ជិតពីរទសវត្សរ៍ចុងក្រោយនេះ វិស័យអចលនទ្រព្យមានការរីកចំរើនយ៉ាងខ្លាំងនៅកម្ពុជា ជាក់ស្តែងវត្តមានអាគារខ្ពស់ៗជាច្រើនបានរីកដូចផ្សិតនៅរាជធានីភ្នំពេញ ពិសេសតំលៃដីធ្លីក៏បានកើនឡើងយ៉ាងគំហុកផងដែរ ដែលតំបន់ខ្លះកើនឡើងទ្វេរដង និងតំបន់ខ្លះទៀតកើនឡើងមួយគុណនឹងបីឬបួនដងក៏មាន។តើអ្នកមានបំណងវិនិយោគលើដីធ្លីដែរឬទេ? មានប្រាក់ច្រើនកម្រិតណា? ទីតំាងណា?  ហើយដីប្រភេទណាអ្នកគួរទិញ?នៅក្នុងទស្សនាវដ្តីPROPERTY VIEW លេខ០៣នេះ បាននាំយកចំណេះដឹងពីអ្នកជំនាញ ដើម្បីធ្វើជាមូលដ្ឋានយកមកគិតពិចារណា និងវិភាគថាគួរវិនិយោគដីធ្លីនៅទីណា កន្លែងណាដែលទទួលបានប្រាក់ចំណេញច្រើននិងឆាប់រហ័ស។ទិញដីក្នុងគោលបំណងអ្វី?តើអ្នកមានបំណងទិញដី ដើម្បីទុកលក់យកប្រាក់ចំណេញ ឬទុកសាងសង់សំណង់នានា? លោកគីម ហ៊ាងប្រធានសមាគមអ្នកវាយតំលៃ និងភ្នាក់ងារអចលនវត្ថុកម្ពុជាបានថ្លែងថា ប្រសិនជាលោកអ្នកចង់ទិញដីដើម្បីសាងសង់ខុនដូ សាងសង់អាគារការិយាល័យ ឬសម្រាប់សាងសង់សណ្ឋាគារ សូមទិញដីនៅក្នុងខ័ណ្ឌចំការមន។ប្រសិនជាចង់ទិញដីទុកលក់យកប្រាក់ចំណេញ រយៈពេលបីឆ្នាំខាងមុខ គួរទិញនៅតំបន់ទួលគោក និងតំបន់ភ្នំពេញថ្មី ប៉ុន្តែបើទិញដីដែលមានចម្ងាយពី៧ទៅ១០គីឡូម៉ែត្រពីទីក្រុង ពួកគេត្រូវរង់ចាំដល់៧ឆ្នាំទើបចំណេញបាន។ បើទិញចម្ងាយប្រមាណ៣០គីឡូម៉ែត្រពីទីក្រុង គឺពួកគេអាចទទួលបានផលចំណេញនៅរយៈពេល១០ឆ្នាំក្រោយ។ការទិញដីធ្លីជាការវិនិយោគត្រឹមត្រូវ និងមិនត្រឹមត្រូវលោកគីម ហ៊ាងបានថ្លែងថា ការវិនិយោគដីធ្លីជាការវិនិយោគដ៏ត្រឹមត្រូវ ប្រសិនជាលោកអ្នកសល់លុយដោយខ្លួនឯង មិនដឹងយកទៅវិនិយោគអ្វី ប៉ុន្តែប្រសិនជាយកលុយបង្វិល ឬយកលុយពីធនាគារដើម្បីទិញដីវិនិយោគ អ្នកជំនាញរូបនេះបាននិយាយថា “កុំអី” ព្រោះអ្នកខ្លះគិតថាការប្រាក់ធនាគារ១ឆ្នាំ៨ភាគរយ ហើយដីឡើងថ្លៃ២០ភាគរយក្នុងមួយឆ្នាំ គឺអាចខ្ចីឥណទានពីធនាគារយកមកទិញបាន ប៉ុន្តែវាជាការយល់ច្រឡំ ព្រោះដីមិនងាយលក់ភ្លាមៗនោះទេ និងអាចមានភាពជាប់គាំងរយៈពេលពីរឬបីឆ្នាំពោលគឺត្រូវការពេលវេលា។តំបន់ណាចំណេញលឿនជាងគេការទិញដីដែលទទួលបានផលចំណេញលឿនជាងគេ គឺទិញនៅក្នុងខ័ណ្ឌសែនសុខ ដង្កោ និងខ័ណ្ឌពោធិសែនជ័យ ពិសេសតំបន់ទួលគោក និងភ្នំពេញថ្មី ដោយសារតំបន់នេះដីនឹងឡើងថ្លៃទ្វេរដងនៅរយៈពេលពីរ ឬបីឆ្នាំខាងមុខនេះ។គួរទិញនៅតាមបណ្តាខេត្តឬទេ?ក្រៅពីខេត្តសៀមរាប និងខេត្តព្រះសីហនុ អ្នកជំនាញរូបនេះបានប្រាប់ថា “កុំទិញអី” ព្រោះក្រៅពីខេត្តទាំងពីរនេះមិនមានខេត្តណាមានសក្តានុពលខ្ពស់លើផ្នែកនេះទេ ហើយក្នុងចំណោមខេត្តទាំងពីរខាងលើ គឺខេត្តព្រះសីហនុមានសក្តានុពលខ្ពស់ជាងខេត្តសៀមរាប ប្រសិនជាទិញដីនៅខេត្តទុកលក់យកប្រាក់ចំណេញ គឺត្រូវរង់ចាំរយៈពេល១០ឆ្នាំទៀត។ការវិនិយោគដីធ្លីមិនសុទ្ឋជាជម្រើសល្អការវិនិយោគលើវិស័យដីធ្លីមិនសុទ្ឋតែជាជម្រើសល្អនោះទេ ព្រោះក្នុងវិស័យសំណង់ និងអចលនទ្រព្យមានវិស័យផ្សេងៗទៀត ដែលអាចប្រមូលប្រាក់បានលឿនជាងវិស័យដីធ្លី។លោកគីម ហ៊ាងបានថ្លែងថា ប្រសិនជាអ្នកមានអាយុ៥០ឆ្នាំ ជាពេលដល់អាយុជិតចូលនិវត្តន៍ មិនគួរវិនិយោគលើវិស័យដីធ្លីនោះទេ គឺគួរទិញខុនដូ ទិញដីសាងសង់ផ្ទះជួល ឬទិញផ្ទះល្វែងសម្រាប់ជួល ដែលអាចបានប្រាក់ភ្លាមៗត្រលប់មកវិញ។ ផ្ទុយទៅវិញប្រសិនជាលោក អ្នកមានអាយុចន្លោះពី៣០ទៅ៤០ឆ្នាំ គួរវិនិយោគលើវិស័យដីធ្លី ព្រោះទិញដីមានផលចំណេញខ្ពស់ និងជាវ័យដែលលោក អ្នកកំពុងរកលុយបានច្រើន។តើមានលុយអ្នកប៉ុន្មាន?តើលោក អ្នកមានប្រាក់ប៉ុន្មាន មានស្ថានភាពជីវិតយ៉ាងដូចម្តេច? ព្រោះការសម្រេចចិត្តក្នុងលក្ខខ័ណ្ឌនេះមានសារៈសំខាន់ មុនធ្វើការវិនិយោគក្នុងវិស័យនេះ។ប្រធានសមាគមអ្នកវាយតំលៃ និងភ្នាក់ងារអចលនវត្ថុកម្ពុជាលោកគីម ហ៊ាងបានថ្លែងថា ការវិនិយោគលើវិស័យអ្វីមួយ ក៏គួរមានលក្ខខ័ណ្ឌជាក់លាក់ទាក់ទងនឹង ចំនួនទុនវិនិយោគ លក្ខខ័ណ្ឌការងារ លក្ខខ័ណ្ឌជីវិត ជាដើម ដោយលោកបានថ្លែងថា ប្រសិនជាអ្នកទើបរៀបការ ហើយសល់លុយ១០ម៉ឺនដុល្លារ គួរទិញផ្ទះសម្រាប់ស្នាក់នៅសិន ប្រសិនជាមានផ្ទះ ហើយសល់លុយគួរទិញដីទុក ហើយប្រសិនជាមានផ្ទះស្នាក់នៅ និងមានដីរួចហើយ គួរទិញខុនដូ ព្រោះខុនដូជាវិស័យថ្មីមួយដែលកំពុងមានការពេញនិយម និងបង្ហាញពីភាពស៊ីវិល័យ។ស្វែងរកដីសម្រាប់លក់នៅលើ Realestate.com.kh!អត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែកញ្ញា ឆ្នំា ២០១៦ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយជាមួយទស្សនាវដ្តីអចលនទ្រព្យ Property View ដែលជាទស្សនាវដ្តីបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជា សូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សាវដ្តី Property View សូមធ្វើការទាក់ទង ទៅកាន់លោក វីរិទ្ធតាមរយៈអ៊ីម៉េលvirith007@yahoo.com ឬទូរស័ព្ទលេខ 078 959 567  - 098 66 26 68

វិស័យទេសចរជាវិស័យដ៏រីកចម្រើននាពេលបច្ចុប្បន្នមួយក្នុងចំណោមវិស័យដ៏ទៃទៀតនៅក្នុងប្រទេសកម្ពុជា តាមរបាយការណ៍របស់ TTR Weekly បានរាយការណ៍ថាមានការកើនឡើងភ្ញៀវទេសចរប្រមាណ ៣.៤% ចាប់ពីខែមករាដល់ខែកក្កដាក្នុងឆ្នាំនេះ។ លើសពីនេះទៅចំនួនភ្ញៀវទេសចរប្រមាណ ២.៧៥៦.៦៩៣ មកពីទូទាំងពិភពលោកបានមកទស្សនាប្រទេសកម្ពុជា។ មិនត្រឹមតែមានកំនើនលើវិស័យទេសចរប៉ុណ្ណោះទេ ប៉ុន្តែវាថែមទាំងផ្តល់នូវឱកាសសម្រាប់អាជីវកម្ម ជាពិសេសនៅក្នុងរាជធានីភ្នំពេញ ដែលមានភ្ញៀវទេសចរប្រមាណ ២៤.៧% បានចូលមកកាន់ទីក្រុងនេះ ទំាងអស់នេះនឹងបង្កើនតម្រូវការសម្រាប់ការស្នាក់នៅឲ្យមានភាពល្អប្រសើរជាងមុន ជាពិសេសសម្រាប់អ្នកធ្វើដំណើរដែលស្វែងរកការស្នាក់នៅដែលមានភាពងាយស្រួលនៅក្នុងប្រទេស។ចាប់យកឱកាស៖សណ្ឋាគារ Hyatt ជាក្រុមហ៊ុនអន្ដរជាតិដែលមានភាពល្បីឈ្មោះខាងវិស័យបដិសណ្ឋារកិច្ច ជាសណ្ឋាគារដែលមានស្តង់ដារលំដាប់ពិភពលោក មានចំនួនសាខានៅតាមបណ្តាប្រទេសចំនួន៣០ និង១៦៨ទីតាំងនៅទូទាំងពិភពលោក។ នៅពេលថ្មីៗនេះតាមរបាយការណ៍មួយបានឲ្យដឹងថា ក្រុមហ៊ុនជីប ម៉ុង ដែលជាក្រុមហ៊ុនសំណង់ដ៏ធំនៅកម្ពុជា បានទទួលកិច្ចព្រមព្រៀងក្នុងការសាងសង់សណ្ឋារគារ Hyatt Regency នៅក្នុងទីក្រុងភ្នំពេញ។ក្រុមហ៊ុនជីប ម៉ុង ជាក្រុមហ៊ុនដែលមានបទពិសោធន៍លើការសាងសង់ បានធ្វើការលើគម្រោងខ្នាតធំជាច្រើនដូចជា៖ The Park Land Sen Sok ហើយនៅពេលថ្មីៗនេះបានទទួលគម្រោងសាងសង់ទំាងមូលរបស់សណ្ឋាគារ Hyatt Regencyផងដែរ។ការរួមបញ្ចូល៖ទោះបីជាសណ្ឋាគារ Hyatt ត្រូវបានទទួលស្គាល់ជាសណ្ឋាគារលំដាប់អន្តរជាតិយ៉ាងណាក៏ដោយ ប៉ុន្តែនៅពេលដែលសណ្ឋាគារនេះចូលមកកាន់ប្រទេសកម្ពុជា ការរួមបញ្ចូលគ្នានៃបែបផែនអន្តរជាតិ និងវប្បធម៌របស់កម្ពុជាត្រូវបានច្នៃបង្កើតឡើង។ នាយកប្រតិបត្តិរបស់ សណ្ឋាគារ Hyatt ប្រចំាតំបន់អាស៊ីប៉ាស៊ីហ្វិក បានពន្យល់ថា "រាជធានីភ្នំពេញត្រូវបានទទួលស្គាល់ថាជាទីក្រុងនៃសិល្បៈវប្បធម៌ ទេសចរ និងជំនួញ យើងមានទំនុកចិត្តថា Hyatt Regency នៅក្នុងប្រទេសកម្ពុជានឹងត្រូវបានទទួលស្គាល់ជាសាកល ហើយក្លាយជាគោលដៅសម្រាប់ភ្ញៀវទេសចរ អ្នកជំនួញ និងការកម្សាន្ត។ លើសពីនេះទៀតយើងជឿថាសណ្ឋាគារនេះនឹងដើរតួនាទីយ៉ាងសំខាន់ វានឹងក្លាយទៅជាអត្តសញ្ញាណរបស់ទីក្រុងតំណាងឲ្យថាមពល និងការអភិវឌ្ឍន៍សម្រាប់ទីក្រុងភ្នំពេញ។គម្រោងនៃសណ្ឋាគារមួយនេះ នឹងមានវត្តមាននៅក្នុងចំណោមតំបន់ដ៏មានប្រជាប្រិយភាពដូចជា៖ វិចិត្រសាលសិល្បៈ ហាងកាហ្វេ  ភោជនីយដ្ឋាន ព្រះបរមរាជវាំង និងសារមន្ទីរជាតិ។សណ្ឋាគារ Hyatt Regency ប្រហែលនឹងត្រូវចាប់បើកដំណើរការនៅឆ្នាំ ២០២០  ជាមួយចំនួនបន្ទប់២៥០ វត្តមានសណ្ឋាគារនេះនឹងចូលរួមជាមួយសណ្ឋាគារដែលមានវត្តមានស្រាប់ដូចជា៖ សណ្ឋាគារ Arunreas សណ្ឋាគារ Raffles  និងសណ្ឋាគារ Sofitel ដែលសុទ្ធសឹងជាសណ្ឋាគារដែលផ្តល់នូវបទពិសោធបដិសណ្ឋារកិច្ចយ៉ាងល្អបំផុតក្នុងរាជធានីភ្នំពេញ។ស្វែងរកសេវាកម្មអាផាតមិននៅក្នុងក្រុងភ្នំពេញ!

