គម្រោង វ័ន្តផាក់​ (ONE PARK) គឺជាគម្រោងលំនៅដ្ឋានលំដាប់ខ្ពស់ ដែលបានស្ថាបនាឡើងដោយក្រុមហ៊ុន GRED Real Estate Company ក្រោមការសហការពីសំណាក់ក្រុមហ៊ុន DPA ដែលជាក្រុមហ៊ុនស្ថាបត្យកម្មដ៏ល្បីឈ្មោះរបស់ប្រទេសសិង្ហបុរី។ គម្រោងនេះបានបញ្ចប់ការសាងសង់ជាស្ថាពរកាលពីខែមិថុនា ឆ្នាំ២០១៩ ហើយបានក្លាយទៅជាទីសម្គាល់ថ្មីមួយនៃទីក្រុងភ្នំពេញ។ ជាមួយនឹងទីតាំងដ៏ប្រណីតស្ថិតនៅក្នុងតំបន់ស្នូលនៃទីក្រុងរណប ភ្នំពេញ ស៊ីធី សេនធ័រ (Phnom Penh City Center) គម្រោង វ័ន្តផាក់ ហ៊ុមព័ទ្ធទៅដោយមជ្ឈមណ្ឌលពាណិជ្ជកម្មសំខាន់ៗ គោលដៅកម្សាន្តដ៏សម្បូរបែប ក៏ដូចជាអគាររដ្ឋាភិបាល មជ្ឈមណ្ឌលសុខភាព និងស្ថាប័នអប់រំជាច្រើនទៀត ដែលមានចម្ងាយត្រឹមតែ ៥នាទី ពីគម្រោងនេះ។

វ័ន្តផាក់ គឺជាសហគមន៍លំនៅដ្ឋានលក្ខណៈសួនច្បារដំបូងគេបង្អស់ក្នុងទីក្រុងភ្នំពេញ ដែលលាតសន្ធឹងលើផ្ទៃដីប្រមាណ ៧៩,០០០ ម៉ែត្រការ៉េ ជាមួយនឹងទំហំអភិវឌ្ឍន៍សរុប ៣៣០,០០០ ម៉ែត្រការ៉េ អមដោយសួនបៃតងដ៏ស្រស់បំព្រងទំហំ ៣៣,០០០​ ម៉ែត្រការ៉េ។ គម្រោងនេះនាំមកនូវជីវិតរស់នៅទំនើបបែបទីក្រុងអមដោយធម្មជាតិដ៏ស្រស់ត្រកាល តាមរយៈសួនធម្មជាតិលក្ខណៈត្រូពិក និងមជ្ឈមណ្ឌលពាណិជ្ជកម្មដ៏ទំនើបទំហំ ១៩,០០០ ម៉ែត្រការ៉េ។

អគារនៃគម្រោង វ័ន្តផាក់ មានកម្ពស់ចាប់ពី ១២ ជាន់ដល់ ១៥ ជាន់ និងមានយូនីតសរុបចំនួន ១,៣៣៤ យូនីត អមដោយចំណតរថយន្តចំនួន ១,៦១៤។

ដើម្បីធានាបាននូវផាសុកភាពនិងសុខុមាលភាពយ៉ាងពេញលេញសម្រាប់អ្នករស់នៅ ម្ចាស់គម្រោងបានចុះកិច្ចសន្យាជាមួយក្រុមហ៊ុន PIVOTA ដែលជាអ្នកជំនាញគ្រប់គ្រងអចលនទ្រព្យដ៏ល្បីឈ្មោះ។ ទន្ទឹមគ្នានេះដែរ ម្ចាស់គម្រោងក៏បាននាំមកនូវ សាលាអន្តរជាតិ SCIA Singapore
ក្រុមហ៊ុនគ្រប់គ្រងអាផាតមិនលំដាប់ផ្កាយប្រាំ “Oakwood” និងក្រុមហ៊ុនលក់រាយលំដាប់ថ្នាក់អន្តរជាតិ “The Lane” ដែលធ្វើឱ្យ វ័ន្តផាក់ ក្លាយទៅជាសហគមន៍លំនៅដ្ឋានសម័យទំនើបដែលពិសេសខុសប្លែកពីគេ។

អាផាតមិនក្នុងគម្រោង វ័ន្តផាក់ ត្រូវបានតុបតែងយ៉ាងស្អាតឆើតឆាយ និងផ្ដល់ជូនជម្រើសយូនីតច្រើនប្រភេទ ចាប់ពី អាផាតមិនបន្ទប់គេង១ រហូតដល់បន្ទប់គេង៣ និងផែនហៅស៍ (Penthouse) យ៉ាងល្អប្រណីត ជាមួយនឹងទំហំចាប់ពី ៦៩ ម៉ែត្រការ៉េ ដល់ ១៤៦ ម៉ែត្រការ៉េ។​​ យូនីតនីមួយៗត្រូវបានបំពាក់ដោយសម្ភារបរិក្ខារ និងគ្រឿងសង្ហារិមយ៉ាងពេញលេញ ដែលបង្កភាពងាយស្រួលសម្រាប់ការរើចូលនៅភ្លាមៗ។ បន្ថែមពីលើនេះទៀត ម្ចាស់អាផាតមិននឹងទទួលបានបទពិសោធរស់នៅដ៏រីករាយ ជាមួយនឹងអាងហែលទឹក កន្លែងហាត់ប្រាណ អាងត្រាំទឹក “Jacuzzi” កន្លែងក្មេងលេង និងសេវាកម្មជាច្រើនទៀត។

បច្ចុប្បន្ន ម្ចាស់គម្រោងមានការផ្ដល់ជូនពិសេសសម្រាប់អតិថិជន ជាមួយនឹងលក្ខខណ្ឌទិញយូនីតដោយពុំចាំបាច់មានប្រាក់បង់មុន និងការធានាជួលត្រឡប់រហូតដល់ ៤០ភាគរយ ក្នុងរយៈពេល ៥ឆ្នាំ ដែលនាំឱ្យគម្រោង វ័ន្តផាក់ មានភាពទាក់ទាញយ៉ាងខ្លាំងសម្រាប់ទាំងអ្នកស្វែងរកទិញលំនៅដ្ឋានរស់នៅ និងវិនិយោគិន។