វីឡាម៉ាក់ណូលា នៃកោះមរកត ជាប្រភេទវីឡាដែលមាន៣ជាន់ ដោយមានបន្ទប់គេង៤ និងបន្ទប់ទឹក៦។ វីឡាប្រភេទនេះផ្ដល់នូវផ្ទៃធំទូលាយ រហូតដល់៥០៩ម៉ែត្រការ៉េដែលឱ្យអតិថិជនដែលចូលមករស់នៅ ទទួលបានទីធ្លាធំទូលាយ សម្រាប់កសាងក្ដីស្រម៉ៃ នៃគេហដ្ឋានរបស់ខ្លួន។ ការរចនាផ្ទៃខាងក្រៅផ្ទះ សាកសមជាមួយបរិស្ថានជុំវិញ ដោយយកគំនិតស្ថាបត្យកម្មខ្មែរជាគោល។ ការរចនាផ្ទៃខាងក្នុងពោរពេញដោយបែបផែនសម័យទំនើប ដោយប្រើប្រាស់គ្រឿងសម្ភារៈសំណង់ និងសម្ភារៈប្រើប្រាស់មានគុណភាពចំណាត់ថ្នាក់ខ្ពស់ ដែលធ្វើឱ្យម្ចាស់ផ្ទះ និងក្រុមគ្រួសាររីករាយជាមួយជីវិតឯកជន នៃកោះសមុទ្រដែលប្រៀបដូចជានៅកណ្ដាលឋានសួគ៌ត្រូពិច។

ការរចនាផ្នែកខាងក្នុងរបស់វីឡាប្រភេទនេះ ត្រូវបានគិតគូរយ៉ាងគត់មត់ ដោយការយកចិត្តទុកដាក់ខ្ពស់ទៅលើផាសុខភាព និងវិចិត្រកម្មដ៏សម្បូរបែប។ ផ្នែកផ្សេងៗ នៃវីឡាមួយនេះ រួមបញ្ចូលផ្លូវដើរចូលផ្ទះដែលទូលាយ, ផ្ទះបាយទាន់សម័យ, កន្លែងទទួលភ្ញៀវ/កន្លែងទទួលទានអាហារដ៏ធំទូលាយ, បន្ទប់គេង៤, បន្ទប់ទឹក៦, ទីធ្លាកណ្ដាលផ្ទះ, កន្លែងចតឡាន, អាងហែលទឹក និងវេរ៉ង់ដាដែលអាចមើលឃើញទេសភាពសមុទ្រ។

កន្លែងទទួលភ្ញៀវរបស់វីឡានេះ ទូលាយ ជាមួយនឹងពិដានខ្ពស់, បង្អួចធំៗ, ទ្វារដែលបើកសំដៅទៅយ៉ របស់ផ្ទះ ដែលអនុញ្ញាតឱ្យខ្យល់អាកាសបរិសុទ្ធ និងពន្លឺធម្មជាតិ ចូលមកខាងក្នុងផ្ទះ។ ជារួម ទីធ្លាដែលបើកចំហរ ធំទូលាយ និងមានខ្យល់អាកាសចេញចូល ធ្វើឱ្យអ្នក និងក្រុមគ្រួសារមានអារម្មណ៍ស្រស់ស្រាយ ពេលណាក៏ដោយដែលអ្នកដើរទៅលំហែកាយ នៅឯទីធ្លាអាងហែលទឹក។
.
.
.
កោះមរកត ឬកោះពស់គឺជាគម្រោងអចលទ្រព្យ ដ៏ប្រណិតមួយ នៅកម្ពុជា ដែលគ្របដណ្ដប់លើផ្ទៃដីសរុប ១.៦គីឡូម៉ែត្រការ៉េ និងមានចម្ងាយតែ ៩៥០ម៉ែត្រប៉ុណ្ណោះ ពីទីក្រុងឆ្នេរសមុទ្រនៃក្រុងព្រះសីហនុ។ កោះពស់ស្ថិតនៅចុងបំផុត នៃភាគនិរតីប្រទេសកម្ពុជា ដែលជាប់នឹងឈូងសមុទ្រថៃ។ កោះមួយនេះ ភ្ជាប់ទៅកាន់ផ្លូវគោកដោយស្ពានមរកតតេជោ និងជាកោះតែមួយគត់នៅកម្ពុជា ដែលនឹងផ្ដល់នូវជីវិតបែបឯកជនភាពដ៏ប្រណិត និងជិតតំបន់សេដ្ឋកិច្ចប៉ូលក្រុងព្រះសីហនុ។

