រេស៊ីដេន អិល បឹងទំពុន គឺជាគម្រោងខុនដូបែបទំនើបកម្ពស់ ២៧ ជាន់ដែលត្រូវបានអភិវឌ្ឍដោយ ក្រុមហ៊ុនអភិវឌ្ឍន៍អចលនទ្រព្យក្នុងស្រុកដែលមានកេរ្តិ៍ឈ្មោះល្បីល្បាញ និងរីកចម្រើនយ៉ាងឆាប់រហ័ស បំផុតគឺក្រុមហ៊ុន LCPP Residence Co., Ltd ដែលទើបតែត្រូវបានបង្កើតឡើងកាលពី៥ឆ្នាំមុន។ ចាប់តាំងពីត្រូវបានបង្កើតឡើងក្នុងរយៈពេលដ៏ខ្លី ក្រុមហ៊ុនបានប្រែខ្លួនក្លាយទៅជាអ្នកដឹកនាំឈាន មុខគេនៅក្នុងវិស័យអភិវឌ្ឍន៍ខុនដូទំនើបដែលមានតម្លៃសមរម្យ។

រេស៊ីដេន អិល បឹងទំពុន មានទីតាំងស្ថិតនៅក្នុងខណ្ឌមានជ័យ រាជធានីភ្នំពេញ ដែលជាខណ្ឌមួយក្នុង រាជធានីភ្នំពេញដែលកំពុងមានការរីកលូតលាស់ខ្លាំំងផ្នែកអចលនទ្រព្យ ជាតួយ៉ាងយើងឃើញមានការអភិវឌ្ឍន៍គម្រោងថ្មីៗជាច្រើនរួមមាន លំនៅដ្ឋាន អគារការិយាល័យ និង គម្រោងផ្សេងៗទៀត ក្នុងរយៈប៉ុន្មានឆ្នាំចុងក្រោយនេះ ខណៈពេលដែលទីក្រុងកំពុងតែត្រូវបានពង្រីក។

រេស៊ីដេន អិល បឹងទំពុន គឺជាគម្រោងដែលមានទីតាំងល្អ និង មានសក្តានុពលច្រើន។ គម្រោងនេះត្រូវ បានព័ទ្ធជុំវិញដោយសាលារៀន ផ្សារ និង តំបន់ពាណិជ្ជកម្មកណ្តាលរបស់ទីក្រុង។ អ្វីដែលកាន់តែពិសេស នោះ វាមានចម្ងាយត្រឹមតែ២០នាទីប៉ុណ្ណោះឆ្ពោះទៅកាន់អាកាសយានដ្ឋានអន្តរជាតិភ្នំពេញ។ គម្រោងនេះគឺជាជម្រើសដ៏ល្អបំផុតចំពោះលំនៅដ្ឋានសម្រាប់គូស្វាមីភរិយាដែលជាអ្នកធ្វើការ ឬ អ្នកធ្វើការដែលនៅលីវ ហើយចង់មានផ្ទះផ្ទាល់ខ្លួនដំបូង។

រេស៊ីដេន អិល បឹងទំពុន មានចំនួនយូនីតសរុបទាំងអស់ ៧១៤ បែងចែកជា ១២ ប្រភេទផ្សេងៗគ្នា។ គម្រោងទាំងមូលគ្របដណ្ដប់លើផ្ទៃដីសរុប ៦៧.៥០០ ម៉ែត្រការ៉េ។ ចាប់ពីជាន់ទី ១ ដល់ជាន់ទី ៥ ត្រូវបានរៀបចំទុកធ្វើជាចំណតយានយន្ដ។ គម្រោងនេះស្ថិតនៅលើផ្ទៃដីសរុប ២៦០០ ម៉ែត្រក្រឡា។ ការស្ថាបនាគម្រោងរេស៊ីដេន អិល បឹងទំពុន បានចាប់ផ្តើមតាំងពីថ្ងៃទី ០១ ខែមេសា ឆ្នាំ ២០១៧ ហើយគ្រោងនឹងបញ្ចប់នៅថ្ងៃទី ៣០ ខែធ្នូ ឆ្នាំ ២០២០ ។

ទោះបីជាក្រុមហ៊ុនដែលមានមូលដ្ឋាននៅក្នុងប្រទេសកម្ពុជាក៏ដោយ ក៏ក្រុមហ៊ុន LCPP Residence Co., Ltd ប្តេជ្ញាកសាងគម្រោងនីមួយៗទៅតាមស្តង់ដារអន្តរជាតិដែលត្រូវបានទទួល ស្គាល់ជាលក្ខណៈ អន្តរជាតិ ហើយនៅតែរក្សាបាននូវតម្លៃសមរម្យ។ គម្រោងរេស៊ីដេន អិល បឹងទំពុន គឺជា ឧទាហរណ៍ដ៏ ល្អមួយ។ យូនីតនៅក្នុងអគាររេស៊ីដេន អិល បឹងទំពុន មានតម្លៃទាបបំផុតចាប់ពី ២៥,០០០ ដុល្លារអាមេរិក ឬ ៨៥០ ដុល្លារអាមេរិកក្នុងមួយម៉ែត្រការ៉េ។

