ខណៈដែលទីក្រុងបានរីកឥតឈប់ឈរ សង្កាត់ចោមចៅ សង្កាត់កាកាប ត្រូវបានគេមើលឃើញថាមានផ្ទះធំៗ និងឧស្សាហកម្មលូតលាស់យ៉ាងខ្លាំង។សេចក្ដីផ្ដើមស្ថិតនៅភាគខាងលិចនៃទីក្រុង ខណ្ឌពោធិ៍សែនជ័យបច្ចុប្បន្នជាខណ្ឌធំជាងគេមួយក្នុងចំណោមខណ្ឌទាំង១២ក្នុងរាជាធានីភ្នំពេញ ហើយមានលំនៅដ្ឋានចំនួន១៨៤,០០០។ បច្ចុប្បន្នខណ្ឌពោធិ៍សែនជ័យ ត្រូវបានបែងចែកជាសង្កាត់ចំនួន១០មានដូចជា៖ សង្កាត់ បឹងធំ សង្កាត់ចោមចៅ សង្កាត់កាកាប សង្កាត់កំបូល សង្កាត់ឱឡោក សង្កាត់ ភ្លើងឆេះរទេះ សង្កាត់សម្រោងក្រោម សង្កាត់ស្នោរ និងសង្កាត់ ត្រពាំងក្រសាំង។ ខណ្ឌពោធិ៍សែនជ័យជាប់ព្រំប្រទល់ជាមួយនឹងខណ្ឌចំនួនបួនមានដូចជា៖ ខណ្ឌព្រែកភ្នៅ ស្ថិតនៅភាគខាងជើង ខណ្ឌសែនសុខ និងខណ្ឌ មានជ័យស្ថិតនៅភាគខាងកើត និងខណ្ឌដង្កោស្ថិតនៅភាគខាងត្បូងនៃខណ្ឌពោធិ៍សែនជ័យ។ការសង្ខេបអំពីទីផ្សារខណ្ឌពោធិ៍សែនជ័យរយៈពេលមួយទស្សវត្សចុងក្រោយនេះត្រូវបានគេមើលឃើញថា មានការអភិវឌ្ឍន៍ឥតឈប់ឈរ ជាពិសេសគឺវិស័យលំនៅដ្ឋាន វិស័យពាណិជ្ជកម្ម និងអនុវិស័យឧស្សាហកម្មដែលធ្វើឱ្យតម្លៃដីកើនឡើង។ ខណ្ឌ ពោធិ៍សែនជ័យត្រូវបានគេសង្កេតរយៈពេល៣ឆ្នាំឃើញថា ខណ្ឌនេះមានកំណើនតម្លៃដីជាមធ្យម៣១ភាគរយចាប់ពី ១១០ដុល្លារក្នុងមួយម៉ែត្រការ៉េក្នុងឆ្នាំ២០១៣ រហូតដល់ឆ្នាំ២០១៦កើនដល់ជាមធ្យមក្នុងខណ្ឌប្រហែល១៧០ដុល្លារក្នុងមួួយម៉ែត្រការ៉េគិតត្រឹមត្រីមាសទី៣ឆ្នាំ២០១៦។ ក្នុងរយៈពេល៣ឆ្នាំ២០១៤និង២០១៥ ត្រូវបានគេកត់សម្គាល់ថាជាឆ្នាំដែលតម្លៃដីឡើងខ្លាំងបំផុត ប៉ុន្តែអំឡុង៣ត្រីមាសក្នុងឆ្នាំ២០១៦តម្លៃក៏ធ្លាក់ចុះ នេះធ្វើអោយមានការផ្លាស់ទីពីស្ថានភាពមួយដែលទីផ្សារអចលនទ្រព្យរួមបានធ្លាក់ចុះជាលំដាប់គិតចាប់តាំងពីចុងឆ្នាំ២០១៥ មក។ផ្ទុយទៅវិញទីផ្សារលំនៅដ្ឋាននិងការពុះដីឡូត៏ដែលត្រូវបានធ្វើឡើងដោយអ្នកអភិវឌ្ឍន៏ត្រូវបានគេមើលឃើញថាជា កត្តាជម្រុញឱ្យទីផ្សារងើបឡើងវិញម្ដងទៀតប៉ុន្តែមានការកើនឡើងយឺតដែលការផ្លាស់ប្តូរនេះនៅតែបន្តជួយជម្រុញ ឱ្យមានតម្រូការទីផ្សារ ហើយកត្តានេះអាចរក្សាតម្លៃអចលនទ្រព្យពីការធ្លាក់ចុះយ៉ាងខ្លាំងមកធម្មតាវិញ។ទីផ្សារដីនឹងតម្លៃជាទូទៅតម្លៃដីក្នុងខណ្ឌពោធិ៍សែនជ័យកើនឡើង៣១ភាគរយពីមួយឆ្នាំទៅមួយឆ្នាំចាប់តាំងពីឆ្នាំ២០១៣រហូតដល់ឆ្នាំ ២០១៥ ខណៈដែលសង្កាត់ចំនួន២សង្កាត់កាកាប និងសង្កាត់ចោមចៅ កើនឡើងតិចជាង១០ភាគរយពីមួយឆ្នាំទៅមួយឆ្នាំ ពីព្រោះតម្លៃដីក្នុងសង្កាត់២នេះបានឡើងរួចទៅហើយបើធៀបទៅនឹងសង្កាត់ផ្សេងទៀតក្នុងខណ្ឌពោធិ៍សែនជ័យ។ប៉ុន្តែជាងនេះទៅទៀតក្នុងការឱ្យតម្លៃដីធ្លីនិងតំបន់ពាណិជ្ជកម្ម សង្កាត់កាកាប និងសង្កាត់ចោមចៅ ជាសង្កាត់ដែលលេចធ្លោជាងសង្កាត់ផ្សេងទៀតវាក៏ជាទីតំាងដ៏ល្អសម្រាប់ទិសដៅអាជីវកម្ម។ សង្កាត់កាកាបស្ថិតនៅជាប់សង្កាត់ទឹកថ្លានៃខណ្ឌសែនសុខប៉ុន្តែសង្កាត់ចោមចៅស្ថិតនៅភាគខាងលិច។ក្នុងសង្កាត់ចោមចៅតម្លៃដីក្នុងសង្កាត់ប្រហែល៣៥ដុល្លារក្នុងមួយម៉ែត្រការ៉េ ក្នុងតំបន់មិនទាន់អភិវឌ្ឍន៏នៅតាមផ្លូវសំខាន់ៗ មានតម្លៃ១,៨០០ដុល្លាក្នុងមួយម៉ែត្រការ៉េ (ជាក់ស្ដែងតាមបណ្ដោយមហាវិថីសហព័ន្្ធរុស្សី) និងតំបន់ពាណិជ្ជកម្មមួយចំនួន ទៀត។ តម្លៃដីជាមធ្យមក្នុងសង្កាត់ ចោមចៅមានតម្លៃ ៤០០ដុល្លារ ក្នុងមួយម៉ែត្រការ៉េក្នុងត្រីមាសទី៣ឆ្នាំ២០១៦ដែលកើនឡើងពី៣២០ដុល្លារកាលពីឆ្នាំ២០១៣ កំណើនជាមធ្យមសម្រាប់តម្លៃដីនៅលើទីផ្សារប្រហែល៨ភាគរយពីមួយ ឆ្នាំទៅមួយឆ្នាំ។ សង្កាត់ចោមចៅស្ថិតនៅជិតព្រលានយន្តហោះអន្តរជាតិភ្នំពេញហើយស្ថិតនៅជិតផ្លូវនៃរាជធានីមួយចំនួនផងដែរដូចជា៖ មហាវិថីសហព័ន្ធរុស្សី ផ្លូវជាតិលេខ៣ និងផ្លូវជាតិលេខ៤ ជាងនេះទៅទៀត វាស្ថិតនៅជាប់បណ្ដោយមហាវិថីវ៉េងស្រេង ទៀតផង។បើយោងទៅលើទីតាំងភូមិសាស្រ្តសង្កាត់កាកាប មានលក្ខខណ្ឌទីផ្សារដូចសង្កាត់ចោមចៅដែរប៉ុន្តែស្ថិតនៅជិតតំបន់ពាណិជ្ជកម្មរបស់រាជធានីជាងសង្កាត់ចោមចៅដែលធ្វើឱ្យសង្កាត់កាកាបមានភាពលេចធ្លោដែលធ្វើឲ្យដីមានតម្លៃខ្ពស់និងតម្រូវការពាណិជ្ជកម្មជាងសង្កាត់ចោមចៅ។ តម្លៃដីនៅសង្កាត់កាកាបកើនឡើង១០ភាគរយជារៀងរាល់ឆ្នាំពីមធ្យម៣៨០ដុល្លារក្នុងមួយម៉ែត្រការ៉េ នៅឆ្នាំ២០១៣ ទៅ ៤៩០ ដុល្លារ ក្នុងត្រីមាសទី៣ ឆ្នាំ២០១៦។ តម្លៃដីរបស់ទីផ្សារដីនៅសង្កាត់កាកាបមានតម្លៃទាបបំផុតចាប់ពី ៧០ដុល្លារ ក្នុងមួយម៉ែត្រការ៉េ ហើយនៅក្នុងតំបន់មិនទាន់អភិវឌ្ឍន៏នៅតាមបណ្ដោយមហាវិថីសំខាន់ៗនិងតំបន់ពាណិជ្ជកម្មសំខាន់ៗ មួយចំនួនទៀតមានតម្លៃប្រហែល ២,០៨០ ដុល្លារក្នុងមួយម៉ែត្រការ៉េ។ជាងនេះទៅទៀតកំណើនតម្លៃដីគួឱ្យកត់សម្គាល់បានបង្ហាញថាក្នុងសង្កាត់ដែលអភិវឌ្ឍន៏តិចតួចថាហាក់បីដូចជាប្រកួតប្រជែង ជាមួួយតម្លៃក្នុងតំបន់សំខាន់ៗនិងបណ្ដោយផ្លូវសំខាន់ៗ  ការយល់ឃើញនេះមានឥទ្ធិពលទៅលើតំបន់ដែលមិនទាន់អភិវឌ្ឍន៏មួយចំនួនក្នុងខណ្ឌពោធិ៍សែនជ័យ។ ជាក់ស្ដែងចំពោះឃុំដែលមានការអភិវឌ្ឍន៏តិចតួចដូចជា៖ សង្កាត់សម្រោងក្រោម សង្កាត់ កំបូលសង្កាត់ស្នោរ និងសង្កាត់ត្រពាំងក្រសាំងដែលតម្លៃដីធ្លាប់កើនឡើងប្រហែល៤០ភាគរយពីមួយឆ្នាំទៅមួយឆ្នាំជាពិសេសពីតម្លៃទាបទៅតម្លៃខ្ពស់ដោយការអភិវឌ្ឍន៏ទាន់សម័័យដោយការពុះដីឡូត៏លក់។ សង្កាត់សម្រោងក្រោមដែលស្ថិតនៅជិតផ្លូវទំនប់កប់ស្រូវត្រូវបានគេមើលឃើញថាតម្លៃកើនឡើងគួរឱ្យកត់សម្គាល់តាមរយៈការអភិវឌ្ឍន៏ផ្លូវថ្នល់ដែលកំពុងតែសាងសង់ជិតនឹងរួចរាល់។ ក្នុងឆ្នាំ២០១៣តម្លៃដីក្នុងទីផ្សារជាមធ្យមក្នុងសង្កាត់សម្រោងក្រោមប្រហែលជា៤៥ដុល្លារក្នុងមួយម៉ែត្រការ៉េហើយក្នុងត្រីមាសទី៣ឆ្នាំ២០១៦ តម្លៃដីជាមធ្យមឡើងដល់១៥០ដុល្លារក្នុងមួយម៉ែត្រការ៉េ។ កំណើនជាមធ្យមប្រចាំឆ្នាំកើនឡើងក្នុងសង្កាត់សម្រោងក្រោមប្រហែលជា៨០ភាគរយក្នុងរយៈពេល ៣ឆ្នាំ។ស្រដៀងគ្នានេះដែរសង្កាត់កំបូលសង្កាត់ស្នោរ និងសង្កាត់ត្រពាំងក្រសាំងតម្លៃដីធ្លាប់ឡើងយ៉ាងខ្លាំងគឺដោយសារ (១)ការកើនឡើងការអភិវឌ្ឍន៏ដោយពុះដីឡូត៏លក់(២) កើនឡើងតម្រូវការចំពោះដីដែលមានតម្លៃទាប និងតំបន់ជាយក្រុងនៃរាជធានី និង (៣) ការពង្រីកជាយក្រុងជាពិសេសនៅដើមទស្សវត្សនេះ។  ផ្លូវសំខាន់ៗនិងតម្លៃសង្កាត់ចោមចៅសង្កាត់ចោមចៅស្ថិតនៅខាងលិចឈាងខាងត្បូងនៃព្រលានយន្តហោះអន្តរជាតិភ្នំពេញដែលជាតំបន់ពាណិជ្ជកម្មនិង លំនៅដ្ឋានពិសេសគឺស្រដៀងនឹងសង្កាត់កាកាបដែរ។ ទីក្រុងលំនៅដ្ឋាននិងសកម្មភាពពាណិជ្ជកម្មផ្ដោតតែទៅលើតែតាមបណ្ដោយផ្លូវសំខាន់ៗដូច្នេះធ្វើឱ្យតម្លៃអចលនទ្រព្យនៅជិតផ្លូវថ្លៃជាងតំបន់ដែលមានការអភិវឌ្ឍន៏តិច និងជាយក្រុងដែលមិនទាន់អភិវឌ្ឍន៏។ ក្នុងត្រីមាសទី៣ឆ្នាំ២០១៦តម្លៃដីជាមធ្យមតាមបណ្ដោយមហាវិថីសហព័ន្ធរុស្សីក្នុងសង្កាត់ចោមចៅប្រហែល១,៥២០ដុល្លារ ក្នុងមួយម៉ែត្រការ៉េដែលតម្លៃដីមានចន្លោះពី ១,៤០០ ដុល្លារទៅ១,៨០០ដុល្លារក្នុងមួយម៉ែត្រការ៉េ។ផ្លូវជាតិលេខ៤ជាផ្លូវភ្ជាប់ជាមួយមហាវិថីសហព័ន្ធរុស្សីដែលដីនៅតាមបណ្ដោយផ្លូវនេះមានតម្លៃជាមធ្យម៤៣០ដុល្លារក្នុងមួយម៉ែត្រការ៉េ។ តម្លៃជារួមចាប់ពី១៤០ដុល្លារក្នុងមួយម៉ែត្រការ៉េ នៅភាគខាងលិចនៃសង្កាត់ហើយដីមានតម្លៃ១,៣០០ដុល្លារ ក្នុងមួយម៉ែតការ៉េក្នុងតំបន់ជិតរង្វង់មូលចោមចៅ។នៅតាមបណ្ដោមហាវិថីវ៉េងស្រេងតម្លៃដីចន្លោះពី៦០០ដុល្លាក្នុងមួយម៉ែត្រការ៉េក្នុងតំបន់ដែលមានការអភិវឌ្ឍន៏តិចទៅ១,៥៥០ ដុល្លារក្នុងមួយម៉ែត្រការ៉េ ក្នុងតំបន់ពាណិជ្ជកម្មពិសេសដែលតម្លៃនៅលើទីផ្សារជាមធ្យម៨៥០ដុល្លារក្នុងមួយម៉ែត្រការ៉េ។សង្កាត់កាកាបសង្កាត់កាកាបស្ថិតនៅជិតទីក្រុងនិងជាសង្កាត់ដែលនៅជិតព្រលានយន្នហោះអន្តរជាតិភ្នំពេញ។ សង្កាត់នេះជាប់នឹងផ្លូវធំៗចំនួន៤ដែលជាទីកន្លែងធ្វើអាជីវកម្មសំខាន់ៗដូច្នេះហើយវាធ្វើឱ្យតម្លៃដីនៅតំបន់នេះមានតម្លៃខ្ពស់។តំបន់ដីដែលមានតម្លៃខ្ពស់ក្នុងសង្កាត់កាកាបគឺតាមបណ្ដោយមហាវិថីសហព័ន្ធរុស្សីដែលតាមបណ្ដោយផ្លូវនេះដីមានតម្លៃ ប្រហែល១,៦៥០ដុល្លារ ក្នុងមួយម៉ែត្រការ៉េក្នុងត្រីមាសទី៣ ឆ្នាំ២០១៦ តម្លៃជាមធ្យមប្រហែល៨៥០ដុល្លារ ឡើងទៅក្នុងមួយម៉ែត្រការ៉េ ជាធម្មតាដីដែលទំនេរធំៗមានតម្លៃ ២,០៨០ ដុល្លារ ក្នុងមួយម៉ែត្រការ៉េ នៅតាមតំបន់ពាណិជ្ជកម្មសំខាន់ៗ។នៅតាមបណ្ដោយផ្លូវដែលដីមានតម្លៃថ្លៃនៅសង្កាត់កាកាបគឺផ្លូវ២០០៤ក្រៅពីមហាវិថីសហព័ន្ធរុស្សីនៅតាមផ្លូវវត្ដអង្គតាមិញ។ តាមបណ្ដោយផ្លូវ ២០០៤ តម្លៃដីនៅលើទីផ្សារជាមធ្យមគឺ ១,៣០០ ដុល្លារក្នុងមួយម៉ែត្រការ៉េហើយតម្លៃជាមធ្យមពី៨០០ដុល្លារ ទៅ ១,៨៥០ ដុល្លារក្នុងមួយម៉ែត្រការ៉េ។បន្ទាប់មកតាមបណ្ដោយផ្លូវឧកញា ទ្រី ហេង (ផ្លូវ ២០១១) ដែលជាតំបន់ដីក្រៅពីមហាវិថីសហព័ន្ធរុស្សីឆ្លងកាត់ផ្លូវរថភ្លើង តម្លៃដីជាមធ្យម៧៨០ដុល្លារ ក្នុងមួយម៉ែត្រការ៉េ តម្លៃទាបបំផុតចាប់ពី ៥៧០ ដុល្លារ ទៅ១,២០០ដុល្លា ក្នុងមួយម៉ែត្រការ៉េ។ ក្រៅពីនេះ នៅតាមបណ្ដោយផ្លូវ១០៥កា តម្លៃដីមានការប្រកួតប្រជែងទាបជាង។ នៅត្រីមាសទី៣ក្នុងឆ្នាំ២០១៦ តម្លៃដីលើទីផ្សារជាមធ្យមនៅតាមបណ្ដោយផ្លូវនេះគឺ៣០០ដុល្លារក្នុងមួយម៉ែត្រការ៉េ បើទោះបីជាតំបន់ពេញនិយមមួយចំនួនមានតម្លៃរហូតដល់៧៥០ ដុល្លារក្នុងមួួយម៉ែត្រការ៉េក៏ដោយ។ទស្សនៈនិងការប្រែប្រួលទីផ្សារនឹងបម្រែបម្រួលតម្លៃការកើនឡើងតម្លៃដីនៅខណ្ឌពោធិ៍សែនជ័យហាក់បីដូចជានៅថេរតាំងពីដើមឆ្នាំកន្លងទៅ ហើយវាត្រូវបានគេព្យាករណ៏ថានឹងកើនឡើងបន្តិចបន្តួចនៅពីរឆ្នាំក្រោយដែលចាប់ពីឆ្នាំ២០១៨ទៅ។ ជាទូទៅការកើនឡើងតម្លៃដីនៅខណ្ឌពោធិ៍សែនជ័យធ្លាក់ចុះ០,២ភាគរយនៅត្រីមាសទី៣ក្នុងឆ្នាំ២០១៦ទោះបីជាយ៉ាងនេះក្ដីវាមិនបណ្ដាលឱ្យប៉ះពាល់កំណើនតម្លៃដីទាំងមូលនៅក្នុងខណ្ឌឡើយ។ប៉ុន្តែទោះជាយ៉ាងណាក៏ដោយតម្លៃដីក៏ដូចជាតម្លៃអចលនទ្រព្យដទៃទៀតនៅទីក្រុងភ្នំពេញ នឹងកើនឡើងម្ដងទៀតនៅឆ្នាំ ២០១៩។ការពង្រីកក្រុងដោយសារតែដីដែលមានការអភិវឌ្ឍន៏និងអចលនទ្រព្យដីធ្លីជាមួយនិងការប្រៀបធៀបតម្លៃដីទាបៗ ខណ្ឌពោធិ៍សែនជ័យត្រូវបានគេមើលឃើញថាជាឱកាសល្អសម្រាប់ការពង្រីកក្រុងនិងការផ្លាស់ទីលំនៅឬ ការផ្ដល់នូវសេវាកម្មជាច្រើនទៀតនៅតំបន់នោះ។លំនៅដ្ឋាន មានប្រភេទជាច្រើនក៏ដូចជាការពង្រីកតំបន់ពាណិជ្ជកម្មត្រូវបានធ្វើឡើងក្នុងផ្នែកផ្សេងៗនៃខណ្ឌ ជាពិសេស សង្កាត់ដែលមានប្រជាប្រិយភាពគឺសង្កាត់កាកាប និងសង្កាត់ចោមចៅ ដែលជាសង្កាត់ដ៏ពេញនិយមនៅក្នុងខណ្ឌហើយធ្វើឱ្យមានកំណើនតម្រូវការលំនៅដ្ឋានថ្មីៗនិងជាប់ទាក់ទងការពង្រីកហេដ្ឋារចនាសម្ព័ន្ធផងដែរ។មានឱកាសជាច្រើននៅទីនោះជាច្រើនឆ្នាំមកហើយចំពោះខណ្ឌពោធិ៍សែនជ័យ ពីព្រោះតែតំបន់នៅទីនោះ ដែលជាតំបន់ជាប់និងផ្លូវសំខាន់ៗ ហើយជាខណ្ឌដែលមានសក្តានុពលសម្រាប់ពង្រីកទីក្រុង ហើយក៏ដូចជាការបង្កើនកំណើនប្រជាជន ឧស្សាហកម្ម និងទឹសដៅពាណិជ្ជកម្ម។ លើសពីនេះទៅទៀតជួយបង្កើនតម្រូវការអភិវឌ្ឍន៏ជាមួយតម្លៃដីទាប ហើយក៏ដូចជាការផ្ដល់ឱកាសអោយខណ្ឌមានការរីកចម្រើន។ចាប់តាំងពីពេលថ្មីៗនេះខណ្ឌពោធិ៍សែនជ័យត្រូវបានគេកត់សម្គាល់ថាមានការអភិវឌ្ឍន៏ជាច្រើនបានផ្ដោតទៅលើសង្កាត់ កាកាបនិង សង្កាត់ចោមចៅ ពីព្រោះសង្កាត់ទាំងពីរជាប់នឹងផ្លូវសំខាន់ៗ និងសកម្មភាពពាណិជ្ជកម្មដើម្បីបំពេញតម្រូវការនៃការកើនឡើងចំនួនសហគមន៏នៅតបន់នោះ។ផ្លូវទំនប់កប់ស្រូវគឺជាផ្លូវក្រវ៉ាត់ក្រុងមួយដែលនឹងត្រូវបានសាងសង់រួចរាល់ ខណៈដែលមហាវិថីវ៉េងស្រេងត្រូវបានស្ដារឡើងវិញដោយកំពុងតែត្រូវបានពង្រីកជាផ្លូវប៉េតុងដែលមានទទឹង២២ម៉ែត្រ។ ផ្លូវទាំងពីរឆ្ពោះទៅសង្កាត់ចោមចៅ និងផ្នែកដទៃទៀតនៃទីក្រុងភ្នំពេញ។ សមិទ្ធផលទាំងនេះបង្កើតឱ្យមានឱកាសជាច្រើនដែលធ្វើឱ្យអចលនទ្រព្យកើនតម្លៃ និងធ្វើឱ្យមានសក្ដានុពលអភិវឌ្ឍន៏នៅតំបន់នោះជាពិសេសនៅតាមបណ្ដោយផ្លូវទាំងនោះ។ក្នុងសង្កាត់កាកាបការអភិវឌ្ឍន៏ថ្មីៗលើវិស័យលំនៅដ្ឋាន និងអនុវិស័យពាណិជ្ជកម្ម។ ការអភិវឌ្ឍន៏គួរឱ្យកត់សម្គាល់ ដែលកំពុងតែសាងសង់គឺគម្រោងលំនៅដ្ឋាន Budaiju (ជាគម្រោងខុនដូ) និងគម្រោងLion Mall (ជាគម្រោងពាណិជ្ជកម្ម និងផ្សារទំនើប) នៅតាមបណ្ដោយមហាវិថីសហព័ន្ធរុស្សី ក៏ដូចជាគម្រោងលំនៅដ្ឋានជាច្រើនផ្សេងទៀតដែលគម្រោងទាំងនេះខ្លះសាងសង់រួច និងខ្លះទៀតកំពុងសាងសង់។បម្រែបម្រួលពាណិជ្ជកម្មកាកើនឡើងតម្លៃដី និងតម្លៃជួលក្នុងតំបន់នៅជិតទីក្រុង នឹងជម្រុញឱ្យរោងចក្រដែលពឹងផ្អែកទៅលើការជួលពិចារណា ផ្លាស់ទីទៅតំបន់ជាយក្រុងដូចជា ភាគខាងលិចនៃខណ្ឌពោធិ៍សែនជ័យ ដែលតម្លៃឈ្នួល និងតម្លៃនៃការរស់នៅរបស់កម្មករនិយោជិតទាបជាង។ ម្យ៉ាងវិញទៀតមានភាពងាយស្រួលឆ្លងកាត់ផ្លូវជាតិលេខ៤ហើយជាប់នឹងកំពង់ផែដែលធ្វើឱ្យវិនិយោគិនពិចារណាផ្លាស់ប្តូរទឹសដៅសាងសង់រោងចក្រ និងទិសដៅពាណិជ្ជកម្មទៅតំបន់នោះ។បច្ចប្បន្នខណ្ឌពោធិ៍សែនជ័យជាតំបន់ដែលមានរោងចក្រចំនួន៤០ភាគរយនៃរោងចក្រសរុបក្នុងរាជធានីភ្នំពេញខ្ពស់ជាងខណ្ឌដង្កោ(២២ ភាគរយ) និងខណ្ឌមានជ័យ(១៥ ភាគរយ)។ស្វែងយល់បន្ថែមអំពីកម្ពុជាបច្ចុប្បន្នជាមួយនឹងព័ត៌មានលម្អិតនៃទីតំាង!Click here to download your free copy!

