រដ្ឋាភិបាលកំពុងសិក្សាពីលទ្ធភាពសាងសង់​​ផ្លូវ ២ ខ្សែ​ តាមបណ្តោយ​ផ្លូវ​រថភ្លើង​តភ្ជាប់​ទៅ​ផ្លូវ​ទំនប់​កប់​ស្រូវ​

(ផ្លូវរថភ្លើងក្នុងទីក្រុងភ្នំពេញ)

ដើម្បីជួយសម្រួលដល់ការធ្វើចរាចរណ៍នៅក្នុងទីក្រុង ក៏ដូចជាជួយរំដោះការកក់ស្ទះ នៅតាមបណ្តាផ្លុវធំៗ រដ្ឋាភិបាលបានកំពុងសិក្សាពីលទ្ធភាពពង្រីកផ្លូវជាយក្រុង និងសាងសង់សង់ផ្លូវថ្មីបន្ថែមទៀត ដើម្បីធានាជួយសម្រួលដល់ការដឹកជញ្ជូន និងការចេញចូលលទីក្រុងប្រកដោយភាពងាយស្រួល និងឆាប់រហ័ស។ 

ឆ្លើយតបនឹងបញ្ហាចរាចរណ៍ សាលារាជធានីភ្នំពេញគ្រោងនឹងស្ថាបនាផ្លូវចំនួន ២ ខ្សែ អម​សងខាង​ផ្លូវ​រថភ្លើង​តភ្ជាប់​ទៅ​ផ្លូវ​ទំនប់​កប់​ស្រូវ​។ 

បើមើលលើទីតាំងភូមិសាស្ត្រនៃគម្រោងផ្លូវតាមបណ្តោយផ្លូវរថភ្លើងនេះ វានឹងជួយរំដោះ​ចរាចរណ៍មួយផ្នែកធំ​ពី​មហាវិថី​សហព័ន្ធ​រុស្ស៊ី​ ដែលកំពុងមានការកកស្ទះខ្លាំងជារៀងរាល់ថ្ងៃ។  គម្រោងសាងសង់ផ្លូវថ្មីនេះត្រូវបាន​អភិបាល​រាជធានី​ភ្នំពេញ​លោក​ ​ឃួង​ ​ស្រេង លើកឡើងកាលថ្ងៃទី១១ ខែ ធ្នូ នេះ នៅក្នុងដំណើរការចុះ​ត្រួតពិនិត្យ​ជាលើកដំបូង ក៏ដូចការ​សិក្សា​លើ​ផល​ប៉ះពាល់​ដល់​ប្រជាពលរដ្ឋ​នៅ​តំបន់​សងខាង​ផ្លូវ​រថភ្លើង​នេះ​។ 

បើតាមលោក ឃួង ស្រេង អាជ្ញាធរ​រាជធានី​ភ្នំពេញ​កំពុងសហ​កា​ជាមួយ​ក្រសួងសាធារណការ​ ​និង​ដឹកជញ្ជូន​ ​ដើម្បីធ្វើការ​ស្ថាបនា​ផ្លូវ​ទាំង ២ ខ្សែ​។ ប៉ុន្តែ​ទោះបីជា​យ៉ាងណា​ក្តី​ លោក​​​មិនបាន​បញ្ជាក់​ពីពេលវេលាជាក់លាក់ថាតើគម្រោងនេះនឹងផ្ដើម​បើក​ការដ្ឋានសាងសង់នៅថ្ងៃណា ​និងបញ្ចប់ថ្ងៃណានៅឡើយទេ។ 

គេមើលឃើញថា គម្រោងនេះប្រហែលត្រូវការរយៈពេលសមស្របមួយដើម្បីឲ្យ​ក្រសួងសាធារណការ​ ​និង​ដឹកជញ្ជូន​ និងសាលា​រាជធានី​ភ្នំពេញ​ ​ក៏ដូចជា​ក្រុមហ៊ុនដែលទទួលខុសត្រូវសាងសង់ [​ ​Royal​ ​Railway]​ បាន​ធ្វើការ​សិក្សា​លទ្ធភាព​ ​និង​ផល​ប៉ះពាល់​នានា ​ដើម្បី​លើក​សំណើ​ដាក់​ជូន​រាជរដ្ឋាភិបាល​ពិនិត្យ​សម្រេចចុងក្រោយ។ 

អចលនទ្រព្យនៅតាមបណ្តោយផ្លូវរថភ្លើង

អ្នកជំនាញអចលនទ្រព្យអចលនទ្រព្យមើលឃើញថា ការសាងសង់ផ្លូវថ្មីតាមបណ្តោយផ្លូវរថភ្លើងនេះ នឹងជួយបង្កើនតម្លៃអចលនទ្រព្យនៅតាមបណ្តោយផ្លូវមួយកម្រិតទៀត។ 

លោក ស៊ន សៀប ស្ថាបនិក និងជានាយកប្រត្តិបត្តិក្រុមហ៊ុន Key Real Estate បានប្រាប់ Realestate.com.kh ថា បើទោះបីជាគម្រោងនេះមិនទាន់មានភាពច្បាស់លាស់ថានឹងត្រូវសាងសង់នៅពេលណាក៏ដោយ ប៉ុន្តែតម្លៃអចលនទ្រព្យបានកើនឡើងរួចទៅហើយ។ 

លោកថា ដីតាមបណ្តោយផ្លូវរថភ្លើង ដែលចេញពីទួលគោគតៅតំបន់ត្រឡោកបែក មានតម្លៃ ចាប់ពី១,០០០ ទៅ ២,០០០ ដុល្លារ ក្នុងមួយម៉ែត្រការ៉េ ចំណែកចាប់ពីត្រឡោកបែកទៅតំបន់ផ្លូវទ្រីហេង មានតម្លៃចន្លោះ ៥០០ ទៅ ១,០០០ ដុល្លារក្នុងមួយម៉ែត្រការ៉េ។ រីឯដីតាមបណ្តោយផ្លូវរថភ្លើងជិតគម្រោងបុរីពភពថ្មី តម្លៃអាចមានក្រោម ៥០០ ដុល្លារក្នុងមួយម៉ែត្រការ៉េ។ 

លោក ស៊ន សៀប រំពឹងថា តម្លៃដីនឹងបន្តកើនឡើងខ្ពស់ជាងនេះនៅពេលផ្លូវថ្មីត្រូវបានសាងសង់រួចរាល់៕

ដើម្បីទទួលបានព័ត៌មានថ្មីៗអំពីវិស័យអចលនទ្រព្យនៅក្នុងប្រទេសកម្ពុជា និង ការវិវត្តន៍នានានៅក្នងវិស័យនេះ សូមធ្វើការទាញយកកម្មវិធីប្រើប្រាស់នៅលើទូរស័ព្ទដៃរបស់យើងឥឡូវនេះ។ សម្រាប់កម្មវិធី iOS និង Android។

ស្វែងរកអចលនទ្រព្យនៅភ្នំពេញ ថ្ងៃនេះ។ លោកអ្នកក៏អាចចូរអានមគ្គុទេសនៃការវិនិយោគឆ្នំា២០១៩របស់យើងបានផងដែរ!

អត្ថបទដោយ