ការផ្លាស់ប្តូរពីអតីតកាលដែលគ្មានការអភិវឌ្ឍន៍ សព្វថ្ងៃនេះតំបន់ទួលគោកបានក្លាយទៅជាតំបន់ ទីប្រជុំជនមួយដែលពេញនិយម និងពោរពេញទៅដោយប្រភេទវីឡាផ្សេងៗគ្នា ដែលគេអាចជួល ឬទិញកាន់កាប់ផ្ទាល់ខ្លួន ក៏មានជាអាផាតមេន និងការិយាល័យផងដែរ។ ក្នុងតំបន់នេះ តម្លៃដីនៅមាន កម្រិតទាបជាងខណ្ឌផ្សេងៗទៀតនៅក្នុងទីក្រុងដូចជាខណ្ឌចំការមន និងខណ្ឌដូនពេញ ក្រុមគ្រួសារ មានឱកាសសម្រាប់រស់នៅក្នុងតំបន់ដែលធំទូលាយ នៅពេលដែលពួកគេបានផ្លាស់ប្តូររស់នៅទួល គោក។ តំបន់ជាយក្រុងនៃទួលគោកជាតំបន់ឧស្សាហកម្មសំខាន់របស់ទីក្រុង និងមានអ្នកស្រុកជា ច្រើននៅក្នុងតំបន់នេះធ្វើការនៅជិតៗតំបន់នេះផងដែរ។ នៅឆ្នាំ 2016 ទួលគោកត្រូវបានមើលឃើញ ថាមានការកើនឡើងយ៉ាងច្រើននូវអាជីវកម្មដូចជា ភោជនីយដ្ឋាន គ្លីនិក សាលារៀនឯកជន និងវប្បធម៌ចំរុះនៃគ្រួសារបែបខ្មែរ និងជនបរទេស។ទីផ្សារអចលនទ្រព្យមានលក្ខណៈដូចម្តេច? ទីផ្សារដីយោងតាមរបាយការណ៍ដែលចេញផ្សាយដោយ  V Trust Appraisal បង្ហាញថាតម្លៃដីមានការកើន ឡើងបន្តិចនៅតំបន់នេះពីឆ្នាំ ២០១៣ ដល់ដើមឆ្នាំ ២០១៦ ដែលបានផ្លាស់ប្តូរអត្រាការប្រាក់ជា មធ្យមពី ២,១៥០ដុល្លារ ទៅ ២,៥៣០ដុល្លារ ក្នុងមួយម៉ែត្រការ៉េ។ តំបន់ដែលមានពាណិជ្ជកម្មធំៗ តាមដងផ្លូវបានកើនឡើងដល់ ៥,៧៥០ដុល្លារក្នុងមួយម៉ែត្រការ៉េ នៅកណ្តាលខណ្ឌទួលគោក។ តម្លៃដីទាបបំផុតជាមធ្យមនៅសង្កាត់បឹងកក់នៅទី១ ត្រឹម១,៨២០ដុល្លារក្នុងមួយម៉ែត្រការ៉េ។ តម្លៃដីខ្ពស់បំផុតជាមធ្យមនៅសង្កាត់ផ្សារដេប៉ូទីបីត្រឹម ៣,៦៣០ដុល្លារក្នុងមួយម៉ែត្រការ៉េ។ យោងតាម របាយការណ៍ V Trust ដដែល “ក្នុងរយៈពេលមួយទសវត្សរ៍ចុងក្រោយ ជាយភាគខាងជើងនៃខណ្ឌទួលគោកជាទិសដៅសំខាន់ទីមួយសម្រាប់ផ្លាស់ប្តូរទីលំនៅដោយសារតែតំបន់នេះនៅមានដីទំនេរច្រើន និងជាតំបន់ដែលស្ថិតនៅជិតតំបន់កណ្តាលទីក្រុងភ្នំពេញ។ "V Trust ក៏បានបានបង្ហាញដែរថា បច្ចុប្បន្ន មានទីតាំងជាច្រើននៅក្នុងសង្កាត់ទួលគោកហាក់ដូចជា បានឈានដល់តម្លៃទីផ្សារខ្ពស់បំផុតរួចទៅហើយ។ លោក ហ៊ឹម សីហា ប្រធានផ្នែកស្រាវជ្រាវរបស់ ក្រុមហ៊ុននេះបាននិយាយថា: “ទីផ្សារបានចាប់ផ្តើមដើម្បីបង្ហាញសញ្ញាណនៃការធ្លាក់ចុះចាប់តាំងពី ត្រីមាទីបួននៃឆ្នាំ ២០១៥  ពេញមួយឆ្នាំ នៃឆ្នាំ(2016) ត្រូវបានព្យាករណ៍ថាត្រូវបានធ្លាក់ចុះបន្តិច”។ប្រភេទលំនៅដ្ឋាន៖ អាស្រ័យលើចំណង់ចំណូលចិត្ត និងតម្រូវការរបស់អ្នក អ្នកអាចជ្រើសរើសយកការជួលខុនដូនៅ ទួលគោក។ អ្នកអាចជួលខុនដូមួយយូនីតមានមួយបន្ទប់គេង រួមជាមួយគ្រឿងសង្ហារិម ក្នុងតម្លៃ ១៨០ ដុល្លារក្នុងមួយខែ ចំណែឯប្រភេទខុនដូមាន៤បន្ទប់គេង ជាមួយគ្រឿងសង្ហារិមមួយឈុតក្នុងតម្លៃ ២,០០០ដុល្លារក្នុងមួយខែ នៅជិតមជ្ឈមណ្ឌល TK Avenue ។ សម្រាប់ប្រភេទយូនីតលំដាប់ខ្ពស់នៅតំបន់បឹងកក់១ មានយូនីតដែលមាន៣បន្ទប់គេង ក្នុងតម្លៃប្រមាណជា ២,១០០ដុល្លារ ក្នុងមួយខែ។សេវាកម្មអាផាតមេនមានផ្តល់ជូនយ៉ាងទូលំទូលាយ តម្លៃចាប់ផ្តើមពី៣៥០ដុល្លារ ដល់ប្រហែល ៤,000ដុល្លារ ក្នុងមួយខែអាស្រ័យលើតំបន់ សេវាកម្ម និងភាពគាប់ចិត្តផ្សេងៗទៀត។សម្រាប់ វីឡា  តម្លៃជួលមានចាប់ពី ៥៥០ដុល្លារ ឡើងទៅ អាស្រ័យលើគុណភាព ចំនួនបន្ទប់ និង សេវាកម្មដូចជាអាងហែលទឹក។ ផ្ទះវីឡាគឺមានច្រើនអាចរកបានដោយងាយមានសម្រាប់ជួល និង សម្រាប់លក់នៅទួលគោក បើធៀបទៅនឹងតំបន់សំខាន់នៅក្នុងទីក្រុងបច្ចុប្បន្ននៅមានវីឡាតិចតួច ណាស់ដែលអាចរកបាន ចំណែកតម្លៃវិញគឺថ្លៃជាងនៅទួលគោកឆ្ងាយណាស់។កំណើននៃចំនួននៃការអភិវឌ្ឍបុរីកំពុងលេចរូបរាងឡើងនៅជុំវិញតំបន់ទួលគោក ដែលមានការពេញ និយមពីសំណាក់អ្នកទិញក្នុងស្រុកដែលស្វែងរកផ្ទះដែលអាចលក់ទំនិញបាន និងវីឡាដែលហេដ្ឋា រចនាសម្ព័ន្ធល្អមានសុវត្ថិភាព និងបរិស្ថានជុំវិញល្អ។ការិយាល័យ និងមជ្ឈមណ្ឌលពាណិជ្ជកម្ម៖មានការិយាល័យសម្រាប់ជួលជាច្រើននៅទួលគោក។ តម្លៃជួលការិយាល័យទាំងនេះ មានតម្លៃទាបបំផុតចាប់ពី ៤៥០ដុល្លារក្នុងមួយម៉ែត្រការ៉េក្នុងមួយខែ។ អ្នកក៏អាចជួលអគារកម្រិតមួយសមរម្យក្នុងតម្លៃ ៨,000 ដុល្លារក្នុងមួយខែ។ក្រៅពីការជួលការិយាល័យ សហគ្រិន អាជីវកម្មខ្នាតតូច និងការចាប់ផ្ដើមអាជីវកម្មថ្មីប្រហែលជាចង់ ស្វែងរក SmallWorld Business Center ដែលជាមជ្ឈមណ្ឌលពាណិជ្ជកម្មតែមួយគត់  ដែលផ្ដល់នូវ ភាពងាយស្រួល សេវាកម្ម ការណែនាំ ការអភិវឌ្ឍន៍សហគមន៍ និងការផ្តល់ជូនសម្រាប់ការចាប់ផ្តើម អាជីវកម្ម។ ភាគច្រើនពួកគេផ្តល់ជូនដល់យុវជនជំនាន់ក្រោយ ប៉ុន្តែបានស្វាគមន៍ដល់សហគ្រិនទាំង អស់ដែលចង់បានការគាំទ្រ និងចែករំលែកនៅទីនេះ។  មានបណ្តុំនៃសហគ្រិនបរទេស និងក្នុងស្រុកនៅក្នុង បញ្ជីឈ្មោះរបស់ខ្លួន។ការអភិវឌ្ឍន៍ថ្មីគម្រោងខុនដូថ្មី Appenines Condominium អភិវឌ្ឍន៍ដោយក្រុមហ៊ុន KHSI Investment PTE LTD នឹងបញ្ចប់ការសាងសង់នៅដើមឆ្នាំ ២០១៨ ឬចុងឆ្នាំ ២០១៧។ គម្រោងនឹងក្លាយជាអគារ ដែលមានកម្ពស់ ១៧ជាន់ ហើយនឹងរួមមានយូនីតដែលមានចាប់ពី១ បន្ទប់គេង ទៅ ៣ បន្ទប់គេង។ ហើយគម្រោងនឹងមានជាសេវាកម្មខុនដូរួមគ្នា ដូចជាកន្លែងហាត់ប្រាណ ចំណតរថយន្ត និងអាងទឹកមួយ។នៅក្នុងទីតាំងដ៏ងាយស្រួលខាងមុខសាកលវិទ្យាល័យភូមិន្ទភ្នំពេញ គម្រោង TK Royal One គឺជាគម្រោងលំនៅដ្ឋាន និងការិយាល័យប្រណិត នៅតាមបណ្តោយមហាវិថីសហព័ន្ធរុស្ស៊ី នៅជិតនឹងទួលគោកបំផុត។  អចលនទ្រព្យ នេះផ្ដល់នូវអ្នករស់នៅទីនេះជាមួយនឹងទេសភាពទាំង មូលនៃ parkland និងរាជធានីភ្នំពេញ។ សេវាកម្មសម្រាប់ការរស់នៅរួមមាន កន្លែងហាត់ប្រាណ អាងហែលទឹក និងកន្លែងអង្គុយលេង និងសួនលើដំបូល។ TK Royal One នៅជិតទីស្តីការគណៈរដ្ឋមន្ត្រី ធនាគារធំៗ ផ្សារទំនើប និងស្ពានអាកាសនៅតាមបណ្តោយមហាវិថីសហព័ន្ធរុស្ស៊ីដើម្បីធានាឱ្យការធ្វើ ចរាចរណ៍មានភាពងាយស្រួល រវាងព្រលានយន្តហោះអន្តរជាតិភ្នំពេញ និងតភ្ជាប់មកកណ្តាលក្រុង។ការរស់នៅក្នុងតំបន់ទួលគោក៖តើមានសាលារៀនអ្វីខ្លះនៅក្នុងតំបន់នោះ?នៅទួលគោលមិនខ្វះសាលារៀនទេ ស្ថាប័នអប់រំនៅក្នុងតំបន់នេះបានបំពេញទៅនឹងតម្រូវការរបស់សិស្សពីថ្នាក់មត្តេយ្យរហូតដល់មហាវិទ្យាល័យ។តំបន់នេះគឺល្អឥតខ្ចោះសម្រាប់អ្នកដែលចង់រស់នៅជិតស្ថាប័នអប់រំល្អៗ។មានសាលារៀនក្នុងស្រុក និងសាលាអន្តរជាតិចម្រុះគ្នានៅក្នុងតំបន់នេះដូចជា៖ សាលាអន្តរជាតិហ្វូតព្រីន សាលាអន្តរជាតិ(Learning Jungle School) សាលាអន្តរជាតិហូប, សាលាវេស្ទើនអន្តរជាតិ សាកលវិទ្យាល័យវេស្ទើន សាលាអន្តរជាតិស្ទេមហ្វត សាកលវិទ្យាល័យ បញ្ញាសាស្រ្តកម្ពុជា វិទ្យាស្ថានបច្ចេកទេសកម្ពុជា និងសាកលវិទ្យាល័យភូមិន្ទភ្នំពេញ។ភាគច្រើននៃសាលាទាំងនេះមានការទទួលស្គាល់គុណភាពជាអន្តរជាតិពីអង្គការដូចជា៖ សមាគមន៍នៃសាលារៀន និងមហាវិទ្យាល័យនៃប្រទេសលោកខាងលិច(Western Association of Schools and Colleges) ក្រសួងអប់រំយុវជន និងកីឡា Cambridge International Examination Centre និង  International Baccalaureateតើខ្ញុំអាចធ្វើដំណើរជុំវិញទីក្រុងបានដោយរបៀបណា?មានមធ្យោបាយមួយចំនួននៃការដឹកជញ្ជូនដែលអ្នកប្រហែលជាស្គាល់ដូចជា៖ តាក់ស៊ី តុតុ និងរថយន្តក្រុងសាធារណៈ។ម៉ូតូឌុប បានបម្រើជាប្រភពនៃប្រាក់ចំណូលសម្រាប់ប្រជាជនក្នុងស្រុក តុតុ និងម៉ូតូឌុបអាចជាវិធីងាយស្រួលបំផុត និងលឿនបំផុត ដើម្បីធ្វើដំណើរជុំវិញទីក្រុង ប្រសិនបើអ្នកមិនមានរថយន្តផ្ទាល់ខ្លួនទេ  ប៉ុន្តែខ្សែរថយន្ដក្រុងក្នុងរាជធានីភ្នំពេញក៏ឆ្លងកាត់តាមតំបន់ទួលគោកនេះដែរ។ស្ថានីយ៍រថយន្តក្រុងនៅក្នុងតំបន់នេះរួមមានស្ថានីយ៍រថយន្ដក្រុងផ្សារដើមគរ និងស្ថានីយ៍រថយន្តក្រុង កំពតអ៊ិចប្រេសលីម៉ូហ្ស៊ីន។តើហេដ្ឋារចនាសម្ព័ន្ធនៅទួលគោកការមានលក្ខណៈដូចម្តេច?មានផ្លូវសំខាន់ពីររួចទៅហើយ គឺមហាវិថីម៉ៅសេទុង និងមហាវិថីសហព័ន្ធរុស្ស៊ី  ដែលភ្ជាប់ទួល គោកទៅខណ្ឌផ្សេងនៅរាជធានីភ្នំពេញ ធ្វើឱ្យខណ្ឌ និងសង្កាត់អាចចេញចូលបាន និងធ្វើឲ្យអ្នករស់នៅខណ្ឌទួលគោកធ្វើដំណើរទៅកាន់ព្រលានយន្តហោះអន្តរជាតិភ្នំពេញឆាប់រហ័ស។ស្ពានអាកាសមហាវិថីសហព័ន្ធរុស្ស៊ីតភ្ជាប់ទួលគោកទៅនឹងផ្នែកខ្លះនៃទីក្រុងបានធ្វើឲ្យមានការផ្លាស់ប្តូរខ្លាំង ហើយការកកស្ទះចរាចរដែលធ្លាប់កើតមាននៅផ្លូវបំបែកសំខាន់ទាំងនេះបានថយចុះយ៉ាង ខ្លាំង។ ផ្លូវហាណូយមើលឃើញថាមានការប្រសើរឡើងយ៉ាងខ្លាំងកាលពីឆ្នាំមុន។ ការអភិវឌ្ឍដែលកំពុងដំណើរការនៅតំបន់បឹងកក់នឹងបន្ធូរបន្ថយសម្ពាធលើហេដ្ឋារចនាសម្ព័ន្ធនៅ ទួលគោកដំណើរដែលមានការរីកចម្រើនទៅមុខ។ប្រសិនបើខ្ញុំមានជម្ងឺ? តើនៅតំបន់ទួលគោលមានមណ្ឌលសុខភាពដែរឫទេ? តំបន់ទួលគោកមិនខ្វះមន្ទីរពេទ្យនោះទេ ទួលគោកមានស្ថាប័នកាកបាទក្រហមកម្ពុជា មន្ទីរពេទ្យ កុមារជាតិ មន្ទីរសម្រាកព្យាបាល  និងមន្ទីរពេទ្យសម្ភព ទួលគោក មន្ទីរពេទ្យប៊ីយ៉ូរម៉ដភ្នំពេញ និងវិទ្យាស្ថានជាតិសុខភាពសាធារណៈ វាក៏ជាទីតាំងនៃក្រសួងសុខាភិបាលរបស់ប្រទេសកម្ពុជា ផងដែរ។សម្រាប់តម្រូវសុខភាពមាត់ធ្មេញ អ្នកអាចបង់ទៅគ្លីនិកព្យាបាលធ្មេញ Le Sourire ដែលមានទីតាំង ស្ថិតនៅមហាវិថីសហព័ន្ធ រុស្ស៊ី គ្លីនិកមន្តសាស្រ្តអាមេរិកកាំងនៅផ្លូវ ២៨៩។តើតំបន់ន់ទួលគោកងាយនឹងទទួលរងគ្រោះធម្មជាតិដែរឫទេ?ពេលដែលរដ្ឋាភិបាល និងវិស័យឯកជនបានធ្វើការអភិវឌ្ឍន៍នៅតំបន់បឹងកក់ ប្រព័ន្ធលូបង្ហូរទឹកត្រូវ បានដំឡើងដើម្បីការផ្ទេរទឹកទៅទន្លេដែលនៅជុំវិញនោះ ដោយសារពីមុនក្នុងតំបន់នេះមានបឹងដែល បានជួយគ្រប់គ្រងលើទឹកជំនន់នៅក្នុងតំបន់នេះ។ ប៉ុន្តែចាប់តាំងពីមានការអភិវឌ្ឍតំបន់បឹងកក់នេះ ទឹកជំនន់បានក្លាយជាបញ្ហានៅក្នុងតំបន់ជុំវិញដូចជា ទួលគោកនិងដូនពេញ។ ប៉ុន្តែមិនមែនត្រូវទីតាំង ទាំងអស់នៅទីនេះ សុទ្ធតែងាយជន់លិចនោះទេ។  កន្លែងនេះ “គ្មានទឹកជំនន់ ទេ”  គឺបានក្លាយជាលក្ខណៈពិសេសសម្រាប់អចលនទ្រព្យមួយចំនួនសម្រាប់លក់ ដែលមាននៅក្នុង បញ្ជីអចលនទ្រព្យ អនឡាញ។  ដូច្នេះប្រសិនបើអ្នកកំពុងសម្លឹងមើលអចលនទ្រព្យជាប់ដីនៅទួល គោក ជាការល្អបំផុត ត្រូវពិនិត្យមើលជាមួយភ្នាក់ងារអចលនទ្រព្យ និងម្ចាស់ពីមុន/ អ្នកជួលពីមុនមក ថាតើពេលអនាគត ផ្ទះរបស់អ្នក និងនៅតាមផ្លូវដែលអ្នករស់នៅ ជាតំបន់មានទឹកជំនន់ទឹកជំនន់ដែរ ឫក៏អត់។ ប្រសិនបើ អ្នកមិនបានសួរឲ្យច្បាស់លាស់ទេ អ្នកនឹងមានការភ្ញាក់ផ្អើលនៅរដូវវស្សាឆ្នាំ ក្រោយ!ការកំសាន្តពេលរាត្រីនៅទួលគោកមានអ្វីខ្លះ?បើទោះបីគេស្គាល់ថាជាតំបន់ស្ងប់ស្ងាត់ទួលគោកមានកន្លែងជាច្រើន សម្រាប់សម្រាកលំហែកាយ បន្ទាប់ពីធ្វើការងារក្នុងមួយថ្ងៃពេញ។ ប្រសិនបើអ្នកចង់ចេញទៅក្រៅដើម្បីភាពសប្បាយរីករាយ មួយចំនួនដូចជា៖ ខារ៉ាអូខេ ញ៉ាំអាហារ និងជួបជុំមិត្តភក្តិ អ្នកអាចទៅកាន់ KTV និងភោជនីយដ្ឋានដែល មានទីតាំងស្ថិតនៅទីនេះ។  អ្នកអាចជ្រើសយកRomantic KTV  ភោជនីយដ្ឋាន M2 & KTV ភោជនីយដ្ឋាន Moonlight & KTV និងមានផ្សេងៗទៀតជាច្រើន។ប្រសិនបើអ្នកចង់រាំលេងកំសាន្ត និងស្តាប់តន្ត្រី ក៏មានក្លឹបរាត្រី Egypt Nightclub នៅលើផ្លូវ ១១២ នៅបឹងកក់លើកទី២ វាមានកន្លែងរាំធំទូលាយ បទចម្រៀងក្នុងស្រុកពិរោះៗ  ម្ហូបអាហារ និងភេសជ្ជៈ និង បើកពីម៉ោង ៨:00 យប់ ដល់ម៉ោង ៨:00 ព្រឹក។តើមានកន្លែងដើម្បីទិញទំនិញ និងការបរិភោគអាហារនៅទួលគោក?មានផ្សារទំនើបជាច្រើន និងកន្លែងគាប់ចិត្តនៅក្នុងតំបន់ដូចជា ហ៊ីន សុខា ប៉ុន្តែមនុស្សភាគច្រើនចង់ បើកកន្លែងលក់ឥវ៉ាន់នៅខាងក្រៅ TK Avenue។សម្រាប់អ្នកដែលចង់ស្វែងរកម្ហូបបែបអន្តរជាតិ និងចង់ធ្វើការទិញទំនិញ ឬមើលខ្សែភាពយន្ត ជម្រើសល្អបំផុតរបស់អ្នកគឺនៅ TK Avenue។  ការដើរទិញឥវ៉ាន់ និងការញ៉ាំអាហារនៅផ្លាហ្សាពេញ និយមសម្រាប់អ្នកក្នុងស្រុក និងជនបរទេស មជ្ឈមណ្ឌល TK Avenue មានអាហារបារាំង កូរ៉េ ជប៉ុន និងអាមេរិកសម្រាប់ផ្តល់ជូន និងមានជាច្រើនមុខផ្សេងទៀត។ អ្នកក៏អាចទស្សនាខ្សែភាពយន្ដថ្មីបំផុតលើអេក្រង់ដ៏ធំ។ ផ្លាហ្សាក៏មានផ្សារទំនើបរបស់ខ្លួនផ្ទាល់ផងដែរ ប្រសិនបើអ្នកត្រូវការទិញគ្រឿងទេស ខណៈពេលដែលអ្នកនៅទីនោះ។សែ្វងរកការលក់រាយជាច្រើន  គ្រឿងអេឡិចត្រូនិក និងអាជីវកម្មលើអាហារ & ភេសជ្ជៈ ដូចជា Dairy Queen,  Chatime, កាហ្វេប្រោន, Breadtalk, Penshoppe,Romanson, Pedro, Chateau De Sable, Lily, ក្រុមហ៊ុន Sony, OSIM និង Esprit ។ប្រសិនបើអ្នកចង់បានជម្រើសច្រើននៃអាហារ ភេសជ្ជៈ និងផលិតផ្សេងៗ  អ្នកប្រហែលជាចង់រកមើលនៅក្នុងផ្សារថៃហួត គ្រាន់តែធ្វើដំណើរមួយភ្លែតពី TK Avenue។ វាត្រូវបានសាងសង់ដើម្បីបម្រើ សេចក្តីត្រូវការទាំងអ្នកក្នុងស្រុក និងជនបរទេស ដោយការផ្តល់នូវផលិតផលក្នុងស្រុក និងអន្តរជាតិ ដែលអ្នកកម្រនឹងរកឃើញមាននៅកន្លែងផ្សេង។ ប៉ុន្តែក៏មានទីផ្សារផ្សេងទៀតនៅក្នុងតំបន់នេះដូចជាផ្សារដើមគរ ផ្សារនាគមាស និងផ្សារផ្លែឈើ។មានភោជនីយដ្ឋានជាច្រើននៅតំបន់ទួលគោក ប៉ុន្តែមួយដែលមានការពេញនិយមច្រើនក្នុងតំបន់នេះ គឺសាខាមួយរបស់ភោជនីយដ្ឋានអាហារសមុទ្រស្រស់ Sonivid ដែលមានបម្រើសេវាម្ហូបសមុទ្រ ច្រើនមុខតាមបែបអាស៊ី។ ប៉ុន្តែប្រសិនបើបែបនេះមិនពេញចិត្តអ្នកទេ អ្នកអាចចូលទៅកាន់ Burger King ហាងរតនាស្រីម៉ៅមាន ហាងMetro Azura   ភោជនីយដ្ឋាន The Blue Pumpkin អាហាកូរ៉េ J8 Korean Grill & Casual Dining ឬហាងRed Wine House ដើម្បីបំពេញតាមការចំណង់របស់អ្នក។តំបន់ទួលគោកនឹងក្លាយជាទីតាំងផ្សារទំនើបអ៊ីអនទី២  ដែលមានចំនួនបួនជាន់លើផ្ទៃដីសរុប ចំនួន ១៥១,០០០ ម៉ែត្រការ៉េ ដែលមានគោលបំណងដើម្បីបំពេញតាមកំណើនឡើងនៃចំនួនភ្ញៀវទេសចរ និងប្រជាពលរដ្ឋដែលមានជីវភាពមធ្យម។ ផ្សារទំនើបអ៊ីអនទី២  ត្រូវបានគេរំពឹងថានឹងត្រូវបញ្ចប់ ការសាងសង់នៅនៅខែឧសភាឆ្នាំ២០១៨ ។តើកន្លែងហាត់ប្រាណ និងមជ្ឈមណ្ឌលសុខភាពនៅទួលគោកមាននៅឯណា?សម្រាប់កន្លែងហាត់ប្រាណ មានច្រើននៅក្នុងតំបន់នេះដូចជា៖ Core Fitness Center  តាមបណ្តោយមហាវិថីសហព័ន្ធរុស្ស៊ី និងមជ្ឈមណ្ឌល SeaStone Fitness Center  តាមបណ្តោយផ្លូវ ២១៩។ប៉ុន្តែប្រសិនបើអ្នកកំពុងសម្លឹងរកសកម្មភាពមួយចំនួនតាមរយៈការលេងកីឡា  មានមជ្ឈមណ្ឌលកីឡានៅទួលគោកចំនួន២ ដែលជាកន្លែងដែលអ្នកអាចលេងបាល់ទាត់  កីឡាវាយសី និងសកម្មភាពផ្សេង ទៀតផងដែរ។ បញ្ជីនេះរួមបញ្ចូលទាំងក្លឹបកីឡា Akira ក្លឹបកីឡាទួលគោក ក្លឹបPremium Sport Club និងក្លឹបបាល់ទាត់ Ramar។ប្រសិនបើអ្នកអស់កម្លាំងលេខកីឡា សេវាកម្មស្ប៉ា ដូចជាម៉ាស្សា ស្ទីម សូណា TK  និងសណ្ឋាគារ New Men City Hotel & Spa កំពុងរង់ចាំអ្នកដើម្បីជួយឱ្យអ្នកបានសម្រាក។តើរស់នៅតំបន់ទួលគោក ខ្ញុំត្រូវចំណាយអស់ប៉ុន្មាន?ក្នុងការស្ទង់មតិរបស់Numbeoនាពេលថ្មីៗ បានបង្ហាញថាសំបុត្រនៃការដឹកជញ្ជូនមួយជើង អាចនឹងចំណាយអស់ជាមធ្យម ២ដុល្លារ  និងចំណាយលើការដឹកជញ្ជូនប្រចាំខែ ២៩.៦៩ ដុល្លារ។ ក្នុងពេលដំណាលគ្នា រថយន្តតាក់ស៊ីមាន តម្លៃចាប់ពី ១ ដុល្លារ សម្រាប់ការធ្វើដំណើរជិតៗនៅក្នុងទីក្រុង។ ប្រសិនបើអ្នក មានរថយន្តផ្ទាល់ខ្លួនវិញនោះ តម្លៃប្រេងសាំងនៅក្នុងរាជធានីភ្នំពេញត្រូវបានគេរំពឹងថា  ០.៩៣ ដុល្លារ ក្នុងមួយលីត្រ។អាស្រ័យលើការប្រើប្រាស់របស់អ្នក ថ្លៃទឹកភ្លើងអាចមានតម្លៃផ្សេងគ្នា ប៉ុន្តែតម្លៃជាមូលដ្ឋានដូចជា៖  ថ្លៃ សំរាម ថ្លៃទឹក និងថ្លៃអគ្គិសនីគឺជាមធ្យម ៨៤,១២ ដុល្លារក្នុងមួយខែ សម្រាប់អាផាតមេន មានបន្ទប់ មួយ និងថ្លៃអ៊ិនធើណិប្រហែល ៣៤ដុល្លារ សម្រាប់១០Mbpsទិន្នន័យគ្មានដែនកំណត់។ ហៅទូរស័ព្ទចេញមួយនាទី នៅលើទូរស័ព្ទបង់ប្រាក់ជាមុនរបស់អ្នកចំណាយត្រឹមតែ ០,០៦ ដុល្លារ។សម្រាប់ថ្លៃអាហារ  ទឹកដោះគោគឺ ២,៣៦ដុល្លារក្នុងមួយលីត្រ  ស៊ុតមួយឡូ(១០)មានតម្លៃ ១,៥៥ ដុល្លារ  អង្ករមួយគីឡូក្រាមគឺ ១,០៣ ដុល្លារ នំប៉័ងមួយចំណិត ១,៣៣ដុល្លារ និងទឹកតម្លៃ ០,៧៧ ដុល្លារ ក្នុង១,៥លីត្រ។ តម្លៃអាហារអាចខុសគ្នា។ អាហារនៅក្នុងភោជនីយដ្ឋានដែលមានតំលៃថោក តម្លៃមធ្យម ២,៧៥ដុល្លារ សម្រាប់ម្នាក់។ អាហារបីមុខផ្សេងគ្នាសម្រាប់មនុស្សពីរនាក់នៅភោជនីយ ដ្ឋានថ្នាក់មធ្យមមានតម្លៃប្រហែល ១៦ ដុល្លារ។សិក្សាបន្ថែមអំពីវិស័យអចលនទ្រព្យនៅក្នុងក្រុងភ្នំពេញ!

កម្ពុជាមិនត្រូវបានគេទទួលស្គាល់ទេសម្រាប់ប្រព័ន្ធថែទាំសុខភាពក្នុងប្រទេស ដែលជាមូលហេតុដែលប្រជាជនកម្ពុជាជ្រើសរើសយកការធ្វើដំណើរទៅកាន់ប្រទេសផ្សេងទៀត ដើម្បីទទួលការព្យាបាល។ នេះជាហេតុផលនៃលក្ខខណ្ឌដែល “ទេសចរណ៍ដើម្បីសុខភាព”(health tourism) ត្រូវបានបង្កើត។ប៉ុន្តែរដ្ឋាភិបាលត្រូវទទួលខុសត្រូវដោយខ្លួនឯងដើម្បីបង្កើតការជឿទុកចិត្តសម្រាប់គ្រូពេទ្យនិងការថែទាំសុខភាពនៅក្នុងស្រុក។គម្រោងមន្ទីរថ្មីមួយនេះនឹងជួយដល់ព្រះរាជាណាចក្រកម្ពុជាក្នុងការបង្កើតកេរ្តិ៍ឈ្មោះរបស់ខ្លួន ជាគោលដៅវិនិយោគផ្តោតសំខាន់សម្រាប់ការចូលនិវត្តន៍។ នៅពេលដែលមានវត្តមានមន្ទីរស្តង់ដារជប៉ុននេះមាននៅក្នុងប្រទេសកម្ពុជា អ្នកចូលនិវត្តន៍កាន់តែច្រើននឹងមកកាន់ប្រទេសកម្ពុជា។ ប្រទេសកម្ពុជាមានបរិយាកាសអំណោយផលសម្រាប់មនុស្សចាស់ និងការរស់នៅមានការចំណាយតិច ហើយប្រទេសនេះក្លាយជាប្រទេសដែលមានភាពទាក់ទាញសម្រាប់និវត្តន៍ជន ហើយកម្រិតការថែទំាសុខភាពនៅក្នុងប្រទេសចាប់ផ្តើមបន្តស្តង់ដាររបស់ខ្លួនកាន់តែប្រសើរ។ការដោះស្រាយលើភាពចាំបាច់៖សម្រាប់ផ្នែកនៃការផ្តួចផ្តើមក្នុងការកាត់បន្ថយភ្ញៀវជាលក្ខណៈទេសចរសុខភាពដែលធ្វើដំណើរទៅប្រទេសជិតខាងដូចជាប្រទេសថៃ ដើម្បីទទួលយកការថែទាំផ្នែកវេជ្ជសាស្រ្ត រដ្ឋាភិបាលកម្ពុជាបានអនុញ្ញាតឱ្យវិនិយោគឯកជនបរទេស ធ្វើការអភិវឌ្ឍលើសេវាកម្មថែទាំសុខភាពដែលមានគុណភាពក្នុងរយៈពេលប៉ុន្មាន ឆ្នាំចុងក្រោយ។មួយក្នុងចំណោមការវិនិយោគលក្ខណៈឯកជនទាំងនេះរួមមាន មន្ទីរពេទ្យ Sunrise Japan Hospital របស់ជប៉ុន។ មន្ទីរពេទ្យនេះ ជាមន្ទីរពេទ្យមានគ្រែចំនួន៥០ នឹងត្រូវចាប់ផ្តើមការប្រឹក្សាយោបល់របស់ខ្លួនលើកដំបូង នៅថ្ងៃទី ១៧ ខែតុលា ដែលនឹងចូលជាមន្ទីរពេទ្យមានចំណាត់ថ្នាក់ល្បីឈ្មោះជាផ្លូវការនៃ មន្ទីរពេទ្យលំដាប់ខ្ពស់នៅទីក្រុងភ្នំពេញ  ដូចជាមន្ទីរពេទ្យរ៉ូយ៉ាល់ភ្នំពេញ មន្ទីរពេទ្យនៃសាកលវិទ្យាល័យអន្តរជាតិសុខសែន និងមន្ទីរសម្រាកព្យាបាល Embassy Medical Center។ ទោះបីជាមិនមានការធានាអ្វីយ៉ាងណាក៏ដោយទៅលើការផ្តល់ជូនសេវាដល់អ្នកដែលមានប្រាក់ចំណូលទាប  ថ្លៃព្យាបាលជម្ងឺនឹងនៅតែមានកម្រិតទាបជាងមន្ទីរពេទ្យ និងមន្ទីរពេទ្យនៅប្រទេសសិង្ហបុរី និងថៃ ។ ប្រសិនបើការផ្តល់ជូននោះមិនគ្រប់គ្រាន់ទេ មូលនិធិមួយក៏នឹងបង្កើតឡើងដើម្បីជួយដល់អ្នកជំងឺ ដែលមិនមានលទ្ធភាពគ្រប់គ្រាន់ក្នុងការទទួលបានការថែទាំសុខភាពដែលមានគុណភាពត្រឹមត្រូវ។ការដោះស្រាយបញ្ហា៖លោក Yoshifumi Hayashi ប្រធានមន្ទីរពេទ្យ Sunrise របស់ជប៉ុនបាននិយាយថា “នៅទីនេះ មិនមានវត្តមានខ្ញុំ ប្រហែលករណីមួយចំនួនមិនអាចដោះស្រាយបានទេ។”  នេះគឺជាអ្វីដែលមន្ទីរពេទ្យនេះចង់ធ្វើឱ្យប្រសើរឡើង។ បុគ្គលិករបស់មន្ទីរពេទ្យ ៨០ នាក់ ដែលមិនមែនជាជនជាតិជប៉ុនត្រូវ បានបញ្ជូនទៅបណ្តុះបណ្តានៅជប៉ុនរួចទៅហើយ លោកវេជ្ជបណ្ឌិត Hayashi សង្ឃឹមថាសិស្ស និស្សិតមកពីសាកលវិទ្យាល័យ និងវេជ្ជបណ្ឌិតពីមន្ទីរពេទ្យផ្សេងគ្នាក៏អាចប្រើប្រាស់មន្ទីរពេទ្យមួយនេះដើម្បីជួយសម្រួលដល់ការរៀនសូត្រ។ទាក់ទងនៅនឹងឱកាសសិក្សាថ្មីៗជាច្រើន លោកនាយករដ្ឋមន្រ្តី ហ៊ុន សែន បានលើកឡើងអំពីការអភិវឌ្ឍថ្មីដូចជាមន្ទីរពេទ្យSunriseជប៉ុននឹងមិនត្រឹមតែបម្រើដល់ផលប្រយោជន៍សម្រាប់តែប្រជាពលរដ្ឋប៉ុណ្ណោះទេ។លោកបានពន្យល់ថា “ការមានមន្ទីរពេទ្យដែលមានស្តង់ដាខ្ពស់បែបនេះគឺមិនមែនគ្រាន់តែផ្តល់អត្ថប្រយោជន៍សម្រាប់ប្រជាជនកម្ពុជានោះទ វាបង្កើតការទុកចិត្តក្នុងចំណោមវិនិយោគិន និងភ្ញៀវទេសចរជាមួយនឹងការនាំយកទឹកប្រាក់មកជាមួយ ដែលបានផ្តល់ជាជំនួយសម្រាប់ទាំងវិស័យសុខាភិបាល និងសេដ្ឋកិច្ចរបស់ប្រទេសកម្ពុជា។សូមអានបន្ថែមអំពីជីវិតរបស់ជនបរទេសនៅក្នុងប្រទេសកម្ពុជា!

គម្រោង88 Suitesនឹងក្លាយជាគម្រោងដែលមានមូលដ្ឋាននៅរាជធានីភ្នំពេញលើកដំបូងក្រោមការអភិវឌ្ឍន៍ របស់ក្រុមហ៊ុន YCT Land Pte Ltd  ហើយបច្ចុប្បន្នក្រុមហ៊ុននេះមានគម្រោងមួយទៀតនៅខេត្តកំពតផងដែរ។YCT Landជាដៃគូវិនិយោគរួមគ្នារវាងក្រុមហ៊ុនអភិវឌ្ឍន៍ Chong Lim Development SDN BHD និងក្រុមហ៊ុន អចលនវត្ថុ និងអភិវឌ្ឍន៍ Chip Hock ក្រុមហ៊ុនទំាង២ដែលមានមូលដ្ឋាននៅប្រទេសម៉ាឡេស៊ី។ YCT Landបានមកកាន់ប្រទេសកម្ពុជានៅក្នុងឆ្នាំ២០១២ ដែលជាក្រុមហ៊ុនមានបទពិសោធនៅម៉ាឡេស៊ីរយៈពេល ជាង៤០ឆ្នាំ ហើយបានបញ្ចប់ និងលក់គម្រោងច្រើនជាង៣០០០យ៉ូនីត។គម្រោងទទួលបានជោគជ័យកន្លងមកដែលក្រុមហ៊ុននេះបានចូលរួមចំណែកក្នុងការអភិវឌ្ឍន៍រួមមាន៖ University Green និង Pangsapuri Bukit Beruang Bestariនៅម៉ាឡេស៊ី នេះគ្រាន់តែជាឈ្មោះគម្រោងមួយចំនួនប៉ុណ្ណោះ លោកអ្នកអាចមើលបន្ថែមអំពីគម្រោងដែលបានបញ្ចប់ជាច្រើនដែលស្ថិតនៅក្រោមការអភិវឌ្ឍន៍របស់ក្រុមហ៊ុនអចលនទ្រព្យChip Hock។តួយ៉ាងដូចជាគម្រោងមួយទៀតគឺ "Leisure Farm" នៅក្នុងរដ្ឋ Johor Baru ភាគខាងត្បូងប្រទេសម៉ាឡេស៊ីដែលជាការអភិវឌ្ឍនៅលើផ្ទៃដីទំហំប្រមាណ៤៨៥ហិកតា ដែលរួមមានលំនៅដ្ឋាន និងរីស៊តដែលបានបញ្ចប់ក្នុងដំណាក់កាលជាច្រើន ហើយត្រូវបានកំពុងដំណើរការលក់ផងដែរនាពេលបច្ចុប្បន្នគម្រោង 88 Suites គឺជាគម្រោងមួយសម្រាប់YCT Landដែលជាស្នាដៃប្រវត្តិសាស្រ្តរបស់ក្រុមហ៊ុននេះនៅក្នុងការអភិវឌ្ឍន៍នៅក្នុងប្រទេសកម្ពុជា។អ្នកអភិវឌ្ឍន៍មានបទពិសោធជាច្រើននៅក្នុងការអភិវឌ្ឍន៍ផងដែរជាមួយគម្រោងអភិវឌ្ឍន៍ទីក្រុងបែបបរិស្ថានធម្មជាតិ ហើយសង្ឃឹមថានឹងនាំយកគំនិតនេះចូលទៅក្នុងទីផ្សារកម្ពុជានាពេលអនាគត ។ក្រុមហ៊ុន Chip Hock បានផ្តោតសំខាន់ក្នុងការធ្វើគម្រោងទីក្រុងបែបបរិស្ថានធម្មជាតិ៖ “យើងយល់ពីជំនួញជាមួយធម្មជាតិដោយផ្ទាល់ និងដោយប្រយោលក៏ដូចជាផលប៉ះពាល់ប្រព័ន្ធអេកូធម្មជាតិជាមួយសង្គម និងសហសហគមន៍ដែលយើងបានប្រតិបត្តិការទៅលើវា។ ដូច្នេះផែនការរយៈពេលវែងរបស់ក្រុមហ៊ុននេះក្នុងការបន្ត កសាងសហគមន៍ដ៏រីកចម្រើនមួយ ជាមួយតុល្យភាពនៃការយល់ដឹងអំពីបរិស្ថាន និងសង្គមនៅក្នុងការអភិវឌ្ឍ របស់យើង។"ការបំផុសគំនិតរបស់ក្រុមហ៊ុន YCT Land នឹងដំណើរការនៅកម្ពុជា ដែលជាគោលដៅអចលនទ្រព្យ និងឱកាសក្នុងការវិនិយោគគួរឲ្យចាប់អារម្មណ៍៖ “កម្ពុជាជាទីផ្សារថ្មី និងជាទីផ្សារបើកចំហពេញលេញសម្រាប់ឱកាសវិនិយោគ" នេះជាការយល់ឃើញរបស់អ្នកអភិវឌ្ឍន៍ "នៅក្នុងការប្រៀបធៀបទៅនឹងទីផ្សារម៉ាឡេស៊ី  ដែលជាទីផ្សារចាស់ទុំរួចទៅហើយ និងធ្វើដំណើរឆ្ពោះទៅរកភាពចំហែតទីផ្សារ"។ តាមការដកស្រង់សម្តីរបស់លោក Tan Kok Thong នាយកប្រតិបត្តិរបស់ក្រុមហ៊ុន YCT Land។កម្ពុជាជាទីកន្លែងចាប់ផ្តើមថ្មីមួយសម្រាប់ក្រុមហ៊ុនដែលនឹងមកធ្វើប្រតិបត្តិការរបស់ខ្លួននៅទីនេះសម្រាប់រយៈពេលវែង។ ដូចនេះហើយក្រុមហ៊ុន YCT Land ចង់រក្សានូវស្តង់ដាដែលគេបានអនុវត្តតាមនៅប្រទេសម៉ាឡេស៊ី ទំាងផលិតកម្ម និងភាពជាដៃគូជាមួយក្រុមហ៊ុនផ្សេងទៀត។ភាពលេចធ្លោរបស់ក្រុមហ៊ុននេះគឺការនាំយកមកនូវការបង្កើតផលិតផលថ្មី ដោយផ្តោតលើគុណភាព៖ “យើងត្រូវមើលទៅមុខរយៈពេលវែងសម្រាប់វិនិយោគិនមិនមែនរយៈពេលខ្លីនោះទេ។ ដៃគូរបស់យើងត្រូវតែរក្សាស្តង់ដាគុណភាព ដូចគ្នាដែលយើងបានធ្វើផងដែរ។” តាមការដកស្រង់សម្តីរបស់លោក CP Chong - ប្រធានក្រុមហ៊ុន YCT Land។ដូច្នេះការចាប់ផ្តើមនៃគម្រោង 88 Suites បានចូលមកក្នុងប្រទេសកម្ពុជាដែលស្ថិតនៅក្នុងភាពជាដៃគូជាមួយក្រុមហ៊ុនស្ថាបត្យកម្ម SW1Pរបស់ប្រទេសម៉ាឡេស៊ី និងក្រុមហ៊ុន Royal 5G ដែលជាភ្នាក់ងារលក់តែមួយគត់សម្រាប់គម្រោងមួយនេះ។លើសពីនេះទៀតគម្រោងនេះបានបង្ហាញឱ្យឃើញនូវការបង្កើតថ្មី៖ គម្រោង 88 Suites ជាគម្រោងដំបូងនៅក្នុងទីផ្សារលំនៅដ្ឋានប្រទេសកម្ពុជា ដែលជាគម្រោងអភិវឌ្ឍលំនៅដ្ឋានផង និងការិយាល័យបញ្ចូលគ្នាតែមួយ SOHO (Small Office, Home Office)  វាជាគម្រោងអភិវឌ្ឍថ្មីបំផុតដែលមានបរិបទរស់នៅយ៉ាងសម្បូរបែបដែលស្ថិតនៅក្នុងសង្កាត់បឹងកេងកង១។ មានទីតំាងស្ថិតនៅបណ្តោយមហាវិថីម៉ៅសេទុង គម្រោង88 Suitesនិងបញ្ចប់ការសាងសង់នៅចុងឆ្នំា២០១៨។ សូមរង់ចំាបន្តទៀតជាមួយគម្រោងបន្ទាប់ទៀតដែលស្ថិតនៅក្រោមការអភិវឌ្ឍន៍របស់ក្រុមហ៊ុន YCT Land នៅក្នុងប្រទេសកម្ពុជា។ស្វែងរកព័ត៌មានលម្អិតរបស់គម្រោង88 Suitesនៅថ្ងៃនេះ!