ការប្រែប្រួលសំខាន់ៗមាន៖កំណើនផលិតផលក្នុងស្រុកសរុប៧ភាគរយសម្រាប់ឆ្នាំ២០១៦ ហើយត្រូវគេបានរំពឹងថានឹងកើនឡើង៧.១ភាគរយក្នុងឆ្នាំ២០១៧។អត្រាផលិតផលសរុបខ្ពស់ជាងអត្រាផលិតផលក្នុងសរុបជាមធ្យមរបស់ប្រទេសក្នុងតំបន់អាស៊ីអាគ្នេយ៏ប្រហែល ២.៥ ភាគរយ។ប្រភពចម្បងនៃកំណើនផលិតផលក្នុងស្រុកសរុបរួមមាន វិស័យកសិកម្ម វិស័យកាត់ដេរនិងស្បែកជើង វិស័យសំណង់និងទេសចរណ៏។វិស័យសំណង់ជាកត្តាលីករដ៏សំខាន់ក្នុងការជម្រុញឱ្យផលិតផលក្នុងស្រុកកើនឡើងក្នុងឆ្នាំ២០១៦។៨ខែដំបូងក្នុងឆ្នាំ២០១៦ កំណើនការវិនិយោគដោយផ្ទាល់ពីបរទេសក្នុងវិស័យអចលនទ្រព្យកើនឡើងប្រហែល៧០០ភាគរយបើធៀបទៅនឹង ឆ្នាំ២០១៥មានទឹកប្រាក់សរុបជាង៧,២ពាន់លានដុល្លារ។ចំពោះអតិផរណាវិញមានកម្រិតមធ្យមប៉ុណ្ណោះ។ផលិតផលក្នុងស្រុកសរុបសម្រាប់មនុស្សម្នាក់ពី ១០០ ដុល្លារទៅ ១,២១៦ ដុល្លារក្នុងឆ្នាំ២០១៥ ហើយត្រូវបានគេព្យាករណ៏ថានឹងកើនឡើងដល់១,៣២៥ ដុល្លារក្នុងឆ្នាំ២០១៦។ប្រទេសកម្ពុជាក្លាយជាប្រទេសដែលមានប្រាក់ចំណូល “មធ្យមកម្រឹតទាប” គិតត្រឹមថ្ងៃទី១ ខែកក្កដា ឆ្នាំ២០១៦។ការចាយលុយដុល្លារបង្ហាញឱ្យឃើថាចិននិងសភាពអ៊ឺរ៉ុបមានការរុញរាក្នុងការវិនិយោគក្នុងទិផ្សារកម្ពុជា។   ការប្រែប្រួលផលិតផលក្នុងស្រុកសរុប៖លោក Rami Sharaf ដែលជាសមាជិក្រុមប្រឹក្សាពីគ្រោះយោបល់អន្តរជាតិ និងជាសមាកជិក APCO Worldwide បាននិយាយថា “កត្តាទាក់ទាញដ៏សំខាន់ដែលនាំអោយវិនិយោគិនបរទេសពិចារណាថាតើពួកគេគួរវិនិយោគក្នុងប្រទេសកម្ពុជាដែរឬទេ ស្របពេលដែលប្រទេសនេះជាសមាជិកសមាគមអាស៊ាន និងសេដ្ឋកិច្ចកម្ពុជាកើនឡើង៧.៥ភាគរយក្នុងរយៈពេល៥ឆ្នាំកន្លងទៅ និងមានកំណើនកើនឡើងពីមួួយឆ្នាំទៅមួយឆ្នាំ។ កំណើននេះធ្វើឱ្យប្រទេសកម្ពុជាក្លាយជាប្រទេសដែលរីកចម្រើនខ្លាំងជាងគេបំផុតក្នុងសតវត្យរ៏ទី២១។ ទោះបីជាអត្រានៃផលិតផលក្នុងស្រុុកសរុបបានធ្លាក់ចុះបន្តិចក្នុងឆ្នាំ២០១៦ ប៉ុន្តែវានៅតែស្ថិតនៅកម្រិតកំណើនល្អជាងគេនៅតំបន់អាស៊ី ដែលមានផលិតផលក្នុងស្រុកសរុបប្រហែ២,៥ភាគរយ នេះបើយោងទៅលើរបាយការណ៍ អចលនទ្រព្យកម្ពុជាឆមាសទី១ ឆ្នាំ២០១៦ របស់Knight Frank Cambodia ដែលបានចេញក្នុងពេលថ្មីៗនេះ។នៅក្នុងឆ្នាំ២០១៥ ធនាគារអភិវឌ្ឍន៏អាស៊ី(ADB) បានព្យាករណ៏ថា នៅឆ្នាំ ២០១៦ កំណើនផលិតផលក្នុងស្រុកសរុបរបស់កម្ពុជាកើនឡើង ៧,២ភាគរយ។ ប៉ុន្តែជាក់ស្ដែងធនាគារអភិវឌ្ឍអាស៊ីបានរកឃើញថាអត្រាកំណើននេះមានការថយចុះបន្តិច មានត្រឹមតែ៧,០ភាគរយប៉ុណ្ណោះសម្រាប់ឆ្នាំ២០១៦នេះ ហើយ ថាឆ្នាំ២០១៧ត្រូវបានរំពឹងថាកើនឡើងដល់៧,១ភាគរយ។ធនាគារពិភពលោកយល់ស្របជាមួយនឹងការព្យាករណ៏សន្ទស្សន៏របស់ធនាគារអភិវឌ្ឍន៏អាស៊ីសម្រាប់ឆ្នាំ២០១៦។ ធនាគារពិភព លោកអះអាងថា “ វិស័យវាយនភណ្ឌ រួមទាំងសំណង់ និងសេវាកម្មផ្សេងទៀតគឺដើរតួរយ៉ាងសំខាន់សម្រាប់សេដ្ឋកិច្ចម្ពុជា។ ការកើនឡើងនៅតែរំពឹងថាខ្លាំងដដែលក្នុងឆ្នាំ២០១៦ ដោយសារការងើបលើងវិញនូវតម្រូវការក្នុងស្រុក និងសកត្តានុពលនៃការនាំចេញវិស័យកាត់ដេរ ដែលអាចទប់ទល់ជាមួយការជាប់គាំងវិស័យកសិកម្ម និងការធ្លាក់ចុះនៃវិស័យទេសចរណ៏។”ធនាគារពិភពលោកអះអាងថាហានិភ័យអាក្រក់រួមមាន “បញ្ហាកម្លាំងពលកម្ម ការបន្តប្រើប្រាស់លុយដុល្លារ ការងើបឡើងវិញយឺតនូវសេដ្ឋកិច្ចសហគមន៏ អ៊ឺរ៉ុប និងផលប៉ះពាល់ពីការធ្លាក់ចុះសេដ្ឋកិច្ចរបស់ចិន។”ដោយផ្នែកសេដ្ឋកិច្ចពឹងផ្អែកខ្ពស់លើវិស័យឧស្សាហកម្មកាត់ដេរ និងស្បែកជើង ក្រុមហ៊ុន Knight Frankកម្ពុជាបានលើកឡើងថា "មានគឺជាតម្រូវការកំពុងកើនឡើងដើម្បីបង្កើនគុណភាព និងផលិតភាពនៃកម្លាំងពលកម្មសម្រាប់កម្ពុជា ដើម្បីរក្សាកំណើនផលិតផលក្នុងស្រុកសរុបនៅកម្រិតថេរដូចពេលបច្ចុប្បន្ន" ។ប្រសិនបើកម្ពុជាមិនបន្តគាំទ្រគុណភាព តម្លៃ និងផលិតភាពឲ្យមានប្រសិទ្ធិភាពលើវិស័យកាត់ដេរ និងឧស្សាហកម្មស្បែកជើង ក្រុមអ្នកវិនិយោគិនសំខាន់ៗនឹងផ្លាស់ប្ដូរប្រតិបត្តិការរបស់ពួកគេទៅប្រទេសដទៃទៀតដែលអាចមានការប្រកួតប្រជែងខ្លាំងជាងប្រទេសកម្ពុជា។ ប្រសិនបើចំណុចនេះកើតឡើងមែន