គម្រោងព្រីនស៍ ហេបភីនេស ផ្លាហ្សា មានទីតាំងស្ថិតនៅតំបន់ស្នូលនៃគម្រោងភ្នំពេញ ស៊ីប៊ីឌី។ គម្រោងព្រីនស៍ ហេបភីនេស ផ្លាហ្សានឹងបង្កើតបានជាមជ្ឈមណ្ឌលអចលនទ្រព្យលំដាប់ខ្ពស់ដំបូងគេបង្អស់នៅរាជធានីភ្នំពេញ។ ដោយមានក្រុមហ៊ុនម៉ាកល្បីៗហ៊ុមព័ទ្ធគម្រោង ។

ខាងក្រៅគម្រោងសម្បូរដោយធនធានគ្រប់ប្រភេទរួមទាំងមជ្ឈមណ្ឌលធំៗទាំង 7 និងខាងក្នុងគម្រោងមានការរចនាដ៏ល្អប្រណីត សេវាកម្មពេញ 24 ម៉ោង និងមានបំពាក់នូវបរិក្ខារប្រណីតៗជាច្រើនទៀត ដែលធ្វើ ឲ្យការរស់នៅរបស់យុវជនសម័យថ្មីកាន់តែសម្បូរបែប។ លើសពីនេះ ការគយគន់ទេសភាពទីក្រុង 270° និងការរស់នៅប្រកបដោយភាពថ្លៃថ្នូរ បង្កើតបានជាស្តង់ដារលំនៅឋានអន្តរជាតិសម្រាប់ការរស់នៅរបស់យុវជនក្នុងទីក្រុងភ្នំពេញ។

-ខុនដូច្រើនប្រភេទ
ដែលបំពេញនូវរាល់តម្រូវការស្នាក់នៅ
ផ្អែកលើការសិក្សាអំពីឥរិយាបទរស់នៅជាក់ស្តែងរបស់គ្រួសារខ្មែរ និងដោយពិចារណាលើការប្រើប្រាស់លំនៅឋានជាពហុមុខងារក្នុងជីវិតប្រចាំថ្ងៃ គម្រោងព្រីនស៍ ហេបភីនេស ផ្លាហ្សា បានបង្កើតនូវប្រភេទខុនដូទំហំចាប់ពី 32 ដល់ 247 ម៉ែត្រការ៉េ ដែលបំពេញនូវតម្រូវការស្នាក់នៅគ្រប់ប្រភេទ ដែលមានទាំងខុនដូស្ទូឌី​​យោ ខុនដូបន្ទប់គេង 1 និងខុនដូបន្ទប់គេង 2 ។

-ខុនដូប្រណីត ដែលអាចគយគន់ទេសភាពភ្នំពេញ 270°
ការគយគន់ទេសភាពពីកម្ពស់ខ្ពស់ គឺជាស្តង់ដារដ៏សំខាន់បំផុតសម្រាប់ការវាយតម្លៃលំនៅឋានប្រណីតលំដាប់ពិភពលោក។ ដោយកម្ពស់យ៉ាងខ្ពស់នៃខុនដូប្រណីតរបស់គម្រោងព្រីនស៍ ហេបភីនេស ផ្លាហ្សា នឹងផ្តល់ជូនលោកអ្នកនូវទេសភាពដ៏ស្រស់ត្រកាសនៃ ទីក្រុងភ្នំពេញ 270° ដែលធ្វើឲ្យទិដ្ឋភាពទីក្រុង ហាក់បីដូចជាផ្ទាំងគំនូរដ៏រស់រវើកនេះស្ថិតនៅមុខលោកអ្នកជានិច្ច។

-សាលធំបែបសណ្ឋាគារ
តំបន់សាធារណៈ ត្រូវបានរៀបចំនិងរចនាឡើងតាមបែបសណ្ឋាគារប្រណីត ដែលផ្តល់ជូនលោកអ្នកនូវជីវិតរស់នៅប្រកបដោយផាសុកភាពនិងភាពថ្លៃថ្នូរ។

-ខុនដូប្រណីតបែបសណ្ឋាគារ
ប្រើប្រាស់រចនាបថទំនើប ដែលពោរពេញទៅដោយភាពសិល្បៈ រួមជាមួយនឹងការតុបតែងសម័យទំនើបប្រកបដោយភាពផ្ចិតផ្ចង់។ ការជ្រើសរើសសម្ភារៈម៉ាកល្បីៗជុំវិញពិភពលោក និងពីគ្រប់តំបន់ ដើម្បីកសាងនូវស្នាដៃប្រណីតប្រចាំសម័យកាលថ្មីនេះ។

-សេវាកម្ម 24 ម៉ោង
ប្តេជ្ញាផ្តល់សេវាកម្មល្អបំផុត និង 24 ម៉ោង ដើម្បីឲ្យអតិថិជនទាំងអស់ទទួលបាននូវភាពកក់ក្តៅ និងសេវាកម្មល្អឥតខ្ចោះ។