មុខមាត់ទីក្រុងភ្នំពេញពិតជាបានផ្លាស់ប្តូរគួរឲ្យភ្ញាក់ផ្អើល ក្នុងមួយទសវត្សរ៍ចុងក្រោយនេះដែលសំណង់អគារកប់ពពកកំពុង តែសាងសង់សព្វថ្ងៃនេះបានប្រែក្លាយទីក្រុងខ្មោចនេះទៅជាទីក្រុងប្រកបដោយភាពស៊ីវិល័យថ្មី និងរសរវើកមួយក្នុងពិភព លោក។វត្តមានអគារពាណិជ្ជកម្មកំពស់៧៨ជាន់ ជាលើកតំបូងនៅទីក្រុងភ្នំពេញនឹងចាប់ផ្តើមសាងសង់នៅដើមឆ្នាំ២០១៧ខាងមុខនេះ នឹងបន្ថែមលើចំនួនអគារខ្ពស់ៗជាង៦០០អគារនៅទីក្រុងនេះ ដែលនេះជាមោទនភាពមួយរបស់កម្ពុជា បន្ទាប់ពីធនាគារអភិវឌ្ឍន៍អាស៊ីបានដាក់ឈ្មោះថ្មីឲ្យកម្ពុជា “ជាខ្លាសេដ្ឋកិច្ចថ្មីមួយក្នុងតំបន់អាស៊ី”។បុគ្គលិកក្រុមហ៊ុនយុង ឆ័ងបាននិយាយក្នុងលក្ខខ័ណ្ឌមិនបញ្ចេញឈ្មោះថា ការឌីសាញប្លង់អគារនេះបានបញ្ចប់ហើយ និងគ្រោងចាប់ផ្តើមសាងសង់នៅដើមឆ្នាំ២០១៧ខាងមុខនេះ ហើយគ្រោងនឹងបញ្ចប់នៅឆ្នាំ២០២១ខាងមុខ ប៉ុន្តែសាលតាំងបង្ហាញគម្រោងនេះនឹងបើកដំណើរការនៅខែវិច្ឆិកាឆ្នាំនេះ។លោកបន្តថា អគារនេះនឹងប្រើប្រាស់ចម្រុះ រួមមានផ្សារទំនើប ខុនដូ និងសណ្ឋាគារ ព្រមទាំងមានអាងហែលទឹក និងភោជនីយដ្ឋានវិលលើអាកាសនាជាន់ទី៧៨ផងដែរ។លោកបន្តថា ផែនការប្រើប្រាស់អាគារនេះលំអិត ក៏បានបញ្ចប់ផងដែរ ប៉ុន្តែលោកបដិសេធមិននិយាយលំអិតនោះទេ។ គម្រោងនេះបានទទួលការអនុម័តយល់ព្រមពីក្រសួងរៀបចំដែនដី នគរូបនីយកម្ម និងសំណង់រួចហើយ។លោកសេង ឡូតអ្នកនាំពាក្យក្រសួងរៀបចំដែនដី នគរូបនីយកម្មនិងសំណង់បានថ្លែងឲ្យដឹងថា ក្រសួងបានយល់ព្រមផ្តល់អាជ្ញាប័ណ្ណ ដល់ក្រុមហ៊ុនយន្តជ័ង រៀលអេស្ទេត ដើម្បីសាងសង់អាគារកំពស់៧៨ជាន់នេះរួចហើយ។អ្នកនាងអាន សុធីតានាយិកាក្រុមហ៊ុនCBRE Cambodiaបានថ្លែងថា តាមព៌តមានដែលអ្នកនាងទទួលបាន អគារនេះជាមជ្ឈមណ្ឌលពាណិជ្ជកម្មចម្រុះ ដែលនឹងសាងសង់នៅពេលខាងមុខនេះ ប៉ុន្តែដោយសារទីផ្សារនេះមិនសូវល្អ គម្រោងនេះអាចពន្យាពេលសាងសង់។ អ្នកនាងបន្តថា តាមអ្វីដែលជាភាពច្នៃប្រឌិតរបស់ក្រុមហ៊ុនទៅលើអាគារនេះ គំរោងនេះនឹងមិនមានបញ្ហានោះទេ សម្រាប់ទីផ្សារកម្ពុជា។ អ្នកនាងបន្តថាគម្រោងនេះមានទីតាំងនៅក្រោយអគារ The Bridge ដែលមានទីតាំងនៅក្បែរកោះពេជ្រ ទោះជាយ៉ាងណាអ្នកនាង មិនបញ្ជាក់ឲ្យដឹងពីព៌តមានលំអិតរបស់គំរោងនេះនោះទេ។ប្រធានសមាគមអ្នកវាយតំលៃ និងភ្នាក់ងារអចលនវត្ថុកម្ពុជាលោកគីម ហ៊ាងបានថ្លែងថាគម្រោងអគារកប់ពពកនេះនឹងវិនិយោគដោយក្រុមហ៊ុនមកពីប្រទេសចិន ស្ថិតនៅលើផ្ទៃដី៤៥០០ម៉ែត្រការ៉េដែលមានតំលៃក្រោម២០លានដុល្លារអាមេរិក។ លោកបន្តថាប្រសិនជាម្ចាស់គម្រោងមានប្រាក់គ្រប់គ្រាន់ ដើម្បីសាងសង់អគារបញ្ចប់គម្រោងនេះ អគារធំបែបនេះនឹងមិនបញ្ហាសម្រាប់ទីផ្សារនេះនោះទេ។ប្រសិនជាអគារនេះសាងសង់បញ្ចប់ វានឹងក្លាយជាអគារខ្ពស់ជាងគេទី២នៅទីក្រុងភ្នំពេញ បន្ទាប់ពីអាគារមជ្ឈមណ្ឌលពាណិជ្ជ កម្មថៃ ប៊ុនរ៉ុង១៣៣ជាន់ និងមានកំពស់៥០០ម៉ែត្រ។លោកបណ្ឌិតវ៉ាន់ វ៉ាតអ្នកឯកទេសផ្នែកនគរូបនីយកម្មបានថ្លែងថា កម្ពុជាមានបទបញ្ញត្តិស្តីពីការកំណត់កំពស់អគាររួចហើយ ដូច្នេះប្រសិនជាយើងអនុវត្តន៍ច្បាប់បញ្ញត្តិដែលមានបានល្អ វាមិនត្រឹមតែជួយការពារបាននូវបេតិកភ័ណ្ឌក្នុងទីក្រុងនោះទេ តែវានឹងរក្សាបាននូវទេសភាព សោភ័ណភាព និងកាត់បន្ថយបាននូវផលប៉ះពាល់បរិស្ថានផងដែរ។ លោកបន្តថាតាមធម្មតាការសាងសង់អាគារខ្ពស់បែបនេះ ក្រុមហ៊ុនបានសិក្សាពីបទដ្ឋានបច្ចេកទេសអស់ហើយ ចំណែកក្រសួងជំនាញគ្រាន់តែជាអ្នក ពិនិត្យលើបទដ្ឋានសំណង់ ដើម្បីធ្វើឲ្យប្រាកដថាក្រុមហ៊ុនគោរពបានតាមគោលការ ណ៍ស្នើសុំឬអត់ប៉ុណ្ណោះ។លោកបន្តថា “ការមានអាគារខ្ពស់ៗបែបនេះវាជាមោទនភាពជាតិ ព្រោះវាមិនត្រឹមតែជួយដល់សេដ្ឋកិច្ចនោះទេតែវាក៏ផ្តល់ការងារនិងប្រាក់ចំណូលដល់ប្រជាពលរដ្ឋផងដែរ”។ទទួលព័ត៌មានថ្មីៗអំពីគម្រោងអភិវឌ្ឍន៍នានាតាមគេហទំព័រ Realestate.com.khអត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែកញ្ញា ឆ្នំា ២០១៦ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយជាមួយទស្សនាវដ្តីអចលនទ្រព្យ Property View ដែលជាទស្សនាវដ្តីបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជា សូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សាវដ្តី Property View សូមធ្វើការទាក់ទង ទៅកាន់លោក វីរិទ្ធតាមរយៈអ៊ីម៉េលvirith007@yahoo.com ឬទូរស័ព្ទលេខ 078 959 567  - 098 66 26 68

ក្នុងកិច្ចខិតខំប្រឹងប្រែងគ្រប់គ្រងលើតម្រូវការអចលនទ្រព្យរដ្ឋាភិបាលសិង្ហបុរីបានដើរលើផ្លូវវែងឆ្ងាយ ហើយទទួលបានជោគជ័យនៅក្នុងទីផ្សារអលនទ្រព្យ។ នេះគឺជាអ្វីដែលពួកគេហៅថាទីផ្សារមួយនេះ ដល់ដំណាក់កាលមួយចុះត្រជាក់ទៅវិញ។រឿងរាវរបស់ប្រទេសសិង្ហបុរីបានឆ្លុះបញ្ចាំងពាក់ព័ន្ធទីផ្សារក្នុងស្រុក និងអ្នកបង្កើតច្បាប់ ក៏ដូចជាយើងអាចក្រលេកមើលឃើញស្ថានភាពទីផ្សារនាពេលបច្ចុប្បន្នក្នុងប្រទេសកម្ពុជាផងដែរ។ក្នុងអំឡុងពេលនេះ គោលនយោបាយដូចជា អត្រាតម្លៃសេវាបំណុលសរុប (TDSR) តម្លៃពន្ធប្រថាប់ត្រាលើតម្លៃបន្ថែមរបស់អ្នកទិញ (ABSD) និងពន្ធប្រថាប់ត្រាលើតម្លៃបន្ថែមរបស់អ្នកលក់(SSD) ដែលបានត្រូវបានអនុវត្តន៍ដើម្បីរក្សាតម្លៃអចលនទ្រព្យតាមតំបន់។ វាជាកត្តាដែលបានបង្ហាញពីឱកាសសម្រាប់ម្ចាស់ផ្ទះ និងអ្នកទិញ អ្នកអភិវឌ្ឍន៍ និងវិនិយោគិនឲ្យចាប់យកឱកាសដ៏ល្អមួយនេះនៅពេលតម្លៃផ្ទះចាប់ផ្តើមធ្លាក់ចុះ។ ក្នុងពេលបច្ចុប្បន្ន Bloomberg និយាយថាការធ្លាក់ចុះនៃអចលនទ្រព្យធ្វើឲ្យតម្លៃផ្ទះធ្លាក់ចុះស្ទើរតែមួយភាគដប់។ ប៉ុន្តែតើលក្ខណៈនេះគ្រប់គ្រាន់ដើម្បីជម្រុញអាជ្ញាធរឲ្យផ្លាស់ប្តូរគំនិត និងបន្ធូរបន្ថយការអនុវត្តន៍ច្បាប់ខ្លះដែរឫទេទៅលើអចលនទ្រព្យ? សម្រាប់ប្រជាជន៖ គោលការណ៍អត្រាតម្លៃសេវាបំណុលសរុបបានជួយម្ចាស់លំនៅដ្ឋានពេញមួយឆ្នាំ ប៉ុន្តែអ្នកគ្រប់គ្នាបាន ដកដង្ហើមវែងនៅពេលអាជ្ញាធររូបិយវត្ថុសិង្ហបុរី (MAS) បានប្រកាសកាលពីសប្តាហ៍មុនថាខ្លួនបានកែលម្អច្បាប់នៃគោលការណ៍អត្រាតម្លៃសេវាបំណុលសរុប។ នាយកគ្រប់គ្រងនៃធនាគារជាតិរបស់ ប្រទេសសិង្ហបុរី លោក Ravi Menon បាបញ្ជាក់ថានេះគឺមិនចង់ឲ្យមានតម្រូវការលើកម្ចីទិញផ្ទះទៀតទេ។ ផ្ទុយទៅវិញគោលដៅនៃអាជ្ញាធររូបិយវត្ថុសិង្ហបុរីនេះគឺដើម្បីកាត់បន្ថយបញ្ហាបំណុលរបស់ម្ចាស់លំនៅដ្ឋាន។លោកពន្យល់ថា “នេះមិនបង្ហាញពីការកាត់បន្ថយទាំងអស់នោះឡើង ប្រសិនបើអ្នកចង់ទប់ទល់ទៅនឹងទីផ្សារ នេះនឹងមិនជួយអ្វីបានទេ។ ដោយសារវាមិនអនុវត្តចំពោះការផ្តល់ប្រាក់កម្ចីថ្មីមួយទេនេះគឺដើម្បីពង្រឹងនូវការប្រុងប្រយ័ត្នខាងហិរញ្ញវត្ថុដោយមិនតម្រូវឲ្យមានកម្ចីទិញផ្ទះថ្មីៗទៀតទេ យើងនឹងមិនអាចបញ្ឈប់បញ្ហាទំាងនេះឆាប់ៗបានទេ។ជំហានដ៏ត្រឹមត្រូវ៖នៅក្នុងខែមិនាឆ្នាំនេះ រដ្ឋមន្ត្រីហិរញ្ញវត្ថុសិង្ហបុរី លោក Heng Swee Keat  និយាយថាការរឹតបន្តឹងច្បាប់នៃអចលនទ្រព្យត្រូវតែបន្ត។  ប៉ុន្តែនាយកប្រតិបត្តិនៃក្រុមហ៊ុន  City Developments Ltd., លោក  Kwek Leng Beng និយាយថា “ខ្ញុំគិតថា ពួកគេនឹងធ្វើអ្វីម្យ៉ាងនៅឆ្នាំនេះ វាជាការស្មានរបស់ខ្ញុំនៅពេលមានលំនៅដ្ឋានកម្រិតមធ្យម និងកម្រិតទាបកើតមានឡើង។ ខ្ញុំសង្ស័យថាវានឹងត្រូវលប់ចោលពន្ធប្រថាប់ត្រារបស់អ្នកទិញ។” ហើយខណៈពេលដែលចំណុចនេះបង្កឲ្យមានប្រតិកម្មអវិជ្ជមានពីវិនិយោគិនមួយចំនួនដែលចង់ចូលក្នុងទីផ្សារ វិនិយោគិន ចំណែកឯមួយចំនួននៅតែជឿថាទីផ្សារនេះនៅតែមានសក្តានុពលរហូតដល់ ទីបំផុត។ ប្រធានសមាគមអ្នកអភិវឌ្ឍន៍អចលនទ្រព្យសិង្ហបុរី លោក Augustine Tan អំពាវនាវឱ្យមានកំណែ ទម្រង់ និងវាយតម្លៃឡើងវិញ ដោយលោកបានពន្យល់ថារដ្ឋាភិបាលនៅតែត្រូវការផ្លាស់ប្តូរវិធានការត្រជាក់របស់ខ្លួនបណ្តើរៗដើម្បីជៀសវាងការគាំង និងខូតខាត។ ប្រសិនបើមិនដូច្នេះទេគម្រោងធ្វើពាណិជ្ជកម្មសេដ្ឋកិច្ចដែលមានការថយចុះបន្តិចម្តងៗនៃការលក់ផ្ទះថ្មីពី ១,០៩១ ក្នុងអំឡុងពេលត្រីមាសទី ២ ឆ្នាំ២០១៦ មកនៅត្រឹមតែ ៤០០ នៅឆ្នាំ ២០២០។សីតុណ្ណភាពឡើងកំដៅហើយពួកវិនិយោគិនបានធ្លាក់ចុះ ហើយអាកាសធាតុចាប់ផ្តើមផ្លាស់ប្តូរពួក យើងមិនទាន់មើលឃើញរដូវកាលបន្ទាប់អ្វីនឹងមកកាន់ប្រទេសសិង្ហបុរី។សំឡឹងមើលខាងក្រៅសិង្ហបុរី៖ចាប់តាំងពីមានការអនុវត្តន៍លើគោលនយោបាយទាំងនេះ អ្នកអភិវឌ្ឍន៍ និងវិនិយោគិនចាប់អារម្មណ៍លើប្រទេសដូចជា ប្រទេសកម្ពុជាដែលមានអត្រានៃចំណូលពីការជួលត្រលប់វិញខ្ពស់មាន៥.៣៣% ធៀបទៅសិង្ហបុរីមានតែ២.៥៤%យោងទៅតាមGlobal Property Guide។ ហើយថ្វីបើមាន ការអនុវត្តន៍ច្បាប់តឹងរឹងខ្លាំង លើច្បាប់ដែលមានស្រាប់ដូចជាច្បាប់ពន្ធដារ បរិយាកាសទីផ្សារកម្ពុជា នៅតែមានសេរីភាពខ្លាំងសម្រាប់អ្នកវិនិយោគធៀបទៅនឹងទីផ្សារអភិវឌ្ឍន៍ជាច្រើនទៀត។ឧទាហរណ៍មួយចំនួននៃក្រុមហ៊ុនទាំងនេះមានក្រុមហ៊ុន  Oxley Holdings Group និង HLH Group ដែលទាំងពីរនេះជាក្រុមហ៊ុនមកពីសិង្ហបុរីចូលមកក្នុងទីផ្សារអចលនទ្រព្យកម្ពុជា ក្នុងការជម្រុញការអភិវឌ្ឍន៍ជាងពាក់កណ្តាលទសវត្សកន្លងមក។ប៉ុន្តែមិនត្រឹមតែអ្នកអភិវឌ្ឍន៍ដែលបោះដើមទុនរបស់ពួកគេមកកាន់កម្ពុជានោះទេ ក៏មានវិនិយោគិនអចលនទ្រព្យឯកជនកំពុងបោះទុនវិនិយោគលើអចលនទ្រព្យនៅក្នុងព្រះរាជាណាចក្រកម្ពុជាផងដែរ ដោយសារជាមធ្យោបាយមួយក្នុងការគេចចេញពីប្រាក់ចំណេញទាបនៃទីផ្សារវិនិយោគក្នុងស្រុកនៅប្រទេសសិង្ហបុរី។ទោះបីជាមានការផ្គត់ផ្គង់លើសតម្រូវការនៅក្នុងទីផ្សារវិនិយោគទុនបរទេសលើអចលនទ្រព្យកម្ពុជានៅក្នុងឆ្នាំបន្ទាប់ក៏ដោយ កី៏អ្នកអភិវឌ្ឍន៍នៅតែនាំគ្នាបង្កើតប្រាក់ចំណេញពីការរីកចម្រើននៃ អចលនទ្រព្យជាមួយនឹងការណែនាំត្រឹមត្រូវ អំពីទីផ្សាររឹងមាំក្នុងរយៈវែង និងនៅតែមានប្រកួតប្រជែងខ្លាំងទល់ទៅនឹងការចុះត្រជាក់នៃទីផ្សារអចលនទ្រព្យសិង្ហបុរី។លោក Ross Wheble ជានាយកប្រចាំប្រទេសរបស់ក្រុមហ៊ុន Knight Frank និយាយថា “សេដ្ឋកិច្ច កម្ពុជាមានកំណើតគួរកត់សម្កាល់ក្នុងទសវត្សកន្លងមក និងជាមួយនឹងការអនុវត្តគោលនយោបាយ សេដ្ឋកិច្ចខ្នាតធំដោយមានការប្រុងប្រយ័ត្ន នេះជាការផ្សព្វផ្សាយបន្តទៅដល់ឆ្នាំបន្តបន្ទាប់ទៀត។”សិក្សាបន្ថែមពីស្ថានភាពទីផ្សារកម្ពុជាពីទស្សនក្នុងតំបន់ជាមួយ លោក Marc Townsend ជានាយកគ្រប់គ្រងក្រុមហ៊ុន CBRE វៀតណាម និង CBRE Cambodia

សមាគមអ្នកវាយអចលនវត្ថុកម្ពុជា បានរៀបចំកិច្ចប្រជុំសមាជិកទូទៅប្រចាំត្រីមាសទី 3 ឆ្នាំ 2016 កាលពីល្ងាចថ្ងៃទី 13 ខែកញ្ញា នៅសណ្ធាគារកាំបូឌីយ៉ាណា ដើម្បីពិភាក្សាដោះស្រាយបញ្ហាប្រឈមមួយចំនួន និងចែករំលែកចំណេះដឹងពីវិស័យអចលនទ្រព្យនៅកម្ពុជា។ក្នុងកិច្ចប្រជុំក៏មានការធ្វើបទបង្ហាញស្ដីពីដំណើរទស្សនកិច្ចសិក្សាទៅកាន់ប្រទេសកូរ៉េខាងត្បូងក្នុងកម្មវិធី “Incheon International Realtor Conference and Expo 2016” (IIRCE) កាលពីចុងខែសីហា ដែលបទបង្ហាញនោះស្ដីពី “អត្ថប្រយោជន៍ និងបច្ចុប្បន្នភាពឧស្សាហកម្មអចលនទ្រព្យនៅកម្ពុជា”។លោក គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានឱ្យដឹងដែលថា បន្ទាប់ពីបញ្ជប់សិក្ខាសាលានៅកូរ៉េ សម្រាប់ខែវិច្ឆិកា ឆ្នាំ 2016ខាងមុខនេះ សមាគមត្រូវបានអញ្ជើញឲ្យចូលរួមក្នុងសិក្ខាសាលាដែលធ្វើការរៀបចំដោយសមាគមអចលនវត្ថុសហរដ្ឋអាមេរិក National Realtor Association (NRA) ដែលមានសមាជិកជាង មួយលានប្រំាសែននាក់។“ក្នុងនាមយើងជាសមាជិកក្នុងសមាគម មិត្តរួមអាជីព ខ្ញុំថ្លែងក្នុងនាមជា មិត្តភក្តិ ប៉ុន្តែយើងក៏ជាដៃគូប្រកួតប្រជែងផងដែរ ដូចនេះពួកយើងគួរតែពង្រីកចំណេះដឹងបន្ថែមនៅទីនេះយើងត្រូវផ្តល់ការអប់រំនិងជំនាញបន្ថែមទៀតដល់បុគ្គលិក និងអ្នកពាក់ព័ន្ធទំាងអស់នៅក្នុងវិស័យអចលនទ្រព្យ ដើម្បីឲ្យវិស័យនេះកាន់តែរឹងមំានៅក្នុងប្រទេសកម្ពុជា។ ការធ្វើដំណើរទៅបរទេសវាមិនបានផ្តល់ចំលើយអ្វីនោះទេយើងត្រូវតែសម្លឹងមកកាន់ខ្លួនយើងជាមុនសិនថាតើយើងរីកចម្រើន និងឈានដល់ដំណាក់កាលប៉ុណ្ណាហើយ។” នេះជាការលើកឡើងរបស់លោក Alex Evengroen នាយកប្រតិបត្តិនៃក្រុមហ៊ុនអចលនទ្រព្យ KEY REAL ESTATE CO., LTD.ចំណែកឯលោក ស៊ន សៀប ដែលជាសមាជិករបស់សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា និងជាប្រធានក្រុមហ៊ុនអចលនទ្រព្យ KEY REAL ESTATE CO., LTD. បានបញ្ចេញចំណាប់អារម្មណ៍ខ្លួនផ្ទាល់អំពីសិក្ខាសាលានេះ “ប្រាកដណាស់យើងបានលើកយកប្រធានបទសំខាន់មកចែករំលែក តួយ៉ាងបញ្ហាប្រឈម និងបទពិសោធន៍អាជីវកម្មក្នុងវិស័យអចលនវត្ថុទំាងមូល។ ជាពិសេសទាក់ទងនឹងវិជ្ជាជីវៈក្រមសីលធម៌ដោយទាក់ទងជាមួយការប្រកួតប្រជែងដោយតម្លាភាពនៃអ្នកប្រតិបត្តិនៅក្នុងវិស័យអចលនទ្រព្យ វាជាសារមួយដ៏មានសារៈសំខាន់ក្នុងការធ្វើឲ្យវិស័យអចលនវត្ថុកម្ពុជាមានការរីកចម្រើន។ បន្ថែមពីនេះទៀតយើងក៏បានលើកអំពីកិច្ចពិភាក្សាការរៀបចំបោះឆ្នោតប្រធានសមាគមសម្រាប់អណ្ណាតិ្តក្រោយផងដែរ។សមាគមអ្នកវាយតម្លៃ និងភ្នាក់ងារអចលនវត្ថុកម្ពុជាក៏បានលើកឡើងអំពីការអញ្ជើញគ្រូ ដែលមានជំនាញពី University Technogogy Malaysia (UTM) មកបង្រៀនផ្ទាល់នៅកម្ពុជាសម្រាប់រយៈពេល 3 សប្ដាហ៍ផងដែរ។ វគ្គបណ្ដុះបណ្ដាលសិក្ខាកាមនេះវាមានផលប្រយោជន៍សម្រាប់វិស័យអចលនវត្ថុ ចំណេះដឹងដែលទទួលបានអាចយកបម្រើការងារបានយ៉ាងមានប្រសិទ្ធភាពលើវិស័យអចលនទ្រព្យដើម្បីពង្រឹងសមត្ថភាពវិជ្ជាជីវៈក្នុងការផ្តល់សេវាកម្មវាយតម្លៃអចលនទ្រព្យឱ្យមានការទទួលស្គាល់កាន់តែទូលំទូលាយ៕ស្វែងរកព័ត៌មានបន្ថែមអំពីអចលនទ្រព្យនៅលើគេហទំព័រ Realestate.com.kh

