អ្នកជំនាញ៖ ការលក់អចនទ្រព្យដោយផ្តល់សិទ្ធផ្តាច់មុខទៅឲ្យភ្នាក់ងារលក់នឹងមានការពេញនិយមនាពេលខាងមុខ

លោកគីម ហ៊ាង លោកម៉ឺក ចិន្តា និងលោកខន គង្គារ

ការអភិវឌ្ឍន៍នៅកម្ពុជាកំពុងមានដំណើរការយ៉ាងល្អ និងរឹងមាំក្នុងរយៈពេលប៉ុន្មានឆ្នាំចុងក្រោយនេះ ជាពិសេសវិស័យអចលនទ្រព្យ។ អគារថ្មីៗជាច្រើនបានសាងសង់នៅទូទាំងប្រទេស ហើយថ្មីៗនេះនៅក្រុងព្រះសីហនុ និងភ្នំពេញ។

ការរីកចម្រើននៃវិស័យអចលនៈទ្រព្យកម្ពុជាបាននាំឱ្យមានក្រុមហ៊ុនភ្នាក់ងារអចលនទ្រព្យកាន់តែកើនឡើងនិងមានការប្រកួតប្រជែងខ្លាំងក្នុងចំណោមពួកគេ។ អ្នកជំនាញផ្នែកអចលនទ្រព្យបានអះអាងថាអ្នកអភិវឌ្ឍន៍គួរតែពិចារណាផ្តល់ជូននូវកិច្ចព្រមព្រៀងលក់ផ្តាច់មុខដល់ទីភ្នាក់ងារជាក់លាក់មួយដើម្បីទទួលបានលទ្ធផលនៃការលក់ប្រសើរជាងមុន។

បណ្ឌិត គីម ហ៊ាង នាយកប្រតិបត្តិក្រុមហ៊ុនខ្មែររៀលអ៊ីស្ទេត បានឱ្យដឹងថាការមានភ្នាក់ងារមួយដែលតំណាងឱ្យអ្នកអភិវឌ្ឍន៍គឺល្អប្រសើរជាងមានភ្នាក់ងារច្រើនពីព្រោះពួកគេនឹងប្តេជ្ញាចិត្តក្នុងការលើកកម្ពស់ និងលក់គម្រោង។

លោកថ្លែងថា៖«ខ្ញុំតែងតែលើកឡើងនូវគម្រូអាជីវកម្ម [ក្នុងវិស័យអចលនទ្រព្យ] បើគ្មានកិច្ចព្រមព្រៀងផ្តាច់មុខទេ គឺគ្មានការព្រមព្រៀងឲ្យមានការទិញលក់។ យើងចង់ធានាថានៅចុងបញ្ចប់នៃដំណើរការសេវាជាភ្នាក់ងារ គឺយើងនឹងទទួលបានកម្រៃពីការផ្តល់សេវារបស់យើង»។ លោកបន្ថែមថា៖«ប្រសិនបើយើងមិនមានសិទ្ធិផ្តាច់មុខក្នុងការលក់អចលនទ្រព្យទេ យើងនឹងធ្វើការដើម្បីឲ្យតែម្ចាស់អលនទ្រព្យប៉ុណ្ណោះ»។

ទីភ្នាក់ងារអចលនទ្រព្យកាន់តែច្រើនឡើងៗនៅកម្ពុជា កំពុងទាមទារឱ្យម្ចាស់អចលនទ្រព្យផ្តល់សិទ្ធិផ្តាច់មុខដល់ពួកគេក្នុងការលក់អចលនទ្រព្យណាមួយ។ ទោះយ៉ាងណាការប្រើប្រាស់ភ្នាក់ងារអចលនទ្រព្យជាច្រើនក្នុងពេលតែមួយនៅតែជាទម្លាប់ធម្មតា និងពេញនិយមនៅឡើយក្នុងចំណោមអ្នកអភិវឌ្ឍន៍នៅកម្ពុជា។

លោក ខន គង្គា នាយកប្រតិបត្តិក្រុមហ៊ុន ERA ដែលជាក្រុមហ៊ុនភ្នាក់ងារអចលនទ្រព្យ ជំនាញផ្នែកទីផ្សារខុនដូ បានបញ្ជាក់ថាគិតមកទល់ពេលនេះ ក្រុមហ៊ុនអភិវឌ្ឍន៍នៅតែប្រើប្រាស់ភ្នាក់ងារច្រើននៅឡើយក្នុងការធ្វើគម្រោងលក់អចលនទ្រព្យរបស់ពួកគេ។ តែលោកបញ្ជាក់ថា វាជានិន្នាការថ្មីមួយក្នុងវិស័យអចលនទ្រព្យ និងទីផ្សារខុនដូ ដែលក្រុមហ៊ុនភ្នាក់ងារកំពុងត្រូវការសិទ្ធផ្តាច់មុខក្នុងការផ្តល់សេវាក្នុងទីផ្សារអចលនទ្រព្យ។