នោះផលិតផលក្នុងស្រុកសរុបរបស់កម្ពុជានឹងធ្លាក់ចុះយ៉ាងខ្លាំង។ការធ្វើពិពិធកម្មនៃវិស័យឧស្សាហកម្មជាយន្តកម្មមួយផ្សេងទៀតដែលកម្ពុជាអាចប្រើដើម្បីប្រយុទ្ធប្រឆាំងនឹងហានិភ័យធំៗនៃកាថយចុះចំណែកទីផ្សារនៃឧស្សាហកម្មសម្លៀកបំពាក់ និងស្បែកជើង ហើយនេះជាបញ្ហាចំរូងចម្រាស់មួយរបស់ក្រុមប្រឹក្សាអភិវឌ្ឍន៏កម្ពុជា(CDC) លើគោលនយោបាយអភិវឌ្ឍន៏ឧស្សាហកម្មកម្ពុជាឆ្នាំ២០១៥ - ២០២៥។ធនាគារពិភពលោកបានលើកឡើងទៀតថា តម្រូវការសម្រាប់រាជរដ្ឋាភិបាលកម្ពុជាដែលត្រូវចាត់វិធានកាឱ្យមានប្រសិទ្ធិភាពសម្រាប់គោលនយោបាយសេដ្ឋកិច្ចរយៈពេលវែង ដោយធ្វើឲ្យផលចំណេញនៃសម្ព័ន្ធភាពសហគមន៍អាស៊ាន អាចជះឥទ្ធិពលដោយផ្ទាល់ដល់កំណើនផលិតផលក្នុងស្រុក៖ “ការធ្វើឱ្យប្រសើឡើងនូវបរិយាកាសអាជីវកម្មនឹងអាចជម្រុញការប្រកួតប្រជែងគ្រប់វិស័យ ការគាំទ្រលិតផល និងការធ្វើពិពិធកម្មទីផ្សារ ហើយក៏ដូចជាជួយឱ្យសហគ្រាសក្នុងាកររៀបចំឲ្យបានល្អ ដើម្បីទទួលយកអត្ថប្រយោជន៏ពីទីផ្សារ និងផលិតផលតែមួយដោយផ្អែកទៅលើគោលដៅរបស់សហគមន៏សេដ្ឋកិច្ច អាស៊ាន ។”ជាងនេះទៅទៀត ទាំងធនាគារពិភពលោក និងធនាគារអភិវឌ្ឍន៏អាស៊ីបានយល់ស្របជាមួយបម្រែបម្រួលកំណើនសេដ្ឋកិច្ចនាពេលបច្ចប្បន្ន និងការបន្តអតិផរណាកម្រិតមធ្យម ប្រាក់ចំណូលរបស់ប្រជាជនកម្ពុជាគួរតែបន្តកើនឡើងប្រចាំឆ្នាំ កំណើននៃការផ្គត់ផ្គង់ដល់តម្រូវការក្នុងស្រុក(ម្ហូបអាហារ) និងការកែលម្អស្ថិរភាពសេដ្ឋកិច្ចក្នុងរយៈពេលមធ្យមទៅវែង។ក្រសួងសេដ្ឋកិច្ច និងហិរញវត្ថុកម្ពុជាបានលើកឡើងថា ផលិតផលក្នុងស្រុកសសរុបសម្រាប់មនុស្សម្នាក់គឺ១,១៣៥ដុល្លាក្នុងឆ្នាំ ២០១៤ កើនឡើងដល់ ១,២១៦ក្នុងឆ្នាំ២០១៦ ហើយ ត្រូវបានរំពឹងថានឹងបន្តកើនឡើងដល់ ១,៣២៥សម្រាប់ឆ្នាំ២០១៦។ក្នុងពេលជាមួយគ្នានេះដែរ ដោយសារកម្ពុជាត្រូវបានធនាគារពិភពលោកចាត់ថ្នាក់ជាប្រទេសដែលមាន “ប្រាក់មានចំណូលទាប” ទៅជាប្រទេសដែលមាន "ប្រាក់ចំណូលមធ្យមកម្រិតទាប” គិតត្រឹមថ្ងៃទី១ ខែកក្ដដា ឆ្នាំ២០១៦ មានសក្តានុពលសម្រាប់ការកាត់បន្ថយភាពក្រីក្រ ក្នុងការផ្តល់ជំនួយ និងការគាំទ្រការអភិវឌ្ឍន៍ និងការថយចុះការបង់ពន្ធដោយមានការលើកលែងពន្ធពាណិជ្ជកម្ម។និតិវិធីនៃការវាយតម្លៃលើប្រាក់ចំណូលមធ្យមកម្រិតទាប ដែលបច្ចុប្បន្នមានចំណូលជាតិសរុប(GNI) ក្នុងមនុស្សម្នាក់ចន្លោះ១,០២៦ ដុល្លារ និង៤,០៣៥ ដុល្លារ ហើយធៀបនឹងប្រទេសដែលមានប្រាក់ចំណូលទាប ដែលមានទាបជាង១,០២៥ដុល្លារ។ធនាគារក៏បានបញ្ជាក់ដែរថា "ការកែលម្អក្របខ័ណ្ឌគ្រប់គ្រងការវិនិយោគសាធារណៈដើម្បីពង្រីកហេដ្ឋារចនាសម្ព័ន្ធហិរញ្ញប្បទានសាធារណៈនឹងអាចធ្វើទៅបាន បើទោះបីជាមានការធ្លាក់ចុះការផ្តល់ហិរញ្ញប្បទាននៃម្ចាស់ជំនួយក៏ដោយ”។ការចាត់ថ្នាក់ជាថ្មីនេះអាចជះឥទ្ធិពលទៅលើកតាព្វកិច្ចពន្ធ និងពន្ធនាំចូលពីប្រទេសកម្ពុជាទៅទីផ្សារសំខាន់ៗមួួយចំនួនទៀត ហើយនេះក៏ត្រូវបានអំពាវនាវ ឲ្យបន្តការពង្រឹងជំនាញ និងប្រសិទ្ធិភាពរបស់វិស័យកាត់ដេរ និងឧស្សាហកម្មស្បែកជើង (ដូចបានលើកឡើងខាងដើម)។ ឧបសគ្គធំៗសម្រាប់ការធ្វើពាណិជ្ជកម្មនឹងមានន័យថា ការចំណាយនៃការផលិតនឹងត្រូវថយចុះនៅក្នុងគោលបំណងដើម្បីរក្សាការប្រកួតប្រជែងជាអន្តរជាតិរបស់វិស័យនេះ។ចំនែក ការចាត់ថ្នាក់ថ្មីនេះនឹងបង្ហាញពីភាពសំខាន់នៃជំនួយបរទេសសម្រាប់កម្ពុជា  ការកើនឡើងនៃអ្នកដែលមានប្រាក់ចំណូលទាបហាក់ដូចជាទទួល បានផលប្រយោជន៍ពីផ្សារលក់ទំនិញ និងវិស័យអចលនទ្រព្យលើផ្សារទំនិញ ការកើនឡើងប្រាក់ចំណូល  និងកើនឡើងការចំណាយ។ វាក៏នឹងមានផលវិជ្ជមានលើទីផ្សារលំនៅដ្ឋានក្នុងស្រុកដែលមានការរីកចម្រើនទៅមុខ ការកើនឡើងនូវចំនួននៃអ្នកដែលដាក់ពាក្យស្នើរសុំខ្ចីប្រាក់ទិញផ្ទះ  និងជាទូទៅមានការទិញ និងជួលលំនៅដ្ឋានលំដាប់ស្តង់ដារ។ការប្រែប្រួលនៃការវិនិយោគផ្ទាល់ពីបរទេស៖យោងទៅលើរបាយការណ៏វិនិយោគតំបន់អាស៊ានឆ្នាំ២០១៦បានឱ្យដឹងថា ការវិនិយោគផ្ទាល់ពីបរទេស(FDI)ក្នុងប្រទេសដែលកំពុងអភិវឌ្ឍន៏តំបន់អាស៊ីអាគ្នេយ៏កាលពីចុងឆ្នាំកន្លងទៅ។ យោងទៅតាមរបាយការណ៍ប្រទេស កម្ពុជា ឡាវ មីយ៉ាន់ម៉ា និងវៀតណាមកើនឡើង ៣៨ ភាគរយ ដោយសារមានក្រុមហ៊ុនអន្តរជាតិជាច្រើនចូលមកបណ្ដាក់ទុនក្នុងទីផ្សារថ្មីនៃសហគមន៏សេដ្ឋកិច្ច តំបន់អាស៊ី (AEC)ដែលទើបតែបានបង្កើតឡើង។ ទោះជាយ៉ាងណាក៏ដោយលំហូរវិនិយោគទុនបរទេសទៅប្លុកប្រជាជាតិអាស៊ីអាគ្នេយ៍បានធ្លាក់ចុះត្រឹម 8% នៅឆ្នាំ 2015 ត្រូវជាទឹកប្រាក់ 120 ពាន់លានដុល្លារ។ ការវិនិយោគរបស់សហភាពអឺរ៉ុបបានធ្លាក់ចុះ 20% ក្នុងទឹកប្រាក់ប្រហែល 20 ពាន់លាន ដុល្លារ និងដើមទុនសហរដ្ឋអាមេរិកបានថយចុះ 17% ដែលមានទឹកប្រាក់ប្រហែល 12,2 ពាន់លានដុល្លារ។ទោះបីជាយ៉ាងណាក៏ដោយ ការវិនិយោគផ្ទាល់ពីបរទេស (FDI) ក្នុងលើវិស័យអចលនទ្រព្យប្រទេសកម្ពុជាបន្តកើនឡើងយ៉ាងឆាប់រហ័ស។ ការវិនិយោគលើអចលនទ្រព្យសរុបប្រមាណ ៧,២ ពាន់លានដុល្លារ នៅចន្លោះខែ មករា និងខែសីហា ឆ្នាំ២០១៦ ដែលកើនឡើងយ៉ាងខ្លាំងជា ៧០០ ភាគរយ ពីអំឡុងពេលកន្លងមក។ ប្រភពនៃការវិនិយោគដោយផ្ទាល់ពីបរទេសគឺមានច្រើនប្រទេសផ្សេងគ្នា ដែលមាន១៨ប្រទេសចូលរួម។ ប៉ុន្តែក្រសួងរៀបចំដែនដីនគរូបនីយកម្ម និងសំណង់ (MLMUPC) ថ្លែងថា ចិនឈរក្នុងចំណាត់ថ្នាក់លេខមួយទៅលើវិស័យសំណង់ ហើយការវិនយោគដោយផ្ទាល់ពីបរទេសលើអចលនទ្រព្យ ទី២គឺកូរ៉េខាងត្បូង និងទី៣ គឺជប៉ុន។ការប្រែប្រួលវិស័យសំណង់របាយការណ៏ថ្មីៗ ទាក់ទងនឹងវិស័យសំណង់របស់ក្រសួងរៀបចំដែនដីនគរូបនីយកម្ម និងសំណង់បានឱ្យដឹងថា ក្រសួងបានអនុញាតដល់គម្រោងសាង សង់ជាង ១,៧៥៣ គម្រោង ក្នុងទឹកប្រាក់ ៧,២ ពាន់លានដុល្លារក្នុងរយៈពេល៨ខែដំបូងក្នុងឆ្នាំ២០១៦ ធៀបទៅនឹង ២,៣០៥ គម្រោង ដែលមានតម្លៃ ៣,៣ ពាន់លានដុល្លារ អត្រាកើនឡើងជាង៤០០ ភាគរយ ក្នុងឆ្នាំកន្លងទៅ។ចាប់តាំងពីឆ្នាំ២០០០ រហូតដល់ខែមិថុនាឆ្នាំ២០១៦ ក្រសួងរៀបចំដែនដីនគរូបនីយកម្ម និងសំណង់ បាននិយាយថាខ្លួនបានអនុញាតផ្តល់សិទ្ធិសាងសង់ ឱ្យគម្រោងជាង ៣៥,២០៦ ស្មើនឹងទំហំដី ៨៥លានម៉ែតការ៉េទូទាំងប្រទេស។ ក្នុងរយៈពេល១៦ឆ្នាំនេះ ការវិនិយោគលើវិស័យសំណង់ក្នុងប្រទេសកម្ពុជាមានទំហំទឹកប្រាក់សរុប ៣២,៣ ពាន់លានដុល្លា។ដូចគ្នានេះដែរ ក្រសួងរៀបចំដែនដីក៏បាន បានបញ្ចេញព័ត៌មានអំពីការវិនិយោគរយៈពេល៥ខែដំបូងក្នុងឆ្នាំ២០១៦ដែលបញ្ជាក់ថាគម្រោង សាងសង់ថ្មីចំនួន៩៩០គម្រោងត្រូវបានអនុញាតឱ្យសាងសង់កាលពីដើមឆ្នាំកន្លងទៅ នេះបើធៀបទៅនឹងឆ្នាំ២០១៥មានគ្រោងប្រហែល ២,៣០៥ដែលបានអនុញាត ឱ្យសាងសាង់។ ប្រព័ន្ធផ្សព្វផ្សាយក្នុងស្រុកបានប៉ាន់ប្រមាណថា នេះជាផ្នែកមួយដោយសារជាកំណើនមួយនៃប្រសិទ្ធិភាពផ្នែករដ្ឋបាលនៅក្នុងក្រសួងនៅ ឆ្នាំ ២០១៦។ធនាគារពិភពលោកពន្យល់ពីកំណើននៃតម្រូវការលំនៅដ្ឋានដ៏ច្រើននេះនិងការវិនិយោគលើវិស័យឧស្សាហកម្មសំណង់ ថាជាការចង្អុលបង្ហាញនៃការវិលត្រ លប់មកវិញនៃស្ថេរភាពនយោបាយនៅកម្ពុជា និងកំណើនប្រាក់ចំណូលរបស់ប្រជាជនទូទៅ។យោងទៅតាមលោក Ross Wheble ដែលជាអ្នកគ្រប់គ្រងប្រចាំប្រទេសរបស់ក្រុមហ៊ុន Knight Frank ក្នុងរបាយការណ៍ វិស័យអចលនទ្រព្យ កម្ពុជា ក្នុងឆមាសទី១ ឆ្នាំ២០១៦  បានឱ្យដឹងថា គម្រោងសាងសង់ថ្មីៗក្នុងឆ្នាំ២០១៦បានសម្រេចជាមធ្យម ដែលជាមធ្យោបាយមួយក្នុងការដោះស្រាយហានិភ័យក្នុងរយៈពេលខ្លីក្នុងទីផ្សារ។ ការធ្វើដូច្នេះ ធ្វើឱ្យកម្ពុជាមានសក្ដានុពលក្នុងការសម្រេចបានលទ្ធផលល្អ និងជាប់ចំណាត់ថ្នាក់ក្នុងតំបន់អាស៊ីអាគ្នេយ៏តាមរយៈដំណើរការនៃការធ្វើពិពិតកម្ម និង “កំណើនរឹងមាំឥតឈប់ឈរ”។របាយការណ៏ថ្មីមួយនេះក៏បានបង្ហាញដែរថា ក្រសួងសេដ្ឋកិច្ច និងហិរញវត្ថុព្យាករណ៏ថាកំណើនសំណង់នឹងកើនជាមធ្យមដល់ ១៥ ភាគរយ ក្នុងឆ្នាំ២០១៦ និង ១០ ភាគរយក្នុងឆ្នាំ ២០២០ បើធៀបទៅនិងឆ្នាំ២០១៥ត្រឹមតែ១៩ ភាគរយ។ ផ្ទុយទៅវិញ របាយការណ៏ហេដ្ឋារចនាសម្ព័ន្ធកម្ពុជាពី Business Monitor International បង្ហាញថាការពង្រីកវិស័យសំណង់ទាំងមូលគឺព្យាករណ៏ថានឹងកើនឡើង ៩,៩ ភាគរយក្នុងឆ្នាំ២០១៦ និង ៩,៨ ភាគរយក្នុងឆ្នាំ២០១៧។ទោះបីជាយ៉ាងណា គម្រោងប្រហែលពី១០ ទៅ២០ភាគរយដែលបានដាក់ចេញត្រូវបានជាប់គាំងការសាងសាង់ក្នុងត្រីមាសទីមួយឆ្នាំ២០១៦ នេះបើយោងតាមប្រភពឧស្សាហកម្មផ្សេងៗជាច្រើន។ ដូច្នេះ  វាមិនទំនងថាគម្រោងដែលជាប់គាំងត្រូវបានរាប់បញ្ចូលក្នុងរបាយការណ៏ចេញផ្សាយក្នុងឆ្នាំ២០១៦ នោះទេ។សិក្សាបន្ថែមទៀតពីកម្ពុចជាថ្ថៃនេះពាក់ព័ន្ធទៅនឹងសេចក្តីលំអិតអំពីការណែនាំដល់វិនិយោគិន!Click here to download your free copy!