ប្រកាសលេខ៩៦៥(MEF) លើការគ្រប់គ្រងអាជីវកម្មអភិវឌ្ឍន៍លំនៅដ្ឋាន ដែលបានចេញនៅថ្ងៃទី២៤ ខែសីហា ឆ្នាំ ២០១៦ ហើយមានគោលបំណងចង់ឲ្យអ្នកអភិវឌ្ឍន៍អចលនទ្រព្យទទួលបានអជ្ញាប័ណ្ណត្រឹមត្រូវពីក្រសួង ហិរញ្ញវត្ថុ។លោក នង ពិសិដ្ឋ ប្រធាននាយកដ្ឋានគ្រប់គ្រង អាជីវកម្មអចលនវត្ថុនៃក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ថា គម្រោងអភិវឌ្ឍន៍លំនៅដ្ឋានមានត្រឹមតែ១៦៧គម្រោង បុរី១០៤គម្រោង និងខុនដូ៦៣គម្រោង ដែលពេលបច្ចុប្បន្នស្ថិតនៅក្នុងដំណើរការរៀបចំ ដោយទទួលបានសិទ្ធិពីក្រសួងហិរញ្ញវត្ថុ។ លោក ប៉ាន់ប្រមាណថាប្រហែលជា ១០ទៅ២០ភាគរយ នៃគម្រោងអភិវឌ្ឍន៍បច្ចុប្បន្នមិនមានអាជ្ញារប័ណ្ណនោះទេ។ ហើយចំណុចនេះធ្វើឲ្យមានក្តីបារម្ភពីអតិថិជនដែលបានទិញលំនៅដ្ឋានពីអ្នកអភិវឌ្ឍន៍ ទាំងនោះរួចរាល់ទៅហើយ។យោងតាមប្រកាសនេះមានផលប៉ះពាល់លើគម្រោងអភិវឌ្ឍន៍អចលនទ្រព្យដែលមានច្រើនជាង៤អាផាតមេន និងវីឡា៣ ឫ ៤យូនីត។ សម្រាប់អ្នកអភិវឌ្ឍន៍ដែលស្ថិតនៅក្នុងលក្ខខណ្ឌតិកៈដែលចាត់ទុកជាក្រុមហ៊ុនអភិវឌ្ឍន៍លំនៅដ្ឋាន ដែលបច្ចុប្បន្នទាមទារឲ្យមានអាជ្ញារប័ណ្ណពីក្រសួងសេដ្ឋកិច្ច និងហិរញ្ញវត្ថុ យោងតាមហេតុផលមួយចំនួនដែលច្បាប់តម្រូវ។ហេតុអ្វីបានជាអ្នកអភិវឌ្ឍន៍គួរទទួលបានអាជ្ញាប័ណ្ណ? ដើម្បីជៀសវាងលើការផាកពិន័យលើម្ចាស់គម្រោងសាងសង់លំនៅដ្ឋានដែលមិនមានអាជ្ញាប័ណ្ណដែលអាចមានទឹកប្រាក់រហូតដល់ ២៥,០០០ដុល្លារ ការទទួលបានអាជ្ញារប័ណ្ណមានផលប្រយោជន៍ច្រើន សម្រាប់អ្នកគ្រប់គ្នាក្នុងផ្នែកមួយនេះ។ ផលប្រយោជន៍ចំពោះអតិថិជន អ្នកអភិវឌ្ឍន៍ និងក្នុងវិស័យទាំងមូល។លោកស្រី ចាន់ សុជាតា ជាប្រធានការិយាល័យគ្រប់គ្រងអាជីវម្មអភិវឌ្ឍន៍លំនៅដ្ឋាននៃ អគ្គនាយកដ្ឋានឧស្សាហកម្ម និងហិរញ្ញវត្ថុនៃក្រសួងសេដ្ឋកិច្ច និងហិរញ្ញវត្ថុ បាននិយាយថា “ជាទូទៅមុនពេលចេញអាជ្ញាប័ណ្ណដល់គម្រោងអភិវឌ្ឍន៍ណាមួយ ក្រសួងត្រូវធ្វើការត្រួតពិនិត្យទៅតាមលក្ខន្តិកៈ ដែលបានកំណត់ហើយស្វែងរកព័ត៌មានលម្អិតដូចជាប្រភពប្រាក់ចំណូលច្បាស់លាស់ ដើមទុន មានវត្ថុដាក់ ធានា មានប្លង់ និងទ្រព្យផ្សេងៗទៀតដែលជួយគាំទ្រដល់គម្រោងនោះ។”លោកស្រីបន្តទៀតថា “ក្រសួងនឹងធ្វើការត្រួពិនិត្យលើផែនការគម្រោង ថាតើជាការភិវឌ្ឍន៍មានលក្ខណៈត្រឹមត្រូវ និងអាចទទួលបានជោគជ័យឫក៏អត់នៅពេលអនាគត។  ក្នុងករណីមួយចំនួនក្រសួងត្រូវចុះទៅធ្វើការស្រាវជ្រាវលើយុទ្ធសាស្ត្រលក់របស់ គម្រោងព្រោះពេលខ្លះម្ចាស់គម្រោងមិនបានធ្វើការសិក្សាស៊ីជម្រៅលើទីផ្សារជុំវិញតំបន់នោះឡើយ និងក្នុងហេតុផលមួយផ្សេងទៀតថាតើ គម្រោងធ្វើឲ្យបំប៉ោងតម្លៃទីផ្សារដែរឬទែ ប្រសិនបើមានករណីនេះកើតឡើងក្រសួងនឹងចាត់វិធានការភ្លាមៗ។”ហើយដោយសារក្រុមហ៊ុនអភិវឌ្ឍន៍លំនៅដ្ឋានក៏ទាមទារប្រាក់តម្កល់ចំនួន ២% នៃដើមទុនសរុប នេះក៏ជាការធានាមួយសម្រាប់ភាគីក្រសួង និងអតិថិជនថាគម្រោងមានដើមទុន មានធនធានគ្រប់គ្រាន់ដើម្បីឆ្ពោះទៅរកការបញ្ចប់ការសាងសង់ដោយភាពជោគជ័យ។ បន្ថែមពីលើនេះទៀត  នៅពេលដែលក្រុមហ៊ុនអភិវឌ្ឍន៍មានអាជ្ញារប័ណ្ណត្រឹមត្រូវក្រសួងអាចជួយសម្របសម្រួលលើបញ្ហា ណាមួយរវាងក្រុមហ៊ុន និងអតិថិជនរបស់ខ្លួន។តើមានប្រភេទអាជ្ញាប័ណ្ណអ្វីខ្លះ? ក្រៅពីបា្រក់តម្កល់ធានា ២% នៅមានថ្លៃចំណាយផ្សេងទៀតសម្រាប់ប្រភេទអាជ្ញាប័ណ្ណនីមួយៗ ដែលក្រុមហ៊ុនត្រូវចំណាយ។ អាជ្ញារប័ណ្ណមាន ២ ប្រភេទ៖ អាជ្ញាប័ណ្ណទីមួយគឺសម្រាប់ក្រុមហ៊ុនទាំងក្រុមហ៊ុនខ្ចីលុយពីស្ថាប័នហិរញ្ញវត្ថុ ឫមានដើមទុនខ្លួនឯងដែលពួកគេអាចប្រើប្រាស់គម្រោងអភិវឌ្ឍន៍ និងលក់នូវអចលនទ្រព្យនោះនៅពេលដែលការសាងសង់បានបញ្ចប់។ចំណែកអាជ្ញាប័ណ្ណមួយទៀតសម្រាប់ក្រុមហ៊ុនដែលមានដើមទុនផ្ទាល់ខ្លួន ឫក៏កម្ចីពីស្ថាប័នហិរញ្ញវត្ថុច្រើន ឫមានដើមទុនដែលបានមកពីការបង់រំលោះរបស់អតិថិជន នៅពេលដែលការសាងសង់មិនទាន់បានបញ្ចប់។តើអ្នកអភិវឌ្ឍន៍មានតម្រូវការអ្វីខ្លះដើម្បីទទួលបានអាជ្ញាប័ណ្ណ? សម្រាប់ប្រភេទអាជ្ញាប័ណ្ណទីមួយ ក្រុមហ៊ុនអភិវឌ្ឍន៍ត្រូវតែបានការបញ្ចប់ការសាងសង់រួចរាល់ ជាមួយតម្លៃដែលបានកំណត់រួចរាល់។ទោះបីជាអាជ្ញាប័ណ្ណប្រភេទទី២ទាមទារឲ្យមានតម្រូវការដូចគ្នា វាក៏ទាមទារឲ្យក្រុមហ៊ុនអភិវឌ្ឍន៍បើកគណនីមួយដែលអាចទុកចិត្តបាន ដែលគណនីនេះនឹងត្រូវប្រាស់សម្រាប់ការទូទាត់ចំណាយមកពីអតិថិជន។លោកស្រី ចាន់ សុជាតា ក៏បានលើកឡើងដែរថា“ម្ចាស់គម្រោងត្រូវធ្វើផែនការអាជីវកម្មច្បាស់លាស់ ដើម្បីដាក់បង្ហាញដល់ក្រសួង”មុនពេលទទួលបានអាជ្ញារប័ណ្ណពីក្រសួង។ ហើយក៏នៅមានតម្រូវការបន្ថែមទៀតដែលត្រូវបំពេញបន្ទាប់ពីគម្រោងបានបញ្ចប់។ នេះហៅថាលក្ខខណ្ឌនៃតម្រូវការដែលក្រសួងសេដ្ឋកិច្ច និងហិរញ្ញវត្ថុត្រូវកែប្រែបន្ទាប់ពីគម្រោងបញ្ចប់ការសាងសង់រយៈមួយខែ ពាក់ព័ន្ធទៅនឹងលក្ខខណ្ឌហិរញ្ញវត្ថុ និងការបញ្ចប់គម្រោង។ជាមួយនឹងការចេញសេចក្តីប្រកាសនេះ យើយរំពឹងថានឹងមើលឃើញពីការផ្លាស់ប្តូរវិជ្ជមានទាក់ទងនឹងការសាងសង់ និងហិរញ្ញវត្ថុ ថែមទាំងតម្លាភាពសម្រាប់អតិថិជនចុងក្រោយ ដោយផ្តល់ជូនការការ ពារលើការលក់មុនគម្រោងក្នុងទីផ្សារអចលនទ្រព្យ។ស្វែងយល់បន្ថែមពី ការវិនិយោគនៅកម្ពុជា ជាមួយព័ត៌មានអចលនទ្រព្យមុនគេ នៅ Realestate.com.kh!

នៅថ្ងៃទី២១ ខែ កញ្ញា ឆ្នាំ២០១៦ ជាវេទិកាលើកដំបូងរបស់ខ្លួននៅសណ្ឋាគារអ៊ីនធឺខន់ភ្នំពេញ ដែលនឹងពិភាក្សាពាក់ព័ន្ធទៅនឹងការផ្លាស់ប្តូរនូវប្រព័ន្ធពន្ធដារនាពេលថ្មីៗនេះ។សភាពាណិជ្ជកម្មអឺរ៉ុបនៅកម្ពុជា ជាស្ថាប័នដែលបានជួយដល់ក្រុមហ៊ុនអាជីវកម្មតាំងពីឆ្នាំ២០១១ហើយនឹងចាប់ផ្តើមវេទិកាពន្ធដាររបស់ខ្លួន ក្នុងគោលបំណងធ្វើឲ្យមានភាពស៊ីចង្វាក់គ្នារវាងអាជីវកម្ម ជាមួយនឹងច្បាប់ពន្ធដារ។ក្នុងកិច្ចសម្ភាសន៍ជាមួយ Realestate.com.kh លោកBlaise Kilian និងលោក Anthony Galliano ជាអ្នក គ្រប់គ្រងផ្នែកតស៊ូមតិ និងប្រធានគណៈកម្មការពន្ធដាររបស់សភាពាណិជ្ជកម្មអឺរ៉ុបពិភាក្សាលើផលប្រយោជន៍ពីការចូលរួមក្នុងព្រឹត្តិការណ៍ពន្ធដារសភា ពាណិជ្ជកម្មអឺរ៉ុប។តើព្រឹត្តិការណ៍នេះមានគោលបំណងអ្វី? នៅពេលសួរអំពីកត្តាអ្វីដែលជម្រុញឲ្យមានការចាប់ផ្តើមវេទិកាពន្ធដារ លោក Kilian លើកឡើងថាដោយសារបច្ចុប្បន្នរដ្ឋាភិបាលកំពុងយលចិត្តទុកដាក់លើការកែទម្រង់ច្បាប់ពន្ធដារឡើងវិញ ប្រព័ន្ធច្បាប់ក៏កាន់តែមានភាពទូលំទូលាយ។ លោកនិយាយថា ការចូលរួមក្នុងព្រឹត្តិការណ៍នេះគឺជាឱកាសដើម្បីពង្រីកការយល់ដឹងពីការផ្លាស់ប្តូរផ្សេងៗ ហើយក៏អាចទទួលបានព័ត៌មាន និងការអប់រំពីច្បាប់ពន្ធដារដែលមានស្រាប់ ជម្រុញឲ្យមានការអនុវត្តន៍បានត្រឹមត្រូវ។យោងទៅតាមកាលើកឡើងរបស់លោក “យើងក៏អាចយល់ដែរថា វាមិនងាយស្រួលក្នុងការអនុវត្តន៍ ច្បាប់ ដោយសារអ្នកត្រូវទាមទារឲ្យមានចំណេះដឹងពីប្រព័ន្ធពន្ធដារ  អ្នកត្រូវយល់ និងអនុវត្តន៍បានត្រឹមត្រូវនូវបញ្ញតិ្តថ្មីៗដែលត្រូវប្រើប្រាស់។ ដូច្នេះយើងគិតថាវាជាការសំខាន់ និងមានប្រយោជន៍ក្នុងការ រៀបចំវេទិកាពន្ធដារសម្រាប់អ្នកធ្វើអាជីវកម្មដើម្បីផ្តល់ឱកាសឲ្យមានការធ្វើបទបង្ហាញពន្យល់ និងពិភាក្សាលើបញ្ញត្តិថ្មីៗ ដើម្បីឲ្យសហគ្រិន ក្រុមហ៊ុនសាជីវកម្ម និងអ្នកជំនួញអាចចោទជាសំណួរ លើការអនុវត្តន៍ច្បាប់បន្ថែមទៀត។តើវេទិកាពន្ធដារសភាពាណិជ្ជកម្មអឺរ៉ុបនៅកម្ពុជាសាកសមសម្រាប់អ្នកណាខ្លះ? លោក Kilian ពន្យល់ថា ដោយសារនេះជាព្រឹត្តិការណ៍ពន្ធដារ វាមានគោលដៅឆ្ពោះទៅរក  ក្រុមអ្នកធ្វើអាជីវកម្មដែលរួមមាន សហគ្រិន  នាយកផ្នែកហិរញ្ញវត្ថុ គណនេយ្យករ  សាវនករ និងអ្នករៀបចំពន្ធដារជាដើម។ លោកនិយាយថា  មិនថាជាក្រុមហ៊ុនតូច ឫធំនោះទេ វេទិកាបើកទូលាយសម្រាប់អ្នកគ្រប់គ្នាដែលធ្វើអាជីវកម្ម ហើយចង់ “ស្វែងយល់ពីប្រពន្ធ និងការអនុវត្តន៍ច្បាប់។”តើមានកម្មវិធីអ្វីខ្លះក្នុងវេទីកាឆ្នាំនេះ? នៅពេលសួរអំពីចំណុចត្រូវពិភាក្សានៅក្នុងវេទិកា លោក Galliano បានឆ្លើយថា ដោយសារនេះជាវេទិ ការពន្ធដារលើកដំបូងរបស់យើងចង់ឲ្យប្រាកដថាយើងបានដាក់បញ្ចូលរាល់របៀបវារៈសំខាន់ៗ ក្នុងកម្មវិធីរួម បញ្ហាដែលកើតមានក្នុងពេលបច្ចុប្បន្នគឺ ជាបញ្ហាដែលមានភាពស្មុគស្មាញ។បញ្ហាទាំងនេះរួមមានការផ្លាស់ប្តូរពន្ធ និងភាពស្មុកស្មាញនៃច្បាប់ពន្ធពេលបច្ចុប្បន្ន។ វេទិកានឹងដាក់ បញ្ចូលនូវប្រធានបទដូចជា៖ ការផ្លាស់ប្តូររបបពន្ធ ពន្ធប៉ាតង់ និងការចុះបញ្ជីពន្ធ បញ្ហាគន្លឹះនៃពន្ធ សម្រាប់អាជីវកម្មខ្មាតតូចទៅមធ្យម បញ្ហាពន្ធអាករទូទៅ ការកាត់ពន្ធ សវនកម្ម និងជម្លោះពន្ធដារ និងកិច្ចព្រមព្រៀងពន្ធទ្វេដងជាមួយសិង្ហបុរី។សភាពាណិជ្ជកម្មអឺរ៉ុបក៏នឹងពិភាក្សាលើរបាយការណ៍(White Paper)របស់ខ្លួនជាពិសេសលើបញ្ហាដែលទាក់ទង នឹងពន្ធ  ដែលជាការខិតខំប្រឹងប្រែងមួយដែលបានបង្កើតឡើងដោយគណៈកម្មការពន្ធដារ ដែលមាន តំណាងមកពីសមាជិករបស់ខ្លួនដើម្បីលើកឡើងពីបញ្ហាពន្ធ និងបានពិភាក្សាគ្នាដោយផ្ទាល់ជាមួយ អគ្គនាយកដ្ឋានពន្ធដារ។ CamEd ក៏នឹងត្រូវនិយាយទៅកាន់អ្នកចូលរួមអំពី លក្ខណៈសម្បត្តិជាក់លាក់នៃប្រភេទពន្ធ។មានប្រធានបទជាច្រើនដែលនឹងត្រូវដាក់បញ្ចូលនៅក្នុងវេទិកានេះ។ លោក Galliano បញ្ជាក់ថា “វាជាបញ្ហាសំខាន់ ជាបញ្ហាដែលប្រឈមចំពោះអ្នកបង់ពន្ធនាពេលបច្ចុប្បន្ន។ ហើយយើងមិនអាចដាក់របៀបវារៈដែលមិនច្បាស់លាស់ឲ្យពិភាក្សាដោះស្រាយលើបញ្ហាដែលកំពុងកើតមានឡើងក្នុង ទីផ្សារនោះទេ។អ្នកណាខ្លះជាម្ចាស់ឧបត្ថម្ភ និងជាវាគ្មិនសម្រាប់វេទិកាឆ្នាំនេះ? ដើម្បីទាក់ទាញចំណាប់អារម្មណ៍ សភាពាណិជ្ជកម្មអឺរ៉ុបបានរៀបចំឲ្យមានអ្នកឧបត្ថម្ភពីស្ថាប័នធំៗ ដូចជា ការិយាល័យស៊ីប៊ីស៊ី សាលាCamEd Business School ធនាគារBRED Bank ក្រុមហ៊ុនធានារ៉ាប់រងInfinity Insurance ក្រុមហ៊ុន R&T Sok & Heng ក្រុមហ៊ុន DFDL ក្រុមហ៊ុន AGS Four Winds និងក្រុមហ៊ុន Deloitte។ចំពោះម្ចាស់ឧបត្ថម្ភខាងប្រព័ន្ធផ្សព្វផ្សាយគឺកាសែត Khmer Times និង Realestate.com.khការធ្វើបទបង្ហាញនឹងត្រូវចូលរួមដោយក្រុមហ៊ុនធំៗ និងអ្នកជំនាញពន្ធដារដែលរួមមាន ឯកឧត្តម គង់ វិបុល ជាប្រធាននាយកដ្ឋានពន្ធដារ លោក Arnaud Darc ជាប្រធានសភាពាណិជ្ជកម្មអឺរ៉ុប លោក George Edgar ឯកអគ្គរាជទូតសហភាពអឺរ៉ុប លោកAnthony Galliano ជានាយកប្រតិបត្តិនៃក្រុមហ៊ុន Cambodian Investment Management និងជាប្រធានគណៈកម្មការពន្ធដាររបស់សភាពាណិជ្ជកម្ម អឺរ៉ុប អ្នកស្រី Kimsroy Chhiv ជានាយកពន្ធដារនៃក្រុមហ៊ុន Deloitte និងជាអនុប្រធាននៃគណៈកម្មការ ពន្ធ លោក Sean Wong ប្រធានផ្នែកហិរញ្ញវត្ថុនៃក្រុមហ៊ុន  Cambodia Airports លោក Thibaud Sournia ជានាយកគ្រប់គ្រងនៃក្រុមហ៊ុន Europe Continents លោក Clint O’Connell ជានាយកផ្នែក អនុវត្តន៍ពន្ធកម្ពុជានៃ DFDL លោក  Vann Sinat ជាទីប្រឹក្សាពន្ធដារនៃក្រុមហ៊ុន   Bun & Associates លោក Brendan Lalor ជានាយកនៃក្រុមហ៊ុនTax & Advisory Services for Ernst & Young និងលោក Ronald Almera នាយកប្រតិបត្តិ និងជាដៃគូនៃក្រុមហ៊ុន Grant Thornton។ហេត្វអ្វីខ្ញុំគួរចូលរួមក្នុងកម្មវិធីនេះ? នៅចុងបញ្ចប់នៃកិច្ចសម្ភាសន៍ លោក Galliano បានជម្រុញឲ្យអ្នកដែលនៅក្នុងវិស័យអាជីវកម្មឲ្យចូល រួមក្នុងព្រឹត្តិការណ៍ដែលបានលើកឡើងនេះ។ លោកនិយាយថា “អ្នកគួរចូលរួមក្នុងព្រឹត្តិការណ៍នេះ ព្រោះ យើងនឹងមើលឃើញពីសក្តានុពលនៃការផ្លាស់ប្តូរច្បាប់ពន្ធដារ ហើយនឹងមើលឃើញពី សមត្ថភាពរបស់នាយកដ្ឋានពន្ធដារក្នុងការជម្រុញការអនុវត្តន៍ច្បាប់ឲ្យកាន់តែមានភាពរឹងមាំថែមទៀត។  ជាមួយនឹងការផ្លាស់ប្តូរច្បាប់ចាំបាច់ត្រូវតែធ្វើឲ្យប្រសើរឡើង អ្នកនឹងបានឮអំពីការផ្លាស់ប្តូរច្បាប់ពន្ធដារ និងដឹងពីរបៀបដែលត្រូវអនុវត្តន៍ជាមួយច្បាប់ចាស់ដោយផ្ទាល់លើក្រុមហ៊ុន ដែលមានវិជ្ជាជីវៈ។  នេះក៏ជាឱកាសដ៏អស្ចារ្យដែលបានស្តាប់ពីការធ្វើបទបង្ហាញរបស់ឯកឧត្តម គង់ វិបុល មកពីនាយកដ្ឋានពន្ធដារ។  ក៏នឹងមានការធ្វើបទបង្ហាញស៊ីជម្រៅពីអ្វីដែលកំពុងកើតមានឡើងបច្ចុប្បន្នកម្មវិធីក្នុងរយៈពេលពេញមួយថ្ងៃ មានប្រធានបទល្អៗពាក់ព័ន្ធនឹងបញ្ហាពេលបច្ចុប្បន្ន ហើយក៏ជាឱកាសទទួលផលប្រយោជន៍ពីវេទិកាពន្ធដារក្នុងឆ្នាំនេះដែរ។លោក Kilian បន្ថែមថា “ប្រសិនបើអ្នចង់អនុវត្តន៍តាមច្បាប់ ប្រសិនបើអ្នកពិបាកក្នុងការស្វែងយល់ ពីបញ្ញត្តិដែលរួមទាំងច្បាប់ចាស់ និងច្បាប់ថ្មី ប្រសិនបើអ្នកចង់មានឱកាសចូលរួមដោយផ្ទាល់ជាមួយ អ្នកជំនាញខាងពន្ធដារក្នុងប្រទេស ហើយប្រសិនចង់បង្កើតបណ្តាញឲ្យបានច្រើនជាមួយអ្នកធ្វើជំនួញ នៅក្នុងប្រទេសកម្ពុជា ពិតណាស់នោះអ្នកមានហេតុផលល្អបំផុតក្នុងការចូលរួមជាមួយវេទិកានេះ។ដូច្នេះប្រសិនបើអ្នកចង់បង្កើនចំណេះដឹង និងស្វែងយល់ពីពន្ធដារនៅកម្ពុជាត្រូវតែចូលរួមក្នុងព្រឹត្តិ ការណ៍នេះ។ សំបុត្រចូលរួមក្នុងវេទិកាសម្រាប់សមាជិកត្រឹមតែ៥០ដុល្លារ និងមិនមែនសមាជិកអាច ចុះឈ្មោះចូលរួមក្នុងតម្លៃត្រឹមតែ៦០ដុល្លារ។ សូមស្វែងរកព័ត៌បន្ថែមទៀត! សភាពាណិជ្ជកម្មអឺរ៉ុបនៅតែនៅផ្តល់ឱកាសឲ្យអ្នកធ្វើជាម្ចាស់ឧបត្ថម្ភសម្រាប់ព្រឹត្តិការណ៍នេះ។ មានចំណាប់អារម្មណ៍ សូមទាក់ទៅកាន់ក្រុមការងារ ឬទាក់ទងដោយផ្ទាល់ទៅលោក Blaise Kilian តាមរយៈអ៊ីម៉ែល b.kilian@eurocham-cambodia.org