-Sky Bar
ជាមួយនឹងការរចនាពិសេស Sky Bar ត្រូវបានសាងសង់ឡើងនៅផ្នែកខាងលើនៃអគារ។ នៅពេលរាត្រី លោកអ្នកអាចរីករាយជាមួយនឹងរសជាតិនៃស្រាក្រហម និងទេសភាពដ៏ស្រស់ស្អាតបំផុតនៃទីក្រុងភ្នំពេញ។

-អាងហែលទឹកធំទូលាយ
អាងហែលទឹកធំទូលាយ ផ្តល់ជូនលោកអ្នកនូវអារម្មណ៍រំភើបរីករាយ និងរ៉ូមែនទិកបំផុត។ លោកអ្នកក៏អាចគយគន់ទេសភាពរាត្រីនៃទីក្រុងភ្នំពេញ ខណៈពេលហែលទឹកផងដែរ។

-ក្លឹបហាត់ប្រាណលំដាប់ខ្ពស់
ក្លឹបហាត់ប្រាណលំដាប់ខ្ពស់ មានបំពាក់នូវគ្រឿងបរិក្ខារទំនើបៗគ្រប់ប្រភេទ ដែលអាចឲ្យលោកអ្នកហាត់ប្រាណ និងសម្រាកលម្ហែប្រកបដោយភាពរីករាយ និងសក្តិសមបំផុតសម្រាប់ការប្រាស្រ័យទាក់ទងគ្នាផងដែរ។

-បារបែបបារាំង
បារបែបបារាំង លក្ខណៈបុរាណ មានម្ហូបបារាំងរស់ជាតិដើមពិតៗ បរិយាកាសបស្ចិមប្រទេស តន្ត្រីចង្វាក់ jazz ដែលគួរឲ្យទាក់ទាញនិងរ៉ូមែនទិកបែបបារាំង។ ទីតាំងដ៏ល្អសម្រាប់ការណាត់ជួបរបស់គូស្នេហ៍ និងការទទួលទានអាហារពេលល្ងាចជុំគ្នារវាងមិត្តភក្ដិ។

-ផ្លូវរត់ហាត់ប្រាណ
ព្រីនស៍ ហេភីនេស ផ្លាហ្សា ពិចារណាយ៉ាងដិតដល់ចំពោះ កម្មសិទ្ធិការដែលស្រឡាញ់កីឡាទាំងអស់ ហើយត្រូវបាន បំពាក់នូវផ្លូវរត់ហាត់ប្រាណរាងជារង្វង់។ ស្តាប់ភ្លេងបណ្ដើរ រត់ហាត់ប្រាណពេលរាត្រីបណ្ដើរ មានអារម្មរណ៍ថាខ្លួនស្រាលដូចខ្យល់។ ពន្លឺភ្លើងនៃផ្លូវរត់ហាត់ប្រាណ ផ្សំជាមួយទេសភាពដ៏ស្រស់ស្អាតនៃសួនច្បារ នាំឲ្យការរត់ហាត់ប្រាណរបស់អ្នក ប្រៀបដូចជាដំណើរកម្សាន្តប្រកបដោយផាសុកភាពមួយ។

-កន្លែងវាយកូនបាល់លើតុ
ក្នុងនាមជាកីឡាមួយដែលប្រកបដោយភាពថ្លៃថ្នូរនិងលក្ខណៈលំហែ កូនបាល់លើតុបានទទួលប្រជាប្រិយភាពជាខ្លាំងក្នុងចំណោមយុវវ័យទាន់សម័យ។ គម្រោងព្រីនស៍ ហេបភីនេស ផ្លាហ្សា សាងសង់បន្ទប់កីឡាវាយកូនបាល់លើតុ ដែលមានស្តង់ដាអន្តរជាតិ ដោយមានបំពាក់នូវឧបករណ៍ជំនាញដូចជាដងវាយបាល់អង់គ្លេស បាល់ប្រាំបួន និងស្នុកឃ័រ។ល។ ពេលទំនេរក្នុងពេលរសៀល អ្នកអាចជួបជុំមិត្តភក្តិពីរបីនាក់ លេងវាយកូនបាល់លើតុយ៉ាងសប្បាយរីករាយ។

-កន្លែងសម្រាកពិសាតែជាមួយអ្នកជិតខាង
ដើម្បីបង្កើនទំនាក់ទំនងសង្គមរវាងកម្មសិទ្ធិករ និងបង្កើនការប្រាស្រ័យទាក់ទងគ្នាយ៉ាងជិតស្និតនៅក្នុងសហគម គម្រោងព្រីនស៍ ហេបភីនេស ផ្លាហ្សា មានបំពាក់នូវផ្ទះបាយសាធារណៈនិងភោជនីយដ្ឋានរួម សម្រាប់កម្មសិទ្ធិករ ដើម្បីមាននូវវិធីថ្មីក្នុងការទំនាក់ទំនង និងបង្កើតទីតាំងសម្រាប់រៀនធ្វើម្ហូបនិងចែករំលែកចំណេះដឹងអំពីម្ហូបអាហារ។