ក្រុមហ៊ុនអភិវឌ្ឍន៍គម្រោងក៏ផ្តល់ឲ្យនូវវិធីទូទាត់ដែលអាចបត់បែនបានសម្រាប់អ្នកដែលចាប់ អារម្មណ៍ចង់ទិញ។ ក្រុមហ៊ុនផ្ដល់ឲ្យវិធីបង់ប្រាក់ចំនួន ៤ ផ្សេងគ្នាដូចខាងក្រោម៖

វិធីទី ១៖ ការបង់រំលោះ ១០% ក្នុងមួយខែម្ដងចាប់ពីខែទី ១ ដល់ខែទី ៥ ហើយបន្ទាប់មក ៥ ភាគរយរៀងរាល់ខែចាប់ពីខែទី ៦ ដល់ខែទី ១១ ហើយ ២០ ភាគរយចុងក្រោយនៅពេលធ្វើការប្រគល់ផ្ទះ។

វិធីទី ២៖ ការបង់រំលស់ ១០% ក្នុងមួយខែម្ដងសរុបទាំងអស់ ៩ ខែហើយបន្ទាប់មក ១០% ចុងក្រោយនឹងត្រូវធ្វើឡើងនៅពេលប្រគល់ផ្ទះជូន។ ប្រសិនបើអ្នកជ្រើសរើសយកវិធីទី ២នេះអ្នក នឹងទទួលបានការបញ្ចុះតំលៃចំនួន២% ។

វិធីទី ៣៖ ការបង់រំលស់ ៥% ក្នុងមួយខែម្ដងសរុបទាំងអស់ ៥ ខែហើយ ៧៥% ចុងក្រោយអាចបង់រំលស់រយៈពេល ១៥ ឆ្នាំជាមួយនឹងអាត្រាការប្រាក់ប្រចាំខែ១%។

វិធីទី ៤៖ ការបង់ផ្ដាច់ ១០០% ហើយទទួលបានការបញ្ចុះតំលៃ ៤% ។

លើសពីនេះទៅទៀតអ្នករស់នៅក្នុង រេស៊ីដេន អិល បឹងទំពុន នឹងរីករាយជាមួយបរិក្ខារដ៏អស្ចារ្យជាច្រើន ដែលអាចរកបាននៅក្នុងបរិវេណអគារផ្ទាល់ រួមមាន៖ អាងហែលទឹក កន្លែងហាត់ប្រាណ កន្លែងស្ទីម អាងត្រាំទឹកក្ដៅទឺកត្រជាក់ សួនច្បារ និង ទីធ្លាទំនេរផ្សេងទៀត។

គម្រោងអគារនេះភ្ជាប់មកជាមួយ ជណ្តើរយន្ត អ៊ិនធើណេត ទូរទស្សន៍ខ្សែកាប ប្រព័ន្ធរោទិ៍ពេល មានអាសន្ន កំាមេរ៉ាសុវត្ថិភាព បំពង់ពន្លត់អគ្គីភ័យ និងម៉ាស៊ីនភ្លើងបម្រុង។

ក្រុមហ៊ុន LCPP Residence Co., Ltd, ជាក្រុមហ៊ុននៅពីក្រោយការអភិវឌ្ឍន៍ខុនដូទំនើបដែលមានតំលៃ សមរម្យជាច្រើនដែលត្រូវបានគេស្គាល់ជាទូទៅថាគម្រោង រេស៊ីដិន អិល (Residence L) ក្នុងចំណោម ប្រជាជនកម្ពុជា និងជនបរទេស។

គិតមកត្រឹមពេលនេះក្រុមហ៊ុន LCPP Residence Co., Ltd បានបង្កើតគម្រោងខុនដូចំនួន ៧ នៅទូទាំងរាជធានីភ្នំពេញរួមមាន៖ រេស៊ីដេន អិល បឹងត្របែក រេស៊ីដេន អិល សុវណ្ណ រេស៊ីដេន អូឡាំពិក រេស៊ីដេន អិល ប៊ីខេខេ រេស៊ីដេន អិល បឹងត្របែក ២ រេស៊ីដេន អិល បឹងទំពុន និង រេស៊ីដេន អិល បុរីកីឡា។ ថ្មីៗនេះក្រុមហ៊ុនក៏បានប្រកាសពីគម្រោងទី ៨ ផងដែរប៉ុន្តែមិនទាន់បានបង្ហាញពីទីតាំងច្បាស់ លាស់របស់គម្រោងនៅឡើយទេ។