ប្រហែលជាមួយទស្សវត្សមុនតំបន់ទីក្រុងខាមខូ គ្រាន់តែជាតំបន់បឹងមួយប៉ុណ្ណោះនៅរាជធានីភ្នំពេញគឺបឹងពោងពាយ។ នៅពេលនោះ តំបន់នេះត្រូវចាត់ទុកជាតំបន់ចុងភាគខាងជើងតំបន់ទួលគោក ដែលជាតំបន់លំនៅស្ថាន សម្រាប់អ្នកមានជាយូរមកហើយ។ ប៉ុន្តែរហូតមកដល់ពេលបច្ចុប្បន្ន ទិដ្ឋភាពនេះបានផ្លាស់ប្ដូរយ៉ាងខ្លាំងដោយបានប្រែក្លាយជាមជ្ឈមណ្ឌលភាគខាងជើងរាជធានី។ចាប់តាំងពីគម្រោងទីក្រុងរណបដំបូងបំផុត ត្រូវបានអនុម័តដោយរាជរដ្ឋាភិបាលក្នុងឆ្នាំ ២០០៥មកក្រុមហ៊ុន World City Co., Ltd.ដែលជាក្រុមហ៊ុនអភិវឌ្ឍន៍ CAMKO City បាននាំមកនូវបរិបទតំបន់លំនៅដ្ឋាន ពាណិជ្ជកម្ម និងជំនួញស្តង់ដាពិភពលោកជាលើកដំបូងក្នុងទីផ្សារអចលទ្រព្យ។ទោះបីជាសកម្មភាពអភិវឌ្ឍន៍មានល្បឿនយឹតយ៉ាវបណ្ដាលមកពីភាពចលាចលពីខាងក្រៅដូចជា វិបត្តិសេដ្ឋកិច្ចពិភពលោក កង្វះខាតហិរញ្ញវត្ថុ និងវិបត្តិហិរញ្ញវត្ថុរបស់ដៃគូយ៉ាងណាក៏ដោយ  បច្ចុប្បន្ននេះយើងសង្កេតឃើញថាតំបន់នេះក្លាយជាតំបន់ ដែលអ្នកស្វែងរកលំនៅដ្ឋាន ចាប់អា រម្មណ៍បំផុតក្នុងការមកតាំងទីលំនៅ។ប្រជាជនប្រហែល១.៥០០នាក់មានសញ្ជាតិផ្សេងៗគ្នាកំពុងតាំងលំនៅនៅទីក្រុងCAMKO ប្រែក្លាយតំបន់នេះជាតំបន់ទាក់ ទាញជនបរទេស។ តំបន់លំនៅស្ថានR1រួមមានអគារខុនដូសាងសង់រួចរាល់ចំនួន៨អគារ ដែលមានចំនួន៤៤១យូនីត ផ្ទះល្វែង១៦៤ខ្នង វីឡា១៨ខ្នង និងហាងទំនិញតាមផ្លូវចំនួន៣០កន្លែង ជាតំបន់ដែលមានបរិយាកាសរស់នៅគួរឲ្យទាក់ទាញ និងប្រកបដោយផាសុកភាព។ ខុសប្លែកគ្នាពីតំបន់លំនៅស្ថានកណ្ដាលក្រុងតំបន់លំនៅដ្ឋាននេះមានចំណតរថយន្តគ្រប់គ្រាន់ព្រមទាំងទេសភាពស្រស់ត្រកាល ដែលគ្រួសារអាចចំណាយពេលជាមួយគ្នានៅក្រៅផ្ទះប្រកបដោយសុវត្ថិភាព នៅអាងហែលទឹក កន្លែងហាត់ប្រាណ សួនកុមារ និងផ្លូវដើរ។តំបន់នេះ ក៏ជាសួនក្នុងក្រុងសម្រាប់ប្រជាជនដែលស្នាក់នៅក្នុង និងជុំវិញទីក្រុងCAMKOនេះផងដែរ។ យើងពិតជាងាយនឹងឃើញប្រជាជនមកហាត់ប្រាណពេលព្រឹក និងញ៉ាំអាហារខាងក្រៅនៅពេលល្ងាច។ សេវាកម្ម សន្តិសុខ ថែទាំ និងអ៊ិនធឺណែតក៏មានកម្រិតខ្ពស់ផងដែរ។ ជាពិសេសសព្វថ្ងៃនេះល្បឿនអ៊ិនធឺណែត ត្រូវបានតម្លើងដល់ល្បឿនអតិបរមា160mbps ដើម្បីផ្តល់នូវសេវកម្មអ៊ិនធឺណែតក្នុងលំនៅដ្ឋាន ចំណាតថ្នាក់ទី១នៅក្នុងប្រទេសកម្ពុជា។វីឡាប្រណិតៗមួយចំនួនក្នុងគម្រោង R2 Secret Garden កំពុងបញ្ចប់ការសាងសង់ជាបណ្ដើរៗ និងអាចចូល ស្នាក់នៅបាន។ អចលនទ្រព្យដ៏ប្រណិតបំផុតទាំងនេះ នឹងធ្វើឲ្យតំបន់លំនៅស្ថានដែលមានស្រាប់នេះកាន់តែមានតម្លៃថែមទៀត។សកម្មភាពពាណិជ្ជកម្មកាន់តែរស់រវើក។ ចំនួនម្ចាស់អាជីវកម្មកាន់តែមានច្រើនឡើងជាលំដាប់ នៅតាមហាង នានាដែលស្របនឹងមហាវិថីអង្គរទំហំ៣០ម៉ែត្រ ចំកណ្ដាលទីក្រុងCamKoហើយម្ចាស់ហាងទាំងនោះហាក់ដូចជាពេញចិត្តនឹងភាពរីកចំរើន នឹងកំណើនអ្នកស្នាក់នៅ និងអ្នកដើរលំហែនៅទីនេះ។ក្រុមហ៊ុន World City Co., Ltd. បានចាប់ផ្ដើមដំណើរឡើងវិញនូវគម្រោងខុនដូដែលត្រូវបានផ្អាក និងកំពុងរៀបចំ យ៉ាងយកចិត្តទុកដាក់ក្នុងការចាប់ដំណើរការគម្រោងថ្មីៗរបស់ខ្លួន ។ចំពោះគម្រោងថ្មីៗលោកLEE SeungHyung អនុប្រធានជាន់ខ្ពស់នៃគម្រោងទីក្រុង CamKo បានលើកឡើងថា “ឥឡូវនេះ គម្រោងជាបន្តបន្ទាប់របស់យើងកំពុងស្ថិតក្នុងដំណាក់កាលធ្វើផែនការ និងរៀបចំដោយប្រុងប្រយ័ត្ន។ ទីផ្សារអចលនវត្ថុ ជាពិសេសនិន្នាការលើការវិនិយោគអចលនវត្ថុ និងតម្រូវការទីផ្សារបានផ្លាស់ប្ដូរ។គម្រោងបន្ទាប់របស់យើង នឹងឆ្លើយតបទៅនឹងនិន្នាការខាងលើនេះ”។លោកLEEបន្តទៀតថា “ខណៈពេលដែលចំនួនប្រជាជនបន្តកើនឡើងក្នុងតំបន់នេះ តម្រូវការលើបរិក្ខាបំរើអោយ វិស័យពាណិជ្ជកម្ម និងអាជីវកម្មខ្នាតធំក៏កាន់តែខ្លាំងដែរ។ ដូច្នេះ យើងកំពុងរៀបចំតំបន់ពាណិជ្ជកម្មដ៏ទាក់ទាញ និងវិថីធំៗក្នុងដីឡូតិ៍C10 នៅចន្លោះអគារខុនដូតំបន់ R1 និងតំបន់វីឡា R2 Secret Garden។ ជាមួយគ្នានេះដែរ យើងក៏បានរៀបចំរួចរាល់ហើយនូវគម្រោងអភិវឌ្ឍក្នុងតំបន់ M6 ដែលស្ថិតនៅភាគខាងជើងនៃតំបន់អគារខន់ដូរR1 ដែលយើងនឹងគ្រោងជាការអភិវឌ្ឍន៍ ចម្រុះនៃមជ្ឈមណ្ឌលវេជ្ជសាស្ត្រ អគារការិយាល័យ តំបន់លំនៅស្ថានសេវាកម្ម និងហាងលក់ទំនិញរាយ។ គម្រោងថ្មីទាំងនេះ នឹងចាប់ផ្ដើមជាបន្តបន្ទាប់យ៉ាងសមស្រប”។ចុងក្រោយនេះ ការចូលរួមចំណែកគោលនយោបាយជាតិស្ដីពីលំនៅស្ថាន គឺជាចំណាប់អារម្មណ៍ធំបំផុតរបស់ក្រុមហ៊ុនអភិវឌ្ឍន៍ផងដែរ។ កំណើនតម្រូវការលំនៅស្ថាន និងកង្វះខាតការផ្ដល់លំនៅស្ថានដែលមានតម្លៃសមរម្យនោះ បានក្លាយជាក្ដីកង្វល់ដ៏ធំក្នុងសង្គម។ យើងបានលឺថាទីក្រុងខាមខូ បានរៀបចំការផ្គត់ផ្គង់អគារ លំនៅដ្ឋានសម្រាប់អ្នកមានកម្រិតជីវភាពមធ្យមរួចរាល់ហើយដែរ ដោយគ្រាន់តែរង់ចាំពេលវេលាចាប់ផ្ដើមប៉ុណ្ណោះ ដោយសារតែគម្រោងនេះបានឃើញនូវតម្រូវការនៃលំនៅដ្ឋានដែលមានតម្លៃសមស្របនេះ។ការអភិវឌ្ឍន៍នៅតំបន់ជុំវិញទីក្រុងCamKo ក្នុងខណ្ឌសែនសុខ និងឬស្សីកែវ ក៏កំពុងមានសកម្មភាពខ្លាំងក្លាគួរជាទីកត់សម្គាល់ផងដែរ។ នាពេលថ្មីៗនេះ នៅភាគខាងលិចទីក្រុង CamKo អគារផ្សារទំនើប AEON Mall ទីពីរបានចាប់ដំណើរការសាងសង់ហើយ និងរំពឹងបញ្ចប់ការសាងសង់ជាស្ថាពរក្នុងឆ្នាំ២០១៨។ នៅចុងភាគខាងជើងទីក្រុងCamKoសាលាAustralian International School Phnom Penh (AISPP) ដ៏ល្បីល្បាញក៏នឹងបញ្ចប់ការសាងសង់ផងដែរ។ លើសពីនេះទៅទៀត គម្រោងលំនៅស្ថានទ្រង់ទ្រាយធំដ៏ទាក់ទាញជាច្រើនក៏បានបញ្ចប់ការសាងសង់រួចរាល់ និងខ្លះទៀតកំពុងដំណើការសាងសង់នៅជិតគម្រោងទីក្រុងខាមខូនេះដែរ។ជាមួយនឹងការអភិវឌ្ឍន៍ទាំងក្នុងទីក្រុងCamKo និងតំបន់ជុំវិញនោះ ព្រមទាំងការពង្រីករាជធានីភ្នំពេញ យើងរំពឹងទុកថានឹងបានឃើញ និងរីករាយជាមួយនឹងការប្រែក្លាយតំបន់នេះជាទីក្រុងរណបស្ដង់ដារអន្តរជាតិដូចដែលគម្រោងទីក្រុង CamKo បានរំពឹងទុកពីមុន។ស្វែងរកព័ត៌មានបន្ថែមអំពីគម្រោងអភិវឌ្ឍន៍ថ្មីៗនៅលើ Realestate.com.kh!អត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែកញ្ញា ឆ្នំា ២០១៦ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយការចេញផ្សាយទស្សនាវដ្តីអចលនទ្រព្យ  Property View របស់សមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជា សូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សាវដ្តី Property View សូមធ្វើការទាក់ទង ទៅកាន់លោក វីរិទ្ធតាមរយៈអ៊ីម៉េលvirith007@yahoo.com ឬទូរស័ព្ទលេខ 078 959 567  - 098 66 26 68

ក្រុមហ៊ុនអភិវឌ្ឍន៍ និងអ្នកជំនាញនៅតែអះអាងពីគោលជំហរ និងភាពជឿជាក់លើការអភិវឌ្ឍវិស័យអចលនទ្រព្យនៅកម្ពុជា ពិសេសការវិនិយោគអគារខុនដូ ព្រោះថានិន្នាការរបស់ប្រជាពលរដ្ឋខ្មែរទាក់ទង នឹងការរស់នៅខុនដូនឹងកើនឡើងច្រើននៅថ្ងៃអនាគត ខណៈដែលតម្លៃដីធ្លីក្នុងរាជធានីភ្នំពេញបានកើនឡើងជាបន្តបន្ទាប់ឥតឈប់ឈរ។លោក ឃាង ពុទ្ធី នាយកក្រុមហ៊ុនស្លឹកប្ញទ្ធរៀលធីបាននិយាយថា មិនយូរទេនិន្នាការរស់នៅតាមខុនដូ របស់ប្រជាពលរដ្ឋខ្មែរនឹងកើនឡើង។ អ្នកដែលរស់នៅខុនដូ ភាគច្រើនជាអ្នកដែលធ្លាប់បានទៅរស់នៅ ឬសិក្សានៅក្រៅប្រទេស។ ការរស់នៅខុនដូ គឺមានភាពឯករាជ្យ និងមានសុវត្ថិភាពខ្ពស់។ លោកបានបន្តថា បច្ចុប្បន្ននេះមានប្រជាពលរដ្ឋខ្មែរ ដែលមានប្រាក់ចំណូលពីមធ្យមទៅខ្ពស់កាន់តែច្រើន បានងាកមកចាប់អារម្មណ៍ចំពោះការស្នាក់នៅខុនដូវិញ ពីព្រោះខុនដូមានទីតាំងនៅកណ្តាលក្រុង ស្របពេលការកកស្ទះចរាចរណ៍ និងការកើនឡើងនៃតម្លៃដី ក៏បានចូលរួមចំណែកធ្វើឱ្យការគិតរបស់ប្រជាពលរដ្ឋប្រែប្រួលផងដែរ។ តាមដានព័ត៌មានអំពីអចលនទ្រព្យនៅលើគេហទំព័រ Realestate.com.kh!លោកបានលើកទឹកចិត្តឱ្យប្រជាពលរដ្ឋខ្មែរ ត្រូវតែមានគំនិតសុទិដ្ឋិនិយមចំពោះភាពរីកចម្រើននៃវិស័យខុនដូ និងត្រូវនាំគ្នាគាំទ្រ ព្រោះបើយើងមានគំនិតអវិជ្ជមានប្រាកដណាស់ថាវានឹងធ្វើឱ្យប៉ះពាល់ដល់ដំណើរការនៃការអភិវឌ្ឍប្រទេសជាមិនខាន ខណៈប្រទេសជិតខាងកម្ពុជា គេបានធ្វើដំណើរលឿនជាងប្រទេសយើងឆ្ងាយណាស់ទៅហើយ ចំពោះផ្នត់គំនិតនៃការរស់នៅខុនដូ ដូច្នេះយើងមិនត្រូវគិតថា ការសាងសង់នេះវាលើសតម្រូវការទេ ព្រោះបើលើសមែនរាជរដ្ឋាភិបាលនឹងមានវិធានការណ៍ដោះស្រាយជាមិនខាន។នាយកក្រុមហ៊ុនSpring CJW Development លោក Anthony Ong ដែលកំពុងវិនិយោគលើគម្រោងខុនដូ Axis Residences ដែលមានចំនួន៥៦៦យូនីត ស្ថិតនៅតាមបណ្តោយផ្លូវ2004 ជិតព្រលានយន្តហោះអន្តរជាតិភ្នំពេញ បានលើកឡើងកាលពីពេលថ្មីៗនេះថា“ប្រជាពលរដ្ឋខ្មែរ នៅតែជាសសរគ្រឹះដ៏រឹងមាំនៃកំណើនសេដ្ឋកិច្ច និងអចលនវត្ថុក្នុងប្រទេសកម្ពុជា”។ លោកបន្តថា “យើងពិតជាមានការជឿជាក់ និងចង់ឱ្យប្រជាពលដ្ឋខ្មែរ ទទួលបានកន្លែងរស់នៅដ៏ស្អាតកម្រិតស្តង់ដា”។លោក Anthonyបញ្ជាក់ថា “យើងពិតជាចង់ចូលរួមជួយលើកកម្ពស់ការរស់នៅរបស់ប្រជាពលរដ្ឋខ្មែរ តាមរយៈកាលផ្តល់ជូននូវកន្លែងរស់នៅមួយដ៏ល្អដូចនៅប្រទេសសឹង្ហបុរី”។ លោកបន្តថា“គោលបំណងដែលយើងធ្វើការវិនិយោគខុនដូ Axis Residences គឺមិនគ្រាន់តែដើម្បីបង្កើតជាផ្ទះស្នាក់នៅរួមនោះទេ តែការពិតវាជាលំនៅឋានដែលគួរឱ្យចង់រស់នៅ និងមានអ្វីៗគ្រប់យ៉ាងជាតម្រូវការរបស់អ្នកស្នាក់នៅ”។ទាក់ទងវិស័យខុនដូនេះដែរ លោកឧកញ៉ាចេង ខេង អគ្គនាយកក្រុមហ៊ុនអចលនទ្រព្យកម្ពុជា ស៊ីភីអិលបាននិយាយថា ការរស់នៅខុនដូ គឺជាបែបបទនៃការរស់នៅមួយដែលមានភាពស៊ីវិល័យ និងទាន់សម័យ ដោយសារខុនដូអាចមានអ្វីៗសព្វបែបយ៉ាង ដូចជាចំណតរថយន្តសមរម្យ ផ្សារទំនើប កន្លែងហាត់ប្រាណ ស្ទីម សូណា អាងហែលទឹក និងសួនច្បារជាដើម។លោកឧកញ៉ាបានបញ្ជាក់ថា “ខ្មែរយើងចេះតែគិតថា ការរស់នៅខុនដូគឺជើងមិនជាប់ដី (សំណង់ដែលមានកម្ពស់ច្រើនជាន់)ប៉ុន្តែបច្ចុប្បន្ននៅតាមប្រទេសរីកចម្រើននានាគេបានធ្វើរួចហើយ ព្រោះការរស់នៅក្នុងខុនដូគឺបានផ្តល់ឱ្យយើងឱ្យកន្លែងរស់នៅមួយដែលមានភាពសុខុដុមរមនា ទំនើប និងទាន់សម័យ”។យោងតាមរបាយការណ៍ស្រាវជ្រាវពីភ្នាក់ងារអចលនទ្រព្យកម្ពុជាបានឱ្យដឹងថា បច្ចុប្បន្នដីធ្លីក្នុងរាជធានីភ្នំពេញតំបន់ធ្វើពាណិជ្ជកម្ម តាមបណ្តោយមហាវិថីសំខាន់ៗ ដូចជា មហាវិថីព្រះនរោត្តម អាចមានតម្លៃចន្លោះពី៣,៥០០ដុល្លារទៅដល់៦,០០០ដុល្លារក្នុងមួយម៉ែត្រការ៉េ។ មហាវិថីព្រះមុនីវង្ស មានតម្លៃចន្លោះពី៣,០០០ដុល្លារ ទៅ៥,៥០០ដុល្លារ។ មហាវិថីសហព័ន្ធរុស្សី មានតម្លៃចន្លោះពី១,៥០០-៣,០០០ដុល្លារ និងមហាវិថីម៉ៅសេទុង មានតម្លៃចន្លោះពី៣,០០០ដុល្លារទៅ៥,០០០ដុល្លារក្នុងមួយម៉ែត្រការ៉េ ចំណែកតំបន់លំនៅឋានក្នុងខណ្ឌសំខាន់ទាំង៤ក្នុងរាជធានីភ្នំពេញ មានខណ្ឌចំការមន ដូនពេញ ៧មករា និងទួលគោក ដីអាចមានតម្លៃចន្លោះពី១,៥០០ដុល្លារទៅ៤,០០០ដុល្លារក្នុងមួយម៉ែត្រការ៉េ។លោកសារុន ឫទ្ធាអ្នកនាំពាក្យក្រសួងរៀបចំដែនដី នគរូបនីយកម្មនិងសំណង់បានទទួលស្គាល់ថា ប្រជាពលរដ្ឋខ្មែរពិតជាមានការលំបាក ក្នុងការរកទិញដីដើម្បីសាងសង់ផ្ទះនៅកណ្តាលក្រុងណាស់ ព្រោះដីនៅតំបន់សំខាន់ៗដូចជា បឹងកេងកង ដូនពេញ ឬទួលគោក តម្លៃរបស់វាបានឡើងថ្លៃខ្ពស់ខ្លាំងណាស់។ ការកើនឡើងនៃតម្លៃនេះ គឺដោយសារតែដីនៅកណ្តលក្រុង កំពុងក្លាយជាដីសម្រាប់វិនិយោគិនទិញយកទៅសាងសង់អគារខ្ពស់ៗ អគារពាណិជ្ជកម្មនិងខុនដូជាដើម។ លោកបានបន្តថា យោងតាមផែនការមេរបស់ក្រសួងរៀបចំដែនដី នគរូបនីយកម្ម និងសំណង់ ក៏ដូចជាសាលារាជធានីភ្នំពេញ ក្នុងការពង្រីកផ្ទៃដីចំនួន២០គីឡូម៉ែត្រការ៉េជុំវិញរាជធានីភ្នំពេញនោះ បានធ្វើឱ្យនិន្នាការតម្លៃដីធ្លីនៅជាយក្រុងក៏កើនឡើងច្រើនផងដែរ ប៉ុន្តែវាមិនឡើងថ្លៃខ្ពស់ដូចនៅកណ្តាលទីក្រុងទេ ដែលអាចអនុញ្ញាតឱ្យអ្នកមានប្រាក់ចំណូលមធ្យម ឬលើសពីមធ្យមអាចទិញបាន។លោកបញ្ជាក់ថា “នៅរាជធានីភ្នំពេញ សម្រាប់អ្នកដែលមានផ្ទះចាប់ពី១ដល់១០ គឺមានប្រហែល១០ភាគរយ ចំណែកអ្នកមានផ្ទះនៅដោយខ្លួនឯងមានប្រហែល២០ភាគរយ និងអ្នកមិនមានផ្ទះតែមានប្រាក់ខែ និងចំណូលមធ្យមថេរ ឬលើសមធ្យមអាចមានចំនួន៧០ភាគរយ(ពួកគេពុំទាន់មានផ្ទះនៅឡើយទេដោយអ្នកខ្លះមានផ្ទះនៅ ប៉ុន្តែជួនកាលអាចបង់រំលោះជាមួយធនាគារ)។របាយការណ៍របស់ក្រសួងសេដ្ឋកិច្ច និងហិរញ្ញវត្ថុបានបង្ហាញថា កំណើនអគារខុនដូនៅកម្ពុជាក្នុងឆ្នាំ២០១៥កន្លងមកមានចំនួន១៥,០០០យូនីត ហើយចំនួននេះនឹងបន្តកើនឡើងដល់៤៥,០០០យូនីត នៅក្នុងឆ្នាំ២០១៨ខាងមុខ។បើទោះបីជានៅក្នុងរាជធានីភ្នំពេញបច្ចុប្បន្ននេះ ចំនួនខុនដូថ្មីៗបានឡើងជាបន្តបន្ទាប់ក៏ដោយ ក៏គេដឹងថាអតិថិជនដែលបានទិញខុនដូ នៅក្នុងគម្រោងអភិវឌ្ឍន៍ទាំងនោះមិនសូវមានជនជាតិខ្មែរទេ។ ភាគច្រើនសុទ្ធតែជាជនបរទេស ដូចជា ចិន តៃវ៉ាន់ ម៉ាឡេស៊ី សិង្ហបុរី ជប៉ុននិងបារាំង ជាដើម។ ស្ថិតិមួយបានបង្ហាញថា មានជនជតិខ្មែរប្រហែលតែ២០ភាគរយប៉ុណ្ណោះ ដែលជាម្ចាស់លើបន្ទប់ខុនដូ ខណៈ៨០ភាគរយទៀតសុទ្ធតែជាជនបរទេស៕តាមដានព័ត៌មានអំពីអចលនទ្រព្យនៅលើគេហទំព័រ Realestate.com.kh!អត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែកញ្ញា ឆ្នំា ២០១៦ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយការចេញផ្សាយទស្សនាវដ្តីអចលនទ្រព្យ  Property View របស់សមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជា សូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សាវដ្តី Property View សូមធ្វើការទាក់ទង ទៅកាន់លោក វីរិទ្ធតាមរយៈអ៊ីម៉េលvirith007@yahoo.com ឬទូរស័ព្ទលេខ 078 959 567  - 098 66 26 68

អ្នកជំនាញក្នុងវិស័យអចលនទ្រព្យកម្ពុជាបាននិយាយថា សក្តានុពលនៃបណ្តាកោះក្នុងដែនសមុទ្រកម្ពុជានឹងអាចធ្វើឱ្យទីផ្សារអចលនទ្រព្យ និងវិស័យទេសចរណ៍មានសន្ទុះឡើងកើនឡើងលឿន ប្រសិនបើក្រុមហ៊ុនវិនិយោគទាំងអស់មានឆន្ទៈពិតប្រាកដក្នុងការអភិវឌ្ឍកោះឱ្យមានភាពទាក់ទាញ ខណៈកាលពីឆ្នាំកន្លងមកមានក្រុមហ៊ុនអភិវឌ្ឍន៍ចំនួន2 បានប្រកាសពីគម្រោងអភិវឌ្ឍន៍កោះស្ថិតនៅខេត្តព្រះសីហនុដើម្បីឱ្យក្លាយទៅជាកន្លែងដ៏ទាក់ទាញសម្រាប់ភ្ញៀវទេសចរជាតិ និងអន្តរជាតិ។លោក គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា និងជាអគ្គនាយកក្រុមហ៊ុន ខ្មែរ រៀលអេស្ទេត បានមានប្រសាសន៍ថា កម្ពុជាគឺជាប្រទេសមួយដែលមានកោះជាច្រើនស្ថិតនៅក្នុងដែនសមុទ្ររបស់ខ្លួន ប៉ុន្តែរហូតមកដល់ពេលនេះកោះទាំងនោះហាក់នៅមិនទាន់មានការអភិវឌ្ឍអ្វីជាដុំកំភួននោះទេ ខណៈមានកោះមួយចំនួនត្រូវបានរាជរដ្ឋាភិបាលកម្ពុជាផ្តល់អាជ្ញាប័ណ្ណទៅឱ្យក្រុមហ៊ុនឯកជនដើម្បីវិនិយោគរួចហើយ។ លោកបានបន្តថា បើទោះបីជាទទួលបានអាជ្ញាប័ណ្ណពីរាជរដ្ឋាភិបាលក៏ដោយ ក៏ក្រុមហ៊ុនវិនិយោគមួយចំនួនរហូតមកដល់ពេលនេះនៅមិនទាន់បានបញ្ចេញប្រាក់ច្រើនដើម្បីអភិវឌ្ឍន៍នៅលើកោះនោះទេ ហើយថែមទាំងមានម្ចាស់ក្រុមហ៊ុនអភិវឌ្ឍន៍កោះខ្លះបានលក់បន្តទៅឱ្យឈ្មួញជាបន្តទៀតផង។លោកមានប្រសាសន៍ថា៖«នៅពេលដែលម្ចាស់ក្រុមហ៊ុនអភិវឌ្ឍន៍កោះបញ្ចេញទុនដើម្បីអភិវឌ្ឍន៍នោះ តំបន់កោះនៅក្នុងដែនសមុទ្រកម្ពុជានឹងអាចទាក់ទាញភ្ញៀវទេសចរ និងអ្នកវិនិយោគបានកាន់តែច្រើនបន្ថែមទៀត ចំណែកសក្ដានុពលដីនៅទីនោះក៏នឹងឡើងតម្លៃច្រើនដែរ។ ម្ចាស់គម្រោងអភិវឌ្ឍន៍អាចចាប់ផ្តើមកសាងហេដ្ឋារចនាសម្ព័ន្ធនៅលើកោះដើម្បីចាប់យកតម្លៃទីផ្សារអចលនទ្រព្យឡើងខ្ពស់ គឺបន្ទាប់ពីមានផ្លូវថ្នល់ ស្ពាន និងការធ្វើដំណើរមានភាពងាយស្រួល មានផាសុកភាព»។លោកបានលើកសំណូមពរថា៖«ប្រសិនបើក្រុមហ៊ុនទទួលបានសិទ្ធិវិនិយោគលើកោះហើយ គេគួរតែធ្វើការអភិវឌ្ឍទៅលើហេដ្ឋារចនាសម្ព័ន្ធដែលមានដូចជា សណ្ឋាគារ ខុនដូ និងមធ្យោបាយធ្វើដំណើរនាំភ្ញៀវដើរកម្សាន្តជុំវិញកោះជាដើម»។លោក ចឹ្រក សុខនីម នាយកប្រតិបត្តិនៃក្រុមហ៊ុន Century 21 Mekong បាននិយាយថា ការអភិវឌ្ឍដែលមានផែនការច្បាស់លាស់នឹងនាំមកនូវសក្តានុពលដល់តំបន់ហើយនៅពេលអ្នកវិនិយោគបរទេសចូលមកវិនិយោគវានឹងធ្វើឱ្យកម្ពុជាទទួលបានផលចំណេញច្រើន។ គម្រោងអភិវឌ្ឍន៍នៅតាមតំបន់កោះតែងតែងាយទទួលជោគជ័យ ព្រោះធម្មជាតិនៅតំបន់កោះកម្ពុជាគឺមានភាពភាក់ទាញខ្លាំង។លោក វ៉ន ចាន់ថន នាយកគ្រប់គ្រងក្រុមហ៊ុន ថោន ស៊ីធី មានប្រសាសន៍ថា ការវិនិយោគនៅតាមបណ្តាកោះធំៗ គឺត្រូវការទុនវិនិយោគច្រើនណាស់ទើបគេអាចធ្វើទៅបាន។ រដ្ឋា ភិបាលតម្រូវឱ្យក្រុមហ៊ុនទាំងនោះគោរពតាមស្តង់ដារបរិស្ថានជាតិ និងអន្តរជាតិ ព្រោះការឱ្យវិនិយោគនេះមិនមែនចេះតែឱ្យធ្វើការវិនិយោគនោះទេ គឺត្រូវមានការត្រួតពិនិត្យឱ្យបានច្បាស់លាស់ បើពុំដូច្នោះទេវានឹងធ្វើឱ្យខូចដល់បរិស្ថាននៅក្នុងតំបន់កោះជាមិនខាន ដូច្នេះទាមទារឱ្យមានការសិក្សាល្អិតល្អន់ណាស់មុននឹងផ្តល់សិទ្ធិអភិវឌ្ឍន៍ទៅឱ្យក្រុមហ៊ុននីមួយៗធ្វើការវិនិយោគ។លោកបានថ្លែងថា៖«ការអភិវឌ្ឍតំបន់កោះវាជាចំណុចវិជ្ជមានមួយសម្រាប់វិស័យទេសចរណ៍កម្ពុជា។ ប្រសិនបើក្រុមហ៊ុនដែលមានសិទ្ធិវិនិយោគលើដីកោះនោះគួរតែសាងសង់ស្ពានសម្រាប់ធ្វើដំណើរទៅមកឱ្យបានល្អប្រសិនបើអាច រួចបន្តសាងសង់ជារមណីយដ្ឋាន និងកន្លែងសម្រាកលម្ហែរកាយបន្ថែមទៀត។លោក អ៊ិន ស៊ីថា នាយកផ្នែកអភិវឌ្ឍន៍មុខជំនួញនៃក្រុមហ៊ុន VTrust Appraisal Co., Ltd មានប្រសាសន៍ថា ដើម្បីធ្វើការអភិវឌ្ឍកោះបានលុះត្រាតែក្រុមហ៊ុនអភិវឌ្ឍន៍នោះទទួលបានអាជ្ញាប័ណ្ណរយៈពេលវែង ពីព្រោះការអភិវឌ្ឍកោះគឺត្រូវការដើមទុនច្រើនណាស់ដើម្បីអភិវឌ្ឍន៍ហេដ្ឋារចនាសម្ព័ន្ធផ្សេងៗ។ ការវិនិយោគបែបនេះ គឺជាការជួយលើកកម្ពស់សោភ័ណភាពតំបន់កោះសម្រាប់បម្រើឱ្យវិស័យទេសចរណ៍ និងជួយរកការងារឱ្យប្រជាពលរដ្ឋធ្វើដូចជា ការកែច្នៃវត្ថុអនុស្សាវរីយ៍ លក់ដូរចំណីអាហារ សណ្ឋាគារ ផ្ទះសំណាក់ និងកន្លែងកម្សាន្តជាច្រើនទៀត។ប្រទេសកម្ពុជាមានកោះចំនួន 64 ក្នុងនោះមានកោះចំនួន 54 ស្ថិតនៅក្នុងទឹកដីខេត្តព្រះសីហនុកោះក្រៅពីនោះស្ថិតនៅក្នុងខេត្តកោះកុង ខេត្តកែប និងខេត្តកំពត ប៉ុន្តែរហូតមកដល់ពេលនេះ កោះចំនួន 28 ស្មើនឹងផ្ទៃដីទំហំជាង 18 ម៉ឺនហិកតា ត្រូវបានរដ្ឋាភិបាលជួលទៅឱ្យក្រុមហ៊ុនឯកជន ដើម្បីធ្វើការវិនិយោគក្លាយទៅជាតំបន់ទាក់ទាញភ្ញៀវទេសចរដ៏ប្រណីត ប៉ុន្តែការអនុវត្តជាក់ស្តែង គេឃើញមានកោះចំនួនតិចប៉ុណ្ណោះ ដែលបានអភិវឌ្ឍជាបណ្តើរៗជាតំបន់ទេសចរណ៍ដូចជា កោះពស់ កោះដែកគោល កោះសង្សារ កោះតាង និងកោះរុងជាដើម។កាលពីចុងឆ្នាំ2015 កន្លងមកក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បានបើកការដ្ឋានសាងសង់សណ្ឋាគារលំដាប់ផ្កាយ5 មួយដែលមានឈ្មោះថា 'Royal Sands' ស្ថិតនៅលើកោះរ៉ុង ក្នុងខេត្តព្រះសីហនុ។ បន្ទាប់ពីគម្រោងសាងសង់បញ្ចប់គេសង្ឃឹមថានៅទីនោះនឹងអាចទាក់ទាញភ្ញៀវទេសចរបានយ៉ាងច្រើន៕ស្វែងរកព័ត៌មានបន្ថែមអំពីការណែនំានៃការវិនិយោគក្នុងប្រទេសកម្ពុជាជាមួយ Realestate.com.khអត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែកញ្ញា ឆ្នំា ២០១៦ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយជាមួយទស្សនាវដ្តីអចលនទ្រព្យ Property View ដែលជាទស្សនាវដ្តីបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជា សូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សាវដ្តី Property View សូមធ្វើការទាក់ទង ទៅកាន់លោក វីរិទ្ធតាមរយៈអ៊ីម៉េលvirith007@yahoo.com ឬទូរស័ព្ទលេខ 078 959 567  - 098 66 26 68

