គម្រោង បុរី​ អ&អេហ្វ មានទីតាំងស្ថិតនៅត្រង់ចំណុចស្នូលនៃទីក្រុង លើបណ្តោយមហាវិថី ហ៊ុន សែន ក្នុងរាជធានីភ្នំពេញ ដែលមានចម្ងាយតែ ១០ គីឡូម៉ែត្រពីព្រលានយន្តហោះអន្តរជាតិភ្នំពេញ នៅជាប់ព្រំប្រទល់តំបន់កណ្តាលក្រុង ដែលមានតំបន់ស្ថានទូតនៅភាគខាងជើង និងទីក្រុងរណប ING កំពុងអភិវឌ្ឍនៅភាគខាងត្បូង។

គម្រោងនេះក៏ស្ថិតនៅជិតមហាវិថីព្រះមុនីវង្សដែលជាផ្លូវសំខាន់មួយក្នុងចំណោមផ្លូវធំៗក្នុងទីក្រុង ប្រកបដោយសក្តានុពល ​និងមានសេដ្ឋកិច្ចរស់រវើក ដែលព័ទ្ធជុំវិញដោយអាជីវកម្មអន្ដរជាតិ ក្លឹបបាល់ទាត់ ហាងលក់ទំនិញរួចពន្ធ ហាងលក់រថយន្ត 4S និងហាងផ្សេងៗទៀត។ ទីនេះអាចធ្វើដំណើរត្រឹមតែ ១០ នាទីទៅដល់ផ្សារ PH Mall ហើយក៏មិនឆ្ងាយពីគម្រោងផ្សារទំនើប អ៊ីអន៣ ដែរ ដែលទាំងនេះជាអ្វីដែលអ្នកត្រូវការសម្រាប់ការរស់នៅ។

ជាមួយនឹងទំហំអភិវឌ្ឍន៍សរុប ៥៦០,០០០ ម៉ែត្រការ៉េ គម្រោងនេះគឺជាលំនៅដ្ឋានបែបសហគមន៍តែមួយ នៅក្នុងរាជធានីភ្នំពេញ។ សួនច្បារឯកជនមានទំហំជិត ៣ ម៉ឺនម៉ែត្រការ៉េ អមដោយទីលានវាយកូនបាល់ ទីលានវាយសី និងកន្លែងលេងកីឡាផ្សេងៗ ព្រមទាំងអាងហែលទឹកទំហំខ្នាតធំ និងអាងហែលទឹកសម្រាប់កុមារផងដែរ។ ក្រៅពីនេះ មានតំបន់ប្រើប្រាស់ចម្រុះដ៏ធំមួយ ដែលមានកន្លែងហាត់ប្រាណ បន្ទប់ជប់លៀងលក្ខណៈវីអាយភី កន្លែងជក់បារី និងផឹកស្រា ទីលានវាយកូនហ្គោលខាងក្នុង និងកន្លែងប្រណិតផ្សេងៗទៀត។

យូនីតរបស់គម្រោង បុរី​ អ&អេហ្វ មានទំហំផ្សេងៗគ្នា ចាប់ពី ៥៤ ដល់ ១៣០ ម៉ែតការ៉េ។ ប្លង់យូនីតនីមួយៗចាប់ពីប្រភេទ ១ បន្ទប់គេង ទៅ ៣ បន្ទប់គេង ដែលនីមួយៗសុទ្ធតែមានឧបករណ៍ប្រើប្រាស់ទំនើបៗ។ រីឯចំណតរថយន្តទំហំធំទូលាយ ដែលអាចផ្តល់ភាពងាយស្រួលទុកដាក់រថយន្ត និងសុវត្ថិភាព។

ក្រុមហ៊ុន R&F Property មានលក្ខណៈសម្បត្តិគ្រប់គ្រាន់អាចផ្តល់ជូននូវសេវាកម្មការពារគេហដ្ឋាន ២៤ ម៉ោង និងការគ្រប់គ្រងអចលនទ្រព្យសម្រាប់ម្ចាស់ផ្ទះនីមួយៗ។