ពួកយើងនៅការិយាល័យលក់ខុនដូ B.T.S ក្នុងខណ្ឌឬស្សីកែវជាមួយ លោក អ៊ុក ច័ន្ទដារ៉ាវុធ ដែលជានាយកផ្នែកទីផ្សារ និងលក់របស់ក្រុមហ៊ុនបុរីវីឡាទួលសង្កែគ្រុបហើយពួកយើង និងស្វែងយល់អំពីគម្រោងដ៏អស្ចារ្យនេះទំាងអស់គ្នា។១. ប្រាប់ខ្ញុំអំពីទីតាំងរបស់គម្រោង   គម្រោងអភិវឌ្ឍន៏ខុនដូ B.T.S ស្ថិតនៅក្រោមការអភិវឌ្ឍន៍របស់ក្រុមហ៊ុនបុរីវីឡាទួលសង្កែ គម្រោងនេះទទួលបានការសាទរពីអតិថិជនរបស់ខ្លួនគួរឲ្យកត់សម្គាល់  គម្រោងនេះមានទីតាំងស្ថិតនៅខណ្ឌឬស្សីកែវ។ គម្រោងបុរីវីឡាទួលសង្កែមានផ្តល់ជូននូវគម្រោងវីឡាផងដែរ ដែលមានទំហំខុសៗគ្នាតបតាមតម្រូវការដែលអតិថិនជនត្រូវការ។ លំនៅដ្ឋាននីមួយៗត្រូវបានធ្វើឡើងដោយអ្នកជំនាញខាងសំណង់ជាមួយនឹងគុណភាពនិងការតុបតែងបែបទាន់សម័យដ៏ស្រស់ស្អាតនិងការយកចិត្តទុកដាក់យ៉ាងម៉ត់ច៉ត់។ប្រភេទលំនៅដ្ឋានរបស់ក្រុមហ៊ុនមានដូចជា៖ វីឡាទោល វីឡាភ្លោះ វីឡាកូនកាត់ ផ្ទះល្វែង និងខុនដូក្រុមគ្រួសារនឹងមានជម្រើសដើម្បីជ្រើសរើសប្រភេទវីឡាដែលពួកគេគិតថាសាកសម្យ។២. តើមានប្រភេទយូនីតអ្វីខ្លះ? ហើយមានតម្លៃប៉ុន្មាន?មានលំនៅដ្ឋានជាង១៧៤យ៉ូនីតដែលអាចរកទិញបានហើយមានទំហំផ្សេងៗគ្នា។ គម្រោងបុរីវីឡាទួលសង្កែត្រូវបានធ្វើឡើងដោយក្រុមអ្នកជំនាញ និងបញ្ចប់ការសាងសង់ដោយឧបករណ៏សាងសង់ដែលមានគុណភាពខ្ពស់ដែលផ្តល់នូវទំនុកចិត្ត និងផ្តល់នូវលំនៅដ្ឋានស្តង់ដាសម្រាប់អ្នក។ ខុនដូ B.T.S មានតម្លៃចាប់ពី ៤០,០០០ដុល្លារ ក្នុងមួយយូនីតហើយមានបន្ទប់១ជាមួយទំហំ៥០ម៉ែត្រការ៉េឡើងទៅ(មានទំហំបន្ទប់ផ្សេងៗគ្នាតាមតម្រូវការ)។ វាជាគម្រោងដែលសាងសង់ដោយភាពឆ្លាតវៃតែមួយគត់ហើយមានពន្លេចនូវភាពប្រណិតគ្រប់យូនីតទំាងអស់។៣. តើគម្រោងនេះចាប់ផ្ដើមលក់នៅពេលណា?ត្រឹមតែរយៈពេលបីខែបន្ទាប់ពីការដាក់លក់ ប្រហែល៣០ភាគរយរបស់គម្រោងត្រូវបានលក់ចេញ។ លទ្ធផលនេះបានបង្ហាញឱ្យឃើញថាគម្រោងនេះទទួលបានទំនុកចិត្តយ៉ាងខ្លំាងពីអ្នកបញ្ជាទិញអន្តរជាតិ និងអ្នកទិញក្នុងតំបន់។៤. តើកន្លែងចតយានយន្តមានលក្ខណៈយ៉ាងណាដែរ?គម្រោងខុនដូ B.T.S ផ្ដល់នូវផាសុកភាពគ្រប់លំនៅដ្ឋាន ចំនួនចំណតរថយន្តមាន៨៥ភាគរយនៃយូនីតលំនៅដ្ឋាន ហើយជាកន្លែងដែលមានសុវត្ថិភាពទៀតផង  នេះជាចំណតដែលមានចំនួនច្រើនបំផុតបើធៀបទៅនឹងគម្រោងអគារខ្ពស់ៗដទៃទៀត។៦. តើមានការផ្ដល់ប្រាក់កម្ចីទិញ ឬមានវិធីសាស្រ្តផ្សេងទៀតដែរឬទេ?ពួកយើងមិនមានការផ្ដល់ប្រាក់កម្ចីជាមួយធនាគារនោះទេ ប៉ុន្តែយើងមានវិធីសាស្ត្រពិសេសជំនួសវិញសម្រាប់អ្នកដែលចាប់អារម្មណ៏និងគម្រោងខុនដូ B.T.S។ អ្នកអភិវឌ្ឍន៏ផ្ដល់នូវជម្រើសដ៏ល្អដែលតម្រូវឱ្យអតិថិជនបង់ប្រាក់ត្រឹម៦៦០ដុល្លាក្នុងមួយខែ ដោយគ្នានការប្រាក់ ឬប្រាក់កក់នោះឡើយ។៧.លក្ខណៈពិសេសរបស់គម្រោងទីតាំងរបស់គម្រោងខុនដូ B.T.S គឺជាទីតំាងដ៏អំណោយផលបំផុត! គឺស្ថិតនៅក្នុងខណ្ឌឬស្សីកែវ ហើយវាក៏ស្ថិតនៅជិតតំបន់ពាណិជ្ជកម្ម ដែលជិតផ្លូវធំ ស្ថាប័នរដ្ឋាភិបាល ផ្សារទំនើប ក្លឹបកីឡា ធនាគារ មន្ទីរពេទ្យ សាលារៀន និងកន្លែងកម្សាន្ត។ ជាងនេះទៅទៀតវាស្ថិតនៅជិតផ្សារទូលសង្កែតែម្ដង។ជាងនេះទៅទៀតវាជម្រុញឱ្យមានស្តង់ដានៃការរស់នៅខ្ពស់តាមរយៈយូនីតដែលមានគ្រឿងសង្ហារឹមទំនើបៗប្រៀបបានទៅនឹងសណ្ឋាគារលំដាប់ផ្កាយ៥។ គម្រោងខុនដូ B.T.S  ផ្ដល់នូវសេវាកម្មជាច្រើនរួមមានដូចជា៖ អាងហែលទឹក សូណា កន្លែងហាត់ប្រាណ ផ្សារ និងក្លឹបកីឡាវាយកូនហ្គោល។៨.តើសំណួរមួយដែលខ្ញុំគួរតែសួរអ្នក ជាសំណួរអ្វីទៅ? ហេតុអ្វីបានជាគម្រោងនេះល្អជាងគម្រោងដទៃទៀត? នៅពេលដែលអតិថិជនបានមកទស្សនាផ្ទះគម្រូរបស់គម្រោងខុនដូ B.T.S. ពួកគេបានចាប់អារម្មណ៏នឹងគុណភាពរបស់ខុនដូនេះយ៉ាងខ្លំាង។ យើងបានផ្ដោតសំខាន់ទៅលើគុណភាព និងស្ដង់ដានៃការស់នៅដ៏ល្អបំផុតសម្រាប់គ្រួសារ។ នេះជាគម្រោងទី៣ហើយបន្ទាប់ពីគម្រោងផ្សេងៗទៀតដែលទទួលបានជោគជ័យតួយ៉ាងគម្រោង បុរីវីឡាទួលសង្កែជាដើម។  អតិថិជននឹងចាប់អារម្មណ៏ ចំពោះ គម្រោងនេះពីព្រោះតែវាផ្ដល់នូវភាពស្ងប់សុខ និងតម្លៃនៃការរស់នៅយ៉ាងប្រណិត។ លំនៅដ្ឋានពិតជាសំខាន់ណាស់សម្រាប់មនុស្សគ្រប់រូប ដូច្នេះប្រសិនបើយើងសម្រេចិត្តទិញផ្ទះ យើងត្រូវតែពិចារណាឲ្យល្អិតល្អន់។ ដោយពិចារណាទៅលើលំនៅដ្ឋានដ៏ល្អបំផុតប្រកបដោយសុវត្ថិភាព និងភាពសុខដុមរមនាក្នុងការរស់នៅយ៉ាងពិតប្រាកដ! ស្វែងរកតារាងអចលនទ្រព្យB.T.S Condominiumនៅទីនេះតាមរយៈ realestate.com.khClick here to download your free copy!