ភូមិសាស្ត្រ របស់កោះមួយនេះ ខុសពីកោះឯទៀត ដែលធ្វើឱ្យវាក្លាយជាតំបន់មួយដ៏ទាក់ទាញបំផុត សម្រាប់ភ្ញៀវក្នុងស្រុក និងភ្ញៀវទេសចរអន្តរជាតិ។ ទន្ទឹមនឹងនេះ ក្រុងព្រះសីហនុ ក៏មានប្រលានយន្តហោះអន្តរជាតិផ្ទាល់ខ្លួន ដែលមានជើងហោះហើរឆ្ពោះទៅកាន់ប្រទេសចិន, សឹង្ហបុរី, ម៉ាឡេស៊ី, ម៉ាកាវ, ថៃឡង់ដ៏ ហើយក៏មានជើងហោះហើរក្នុងស្រុកឆ្ពោះទៅភ្នំពេញ និងខេត្តសៀមរាបផងដែរ។​ កោះមរកត ស្ថិតនៅចម្ងាយតែ២៦គីឡូម៉ែត្រប៉ុណ្ណោះ ពីប្រលានយន្តហោះអន្តរជាតិព្រះសីហនុ។ ក្រុងព្រះសីហនុមានចម្ងាយត្រឹមតែ ២៣២ គីឡូម៉ែត្រ ពីរាជធានីភ្នំពេញ ហើយវានឹងកាន់តែជិតជាងនេះ បន្ទាប់ពីផ្លូវល្បឿនលឿនភ្នំពេញ-ព្រះសីហនុ សាងសង់រួចនៅឆ្នាំ ២០២៣។

ក្រុមហ៊ុនកោះពស់ (ខេមបូឌា) អុិនវេសមេន គ្រុប អិលធីឌី (KPIG) គ្រោងអភិវឌ្ឍកោះមរកត ឱ្យក្លាយជាទិសដៅពហុគោលបំណងបែបស្ដង់ដារអន្តរជាតិ។ ទាំងអស់នេះ ស្ថិតក្នុងផែនការកែប្រែកោះមរកត ឱ្យក្លាយជា “តំបន់ឆ្នេរមាស” នៅក្នុងអាស៊ាន។ គម្រោងកោះមរកតគ្របដណ្ដប់លើការស្ថាបនាសណ្ឋាគារប្រណិតលំដាប់ផ្កាយ៦ ចំនួន១, សណ្ឋាគារប្រណិតលំដាប់ផ្កាយ៥ ចំនួន២, កាស៊ីណូវីអាយភី ចំនួន១, ក្លឹបឆ្នេរខ្សាច់, អាហារដ្ឋាន និងកន្លែងបម្រើភេសជ្ជៈស្តង់ដារ, មជ្ឈមណ្ឌលកីឡានិងស្ប៉ាដ៏ប្រណិត, ភូមិដ្ឋានក្បែរឆ្នេរ, សាលប្រជុំ និងសន្និសីទ, អាផាតមិន, បឹងកាឡូ និងវីឡា។ កោះមរកតផ្ដល់ឱ្យអ្នកតាំងទីលំនៅ និងភ្ញៀវនូវអារម្មណ៍ឯកជនភាព និងសុវត្ថិភាព នៅលើទីក្រុងឆ្នេរសមុទ្រមួយនេះ និងឱកាសក្នុងការភ្ជាប់ខ្លួនទៅនឹងភាពស៊ីវីល័យ នៃក្រុងព្រះសីហនុ តាមរយៈស្ពានដែលទើបតែត្រូវបានសាងសង់។

កោះមរកត មានមោទនភាពក្នុងការបង្ហាញបុរីវីឡាដ៏ល្អឯក ជាមួយលំនៅដ្ឋាន៣៦ ដែលនៅជាប់នឹងសមុទ្រដ៏ស្រស់បំព្រង។ វីឡាទាំងអស់ មាន៥ប្រភេទ ដោយប្រភេទនីមួយៗខុសគ្នាទៅតាមផ្ទៃសាច់ខាងក្នុងផ្ទះដូចជា​ ​កន្លែងសម្រាកលំហែ,​ វ៉េរ៉ងដារ, អាងហែលទឹកខាងក្រៅផ្ទះ និងទីធ្លាសម្រាប់ចតឡាន។ ការរចនាផ្ទៃខាងក្នុង និងខាងក្រៅផ្ទះ ត្រូវបានគិតគូរយ៉ាងម៉ត់ចត់ ដោយរួមបញ្ចូលផាសុខភាព និងភាពសម្បូរបែបនៃការរចនា។

វីឡាដែលទើបតែសាងសង់ថ្មីទាំង៣៦ ដែលកំពុងដាក់លក់ ស្ថិតនៅតំបន់R5.1 ជាប់នឹងឆ្នេរ, បែរមុខទៅកាន់ទីក្រុងព្រះសីហនុ, មានចម្ងាយត្រឹម៣០០ម៉ែត្រពីស្ពានតេជោមរកតដែលនៅខាងឆ្វេងដៃ ប៉ុន្តែស្ថិតនៅជាប់តំបន់ឆ្នេរខ្សាច់គោលតែម្ដង។ គម្រោងបុរីវីឡាមួយនេះ ត្រឹមតែជាគម្រោងដំបូង នៃផែនការគោលធំរបស់កោះមរកតប៉ុណ្ណោះ។ គម្រោងកោះមរកត ជាគម្រោងដ៏ធំសម្បើមដែលព្យាយាមប្រែក្លាយកោះមួយនេះ ឱ្យក្លាយជាមជ្ឈមណ្ឌលសេដ្ឋកិច្ច និងសង្គមមួយតែម្ដង។