បើយោងតាមទិន្នន័យពីក្រសួងរៀបចំដែនដីនគរូបនីយកម្ម និងសំណង់មានគម្រោងអភិវឌ្ឍន៍ប្រមាណជា២,៥០០គ្រប់ ដណ្តប់លើផ្ទៃដី ៧,៧ លានម៉ែត្រការ៉េកាលពីឆ្នាំមុន ហើយអគារប្រហែល៧០០ដែលមានកម្ពស់ពី៥ ទៅ ៥៥ជាន់បាន សាងសង់ឡើងនៅទូទាំងប្រទេស។ភាគច្រើននៃអគារទាំងនោះមានទីតាំងស្ថិតនៅខេត្តកណ្តាល សៀមរាប ព្រះសីហនុ និងខេត្ត បាត់ដំបង។ នេះបានរួមចំណែកជាមួយនឹងការវិនិយោគនៅក្នុងវិស័យសំណង់ដែលបានកើនឡើងដល់កម្រិតខ្ពស់បំផុតដែលមិនធ្លាប់មានពីមុនដល់ជិត ៣,៥ ពាន់លានដុល្លារ ឬរហូតដល់ ៤០ ភាគរយពីឆ្នាំ ២០១៤ ។ប៉ុន្តែទោះបីជាវិស័យសំណង់បានបង្ហាញពីកំណើនវិនិយោគយ៉ាងខ្លាំងម្ចាស់គ្រប់គ្រងលើការសាងសង់ ហាក់នៅតែមានការទទួល យកតិចតួតទាក់ទងនឹងសេវាធានារ៉ាប់រង។បើយោងតាមនាយក និងជាអ្នកគ្រប់គ្រងទូទៅនៃក្រុមហ៊ុនធានារ៉ាប់រង Forte Insurance លោក យុគ ចំរើនរិទ្ធិ លើកឡើងថា ដោយមានកំណើនយ៉ាងឆាប់រហ័សនៅក្នុងវិស័យនេះ ហានិភ័យបានក្លាយទៅជាកត្តាជៀសមិនរួចក្នុងការគ្រប់គ្រងការដ្ឋានសាងសង់ ហើយក៏ជាផ្នែកមួយនៃបញ្ហាបឋមដែលម្ចាស់ក្រុមហ៊ុន និងក្រុមហ៊ុនកំពុងតែផ្តោតអារម្មណ៍របស់ពួកគេចំពោះ បញ្ហានេះ។ លោកបាននិយាយថា "នៅក្នុងវិស័យធានារ៉ាប់រងលើការសាងសង់នៅកម្ពុជា ម្នាក់ៗហាក់ដូចជាយល់ដឹងអំពីលើចំណុចនេះមានកម្រិតនៅឡើយ ខណៈដែលប្រទេសផ្សេងទៀតយកចិត្តទុកដាក់លើការធានារ៉ាប់រងលើការសាងសង់ និងហា និភ័យក្នុងការដ្ឋានសំណង់នេះ។”លោកបានបញ្ជាក់ថាការកើនឡើងបញ្ហាទាំងនេះ បានជម្រុញឱ្យលោកបង្ហាញពីហានិភ័យទៅ ឱ្យម្ចាស់សំណង់។ លោកបានលើកទឹកចិត្តបន្ថែមទៀតថា ប្រជាជន អ្នកវិនិយោគ និងព្រមទាំង ម្ចាស់សំណង់គួរតែសិក្សាឲ្យបានយ៉ាងច្បាស់ និងពិចារណាអំពីសារៈសំខាន់នៃការធានារ៉ាប់រង លើការសាងសង់នេះ។ ប្រសិនបើការសាងសង់ជួបបញ្ហាតូចតាច នោះគ្មានបញ្ហាអ្វីទេ ។ ប៉ុន្តែប្រសិនបើមានបញ្ហាធំ ឬអ្នកចុះកិច្ចសន្យារត់បាត់ ការសាងសង់នេះនឹងជាប់គាំង" ហើយម្ចាស់នឹងត្រូវចំណាយច្រើនជាងតម្លៃដែលពួកគេបានរំពឹងទុក។ក្តីសង្ឃឹមសម្រាប់អនាគតនៃការធានារ៉ាប់រង លោក ចំរើនរិទ្ធិបាននិយាយថា "ក្នុងពេលកន្លងមកក្រុមហ៊ុន Forte ចំណាយប្រាក់រាប់លានដុល្លារលើថ្លៃធានារ៉ាប់រងសម្រាប់ម្ចាស់សំណង់មួយចំនួន ទោះជាយ៉ាងណាចំនួននៃការទិញធានារ៉ាប់រងនៃម្ចាស់សំណង់គឺនៅមានកម្រិតទាបនៅឡើយ។ ប៉ុន្តែខ្ញុំសង្ឃឹមថាប្រជាជន និងម្ចាស់សាងសង់នឹងយល់កាន់តែច្បាស់អំពីការធានារ៉ាប់រងលើការសាងសង់។”ទស្សននេះត្រូវបានគាំទ្រដោយ លោកឆាយ រតនៈ ជាអគ្គនាយករងនៃអគ្គនាយកដ្ឋានឧស្សាហកម្មហិរញ្ញវត្ថុនៃក្រសួងសេដ្ឋកិច្ច និងហិរញ្ញវត្ថុ បាននិយាយថាវិស័យធានារ៉ាប់រងបានដើរតួនាទីយ៉ាងសំខាន់ទាំងនៅក្នុងប្រទេសកំពុងអភិវឌ្ឍ និងប្រទេសអភិវឌ្ឍន៍ ហើយក៏ជាសសរស្តម្ភមួយនៃប្រព័ន្ធហិរញ្ញវត្ថុ និងការអភិវឌ្ឍសេដ្ឋកិច្ចតាមរយៈការទប់ស្កាត់គ្រោះថ្នាក់នៅក្នុង វិស័យសំណង់វិស័យឧស្សាហកម្មនិងសេវាកម្ម។"ដើមទុនក្នុងការធានារ៉ាប់រងកាលពីឆ្នាំមុនមានចំនួនសរុបចំនួន៨លានដុល្លារ ដែលការធានារ៉ាប់រងនៅក្នុងវិស័យវិស្វកម្មមាន ៣,៥ លានដុល្លារ។ ក្នុងរយៈពេលប្រាំឆ្នាំចុងក្រោយវិស័យនេះ ឃើញថាមានការកើនឡើង ២០% ពីមួយឆ្នាំទៅមួយឆ្នាំ ដែលតម្រូវឱ្យអ្នកពាក់ព័ន្ធរៀបចំបទបញ្ញត្តិក្នុងការកែលម្អវិស័យនេះ។” លោកបានពន្យល់បន្ថែមថា "ជាមួយនឹងកំណើនយ៉ាងខ្លាំងនៃវិស័យសំណង់នេះ ក្រសួងបានអំពាវនាវឱ្យមានក្រុមហ៊ុនសាងសង់ និងម្ចាស់សំណង់ឲ្យទិញការធានារ៉ាប់រង ដើម្បីការពារការដ្ឋានសាងសង់របស់ខ្លួន។ ទោះជាយ៉ាងណាការទិញធានារ៉ាប់រងពីម្ចាស់សំណង់នៅតែមានកម្រិតទាបដែលតម្រូវឱ្យក្រសួងត្រូវធ្វើការរៀបចំ និងជំរុញឱ្យពួកគេឱ្យទិញធានារ៉ាប់រង។” ក្នុងឆ្នាំ២០១៥ មនុស្យប្រមាណ៥០០,០០០នាក់បានធានារ៉ាប់រងអាយុជីវិតដែលមានតម្លៃប្រមាណ២២លានដុល្លារ ដែលមានការកើនឡើងបីដងពីមួយឆ្នាំមុន។ ការធានារ៉ាប់រងទូទៅសរុបបានកើនឡើង ១៦,៤ភាគរយ កាលពីឆ្នាំមុនពី ៥៣ លានដុល្លារ ដល់ប្រហែល ៦១,៦លានដុល្លារ ជាមួយនឹងការធានាលើអចលនទ្រព្យ អគ្គីភ័យ យានយន្ត និងសេវាធានារ៉ាប់រង សុខភាពឈានមុខគេ យោងតាមការលើកឡើងនៃសមាគមន៍ធានារ៉ាប់រងកម្ពុជា។របាយការណ៍ពីសមាគមនេះបានបង្ហាញថាផ្នែកនៃការធានារ៉ាប់រងដែលលូតលាស់លឿនបំផុតគឺអចលនទ្រព្យ និងអគ្គីភ័យដែលការធានារ៉ាប់រងកើនឡើង ៥៣,១ភាគរយ បន្ទាប់មកការធានា រ៉ាប់រងយានយន្តដែលបានកើនឡើង ១៤,៥ ភាគរយ ការធានារ៉ាប់រងលើសុខភាពមាន ២៦ ភាគរយ និងការធានារ៉ាប់រងលើគ្រោះថ្នាក់បុគ្គលមាន ១៨,៨ ភាគរយពីឆ្នាំ ២០១៤ ។ប្រទេសកម្ពុជាបានមើលឃើញពីការកើនឡើងនៃសុវត្ថិភាពនៃសំណង់តាមរយៈការអប់រំលើការធានារ៉ាប់រង និងការកោតសរសើរដែលសង្ឃឹមថាថ្ងៃណាមួយទស្សនៈវិស័យរបស់លោក ចំរើនរិទ្ធិ និងលោករតនៈនឹងមកក្លាយជាការពិត។អត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែកញ្ញា ឆ្នំា ២០១៦ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយការចេញផ្សាយទស្សនាវដ្តីអចលនទ្រព្យ  Property View របស់សមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជា សូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សាវដ្តី Property View សូមធ្វើការទាក់ទង ទៅកាន់លោក វីរិទ្ធតាមរយៈអ៊ីម៉េលvirith007@yahoo.com ឬទូរស័ព្ទលេខ 078 959 567  - 098 66 26 68

នៅពេលប្រជាជនកម្ពុជា មិនទាន់ត្រៀមខ្លួនរួចរាល់សម្រាប់ទស្សនទាននៃការស្នាក់នៅតាមអាគារខ្ពស់ វត្តមានខុនដូកប់ពពកជាច្រើនបាននិងកំពុង សាង សង់ និងខ្លះបានបញ្ចប់ការសាងសង់ សម្រាប់ទីផ្សារថ្មីមួយដែលកំពុងមានភាពទាក់ទាញអ្នកវិនិយោគបរទេស ដែលពួកគេនៅតែមានសុទិដ្ឋិនិយមសម្រាប់ ទីផ្សារនេះ ប៉ុន្តែសំណួរកំពុងមានចម្លើយខុសៗគ្នា រវាងអ្នកជំនាញដែលកំពុងមានទស្សនៈចម្រូងចម្រាស់អំពីទីផ្សារនេះ។លោកច្រឹក សុខនីមអគ្គនាយកក្រុមហ៊ុនCentury21 Mekongបានថ្លែងថា ប្រសិនជាគិតសម្រាប់រយៈពេលវែងទីផ្សារខុនដូនៅកម្ពុជា មិនប្រឈមបញ្ហាអ្វីធ្ងន់ធ្ងរនោះទេ ព្រោះនិន្នាការទិញលក់នៅតែធម្មតា គ្រាន់តែពេលនេះមានការផ្គត់ផ្គង់ខុនដូកាន់តែច្រើន ដែលធ្វើឲ្យអតិថិជនមានជម្រើសកាន់តែច្រើន ធ្វើឲ្យការលក់គំរោងមួយចំនួនមានភាពយឺតយ៉ាវ ប៉ុន្តែនិន្នាការវិនិយោគនៅកម្ពុជាគឺបានផ្លាស់ប្តូរដូចនៅបរទេស មានន័យថាទាល់តែអ្នកវិនិយោគមានទុនវិនិយោគច្បាស់លាស់ ទើបអាចជៀសផុតពីហានិភ័យ។ លោកបន្តថា “នៅពេលមានការប្រកួតប្រជែងខ្លាំង ទាមទារឲ្យអ្នកវិនិយោគមានដើមទុនច្បាស់លាស់ បើមិនដូច្នេះគំរោងពួកគេអាចប្រឈមមុខ នឹងជាប់គាំងកណ្តាលទី ប្រសិនជាអ្នកវិនិយោគរំពឹងប្រាក់អតិថិជនយកមកសាងសង់”។លោកបន្តថា “បើទោះជាការលក់មាននិន្នាការយឺតជាងមុន ប៉ុន្តែខ្ញុំមិនមើលឃើញអ្វីលំបាកខ្លាំងឬវិស័យខុនដូនៅកម្ពុជាជាប់គាំងនោះទេ”។ស្វែងយល់ព័ត៌មានបន្ថែមអំពីអចលនទ្រព្យសូមចូលទៅកាន់គេហទំព័រ Realesteate.com.khអគ្គនាយកកក្រុមហ៊ុនTOWN CITY Real Estate លោកវ៉ន ចាន់ថនបានថ្លែងឲ្យដឹងផងដែរថា មានគម្រោងជាច្រើននៅតែលក់ដាច់នៅឡើយ ពិសេសគំរោងដែលផ្តោតលើងតិថិជនដែលមានប្រាក់ចំណូលមធ្យម ប៉ុន្តែបើនិយាយពីនិន្នាការជារួមនាពេលនេះ គឺទីផ្សារនេះមិនមានបញ្ហាអ្វីនោះទេ តែក៏មិនល្អខ្លាំងនោះដែរ។យោងតាមរបាយការណ៍អង្កេតរបស់ក្រុមហ៊ុនCBRE Cambodiaបានរកឃើញថា ទីផ្សារខុនដូនៅកម្ពុជាមានកំណើនរហូតដល់៧៩៤ភាគរយ គិតពីពេល  បច្ចុប្បន្នរហូតដល់ឆ្នាំ២០១៨ ដែលចំនួនផ្ទះនឹងកើនដល់ចំនួនសរុប២១,៤១៤យូនីត។ប្រធានសមាគមអ្នកវាយតំលៃ និងភ្នាក់ងារអចលនវត្ថុកម្ពុជាលោកគីម ហ៊ាងបានថ្លែងថាចំនួនខុនដូដែលបាននិងកំពុងសាងសង់នាពេលបច្ចុប្បន្ន ប្រសិនជាសំរាប់ទីផ្សារក្នុងស្រុក វាពិតជាលើសតម្រូវការ ប៉ុន្តែប្រសិនជាគិតសម្រាប់ទីផ្សារអាស៊ានគឺមិនទាន់គ្រប់តម្រូវការនៅឡើយទេ ដូច្នេះអ្វីសំខាន់នាពេលនេះ គឺធ្វើយ៉ាងណាឲ្យអ្នកវិនិយោគអាស៊ានចូលមកកាន់តែច្រើន ព្រោះប្រសិនជាវិស័យនេះជាប់គាំងវា មិនមែនជាកំហុសរបស់អ្នកសាងសង់នោះទេ ប៉ុន្តែអ្វីសំខាន់គឺរដ្ឋាភិបាលត្រូវធ្វើយ៉ាងណាឲ្យអ្នកវិនិយោគចូលមក។ លោកបន្តថា “ប្រសិនជាទឹក អគ្គិសនី ថ្លៃដឹកជញ្ជូននៅតែខ្ពស់ និងការិយាល័យនិយមនៅតែច្រើន តើអ្នកណាចូលមក”។លោកបន្តថា “ច្បាប់មានរួចហើយ បានធ្វើរួចហើយ ប៉ុន្តែសំខាន់គឺត្រូវគោរពទាំងអស់គ្នា មិនមែនចង់បាតុកម្មធ្វើបាតុកម្ម ដោយគ្មានច្បាប់ទម្លាប់នោះទេ ដូច្នេះចូរដោះស្រាយបញ្ហានេះទាំងអស់គ្នា”។លោកគីម ហ៊ាងបានបន្តថា អ្នកវិនិយោគខុនដូដែលប្រឈមមុខខ្លាំងជាងគេនាពេលបច្ចុប្បន្ននេះ គឺអ្នកខ្ចីលុយគេមកសាងសង់ ដែលលោកប៉ាន់ប្រមាណថាមានចំនួនលើស៥០ភាគរយ នៃអ្នកវិនិយោគខុនដូនាពេលបច្ចុប្បន្ន កំពុងប្រឈមនឹងទឹកភ្នែក ព្រោះគំរោងពួកគេមួយចំនួនប្រឈមមុខនឹងភាពជាប់គាំង ប៉ុន្តែសម្រាប់អ្នកមានដី និងមានទុនវិនិយោគច្បាស់លាស់ពួកគេមិនមានបញ្ហាអ្វីនោះទេ។ លោកបន្តថា “វាមិនមានបញ្ហាក្នុងឧស្សាហកម្មនេះទេ តែវានឹងមានបញ្ហាសម្រាប់បុគ្គលដែលខ្ចីលុយធនាគារ ឬចាំយកលុយពីអតិថិជនមកសាងសង់”។ អ្នកដទៃទៀត បានមើលឃើញឳកាសក្នុងបញ្ហាកំពុងកើតមាននាពេលបច្ចុប្បន្ននេះ។ លោកគុយ វ៉ាតអគ្គនាយក្រុមហ៊ុនVTRUST GROUP ដែលបាននាំចូលMaster Franchise Century21 មកកាន់កម្ពុជាបានថ្លែងថា នៅពេលទីផ្សារខុនដូកើនឡើងលើសតម្រូវការ វានឹងជាឳកាសសម្រាប់អ្នកវិនិយោគ និងអតិថិជនដោយពួកគេអាចប្រមូលទិញខុនដូ នៅពេលដែលតំលៃអចលនទ្រព្យនេះធ្លាក់ចុះ។ ចំណែកអតិថិជនពួកគេនឹងទទួលបានផលប្រយោជន៍ ព្រោះពួកគេមានជម្រើសកាន់តែច្រើនក្នុងការវិនិយោគ។ ទោះជាយ៉ាងណាអ្នកជំនាញអចលនទ្រព្យបរទេស បានសម្លឹងឃើញទីផ្សារខុនដូនៅកម្ពុជានៅតែមានកាលានុវត្តភាពនៅឡើយ។លោកHENRY WUអគ្គនាយកក្រុមហ៊ុនMATSU Propertyដែលមានមូលដ្ឋាននៅកោះតៃវ៉ាន់បានថ្លែងថា ទីក្រុងភ្នំពេញមានទំហំតូចណាស់ ហើយបេះដូងរាជធានីនេះមានទំហំប្រហែល២០គីឡូម៉ែត្រការ៉េប៉ុណ្ណោះ ប៉ុន្តែមានប្រជាជនជាច្រើនរស់នៅទីក្រុងនេះ ដែលធ្វើឲ្យទីក្រុងនេះកាន់តែចង្អៀត តំលៃអចលនទ្រព្យនឹងកើនឡើងខ្ពស់ ដូច្នេះខុនដូដែលមានសេវាស្នាក់នៅប្រកបដោយផាសុខភាព មានអាងហែកទឹក សន្តិសុខ ផ្សារទំនើបនិងការគ្រប់គ្រងច្បាស់លាស់ នឹងជាជំរើសពួកគេនៅពេលអនាគត។លោកបន្តថា “កម្ពុជាជាប្រទេសមានសេរីភាពបំផុត នៅក្នុងចំណោមប្រទេសក្នុងតំបន់នេះ ដែលមិនមានការត្រួតពិនិត្យការប្រើប្រាស់រូបិយប័ណ្ណ មិនមានការយកពន្ឋលើប្រាក់ចំណេញលើវិស័យនេះ និងអ្នកវិនិយោគអាចចេញចូលដោយសេរី ពិសេសតំលៃអចលនទ្រព្យនៅភ្នំពេញ គឺមានតំលៃទាបបើធៀបនឹងទីក្រុងរបស់ប្រទេសក្នុងតំបន់នេះ”។លោកបន្តថា “ប្រជាជននៅទីក្រុងភ្នំពេញមានប្រមាណ២លាននាក់ តំលៃខុនដូនៅទីក្រុងនេះមានតំលៃទាបខ្លាំងណាស់ ធៀបជាមួយប្រទេសក្នុងតំបន់នេះ  ដែលកត្តាទាំងអស់នេះ បាននិងកំពុងទាក់ទាញអ្នកវិនិយោគបរទេស ចាប់អារម្មណ៍យ៉ាងខ្លាំងចំពោះអចលនទ្រព្យនៅទីនេះ”។លោកHENRY WUបានបន្តថា ជនបរទេសស្គាល់ទីក្រុងបាងកក ទីក្រុងកូឡាឡាំពួរ ទីក្រុងហុងកុង តែពួកគេមិនសូវស្គាល់ទីក្រុងភ្នំពេញនោះទេ ប៉ុន្តែនៅឆ្នាំ២០២៣ពេលកម្ពុជាធ្វើជាម្ចាស់ផ្ទះរៀបចំកីឡាអាស៊ានហ្គេម ទីក្រុងនេះនឹងមានគេស្គាល់ច្រើន និងមានការរីកចំរើនខ្លាំងថែមទៀត”។លោកបន្តថា “ប្រសិនអ្នកវិនិយោគខុនដូ សម្រាប់ប្រជាជនមានប្រាក់ចំណូលមធ្យម មិនមានសញ្ញាអ្វីគួរឲ្យព្រួយបារម្ភទេ តែខ្ញុំបារម្ភពីខុនដូប្រភេទប្រណីតដែលមានតំលៃថ្លៃ”។ស្វែងយល់ព័ត៌មានបន្ថែមអំពីអចលនទ្រព្យសូមចូលទៅកាន់គេហទំព័រ Realesteate.com.khអត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែកញ្ញា ឆ្នំា ២០១៦ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយជាមួយទស្សនាវដ្តីអចលនទ្រព្យ Property View ដែលជាទស្សនាវដ្តីបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជា សូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សាវដ្តី Property View សូមធ្វើការទាក់ទង ទៅកាន់លោក វីរិទ្ធតាមរយៈអ៊ីម៉េលvirith007@yahoo.com ឬទូរស័ព្ទលេខ 078 959 567  - 098 66 26 68

ទីក្រុងភ្នំពេញទើបតែទទួលបានសិទ្ធិក្នុងការកាន់កាប់ដីធ្លីដោយពេញលេញជាមួយគម្រោងអភិវឌ្ឍន៍អចលនវត្ថុនេះជាកត្តា មួយដែលជួយជម្រុញឱកាសអភិវឌ្ឍន៍បង្ហាញនូវឱកាសវិនិយោគសម្រាប់ម្ចាស់លំនៅដ្ឋាន និងអ្នកវិនិយោគ។ គម្រោងនេះមានឈ្មោះថា The Skyline  Cambodia ហើយត្រូវបានដាក់សម្ពោធកាលពីខែ មេសា ឆ្នាំ ២០១៥ កន្លងទៅ។ សូមស្វែងរកពីគម្រោងSkyline ថ្ងៃនេះ!ការឈានដល់កម្រឹតមួយថ្មី: គម្រោងនៃការអភិវឌ្ឍនេះមានទីតាំងស្ថិតនៅចំកណ្តាលនៃមជ្ឈមណ្ឌលពាណិជ្ជកម្ម ក្នុងខណ្ឌ៧ មករា ទីក្រុងភ្នំពេញ គម្រោង Skyline  ត្រូវបានរំពឹងថានឹងបញ្ចប់ការសាងសង់ នៅខែធ្នូ ឆ្នាំ២០១៨ ជាមួយអគារមួយដែលមានកម្ពស់សរុបចំនួន ៣៩ជាន់។ នៅ៣ជាន់ដំបូងនឹងត្រូវធ្វើជាផ្សារទំនើប និងកន្លែងលក់ឥវ៉ាន់ និង៦ជាន់ត្រូវធ្វើជាចំណតរថយន្ត ដែលមានលក្ខណៈពិសេសជាងចំណតរថយន្តរបស់គម្រោងអភិវឌ្ឍផ្សេងៗនៅក្នុងតំបន់នោះ។ ជាន់ទី៩គឺជាកន្លែងដែលមានសេវាកម្មរួមមាន អាងហាងហែលទឹកធំទូលាយ ចំណែកឯជាន់ទី៣៨នឹងធ្វើជាកន្លែងសម្រាប់ស្រូបយកខ្យល់អាកាសបរិសុទ្ធ និងទស្សនា ទេសភាពទីក្រុងទាំងមូល។គម្រោង The Skylineឈរក្នុងចំណោមអគារល្បីៗជាច្រើននៃទីក្រុងដូចជា៖ វិមានសន្តិភាព ពហុកីឡាដ្ឋានជាតិអូឡាំពិក អគារកាណាឌីយ៉ា អគារវឌ្ឍនៈ និងស្ថិតនៅជិតផ្សារធំថ្មីជាដើម។ ហើយគម្រោងនេះក៏ស្ថិតនៅជិតស្ថានទូតអាល្លឺម៉ង់ សាកលវិទ្យល័យន័រតុន សាលាបឋមសិក្សាទួលគោក និងសាកលវិទ្យាល័យភ្នំពេញអន្តរជាតិ។ខណ្ឌ៧មករាគឺជាខណ្ឌដែលគម្រោង Skyline ស្ថិតនៅទីនោះ  យើងមើលឃើញថាតម្លៃដី កំពុងកើនឡើងខ្លាំងក្នុង រយៈពេល ១ឆ្នាំកន្លះកន្លងទៅ ខណៈដែលអ្នកអភិវឌ្ឍបានងាកចេញពី ខណ្ឌមួយចំនួនដូចជា៖ បឹងកេងកង និងទន្លេបាសាក់ ដោយមាន ការភ័យខ្លាចចំពោះ ការផ្គត់ផ្គង់លើសតម្រូវការនៅក្នុងតំបន់នោះ ថែមទាំងព្រួយបារម្មណ៏អំពីការកកស្ទះចរាចរ និងដែន កំណត់នៃហេដ្ឋារចនាសម្ព័ន្ធផងដែរ។ ការកើនឡើងភាពជាដៃគូលំដាប់ពិភពលោក:គម្រោង Skyline នៅកម្ពុជា គឺជាលទ្ធផលមួយនៃការអភិវឌ្ឍរួមគ្នាដោយអ្នកអភិវឌ្ឍអន្តរជាតិ SGDP Development របស់ ប្រទេសសិង្ហបុរី និងក្រុមហ៊ុន   Hong Lien មកពីប្រទេសចិន ដោយភាពជាដៃគូយុទ្ធសាស្រ្តមួយជាមួយក្រុមហ៊ុនក្នុង ស្រុកLand&Houses (Cambodia)Investment Co,Ltd. (LHC) ដែលជាភ្នាក់ងារលក់របស់ពួកគេ។ក្រុមហ៊ុន LHC ត្រូវបានបង្កើតឡើងដោយសហគ្រិនវ័យក្មេងម្នាក់ឈ្មោះថា Se Lily ដែល បានគ្រប់គ្រងលើការលក់និងការ អភិវឌ្ឍគម្រោងមួយចំនួនរួចទៅហើយដូចជា៖ បុរីVarina គម្រោងChroy Chongva Residence និង Royal Bayview។ការរស់នៅដោយភាពរីករាយ: គម្រោងអភិវឌ្ឍន៍ Skyline មានផ្តល់ជូនសេវាកម្ម និងកន្លែងគាប់ចិត្តជាច្រើននៅក្នុងអាគារលំនៅដ្ឋាននោះជាសេ្រច។ មានសេវាកម្មផ្សេងច្រើនទៀត មិនគ្រាន់តែមានអាងហែលទឹកពិសេស ផ្សារទំនើបនៅជាន់ទី៣ និង៦ជាន់ជាចំណតរថយន្តប៉ុណ្ណោះ អ្នករស់នៅទីនោះក៏អាចរីករាយទទួលទានអាហារពេលល្ងាចនៅនៅខាងក្រៅផ្ទះ អាំងសាច់ខាងក្រៅផ្ទះ មានបន្ទប់ សម្រាប់ហាត់ប្រាណ  និងមានបន្ទប់សម្រាប់ប្រារព្ធពិធីផ្សេងៗទៀត ឫអានសៀវភៅនៅក្នុងបណ្ណាល័យជាដើម។គម្រោង Skyline មានអាគារលំនៅ្ឋដា្ឋនចំនួន២៩ជាន់ មាន២ប្លុកផ្សេងគ្នា ដែលមានយូនីតមាន ១បន្ទប់គេង ២បន្ទប់គេង ៣ឫ៤បន្ទប់គេង និងប្រភេទលំនៅដ្ឋានបប៉េនហ៊ូស(penthouses)។ យូនីតទាំងនេះ ត្រូវបានបំពាក់ដោយទូដាក់សម្លៀក បំពាក់នៅគ្រប់បន្ទប់គេង មានទូដាក់អីវ៉ាន់ក្នុងផ្ទះបាយ ម៉ាស៊ីនកម្ដៅ ម៉ាស៊ីនត្រជាក់ និងមានច្រើនទៀត ទាំងនេះមាននៅក្នុងតម្លៃដែលបានផ្តល់ជូន។ហិរញ្ញវត្ថុអាចបត់បែនបាន: អ្នកទិញនឹងទទួលបានប្រាក់ចំណូលពីការជួលត្រលប់វិញចំនួន៦% ដែលជួលក្នុងរយៈពេលយ៉ាងតិច៣ឆ្នាំបន្ទាប់ពីបញ្ចប់ គម្រោង។ ប៉ុន្តែក៏មានជម្រើសផ្សេងទៀតសម្រាប់អ្នកទិញផងដែរសម្រាប់ អ្នកដែលចង់បន្តគម្រោងបន្ទាប់ពី៣ឆ្នាំទៅមុខ ទៀត។ ការផ្ដល់ជូននេះជាការបង្កាញនូវការជឿទុកចិត្តយ៉ាង ខ្លាំងពីអ្នកអភិវឌ្ឍន៍ទាក់ទងនឹងការជួលនៅក្នុងខណ្ឌ៧មករា។ក្រុមហ៊ុនអភិវឌ្ឍន៍ SGCP Development និង Hong lien ដែលកំពុងតែផ្ដល់នូវការបង់ ប្រាក់កក់ទាបត្រឹមតែ ២,០០០ដុល្លារ ប៉ុណ្ណោះ។ ហើយពន្ធលើអចលនទ្រព្យ ត្រូវបានទូទាត់ដោយងាយស្រួល ជាមួយការប្រថាប់ត្រា៤% ពន្ធលើអចលនទ្រព្យ ប្រចាំឆ្នាំ០.១% ពន្ធលើការជួលប្រចាំឆ្នាំ ១៤% និងពន្ធអាករ១០%។ប្រសិនបើអ្នកកំពុងស្វែងរកការវិនិយោគលើអចលនទ្រព្យលំដាប់ខ្ពស់ដែលដែលផ្តល់ជូនរបៀប រស់នៅតាម ស្ដង់ដារ អន្តរជាតិជាមួយក្រុមអភិវឌ្ឍដែលអ្នកអាចជឿទុកចិត្តបាន សូមស្វែងរកព័ត៌មានបន្ថែមអំពីគម្រោង The Skylineថ្ងៃនេះ។

