Urban Hub ជាក្រុមហ៊ុនអភិវឌ្ឍន៍មួយ ដែលបានសហការគ្នារវាងក្រុមហ៊ុន Urban Living Solutions និងក្រុមហ៊ុន Good Ray Development (ក្រុមហ៊ុននេះជាផ្នែកមួយនៃក្រុមហ៊ុន Goldfame Group) បាននាំយកគម្រោងអភិវឌ្ឍន៍លំនៅដ្ឋានថ្មីមួយចូលមកកាន់ទីផ្សារលំនៅដ្ឋានកម្ពុជា ដែលគម្រោងថ្មីនេះ មានឈ្មោះថា Urban Village ឬភូមិក្នុងទីក្រុង ហើយគេគ្រោងនឹងសាងសង់នៅលើទីតាំងថ្មីមួយ ស្ថិតក្នុងតំបន់ពាណិជ្ជកម្មភាគខាងត្បូងនៃទីក្រុងភ្នំពេញ។ តំបន់នេះផ្តល់ជូនទាំងភាពងាយស្រួល សម្រាប់ការធ្វើដំណើរ ប្រណិតភាព តម្លៃសមរម្យ និងការរស់នៅប្រកបដោយផាសុកភាព ហើយតំបន់ នេះមានលក្ខណៈបំផុតសម្រាប់គ្រួសារបែបទាន់សម័យ ឬអ្នកវិនិយោគពេលបច្ចុប្បន្ន។

គម្រោង Urban Village មានទីតាំងស្ថិតតំបន់អភិវឌ្ឍន៍ថ្មីនៅលើមហាវិថីសម្តេច ហ៊ុន សែន ដែលជា តំបន់មានសក្តានុពលសម្រាប់ការវិនិយោគ និងស្ថិតនៅជិតស្ថានទូត ក្រុមហ៊ុន ISSP មន្ទីរពេទ្យ និងផ្សារចាក់អង្រែ។ ជាមួយនឹងទីតាំងដ៏ងាយស្រួល លោកអ្នកអាចធ្វើដំណើរត្រឹមតែ ១០ នាទីរទៅកាន់ តំបន់កណ្តាលក្រុងភ្នំពេញ និងរីករាយជាមួយនឹងសេវាកម្មជាច្រើនដូចជា៖ ផ្សារទំនើបអ៊ីអនម៉ល សណ្ឋាគារសូហ្វីតែល សាលារៀនអន្តរជាតិ ភោជនីយដ្ឋាន និងកន្លែងសំខាន់ៗ​ជាច្រើន។​

Urban Village គឺជាគម្រោងអភិវឌ្ឍន៍លំនៅដ្ឋាន ដែលផ្តោតសំខាន់លើសហគមន៍លំនៅដ្ឋានលក្ខណៈ បៃតង ដោយបានប្រើប្រាស់ផ្ទៃដីនៃគម្រោងប្រមាណ ៤៥% ធ្វើជាតំបន់ទំនេរមានលក្ខណៈបៃតង ដែលមានសួនច្បារ មានរុក្ខជាតិ មានម្លប់ និងបរិយាកាសស្រស់ស្រាយ ដែលគេអាចដើរ ឬជិះកង់ លម្អែកាយបាន។ ទីនេះក៏ជាទីកន្លែង ដែលអ្នករស់នៅ និងក្រុមគ្រួសារនីមួយៗអាចទំនាក់ទំនងគ្នា និងជជែងគ្នាលេងបន្ទាប់ពីធ្វើការងារពេញមួយថ្ងៃ។​

គម្រោង Urban Village គ្រោងនឹងប្រគល់លំនៅដ្ឋានឲ្យអ្នកអតិថិជននៅត្រីមាសទី១ ឆ្នាំ២០២០ ដែលគម្រោងនេះនឹងមានជាប្រភេទអាផាតមេនទំនើបៗ ដែលមាន ១ និង ២ បន្ទប់គេងក្នុងទំហំចាប់ពី ៥០ ម៉ែត្រការ៉េ ទៅ៨០ ម៉ែត្រការ៉េ ​ ហើយក៏មានយូនីត ៣បន្ទប់គេង មានទំហំចាប់ពី ១០៣ ម៉ែត្រការ៉េ ទៅ ១៤៨ ម៉ែត្រការ៉េ ដែលភ្ជាប់ជាមួយសួនច្បារឯកជនដ៏ស្រស់ស្អាត។​

សម្រាប់អ្នកជួលអាផាតមេនជាមួយគម្រោង Urban Village នឹងទទួលបានការផ្តល់ជូននូវសេវាកម្មជា ច្រើនដូចជា៖ អាងហែលទឹក កន្លែងហាត់ប្រាណ ហាងកាហ្វេ មីនីម៉ាត កន្លែងកំសាន្តសម្រាប់កុមារ កន្លែងលេងបាល់ទាត់ កន្លែងជិះស្គី និងកន្លែងជាច្រើនទៀត។

Urban Village ផ្តល់ជូននូវលក្ខខណ្ឌទូទាត់ប្រាក់ងាយស្រួល និងអាចបត់បែនបាន រួមបញ្ចូលទាំង ជម្រើសកម្ចីទិញផ្ទះជាមួយគម្រោងរហូតដល់ ១០០% ដែលមានន័យថាគ្រប់គ្នាអាចទទួលបាន ភាពងាយស្រួល និងមានតម្លៃសមរម្យ មិនថាអ្នកទើបទិញផ្ទះលើកដំបូង ឬទិញទុកសម្រាប់ការវិនិយោគ ក៏ដោយ។ គម្រោង Urban Village មានលក្ខណៈល្អឥតខ្ចោះសម្រាប់ទីផ្សារក្នុងស្រុក និងអ្នកដែល មានប្រាក់ចំណូលទាប និងមធ្យម​ ដែលមានការពិបាកក្នុងការទិញលំនៅដ្ឋានពីគម្រោងដទៃទៀត!