លោកបានមានប្រសាសន៍ថា៖«នៅថ្ងៃខាងមុខទៅ ប្រសិនបើអ្នកអភិវឌ្ឍន៍នៅតែបន្តជ្រើសរើស ភ្នាក់ងារច្រើនដើម្បីលក់គម្រោងរបស់ពួកគេ ក្រុមហ៊ុនភ្នាក់ងារដែលមានបណ្តាញធំនឹងមិនចូលរួមនោះទេ»។ លោកបន្តថា៖«ក្រុមហ៊ុនភ្នាក់ងារត្រូវ ចំណាយប្រាក់សម្រាប់ការផ្សព្វផ្សាយ និងការធ្វើទីផ្សារ ដូច្នេះប្រសិនបើមានក្រុមហ៊ុនភ្នាក់ងារច្រើនដើម្បីលក់គម្រោងតែមួយ ពួកគេនឹងប្រចាំគ្នាក្នុងការចំណាយលើការផ្សព្វផ្សាយនិងធ្វើទីផ្សារ»។

លោកមឹក ចិន្តា លោក ម៉ឹក ចិន្តា ស្ថាបនិករបស់ក្រុមហ៊ុន អនឡាញ រៀលអ៊ីស្ទេត បានលើកឡើងថា ការដែលអចលនទ្រព្យមួយត្រូវបានដាក់លក់ជាមួយភ្នាក់ងារចំនួនពីរ បី បួន ឬច្រើនជាងនេះ ហៅថា Open Listing ហើយការដាក់លក់បែបនេះបានផ្តល់ជម្រើសច្រើនសម្រាប់ម្ចាស់អចលនទ្រព្យ។ ប៉ុន្តែ លោកបញ្ចាក់ថា ការធ្វើបែបនេះ វាបានធ្វើឲ្យមានការលួចបន្លំ និងភាពមិនស្មោះត្រង់រវាងអ្នកភ្នាក់ងារ និងភ្នាក់ងារ ព្រោះពួកគេត្រូវធ្វើការប្រកួតប្រជែង ដើម្បីទទួលបានកម្រៃជើងសាររៀងៗខ្លួន។

យោងតាមលោក ចិន្តា ការប្រើប្រាស់យុទ្ធសាស្ត្រលក់ដែលក្រុមហ៊ុនភ្នាក់ងារអចលនទ្រព្យមួយទទួលសិទ្ធលក់ផ្តាច់មុខលើអចលនទ្រព្យណាមួយ ឬគម្រោងណាមួយ (Exclusive Listing) ជាវិធីសាស្រ្តល្អ អាចជំរុញការសហការគ្នាបានល្អរវាងភ្នាក់ងារ និងភ្នាក់ងារ គ្មានការកេងបន្លំផលប្រយោជន៍គ្នាឡើយ។

លោកថ្លែងថា៖«បើភ្នាក់ងារមួយមានអតិថិជនចង់ទិញអចលនទ្រព្យ ប៉ុន្តែមិនមានអចលនទ្រព្យ ដូនេះគេអាចផ្តល់អតិថិជននោះទៅឲ្យភ្នាក់ងារដែលមានអចលនទ្រព្យ ឬភ្នាក់ងារដែលមានអចលនទ្រព្យអាចបោះទៅឲ្យភ្នាក់ងារផ្សេងទៀតជួយលក់បាន ដោយគ្មានកេង ប្រវ័ញ្ញផលប្រយោជន៍គ្នាឡើយ»។ យ៉ាងនេះក៏ដោយ លោកបន្តថា ការលក់ដោយទទួលសិទ្ធិផ្តាចមុខក៏មានបញ្ហាខ្លះផងដែរ ប្រសិនបើភ្នាក់ងារនោះមិនអាចលក់អចលនទ្រព្យបានតាមការកំណត់ ដែលអាចធ្វើឲ្យមានផលប៉ះពាល់ដល់កេរ្តិ៍ឈ្មោះរបស់ក្រុមហ៊ុនផងដែរ។

លោកបញ្ជាក់ថា៖«ដូច្នេះ លោកបញ្ជាក់ថា ភ្នាក់ងារត្រូវត្រៀមខ្លួនឲ្យបានរួចរាល់ ត្រូវមានក្រុមការងារ និងក្រុមលក់ដែលមានសមត្ថភាព និងជំនាញវិជ្ជាជីវៈច្បាស់លាស់ជាមុនសិន»៕

ស្វែងរកអចលនទ្រព្យនៅភ្នំពេញ ថ្ងៃនេះ។ លោកអ្នកក៏អាចចូរអានមគ្គុទេសនៃការវិនិយោគឆ្នំា២០១៩របស់យើងបានផងដែរ!