សភាពាណិជ្ជកម្មអឺរ៉ុបមានភាពសោមនស្សរីករាយសូមប្រកាសពីវេទិការ ពន្ធដារកម្ពុជាជាលើកដំបូង របស់ខ្លួនដែល ជាព្រឹត្តិការណ៍ដ៏ពិសេសផ្តោតសំខាន់លើការវិវត្តន៍នៃប្រព័ន្ធពន្ធដាររបស់កម្ពុជា។ Realestate.com.kh មានមោទនភាពដែលបានក្លាយជា “ដៃគូផ្សព្វផ្សាយតាមអនឡាញ” សម្រាប់វេទិកាពន្ធដារកម្ពុជាក្នុង ឆ្នាំនេះ។ព្រឹត្តិការណ៍នេះនឹងមានការអញ្ជើញជាអធិបតីដោយ ឯកឧត្តម គង់ វិបុល និងចូលរួមធ្វើជាវាគ្មិនជំនាញក្នុងរយៈពេលមួយ ថ្ងៃពេញ។ប្រធានបទសម្រាប់ការពិភាក្សារួមមាន៖ការផ្លាស់ប្តូរនៅក្នុងរបបពន្ធ ពន្ធប៉ាតង់ និងការចុះបញ្ជីពន្ធដារបញ្ហាគន្លឹះនៃេះពន្ធសម្រាប់អាជីវកម្មខ្មាតតូចទៅមធ្យមបញ្ហាពន្ធអាករទូទៅការកាត់ពន្ធសវនកម្ម និងជម្លោះពន្ធដារកិច្ចព្រមព្រៀងពន្ធទ្វេដងជាមួយសិង្ហបុរីវាគ្មិន & ការធ្វើបទបង្ហាញនឹងធ្វើឡើងដោយអ្នកជំនាញមកពី៖ក្រុមហ៊ុន Bun & Associatesក្រុមហ៊ុន Cambodian Investment Managementក្រុមហ៊ុន Deloitteក្រុមហ៊ុន DFDLក្រុមហ៊ុន Ernst & Youngក្រុមហ៊ុន Grant Thorntonក្រុមហ៊ុន R&T Sok & Heng សម្រាប់កញ្ចប់តម្លៃនៃការឧបត្ថម្ភអាចរកបាន។ តម្លៃ: សម្រាប់សមាជិកគឺ ៥០ ដុល្លារ និងមិនមែនសមាជិកគឺ ៦០ដុល្លារ (ឧបត្ថម្ភសម្រាប់ព្រឹត្តិការណ៍នេះ) សូមស្វែងរកព័ត៌មានបន្ថែម និងចុះឈ្មោះនៅថ្ងៃនេះ ជាមួយសភាពាណិជ្ជកម្មអឺរ៉ុបប្រចាំនៅកម្ពុជា!

ថ្វីបើបានដើរលើផ្លូវដ៏វែងឆ្ងាយ និងឆ្លងកាត់ឧបសគ្គជាច្រើន ទោះជាយ៉ាងណាប្រទេសកម្ពុជាបានឈានដល់ការងើបឡើងនៃវិស័យឧស្សាហកម្មអចលនទ្រព្យផងដែរនាពេលបច្ចុបន្ន។  ជាមួយនឹងភាពជោគជ័យបន្តបន្ទាប់ ក៏ទាមទារនូវចំណេះដឹងពីរបៀបនៃការអភិវឌ្ឍន៍ទីផ្សារធៀបទៅនឹងតំបន់។ ដោយធ្វើការសិក្សាស្វែងយល់ពីប្រទេសកម្ពុជានៃទីផ្សារស្រដៀងគ្នាក្នុងតំបន់ យើងអាចប៉ានស្មានបាន កាន់តែប្រសើរពីអនាគតនៃវិស័យអចលនទ្រព្យ និងអាចដោះស្រាយនូវបញ្ហាសំខាន់ៗមុនពេល ដែលបញ្ហាទាំងនោះកើតឡើង។នេះបើយោងទៅតាម នាយកគ្រប់គ្រង CBRE វៀតណាម លោក Marc Townsend ដែលបានលើកឡើងនៅក្នុង របាយការណ៍នៃទស្សនវិស័យទីផ្សារអចលនទ្រព្យ CBRE កម្ពុជា ត្រីមាសទី២ ឆ្នាំ២០១៦ កាលពីសប្តាហ៍មុន។ក្នុងរបាយការណ៍នោះលោក  Townsend បាននិយាយថា “យើងទាំងអស់គ្នាបានពាក់ព័ន្ធក្នុងឧស្សាហកម្មអចលនទ្រព្យ សម្រាប់ការស្វែងយល់ពីទីផ្សារគឺត្រូវដឹងការវិលជុំនៃទីផ្សារ  និងថាតើមានអ្វីកំពុងកើតឡើងក្នុងទីផ្សារកម្ពុជាបច្ចុប្បន្ន ដែលបញ្ហានោះបានកើតឡើងនៅក្នុងទីផ្សារប្រទេសជិតខាងរួចទៅហើយ។”ជាមួយនឹងទស្សននេះ យើងអាចស្វែងយល់ពីលក្ខខណ្ឌទីផ្សារបច្ចុប្បន្ននៅកម្ពុជា និងគំនិតមួយចំនួនដូចជាការផ្គត់ផ្គង់លើសតម្រូវការលើទីផ្សារខុនដូ កំណើនតម្លៃដីធ្លីដែលរំពឹងទុកនៅក្រុងភ្នំពេញ បញ្ហាប្រឈមទាក់ទងនឹងឥណទានជុំវិញប្រាក់កម្ចីសម្រាប់អចលនទ្រព្យក្នុងបរិបទនៃបញ្ហា និងលំហូរសាច់ប្រាក់។នៅពេលមានការធ្លាក់ចុះទីផ្សារបច្ចុប្បន្នមួយ ជាធម្មតាវានៅតែមានឱកាសប្រែក្លាយខ្លួនជាទីផ្សារធម្មតាវិញ ហើយទីបំផុតការផ្លាស់ប្តូរក្លាយជាទីផ្សារប្រសើរឡើងសម្រាប់ទីផ្សារអចលនទ្រព្យទាំងមូលផងដែរ។ទស្សនៈវិស័យទីផ្សាររបស់ក្រុមហ៊ុន CBRE កម្ពុជាសម្រាប់ត្រីមាសទី ២ ឆ្នាំ ២០១៦៖ធនាគារពិភពលោកបានតម្លើងចំណាត់ថ្នាក់កម្ពុជាជាផ្លូវការក្នុងនាមជាប្រទេស "ដែលមានប្រាក់ចំណូលទាបទៅជាប្រទេសមានប្រាក់ចំណូលមធ្យម" ក្នុងត្រីមាសទី២នេះ។ការអភិវឌ្ឍន៍ចម្រុះរបស់ Hong Kong Land ជាមួយគម្រោង Exchange Squareយោងតាមរបាយការណ៍ត្រីមាសទី២ជាមួយនឹងរបាយការណ៍បញ្ចប់ ត្រីមាសទី ៤ ឆ្នាំ ២០១៦។ តម្លៃលក់ និងជួលបានកើនឡើងយ៉ាងទូលំទូលាយ នៅត្រីមាសទី២ លើកលែងនៃការជួលសេវាកម្មអាផាត ដែលនៅតែទ្រឹងនៅលើត្រីមាសនេះ។ តម្លៃជួលមធ្យមនៃប្រភេទអគារកម្រិតBដែលបានកើនឡើង៤.៥%ធៀបនឹងត្រីមាសមុន  ខណៈពេលដែលតម្លៃជួល មធ្យមសម្រាប់អគារកម្រិត C បានថយចុះ ៣.៩% ធៀបនឹងត្រីមាសមុន ។ខុនដូចំនួន២៧៩៦យូនីតនៃគម្រោងទំាង៨ ដែលបានចាប់ផ្តើមបើកដំណើរការនៃត្រីមាសទី២ មានទីតំាងស្ថិតនៅខណ្ឌឬស្សីកែវ ចាប់ផ្តើមដំណើរការលក់មុនគម្រោងជាលើកដំបូងរបស់ខ្លួន។   ដីធ្លី & ការវិនិយោគនៅកម្ពុជាត្រីមសាទី២ ឆ្នាំ ២០១៦៖ ខណៈពេលអ្នកទិញជាជនបរទេសបានផ្តោតសំខាន់លើតំបន់សក្តានុពលក្នុងទីផ្សារដែលមានតម្លៃដីបានឈានដល់កម្រិតខ្ពស់បំផុតនៅកណ្តាលក្រុងភ្នំពេញដូចជា៖  បឹងកេងកង និងទន្លេបាសាក់ លោក  Townsend បានពន្យល់ថា “អ្នកវិនិយោគដីធ្លីក្នុងស្រុក និងម្ចាស់ដី គឺជាក់ស្តែងផ្លាស់ប្តូរតាមផ្នែកផ្សេងៗគ្នា  ពួកគេគិតពីរយៈពេលបួនទៅប្រាំឆ្នាំទៅមុខ។” នេះដោយសារតែអ្នកទិញក្នុងស្រុកជាច្រើនពេញចិត្តតំបន់នោះ ដូចនេះត្រូវចំណាយប្រាក់ជាច្រើននៅតំបន់នោះ។ អ្នកទិញដីក្នុងស្រុកទាំងនោះត្រូវយល់ដឹងអំពីហេដ្ឋារចនាសម្ព័ន្ធដូចជា៖ ស្ពាន ផ្លូវ និងលូគឺនឹងបន្តការ អភិវឌ្ឍន៍ ដែលប៉ះពាល់ខ្លាំងដល់តម្លៃដីនៅតំបន់ជាយក្រុង។ នេះបានកើតមានឡើងច្រើននៅតំបន់ ជ្រោយចង្វារ ដែលមានតម្លៃកើនឡើងខ្លាំងពីមួយឆ្នាំទៅមួយឆ្នាំ ក្នុងអត្រាតម្លៃកើនឡើងលឿនជាង តម្លៃដីនៅ តំបន់ពាណិជ្ជកម្មសំខាន់ៗ។វិនិយោគិនកំណត់គោលដៅលើតំបន់ដែលមានអ្នកស្គាល់តិចតួចនៅក្រុងភ្នំពេញដែលអាចប៉ាន់ស្មាននូវការកើនឡើងហេដ្ឋារចនាសម្ព័ន្ធ នឹងផ្តល់មកវិញនូវប្រាក់ចំណេញដ៏ច្រើនក្នុងពេលឆាប់ៗខាងមុខ។ ការផ្តល់ជូននូវទំនាក់ទំនង និងចំណេះដឹងក្នុងស្រុក ទោះជាយ៉ាងណាឱកាសនេះនៅតែមាននៅក្នុងវិស័យសម្រាប់អ្នកទិញក្នុងស្រុក និងភា្នក់ងារអចលនទ្រព្យសម្រាប់ពេលបច្ចុប្បន្ន។ទីផ្សារលំនៅដ្ឋានភ្នំពេញត្រីមាសទី២ ឆ្នាំ២០១៦៖ថ្វីបើចំនួនអ្នកអភិវឌ្ឍន៍បរទេសកំពុងកើនឡើង និងរំពឹងថានឹងចូលរួមក្នុងការផ្គត់ផ្គង់ខុនដូប្រមាណជាង២៥,០០០យូនីត ត្រឹមឆ្នាំ២០១៨  លោក Townsend លើកឡើងថា “អ្នកអភិវឌ្ឍន៍ក្នុងស្រុកគឺជាអ្នកដើរតួសំខាន់។ លក្ខណៈនេះមិនគួរធ្វើនៅគ្រប់ត្រីមាសនោះទេ ប៉ុន្តែជាក់ស្តែងភាពខ្លាំងរបស់អ្នកអភិវឌ្ឍន៍កម្ពុជាគឺកំពុងតែកើនឡើង។ ”អ្នកអភិវឌ្ឍន៍ក្នុងស្រុកទាំងនេះមានការយល់ដឹងប្រសើរជាងមុនអំពីមធ្យោបាយនៃទីផ្សារអ្នកទិញក្នុងស្រុក ហើយនេះត្រូវបានបង្កើតជម្រើសដែលមានតម្លៃសមរម្យនៅលើទីផ្សារ។ អ្នកអភិវឌ្ឍន៍ទាំង នេះជារឿយៗសម្លឹងមើលក្រៅពីតំបន់ដែលមានតម្លៃថ្លៃបំផុតរបស់រាជធានីភ្នំពេញ ជាថ្មីម្តងទៀត ការខ្វះខាតហេដ្ឋារចនាសម្ព័ន្ធបានដើរតួនាទីយ៉ាងធំក្នុងការអនុញ្ញាតឱ្យអ្នកអភិវឌ្ឍន៍ដើម្បីទទួលបានដីដែលមានតំលៃសមរម្យ និងបង្កើតជាខុនដូមានតំលៃសមរម្យ។ ប្រសិនបើពួកគេសំណាងល្អ ហេដ្ឋារចនាសម្ព័ន្ធនឹងចាប់ផ្តើមអភិវឌ្ឍន៍ នៅពេលគម្រោងរបស់ពួកគេជិតទីបញ្ចប់ការសាងសង់។លោក Townsend បានពណ៌នាថា នៅពេលទីផ្សារមានភាពចំណាស់ អចលនទ្រព្យប្រភេទផ្សេងៗគ្នា បានកើតមានឡើងនៅក្នុងទីផ្សារអភិវឌ្ឍន៍ថ្មីក្នុងទីក្រុងភ្នំពេញដូចជា៖ ប្រភេទលំនៅដ្ឋានជាមួយហាងលក់ទំនិញ(hybrids) លំដ្ឋានជាមួយការិយាល័យ(SoHo) និងលំនៅដ្ឋានយូនីតតូចៗផ្សេងទៀត។ការអភិវឌ្ឍន៍ចម្រុះបានបង្កើនដំណើរការរបស់ខ្លួនមកកាន់ទីក្រុងភ្នំពេញកាន់តែច្រើន របៀបមូយដែលអ្នកអភិវឌ្ឍន៍ដោះស្រាយលើហានិភ័យក្នុងទីផ្សារខុនដូជាច្រើនដោយរួមបញ្ចូលភាពចម្រុះនៃការលក់រាយ លំនៅដ្ឋាន និងជម្រើសពាណិជ្ជកម្មសម្រាប់អ្នកទិញនៅក្នុងការអភិវឌ្ឍន៍ទោល។បើទោះបីជាមានការកើនឡើងនូវការប្រកួតប្រជែង តម្លៃខុនដូហាក់មើលឃើញថាមានតម្លៃទាប ប៉ុន្តែកើនឡើងជាបណ្តើរៗពីឆ្នាំ ២០១៥ រហូតដល់ត្រីមាសទី២ ឆ្នាំ ២០១៦។ ជាមួយនឹងកំណើនយឺតនេះ លោក Townsend  និយាយថា “លក្ខខណ្ឌបានផ្លាស់ប្តូរ ពីផលប្រយោជន៍របស់អ្នកអភិវឌ្ឍ ន៍ទៅជាផលប្រយោជន៍របស់អ្នកទិញវិញ។”Townsend ពន្យល់ថាប្រសិនបើមិនមានអ្នកលក់លំនៅដ្ឋានបន្តគ្នានោះទេវាជាសញ្ញាបង្ហាញថាទីផ្សារកំពុងតែធ្លាក់ចុះអាក្រក់។  អ្នកអភិវឌ្ឍន៍កម្ពុជាត្រូវតែប្រុងប្រយ័ត្ន និងយកចិត្តទុកដាក់លើការណែនាំនេះ។ប៉ុន្តែលោក Townsend លើកឡើងថាជាមួយនឹងការផ្លាស់ប្តូរលក្ខខណ្ឌដែលសេវាកម្មទីផ្សារអាផាតមេន គឺកំពុងតែដើរតួយ៉ាងសំខាន់ក្នុងពេលបច្ចុប្បន្ន។លោក Townsend លើកឡើងថា “នៅពេលដែលទីផ្សារលំនៅដ្ឋានបានបញ្ចប់ ឫក៏ផ្លាស់ប្តូរលក្ខខណ្ឌ នៃការលក់ក្នុងមួយខែ ឫក្នុងមួយត្រីមាស” អ្នកអភិវឌ្ឍន៍ចាប់ផ្តើមស្វែងរកមើលប្រសិន ថាតើពួកគេ អាចផ្លាស់ប្តូរប្រភេទយូនីតមួយចំនួនទៅជាសេវាកម្មអាផាតមេនយូនីត ដើម្បីកាត់បន្ថយចំណាយ និងធានាលើប្រាក់ចំណូលត្រលប់។ លោក Townsend កត់សម្គាល់ថា ទីផ្សារសេវាកម្មអាផាតមែន នៅកម្ពុជានៅតែមានដំណើរការរឹងមាំ។ទាក់ទងនឹងទីផ្សារខុនដូសម្រាប់វិនិយោគិនអន្តរជាតិ លោក Townsend ក៏បញ្ជាក់ដែរថា “សម្រាប់ បច្ចុប្បន្នភាគច្រើនគឺជាទីផ្សារតូចៗ។ ហើយជាក់ស្តែងចំណុចមួយចំនួន គឺនឹងដាក់បង្ហាញឲ្យ ដឹងសម្រាប់មនុស្សទូទៅ។” ចំណុចនេះហាក់បីដូចជាយើងបានចងចាំជានិច្ចរហូតដល់ពេលនេះ... លោកបញ្ជាក់ថា ការសំខាន់ត្រូវស្គាល់ពីទីផ្សារ និងចែកចាយភាពជោគជ័យរបស់ខ្លួន និងធ្វើទីផ្សារ ទូលំទូលាយ មិនត្រឹមតែសម្រាប់អ្នកអភិវឌ្ឍន៍ម្នាក់ៗ ឫភ្នាក់ងារណាមួយទេ ប៉ុន្តែសម្រាប់ប្រទេស ជាតិទាំងមូល។លោកបន្ថែមថា តម្រូវការសម្រាប់ការអភិវឌ្ឍន៍ត្រូវមានក្រុមអ្នកវិនិយោគផ្សេងៗគ្នា ដើម្បីបញ្ជៀសពីហានិភ័យក្នុងទីផ្សារៈ “យើងត្រូវការវិនិយោគិនពីគ្រប់តំបន់ មិនមែនពីតំបន់តែមួយ។ យើងត្រូវធ្វើឲ្យមានតុល្យភាព។” បើមិនដូច្នេះទេ នៅពេលក្រុមហ៊ុនវិនិយោគចាកចេញពីទីផ្សារ ឫបាត់បង់ សក្តានុពលក្នុងប្រទេស នោះទីផ្សារមិនអាចនៅមានដំណើរការបានទៀតទេ តែអាចនៅមាននិរន្តរ ភាពដោយសារមានវិនិយោគិនទូទៅផ្សេងទៀតបានចូលរួមច្រើន។បច្ចុប្បន្នភាពទំនុកចិត្តរបស់ប្រទេសកម្ពុជាពឹងផ្នែកលើវិនិយោគិនខុនដូមកពីតៃវ៉ាន់ ចិន និងកូរ៉េ មើលទៅពាក្យណែនាំទាំងនេះហាក់កាន់តែមានប្រសិទ្ធិភាពសម្រាប់កម្ពុជា។ទីផ្សារការិយាល័យភ្នំពេញត្រីមាសទី២ឆ្នាំ២០១៦៖លោក Townsend លើកឡើងទៀតថា អាជីវកម្មធំៗមិនសាទរនឹងមកវិនិយោគនៅកម្ពុជាសម្រាប់ ការពង្រីកទីផ្សារបន្ថែមទៀតនោះទេ។លោកនិយាយថា “ជាអកុសលយើងកំពុងនៅក្នុងដំណាក់កាលមួយ ដែលមនុស្សភាគច្រើនបានមកវិនិយោគ ដោយពង្រីកអាជីវកម្មនៅប្រទេសគេរួចរាស់ទៅហើយ។” ដូច្នេះលោកមិនបានព្យាករណ៍ សកម្មភាពទាំងមូលដែលកំពុងកើតឡើងនៅក្នុងទីផ្សារជាសកម្មភាពថ្មីនោះទេ។ លោកបន្ថែមថា “តាមការពិតមិនមែនក្រុមហ៊ុនធំៗទាំង៥០០របស់ ពិភពលោកនឹងមក វិនិយោគនៅកម្ពុជានោះទេ ប៉ុន្តែមូយក្នុងចំណោមពួកគេបានមកដល់ហើយ គឺពួកគេចង់នៅវិនិយោគក្នុងប្រទេសនេះ” គាត់បានបញ្ជាក់ដល់អ្នកអភិវឌ្ឍន៍ថា “មួយចំនួននៃអ្នកទាំងអស់គ្នានឹងគិតថាសាងសង់អគារមួយ បានក្នុងរយៈមួយឆ្នាំមិនមែនសាងសង់អគារលក់រាយទេ ប៉ុន្តែជាអគារការិយាល័យ។ នៅពេលដែល ស្ថានភាពកាន់តែលំបាក អ្នកគ្រប់គ្នាមានគំនិតដូចគ្នា ញាំកាហ្វេក្នុងពេលជាមួយគ្នា ឫឡើងជណ្តើរយន្តក្នុងពេលជាមួយគ្នា ឫនៅពេលអ្នកបើកយន្តហោះបើកភ្លើងក្នុងយន្តហោះទៅបន្ទប់ទឹកក្នុងពេល ជាមួយគ្នា ដូចគ្នាដែរក៏មានរឿងដូចគ្នាកើតឡើងក្នុងទីផ្សារការិយាល័យ។ ដូច្នេះ ពេលខ្លះអ្នកមួយ ចំនួនអាចយល់ខុស។ ជំនួសឲ្យការសាងសង់មួយឆ្នាំ អគាររបស់អ្នកត្រូវចំណាយពេល៣ឆ្នាំក្នុងការបញ្ចប់។ នេះគឺជាភាពជាក់ស្តែងនៃទីផ្សារអភិវឌ្ឍន៍ការិយាល័យពាណិជ្ជកម្ម និងអចលនទ្រព្យ។”ទិន្នន័យត្រូវបានប្រមូលដោយ  CBRE បង្ហាញថាទោះបីជាការផ្គត់ផ្គង់ការិយាល័យបានកើនឡើង យ៉ាងខ្លាំងក៏ដោយភាគច្រើន ការិយាល័យកម្រិត A តម្រូវការមានការថយចុះចាប់ពីឆ្នាំ ២០០៨។ របាយការណ៍ក៏បង្ហាញដែរថា អាជីវកម្មធំៗដែលកាន់កាប់លើប្រភេទការិយាល័យទាំងនេះ គឺជាធនាគារ &ហិរញ្ញវត្ថុ និងក្រុមហ៊ុនដឹកជញ្ជូន ដែលមាន ២២% និង១៤%ដោយឡែកពីគ្នា។លោក Townsend ក៏បានពន្យល់ដែរថា ការិយាល័យដែលប្រើប្រាស់វិញ្ញាប័ណ្ណបត្របញ្ជាក់កម្មសិទ្ធិ នៅក្នុងទីផ្សារ កម្ពុជា ហើយវាមិនមែនជាចំណុចអាក្រក់នោះទេ ប៉ុន្តែជាចំណុចឆ្លុះបញ្ជាំងមួយ ដោយសារមានការលំបាកក្នុងការដោះស្រាយលើប្រភេទអគារដែលប្រើប្រាស់វិញ្ញាប័ណ្ណបត្របញ្ជាក់កម្មសិទ្ធិ នេះគឺជាទស្សនរបស់អ្នកអភិវឌ្ឍន៍។ទីផ្សារលក់រាយនៅភ្នំពេញ ត្រីមាសទី២ឆ្នាំ២០១៦៖ទីផ្សារលក់រាយក៏មើលឃើញពីកំណើននៃការផ្គត់ផ្គង់ភាគច្រើនជាមួយនឹងផ្សារទំនើប ផ្សារសហគមន៍  និងហាងទំនិញកន្លែងដែល  CBRE រំពឹងថាមានការកើនឡើងក្នុងរយៈពេលពីរឆ្នាំបន្ទាប់។ទិន្និន័យក៏បានបង្ហាញដែរថា ផ្សារទំនើប តំបន់អាជីវកម្មសំខាន់ៗ និងផ្លូវអាជីវកម្មធំៗ  មានអត្រា តម្លៃជួលមធ្យមក្នុងមួយម៉ែត្រការ៉េ $៣១.៤៤ $៤៨.៣  $៣០ $៥២.៥ ដោយឡែកពីគ្នា។ គម្រោងអភិវឌ្ឍន៍រួមបញ្ចូលទាំង  Exchange Square,  AEON  និង Naga Citywalk។លោក Townsend និយាយថា ភាពចំណាស់នៃទីផ្សារ ដែលអាចបញ្ជាក់ដោយគម្រោងថ្មីៗ ដូចជា ផ្ទះសម្រាប់ពាណិជ្ជកម្ម។ លោកបាននិយាយដែរថា បច្ចុប្បន្នមានតម្រូវការច្រើន សម្រាប់ការជួល រយៈការដែលជាធម្មតាទាមទារជាមួយនឹងឱកាសវិនិយោគដែលមានគុណភាព សម្រាប់អ្នកវិនិយោគ ដែលចូលមកប្រទេសកម្ពុជា។ លោកបន្ថែមថាទីផ្សារលក់រាយកម្ពុជាកំពុងខំអូសទាញអតិថិជនផងដែរ ជាមួយការមកដល់នៃយីហោលំដាប់ អន្តរជាតិផ្សេងគ្នាដូចជាហាងកាហ្វេ Starbucks ម៉ាកLevi’s, Hugo Boss, Long Champ, Salvatore Ferragamo និង L’Occitane។ ទិន្នន័យស្រាវជ្រាវរបស់ក្រុមហ៊ុន CBRE សម្រាប់ត្រីមាសទី២ ឆ្នាំ២០១៦ បង្ហាញថាបានចូលរួមឲ្យ អត្រានៃការកាន់កាប់ខ្ពស់សម្រាប់ផ្នែកលក់រាយ ដែលភាគច្រើននៃអ្នកដែលកាន់កាប់នៃការិយាល័យ ហិរញ្ញវត្ថុ & ការប្រើប្រាស់សម្រាប់ការលក់រាយធំៗ។ វាក៏បានបង្ហាញថា “២៦% នៃការស្ទង់មតិ អ្នកលក់រាយ បញ្ជាក់ថាប្រទេសតំបន់អាស៊ីជាទីផ្សារគោលដៅឆ្នាំ២០១៦។ ជាលទ្ធផលលើការស្ទង់មតិ ក្រុមហ៊ុនCBRE រពឹងថាអាចមានការសាងសង់ និងការង្រីកបន្ថែម សម្រាប់អាជីវកម្មលក់រាយ។ សៀមរាម និងក្រុងព្រះសីហនុ របាយការណ៍ត្រីមាសទី២ ឆ្នាំ ២០១៦៖យើងទៅតាមលោក Townsend មានការអភិវឌ្ឍន៍ជាច្រើននៅសៀមរាប និងក្រុងព្រះសីហនុ ជាពិសេស សកម្មភាពការលក់រាយ និងមន្ទីរពេទ្រ។ ការពង្រឹងលើហេដ្ឋារចនាសម្ព័ន្ធគឺកំពុងជួយ ពន្លឿនលើការអភិវឌ្ឍន៍ក្នុងខេត្តទាំងពីរ។ ជាក់ស្តែងក្នុងពេលថ្មីៗ ក្រុមហ៊ុនរថភ្លើង Royal Railway បានសាងសង់ឡើងវិញសម្រាប់សេវាកម្មដឹកជញ្ជូនអ្នកដំណើរពីភ្នំពេញទៅក្រុងព្រះសីហនុ។ លោកបន្ថែមថា “កំណើននៃហេដ្ឋារចនាសម្ព័ន្ធនឹងជម្រុញការលក់រាយ ការលក់ខុនដូ និងការលក់ផ្ទះបន្ត។“ អចលនទ្រព្យមួយចំនួនមាននៅក្នុងប្រទេសកម្ពុជាដែលស្ថិតនៅក្នុងកោះខុសៗគ្នាដូចជា៖ កោះតារាសាគរ កោះសង្សារ កោះរុង និងកោះចន្លុះ។  ប៉ុន្តែលោក  Townsend ពន្យល់ថា ការលំបាកនា ពេលបច្ចុប្បន្នគឺការនាំមនុស្សទៅកាន់ខេត្តទាំងនេះ ដោយសារមានការងារជាច្រើនទៀតដែល ត្រូវធ្វើទាក់ទងនឹងហេដ្ឋារចនាសម្ព័ន្ធ។ ប៉ុន្តែលោកនិយាយពីតុល្យភាពនៃបញ្ហាទាំងនោះថា តម្លៃគឺមានភាពទាក់ទាញ៖ ឧទាហរណ៍៖ វីឡាប្រណិតសម្រាប់សំរាកលំហែរមានតម្លៃពី ២,០០០- ៣,០០០ ដុល្លារ ក្នុងមួយម៉ែត្រការ៉េ។និយាយអំពីតម្លៃប្រកួតប្រជែងគ្នាក្នុងខេត្តទាំងនេះ លោក Townsend បន្ថែមថា “ នៅពេលអ្នកអភិវឌ្ឍន៍ចាប់ផ្តើមផ្លាស់ប្តូរគោលដៅពីទីផ្សារលំនៅដ្ឋាននៅក្នុងទីក្រុងសំខាន់ធំៗ និងផ្តោតសំខាន់លើ តំបន់ឆ្នេរ បន្ទាប់មកកន្លែងដែលពួកគេសម្លឹងរកទីផ្សារថ្មី និងផលិតផលថ្មី អ្នកអាចមើល ឃើញពីការឆ្លុះបញ្ចាំងនៅក្នុងប្រទេសនេះ ជាមួយនឹងការកំណត់តម្លៃនោះ។”ទស្សនទូទៅត្រីមាសទី២ ឆ្នាំ ២០១៦៖លោក  Townsend ក៏បានលើកឡើងថា ការស្វែងរកទីផ្សារថ្មីដែលអាចមានស្រាប់ ប៉ុន្តែមិនទាន់បានកំណត់យកសម្រាប់ទីផ្សារនៅឡើយ ដូចជាឱកាសដើម្បីទាញយកការកើនឡើងការចាប់អារម្មណ៍សម្រាប់អ្នកចូលនិវត្តន៍។ក្នុងរបាយការណ៍របស់  International Living កម្ពុជាជាប់ចំណាត់ថ្នាក់លេខ ២១ ជាទីកន្លែងល្អបំផុត ក្នងពិភពលោកសម្រាប់ការសំរាកចូនិវត្តន៍។ លោក Townsend  បន្ថែមថា “យើងនៅតែបន្តស្វែងរកទីផ្សារថ្មី អ្វីដែលថ្មី និងធ្វើការវិភាគលើចំណុចទាំងនេះ។”វិស័យមួយមានការរីចម្រើនខ្លាំងក្នុងទីផ្សាគឺវិស័យឧស្សាហកម្ម ដែលតំបន់សួនឧស្សាហកម្ម និងនៅ តំបន់សេដ្ដកិច្ចពិសេសកំពុងចាប់ផ្តើមមានការរីកចម្រើនជាបណ្តើរៗ ដោយសារតម្រូវការកើនឡើង លើគោលបំណងសម្រាប់ការសាងសង់រោងចក្រជាច្រើន នេះបើយោងតាមលោក Townsend។លោកក៏បានលើកឡើងដែរថាវិស័យទេសចរណ៏គឺជាវិស័យទីមួយដែលជម្រុញសេដ្ឋកិច្ចប្រទេសកម្ពុជាឲ្យមានការរីកចំរើន “ប៉ុន្តែអ្នកទទួលបានទីផ្សាជាច្រើនអ្នកមិនអាចពឹងផ្អែកទៅលើកត្តាមួយនោះបានទេ។ អ្នកត្រូវតែពឹងផ្នែកលើប្រភពធនធានផ្សេងទៀត ហើយជាការប្រសើរដែលមានការអភិវឌ្ឍន៍ព្រលានយន្តហោះ និងហេដ្ឋារចនាសម្ព័ន្ធច្រើនបែបនេះ។”  លោក Townsend បាននិយាយថានៅពេលដែលការអភិវឌ្ឍន៍ទាំងនេះកើតមានឡើងនៅទូទាំងប្រទេសកម្ពុជា នោះវិស័យទេសចរណ៏ប្រាកដជាមានការរីកចំរើនជាក់ជាមិនខាន។សរុបជារួមមក លោក Townsend បាននិយាយថា “ប្រសិនជាអ្នកមិនទាន់ចាប់ផ្តើមអភិវឌ្ឍន៍អគារពាណិជ្ជកម្មលក់រាយ” នោះអ្នកយឺតពេលហើយ។ប្រសិនបើអ្នកសាងសង់អគារកម្រិតA ត្រូវបញ្ចប់ការ សាងសង់ឲ្យឆាប់រហ័ស។ប្រសិនបើអ្នកសាងសង់ ឫគិតចង់សាងសង់អគារកម្រិតB ហើយនិងកម្រិតC ត្រូវប្រាកដថាអ្នកដាក់ជណ្តើរយន្តគ្រប់គ្រាន់ និងមានកន្លែងចតឡានគ្រប់គ្រាន់ និងកន្លែងចតម៉ូតូ គ្រប់គ្រាន់ ព្រោះថាបើមិនមានគ្រប់គ្រាន់ទេ អ្នកក៏ត្រូវតែរៀបចំដាក់ឲ្យមានស្រេចនៅក្នុងគម្រោង ប្រសិនបើអ្នកសាងសងអ្វីមួយនៅក្នុងសួនឧស្សាហកម្ម អ្នកប្រហែលជានឹងត្រូវការចំណាយលុយជា ច្រើនលើការផ្សព្វផ្សាយ និងរៀបចំក្នុងការវិនិយោគទៅលើរោងចក្រ អ្នកអាចទាក់ ទាញទាំងអតិថិជនពីអឺរ៉ុប ឫអាស៊ីប៉ែកខាងជើង និងប្រទេសចិន។ប្រសិនបើអ្នកកំពុងធ្វើគម្រោង លំនៅដ្ឋានធំមួយ ត្រូវមានប្រាំមួយដំណាក់កាល បន្ទាប់មកត្រូវសម្លឹងមើលទៅលើទីផ្សារនៃការលក់ឡើងវិញ។ត្រូវធ្វើជានិយោគិនម្នាក់ដែលមានទស្សនវិស័យត្រឹមត្រូវ សូមតាមដានព័ត៌មានលើគេហទំព័រ Realestate.com.kh

