យូនីតប្រភេទនេះស័ក្តិសមសម្រាប់គ្រួសារតូច ដោយមានបន្ទប់គេង២ និងបន្ទប់ទទួលភ្ញៀវធំល្មមសម្រាប់ទទួលទានអាហារនិងសម្រាកអង្គុយលេង។ បន្ទប់គេង១ក្នុងចំណោមនោះអាចប្រែក្លាយទៅជាបន្ទប់សិក្សាបានយ៉ាងងាយស្រួល។ ផ្ទះបឹងហ្គាឡូប្រភេទនេះមានយូនីតចំនួន២នៅក្នុងផ្ទះតែមួយ ដែលបានរចនាឡើងតាមបែបផែននៃស្ថាបត្យកម្មប្រពៃណីខ្មែរ។ បន្ទប់ទទួលភ្ញៀវនៅជាន់ផ្ទាល់ដីផ្សារភ្ជាប់ទៅនឹងទីធ្លាខាងមុខផ្ទះតាមរយៈបង្អួចពីបាតដល់ពិដាន បង្កើតបាននូវបរិយាកាសដ៏ស្រស់ស្រាយគួរឱ្យចង់រស់នៅ។ ចំណែកឯយូនីតជាន់ទី១វិញ មានរានហាលផ្ទាល់ខ្លួនដែលនាំមកនូវបរិយាកាសដ៏ស្រស់ស្រាយ រស់រវើក និងប្រកបដោយឯកជនភាព។


.