ផ្ទះបឹងហ្គាឡូប្រភេទនេះមានយូនីតបន្ទប់គេង៣ ចំនួន២យូនីតនៅក្នុងផ្ទះតែមួយ។ ការរចនាម៉ូដតាមបែបផែននៃស្ថាបត្យកម្មប្រពៃណីខ្មែរគួបផ្សំនឹងការរៀបចំប្លង់បាតដ៏ឆ្លាតវៃ
បង្កើតបាននូវអារម្មណ៍រស់នៅដ៏សុខសាន្តជាគេហដ្ឋានយ៉ាងពិតប្រាកដ ដោយមានផ្លូវចូល កន្លែងទទួលទានអាហារ និងកន្លែងសម្រាកអង្គុយលេងប្រកបដោយផាសុកភាព។ បន្ទប់ទទួលភ្ញៀវដ៏ធំទូលាយនៅជាន់ផ្ទាល់ដីស័ក្តិសមសម្រាប់ការជួបជុំពិសាភោជនាហារ ហើយវាផ្សារភ្ជាប់ទៅនឹងទីធ្លាខាងមុខផ្ទះតាមរយៈបង្អួចពីបាតដល់ពិដាន បង្កើតបាននូវបរិយាកាសដ៏ស្រស់ស្រាយគួរឱ្យចង់រស់នៅ។ ចំណែកឯយូនីតជាន់ទី១វិញ មានរានហាលផ្ទាល់ខ្លួនដែលនាំមកនូវបរិយាកាសដ៏ស្រស់ស្រាយ រស់រវើក និងប្រកបដោយឯកជនភាព។