវិតរស់នៅដ៏ស្រស់បំព្រងអមដោយឧទ្យានធម្មជាតិដ៏សែនមនោរម្យ។ លំនៅដ្ឋានឯកជនក្នុងគម្រោងតារាសាគរ នាំមកនូវខ្លឹមសារជីវិត និងការវិនិយោគត្រលប់មកវិញដ៏ងាយស្រួលដូចនឹងអ្វីដែលអ្នកប្រាថ្នាចង់បាន។