គម្រោង The Garden គឺជាគម្រោងអភិវឌ្ឍន៍ដ៏ធំទី៣ របស់ក្រុមហ៊ុន Yuetai Group នៅក្នុងប្រទេស កម្ពុជា បន្ទាប់ពីគម្រោង East One និងគម្រោង East View Soho ដែលបានក្លាយជាគម្រោងលំនៅដ្ឋាន ដ៏មានប្រជាប្រិយភាពនៅក្នុងទីក្រុង។ ការផ្តល់ជូននូវលំនៅដ្ឋានដ៏ឆ្លាតវៃមួយ (Smart Home) នៅក្នុងទី ក្រុងភ្នំពេញ គម្រោង The Garden ផ្តល់នូវមានភាពងាយស្រួល ភាពទាន់សម័យ និងតម្លៃសមរម្យ ជាមួយនឹងការរស់នៅប្រកបដោយផាសុកភាព។

គម្រោង The Garden មានទីតាំងស្ថិតនៅតាមបណ្តោយមហាវិថីវេងស្រេង ដែលជាផ្លូវធំដ៏សំខាន់ និងជាតំបន់វិនិយោគដ៏សំខាន់មួយនៅក្នុងរាជធានីភ្នំពេញ។ ទីតាំងនេះក៏ស្ថិតនៅជិតអាកាសយានដ្ឋាន អន្តរជាតិភ្នំពេញ និងសាលាអន្តរជាតិណតប្រ៊ីដ រួមជាមួយនឹងកន្លែងសំខាន់ៗផ្សេងទៀតដូចជា៖ ភោជនីយដ្ឋាន ហាងកាហ្វេ ធនាគារ សណ្ឋាគារ កន្លែងដឹកជញ្ជូន មណ្ឌលកម្សាន្ត និងកន្លែងលេងកីឡា ។

The Garden ជាគម្រោងមានលក្ខណៈធម្មជាតិ និងមានរចនាបទបែបទំនើប ដោយមានដាំដើមឈើ នៅជុំវិញបរិវេណគម្រោង ដើម្បីផ្តល់នូវម្លប់​ និងបរិយាកាសស្រស់ស្រាយ។ គម្រោង The Garden មានយូនីតខុនដូទំនើបៗ ជាប្រភេទយូនីតស្ទូឌីយ៉ូចម្រុះ ដែលមានមួយ ឬពីរបន្ទប់គេង។ គ្រប់យូនីតបំពាក់ដោយគ្រឿងសង្ហារិម និងការរចនាយ៉ាងស្រស់ស្អាត ជាមួយនឹងទំហំចាប់ពី ៣៥ ម៉ែត្រការ៉េ ទៅ ៧៨ ម៉ែត្រការ៉េ។

យូនីតត្រូវបានរចនាឡើងទៅតាមគោលគំនិតនៃលំនៅដ្ឋានដ៏ឆ្លាតវៃ ឬ Smart Home ដោយមានមុខងារជាច្រើនដូចជាប្រព័ន្ធទឹក / ប្រព័ន្ធភ្លើង ទូរទ្ទស្សន៍ និងម៉ាស៊ីនត្រជាក់ ដែលអាចគ្រប់គ្រងបានតាមរយៈកម្មវិធីនៅលើទូរសព្ទដៃ។ ទាំងអ្នកស្នាក់នៅ និងភ្ញៀវអាចទទួលបានសេវាកម្មទូទៅដូចជា ការចូលទៅមជ្ឈមណ្ឌលពាណិជ្ជកម្ម កន្លែងចតរថយន្ត និងអាងហែលទឹកជាដើម។ The Garden ផ្តល់ជូននូវជម្រើសនៃការបង់ប្រាក់ដ៏ងាយស្រួល។ ជាមួយនឹង គោលដៅសម្រាប់អ្នកមានចំណូលមធ្យម គម្រោង The Garden គឺជាជម្រើសដ៏ល្អមួយសម្រាប់គ្រួសារ និងវិនិយោគិនវ័យក្មេង មិនថាជាការទិញលំនៅដ្ឋានលើកដំបូង ឬទិញសម្រាប់ការវិនិយោគនៅពេលអនាគតក៏ដោយ។