ថ្វីបើក្រុមហ៊ុន Land and Houses (Cambodia)(LHC) Groupទើបនឹងឈានជើងចូលក្នុងទីផ្សារក៏ដោយ ប៉ុន្តែវាបានបង្កើតភាពល្បី ល្បាញនៅក្នុងវិស័យអចលនទ្រព្យកម្ពុជារួចទៅហើយ។LHC ជាក្រុមហ៊ុនមួយដែលមានបុត្រសម្ព័ន្ធក្រុមហ៊ុនចំនួន៥ ហើយក្រុមហ៊ុននីមួយៗមានជំនាញការ និងបទពិសោធន៍ផ្សេងៗគ្នា ប៉ុន្តែស្ថិតនៅក្រោមការគ្រប់គ្រងដោយនាយកគ្រប់គ្រងទូទៅរបស់ក្រុមហ៊ុនធំ។ ក្រុមហ៊ុន Land and Houses (Cambodia) Investment Co. Ltd., ជាក្រុមហ៊ុនដំបូងដែលបានចុះបញ្ជីពាណិជ្ជកម្មជាផ្លូវការនៅខែសីហា ឆ្នាំ២០១៥ ដោយអ្នកស្រី Se Lily ជាសហគ្រិនដែលមានបទពិសោធន៍ខាងអចលនទ្រព្យនៅភ្នំពេញ។ ក្រុមហ៊ុននេះមានឯកទេសក្នុងការវិនិយោគលើអចលនទ្រព្យយ៉ាងទូលំទូលាយ។ ក្រុមហ៊ុនបួនផ្សេងទៀតមានដូចជា៖ ជាក្រុមហ៊ុន Land and Houses (Cambodia) Construction Co., Ltd., Golden Han Fei, Phnom Penh Land Development និងក្រុមហ៊ុន LHC Architecture។ចំណុចសំខាន់មួយតាមរយៈបណ្តាញក្រុមហ៊ុនេះ LHC អាចផ្តល់ជូនសេវាកម្មទូលំទូលាយតាមតម្រូវការអតិថិជន ដោយមិនត្រូវការធនធានពីខាងក្រៅក្រុមហ៊ុនទេ។ក្រុមហ៊ុនវិនិយោគចម្រុះ៖ គន្លឹះដើម្បីផ្តល់នូវទីផ្សាររបស់ LHCជាមួយនឹងការចុះបញ្ជីឈ្មោះនៃក្រុមហ៊ុនផ្សេងៗដែលស្ថិតក្រោមក្រុមហ៊ុន LHC ការសហការ និងប្រឹក្សាយោបល់ជាមួយគ្នាទៅវិញទៅមក ក្រុមហ៊ុនLHC group   ផ្តល់ជូនកម្រិតសេវាកម្មឯកទេសដែលអាចធានាដល់ក្រុមហ៊ុនឲ្យអាចទទួលយកវិនិយោគិនអចលនទ្រព្យ អ្នកអភិវឌ្ឍន៍ និងអ្នកលក់អចលនវត្ថុចាប់តាំងពីចាប់ផ្តើមរហូតដល់បញ្ចប់គម្រោងរបស់ពួកគេ។សេវាកម្មទាំងនេះរួមមាន៖ ក្រុមហ៊ុនវិនិយោអចលនទ្រព្យក្នុងស្រុក និងអន្តរជាតិ ការអភិវឌ្ឍន៍អចលទ្រព្យ ការប្រឹក្សាអចលនទ្រព្យ និងការសិក្សាពីលទ្ធភាពជោគជ័យរបស់គម្រោង ការវាយតម្លៃលើអចលនទ្រព្យ ការគ្រប់គ្រងអចលនទ្រព្យ ការសាងសង់ និងការរចនាលើការសាងសង់។ សេវាកម្មទាំងនេះត្រៀមរួចរាល់សម្រាប់អតិថិជន អន្តរជាតិ អតិថិជនក្នុងស្រុក និងអតិថិជនសាជីវកម្ម។ សូមទាក់ទង LHC ថ្ងៃនេះ និងស្វែងរកព័ត៌មានបន្ថែមទៀត! គុណភាព និងឧត្តមភាព៖ ការរួមបញ្ចូលគ្នានូវទេពកោសល្យអន្តរជាតិ ជាមួយចំណេះដឹងក្នុងតំបន់របស់ LHC ក្រុមហ៊ុន Land and Houses (Cambodia) Group ក៏រក្សាគុណភាពនៃភាពជឿជាក់ និងទំនុកចិត្តតាមរយៈការប្រើប្រាស់សម្ភារៈលំដាប់ខ្ពស់  បុគ្គលិកដែលមានវិជ្ជាជីវៈ និងគុណភាពខ្ពស់ និងវប្បធម៌នៃតម្លាភាព។ លក្ខណៈនេះត្រូវសម្រេចបានដោយការបង្កើតភាពជាដៃគូវិនិយោគរួមគ្នាជាមួយអ្នកលក់មកពីជុំវិញតំបន់ ការបង្កើតក្រុមហ៊ុនថ្មីមួយដែលអាចទទួល បានពីបទពិសោធន៍អន្តរជាតិ រួមជាមួយនឹងបទពិសោធរបស់ក្រុមហ៊ុនទីផ្សារក្នុងស្រុកនៅកម្ពុជា។នាយកគ្រប់គ្រងទូទៅនៃក្រុមហ៊ុន លោក Tyler Stuart ដែលជាអ្នកជំនាញខាងទីផ្សារ និងអចលនទ្រព្យដែលមានដើមកំណើតប្រទេសអង់គ្លេស មានបទពិសោធន៍ច្រើនឆ្នាំក្នុងទីផ្សារក្នុងស្រុក និងអន្តរជាតិ។ លោក Tyler Stuart មានគោលបំណងច្បាស់លាស់សម្រាប់ក្រុមហ៊ុនទាំងមូល និងរក្សាបុគ្គលិកទាំងអស់ឲ្យមានឯកទេសត្រឹមត្រូវ និងបានជម្រុញឲ្យពួកគេឈានដល់គោលដៅផ្ទាល់ខ្លួន និងក្រុមហ៊ុនរបស់ពួកគេ។ជំនាញវិជ្ជាជីវៈទាមទាឲ្យមានការបណ្តុះបណ្តាលក្នុងស្រុក និងអន្តរជាតិ ក្រុមហ៊ុន LHC បានធ្វើការលើគម្រោងមួយចំនួនរួចមកហើយ។ ក្រុមអ្នកស្រាវជ្រាវ អ្នកលក់ អ្នកវិភាគ អ្នកប្រឹក្សាយោបល់ ភ្នាក់ងារអចលនទ្រព្យ និងអ្នកអង្កេតទីផ្សាររបស់ក្រុមហ៊ុនដែលមានសមត្ថភាព និងចំណេះដឹងខាងទីផ្សារ ការលក់ និងការប្រឹក្សាលើការអភិវឌ្ឍន៍ដូចជា៖ បុរីVarina លំនៅដ្ឋានជ្រោយចង្វារ បុរីមហាសែនសុខ និងគម្រោងអភិវឌ្ឍន៍ចម្រុះលំដាប់ល្អបំផុត។  The Skyline អគារមាន៣៩ជាន់ជាគម្រោងអភិវឌ្ឍន៍ចម្រុះដែលមានអគារខ្ពស់ចំនួន៣ស្ថិតនៅកណ្តាលក្រុងភ្នំពេញ ដែលសាងសង់លើផ្ទៃដីសរុប ៤,៨៣៦ម៉ែត្រការ៉េ។ The Skyline មានចំណតរថយន្តចំនួន៦ជាន់ និងហាងទំនិញចំនួន៣ជាន់នៅជាន់ផ្ទាល់ដី។ គម្រោងនឹងបញ្ចប់ការសាងសង់នៅខែធ្នូ ឆ្នាំ២០១៨។ ក្រុមហ៊ុន LHC ទទួលសិទ្ធិជាអ្នកគ្រប់គ្រង និងអ្នកលក់លើគម្រោង Skyline ទាំងមូល។ការប្តេជ្ញាចិត្តដើម្បីសម្រេចការងារ៖អ្វីដែលធ្វើឲ្យក្រុមហ៊ុន  Land and Houses (Cambodia) Investment មានភាពខុសប្លែកពីក្រុមហ៊ុនអចលនទ្រព្យផ្សេងទៀតនៅកម្ពុជាគឺជាសមត្ថភាពតែមួយគត់របស់ពួកគេដើម្បីផ្តល់នូវសេវាកម្មមួយដ៏មានប្រសិទ្ធិភាព ចាប់តំាងពីពេលចាប់ផ្តើមរហូតដល់បញ្ចប់ ដែលអនុញ្ញាតឲ្យអតិថជនមានពេលវេលាគ្រប់គ្រាន់ក្នុងការសម្រាក និងធានដល់អចលនទ្រព្យរបស់ពួកគេមានសុវត្ថិភាព។ហេតុផល៦យ៉ាងថាហេតុអ្វីបានជាការផ្តល់ជូនសេវាកម្មរបស់ LHC ផ្តល់ជូនអ្នកនូវភាពកាន់តែប្រសើរមានដូចជា៖ ផែនការទីផ្សាររឹងមំា វិធីសាស្រ្តលក់តាមប្រព័ន្ធអ៊នឡាញ ក្រុមការងារប្រកបដោយគំនិតវិជ្ជមាន និងភាពអំណត់ គ្រប់គ្រងការទំនាក់ទំនងការទិញរបស់អតិថិជន ជំនាញក្នុងការចរចា និងការគាំទ្រផ្នែករដ្ឋបាល។ពួកគេនៅជាមួយអ្នកតាំងពីពេលចាប់ផ្តើម ពេលទិញអចលនទ្រព្យ និងពេលធ្វើការសិក្សាពីភាពដែលអាចទទូលបានជោគជ័យរបស់គម្រោង តាមរយៈការគ្រប់គ្រងអចលនទ្រព្យ ការថែរក្សា និងការជួលជាដើម។ នេះជាការប្តេជ្ញាធ្វើជាដៃគូរយៈពេលវែងជាមួយអតិថិជនរបស់ខ្លួន!ដូច្នេះប្រសិនបើអ្នកស្វែងរកអ្នកផ្តល់សេវាកម្មបែបនេះដែលស្របតាមតម្រូវការរបស់អ្នក មិនថាអ្នកជាអ្នកលក់លក្ខណៈឯកជន ម្ចាស់អចលនទ្រព្យ និងអ្នកប្រតិបត្តិការ ឫអ្នកអភិវឌ្ឍន៍ដែលកំពុងចង់ដាក់គម្រោងនៅកម្ពុជា សូមពិចារណាលើ ក្រុមហ៊ុន Land & Houses (Cambodia) Group ក្នុងការជួយអ្នកតាមរយៈជំហាននីមួយៗនៃដំណើរការ។សូមទាក់ទងមក LHC ថ្ងៃនេះ និងស្វែងរកព័ត៌មានបន្ថែមទៀត!

នៅពេលនិយាយដល់ការផ្គត់ផ្គង់ គេត្រូវពិនិត្យមើលតម្រូវការជាក់ស្តែងមុនពេលវិនិយោគលើវិស័យអ្វីមួយ ជាក់ស្តែងទីផ្សារអាផាតមេនកំពុងដើរមកដល់ផ្លូវកាន់តែចង្អៀត ខណៈទំហំនៃការផ្គត់ផ្គង់បានកើនឡើង ធៀបនឹងតម្រូវការនៅមានកម្រិត ហើយវិស័យខុនដូបាននឹងកំពុងចូលមកក្នុងទីផ្សាររួមគ្នាមួយនេះ។អគ្គនាយក្រុមហ៊ុនអចលនទ្រព្យKFAលោកឧកញ៉ានួន រិទ្ឋីបានថ្លែងឲ្យដឹងថាតំលៃអាផាតមេនបានធ្លាក់ចុះចន្លោះពី១០ ទៅ២០ភាគរយធៀបនឹងឆ្នាំមុន ដោយសារការផ្គត់ផ្គង់អាផាតម៉ិនច្រើនចូលទីផ្សារ និងអ្នកវិនិយោគមួយចំនួនបានបំពាក់សម្ភារៈមិនសូវមានគុណភាព ធ្វើឲ្យពួកគេអាចដាក់តំលៃជួលទាបជាងមុន ពិសេសម្ចាស់អាផាតមេនចាស់ៗដែលមិនបានធ្វើបច្ចុប្បន្នភាពអាគាររបស់ពួកគេ ក៏បានធ្វើការទំលាក់តំលៃជួលរបស់ពួកគេផងដែរ។លោកបន្តថា “ទីផ្សារបច្ចប្បន្ននេះកំពុងមានការប្រកួតប្រជែងគ្នាទាំងតំលៃ សេវាកម្ម និងគុណភាព ដូច្នេះអ្នកវិនិយោគដែលមិនគិតពីអនាគត ពួកគេនឹងមានបញ្ហានៅពេលខាងមុខ”។លោកបន្តថា “អាផាតមេនដែលគ្មានអាងហែលទឹកនៅលើកំពូល គ្មានចំណតយានយន្ត និងកន្លែងហាត់ប្រាណ ពិតជាប្រឈមមុខនឹងបញ្ហាកាន់តែខ្លាំងក្នុងការស្វែងរកអ្នកជួល”។ប្រធានគ្រប់គ្រងទូទៅនៃក្រុមហ៊ុនអេស៊ារៀលអេស្ទេតលោកប៉ូ អ៊ាវគង់បានថ្លែងថា ទីផ្សារអាផាតម៉ិនមិនត្រឹមតែប្រកួតប្រជែងជាមួយអាផាតមេនដូចគ្នាទេ តែក៏កំពុងប្រកួតប្រជែងជាមួយទីផ្សារខុនដូ ដែលបាននិងកំពុងកើនទ្បើងយ៉ាងគំហុកផងដែរ ព្រោះខុនដូនិងអាផាតមេនអាចប្រើប្រាស់សម្រាប់គោលដៅដូចគ្នា ដែលកត្តានេះបាននិងកំពុងធ្វើឲ្យទីផ្សារអាផាតមេនកាន់តែចង្អៀត។លោកបន្តថា តំលៃជួលអាផាតមេនបានធ្លាក់ចុះក្នុងរង្វង់ពី៥ទៅ១០ភាគរយអាស្រ័យតាមតំបន់ និងលក្ខខ័ណ្ឌរបស់អាផាតមេននិមួយៗ។លោកបន្តថា“អត្រាប្រើប្រាស់អាផាតមេនអាចមានកំណើនតិចតួចនៅឆ្នាំនេះ ប៉ុន្តែការផ្គត់ផ្គង់ចូលទីផ្សាររបស់អាគារ អាផាត មេននានាបានកើនទ្បើងកាន់តែច្រើន ធៀបនឹងតម្រូវការជាក់ស្តែង”។លោកបន្តថា “វាដល់ពេលដែលវិស័យអាផាតមេន និងខុនដូប្រកួតប្រជែងគ្នាកាន់តែស្រួចស្រាវពីឆ្នាំនេះទៅ ប៉ុន្តែបើនិយាយពីចំនួនអាផាតមេនដែលមានបច្ចុប្បន្នគឺមិនទាន់ដល់កម្រិតខ្ពស់ពេកនោះទេ”។លោកបន្តថាតំលៃអាផាតមេនកម្រិតAមានតំលៃក្នុងរង្វង់២០ដុល្លារ អាផាតមេនកម្រិតBមានតំលៃចន្លោះ១០ទៅ១៥ដុល្លារ និងអាផាតមេនកម្រិតCមានតំលៃចន្លោះពី៧ទៅ១០ដុល្លារក្នុងមួយម៉ែត្រការ៉េ។ យោងតាមការសិក្សារបស់ក្រុមហ៊ុនប៊ុណ្ណារៀលធីគ្រុប កាលពីឆ្នាំមុនបានឲ្យដឹងថា ចំនួនអាផាតមេនដែលបានផ្គត់ផ្គង់ចូលទីផ្សារ កាលពីឆ្នាំមុនមានកំណើន៣៥ភាគរយធៀបនឹងឆ្នាំ២០១៤ ដោយចំនួនអាផាតមេនបានកើនដល់ចំនួនជាង៦០០០យូនីត ធៀបនឹង៤០០០យូនីតកាលពីឆ្នាំ២០១៤។ប្រធានសមាគមអ្នកវាយតំលៃ និងភ្នាក់ងារអចលនវត្ថុកម្ពុជាលោកគីម ហ៊ាងបានថ្លែងយល់ស្របនឹងការលើកឡើងខាងលើ ដោយលោកបានថ្លែងថា ទីផ្សារអាផាតមេនបានឈានដល់ដំណាក់កាល “ត្រីធំស៊ីត្រីតូច” មានន័យថាអាផាតម៉ិនចាស់កំពស់ពី៥ទៅ៧ជាន់នៅតំបន់បឹងកេងកង១ ត្រូវធ្វើបច្ចុប្បន្នភាពសេវាកម្មរបស់ពួកគេឬត្រូវវាយចោល ដើម្បីសាងសង់អាគារខ្ពស់ ដែលមានភាពទាក់ទាញទាំងរចនាបទ ការរចនាក្នុងអាគារ និងការបំពាក់សេវាកម្ម សម្ភារៈបរិក្ខាទំនើបដើម្បីទាក់ទាញអតិថិជន។លោកបន្តថា “បច្ចុប្បន្នទីផ្សារនេះដល់ដំណាក់កាលថ្មីមួយ ដែលអ្នកខ្លាំងទើបឈរជើងបាននៅក្នុងទីផ្សារនេះ ហើយអ្នកខ្សោយនឹងស្លាប់”។ទោះជាយ៉ាងណាលោកខុម មុនីរតន៍ប្រធានក្រុមប្រឹក្សាភិបាលក្រុមហ៊ុនDaily Realty Groupបានបដិសេធនឹងការលើកទ្បើងខាងលើ ដោយលោកបានថ្លែងថា “ខ្ញុំសង្កេតឃើញចំនួនប្រើប្រាស់អាផាតមេនមិនផ្លាស់ប្តូរទេ ជាក់ស្តែងអាផាតមេនប្រណីតនៅតំបន់បឹងកេងកេង១ នៅតែមានអ្នកប្រើប្រាស់ចន្លោះពី៩០ទៅ៩៥ភាគរយដដែល”។លោកបន្តថា “តំលៃជួលអាផាតមេនក៏មិនធ្លាក់ចុះនោះទេ ទាំងអាផាតមេន ដែលមាការឌីសាញអាគារទំនើបៗ និងអាផាតមេនដទៃទៀត ប៉ុន្តែខ្ញុំទទួលស្គាល់ថា ការប្រកួតប្រជែងក្នុងវិស័យនេះកំពុងកើនទ្បើង”។លោកបន្តថា ចំនួនអ្នកប្រើប្រាស់អាផាតមេនបាននិងកំពុងកើនទ្បើងច្រើន ដោយសារកម្ពុជាទទួលបានអ្នកវិនិយោគមកពីប្រទេសសឹង្ហបុរី និងប្រទេសជប៉ុនចូលមកកាន់តែច្រើននៅឆ្នាំនេះ ដោយសារកម្ពុជាកាន់តែមានស្ថិរភាព និងការចាប់ផ្តើមសហគមន៍សេដ្ឋកិច្ចអាស៊ាន។សូមពិនិត្យមើលអំពីគម្រោងខុនដូនៅលើ Realestate.com.kh!អត្ថបទនេះបានចុះផ្សាយនៅក្នុងទស្សាវដ្តី PROPERTY VIEW ខែកញ្ញា ឆ្នំា ២០១៦ ដែលបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។Realestate.com.kh មានកិត្តិយសធ្វើជាដៃគូផ្សព្វផ្សាយជាមួយទស្សនាវដ្តីអចលនទ្រព្យ Property View ដែលជាទស្សនាវដ្តីបង្កើតឡើងដោយសមាគមន៍អ្នកវាយតម្លៃនិងអចលនវត្ថុកម្ពុជា។  សម្រាប់ព័ត៌មានបន្ថែមអំពីក្លាយជាសមាជិករបស់សមាគមន៍អ្នកវាយតម្លៃនិងអចលនវត្ថុកម្ពុជា សូមចុចទីនេះ។  ប្រសិនបើអ្នកចង់ធ្វើការផ្សព្វផ្សាយពាណិជ្ជកម្មនៅក្នុងទស្សាវដ្តី Property View សូមធ្វើការទាក់ទង ទៅកាន់លោក វីរិទ្ធតាមរយៈអ៊ីម៉េលvirith007@yahoo.com ឬទូរស័ព្ទលេខ 078 959 567  - 098 66 26 68