មានការជជែកពិភាក្សាអំពីការផ្គត់ផ្គង់តម្រូវការខុនដូនៅក្នុងប្រទេសកម្ពុជាហើយសំនួរដដែលៗបានចោទសួរឡើងថា តើវាពិតទេដែលទីផ្សារលំនៅដ្ឋានរបស់កម្ពុជាពិតជាសាកសម្យនឹងតម្រូវការក្នុងប្រទេសកម្ពុជា? ក្នុងកម្មវិធី Realestate.com.khTV បានពិភាក្សាជាមួយលោក យិន លាងគង់ ជានិពន្ធនាយកនៃទស្សនាវដ្តី Property View និងជាការីនិពន្ធផ្នែកសេដ្ឋកិច្ចនៅទូរទ្ទស្សន៍BTV អំពីប្រធានបទនេះ។ក្នុងពេលថ្មីនេះក្នុងរបាយការណ៍  Knight  Frank Cambodia បានលើកឡើងថា “វិស័យខុនដូត្រូវបានព្យាករណ៍ថានឹងកើនឡើង ៧២៣.៥ភាគរយ ត្រឹមឆ្នាំ២០២០ ឬឯរបាយការណ៍ខុនដូឆ្នាំ២០១៦របស់ Century 21 បានទាយថាមានខុនដូជាង ៣៧,០០០យូនីតនឹងត្រូវដាក់លក់ត្រឹមឆ្នាំ២០២០។ តើអ្នកមានគំនិតយោបល់បែបណាលើចំណុចនេះក៏ដូចជានៅពេលថ្មីៗមានការនិយាយពីការផ្គត់ផ្គង់លើសតម្រូវការជាដើម? តើអ្នកយល់ស្របនឹងគំនិតនេះដែរឫទេ? ហើយទាំងនេះអាចប៉ះពាល់ដល់ដំ ណើរការទីផ្សារបែបណាដែរ?ខ្ញុំមានការគំាទ្រផង និងមិនគំាទ្រផងអំពីការលើកឡើងនេះ! បើនិយាយអំពីមតិដែលមិនគំាទ្រនោះយើងក្រលេកទៅមើលបរិបទរស់នៅរបស់ប្រជាជនកម្ពុជាយើងឃើញថា រស់និយមលំនៅដ្ឋានប្រភេទខុនដូហាក់បីដូចនៅមិនទាន់ពេញនិយមនៅឡើយទេក្នុងប្រទេសកម្ពុជា។ បើទោះបីជាមានមនុស្សមួយចំនួនចាប់ផ្តើមទិញខុនដូបណ្តើរៗយ៉ាងណាក៏ដោយក៏ពួកគាត់មួយចំនួននៅ តែគិតថាវានៅមានគាត់មានការបារម្ភច្រើនអំពីការរស់នៅលើអគារខ្ពស់ និងសុវត្ថិភាពផ្សេងៗ។ ហើយសម្រាប់ការរស់នៅបច្ចុប្បន្នយើងមិនទាន់អាចសម្របខ្លួនលឿនបែបនេះទេ ហើយចំនួនខុនដូដែលបានព្យាករណ៍ទុកនេះគឺវាលើសតម្រូវការហើយ។ប៉ុន្តែចំនួនខុនដូនៅលើទីផ្សារបច្ចុប្បន្នវាមិនមានចំនួនរហូតដល់៤០០០យ៉ូនីតឡើយ ប៉ុន្តែចំនួនខុនដូនៅលើទីផ្សារវាអាចនឹងឈានដល់តួលេខប្រមាណ៤០០០០យ៉ូនីតនៅឆ្នំា២០២០។ ដូចនេះខ្ញុំក៏មានគំនិតវិជ្ជមានផងដែរយើងសង្ឃឹមថាផ្នត់គំនិតរបស់ប្រជាជននឹងផ្លាស់ប្តូរនៅរយៈពេល១០ទៅ២០ឆ្នំាខាងមុខ ដោយសារបន្តិចទៀតទីក្រុងកាន់តែចង្អៀតចំនួនប្រជាជនកាន់តែមានចំនួនកើនឡើងទ្វេដងនៅឆ្នំា២០២៥។ ប្រជាជនកាន់តែច្រើនក៏ដូចជាចរាចរកាន់តែពិបាកស្របនឹងកំនើនសេដ្ឋកិច្ចរបស់ប្រទេស យើងកាន់តែរីកចម្រើនជាកត្តាដែលតម្លៃអចលនទ្រព្យមានតម្លៃកាន់តែខ្ពស់ យើងនឹងពិបាករកលំនៅដ្ឋានដែលមានតម្លៃ៤០០០០ទៅ៥០០០០ដុល្លារ។ លំនៅដ្ឋានដែលមានតម្លៃប្រហាក់ប្រហែលនេះ អាចមានប៉ុន្តែវាជាលំនៅដ្ឋានផ្ទះល្វែងនៅជាន់ខ្ពស់ៗ។ដូចនេះជម្រើសល្អដែលមិនអាចប្រកែកបានគឺលំនៅដ្ឋានប្រភេទខុនដូដែលជាស្តង់ដារលំនៅដ្ឋានដែលផ្តល់នូវសេវាកម្មដ៏ល្អ ដូចជាសុវត្ថិភាព អនាម័យ និងសេវាកម្មផ្សេងៗ យើងឃើញថាបទពិសោធន៍រស់នៅបែបនេះវាបានកើតឡើងរួចទៅហើយនៅប្រទេសថៃ វៀតណាម និងម៉ាឡេស៊ី។តើមានខុនដូដែលមានតម្លៃ៤០០០០ទៅ៥០០០០ដុល្លារដែរឬទេនៅពេលបច្ចុប្បន្ន?ខុនដូដែលមានតម្លៃ៤០០០០ទៅ៥០០០០ដុល្លារវាមានលក់នៅលើទីផ្សារ តម្លៃប៉ុណ្ណឹងវាអាចស្របតាមសក្តានុពលទីផ្សារយ៉ាងខ្លំាងនៅក្នុងប្រទេស ក៏ដូចជាស្របតាមចំណូលចិត្តរបស់ប្រជាជនវ័យក្មេងក្នុងស្រុកផងដែរ វាជាការឆ្លើយតបតាមស្ថានភាពទីផ្សារដែលមានកំណើនប្រជាជនដែលមានកម្រឹតមធ្យម។ ចំណែកឯប្រភេទខុនដូប្រណិតក៏មានដែរប៉ុន្តែយើងឃើញថាចំនួនអ្នកទិញក្នុងស្រុក ដែលទិញខុនដូប្រភេទនេះគឺជាអ្នកដែលមានជីវភាពលំដាប់ខ្ពស់ និងមានអ្នកទិញជាជនបរទេស។ប្រសិនបើមានការផ្គត់ផ្គង់ខុនដូលើសតម្រូវការ តើសម្រាប់អ្នកទិញមានផលប៉ះពាល់ដូចម្តេច?បើនិយាយពីផលប៉ះពាល់វិញសម្រាប់អ្នកទិញដូចមិនមានផលប៉ះពាល់អ្វីខ្លំាងនោះទេតាមការពិតអ្នកវិនិយោគនោះទេដែលរងផលប៉ះពាល់។ នៅពេលដែលចំនួនខុនដូលើសតម្រូវការបានន័យថាគ្មានអ្នកទិញដូចនេះអ្នកវិនិយោគ ឬម្ចាស់ខុនដូត្រូវបង្ខំចិត្តបញ្ចុះតម្លៃ។ប្រសិនបើនិយាយអំពីតម្លៃប្រៀបធៀបនឹងប្រទេសជិតខាងវិញតម្លៃខុនដូនៅក្នុងប្រទេសកម្ពុជាពិតជាមានតម្លៃថោកជាងក៏ពិតមែន ប៉ុន្តែប្រសិនបើនិយាយអំពីតម្លៃវិនិយោគនិងតម្លៃសាងសង់សំណង់វាមានភាពខុសគ្នាច្រើន សម្រាប់ពួកអ្នកវិនិយោគគឺគាត់ចំណេញច្រើនពេក។ ដូច្នេះពួកគាត់អាចបញ្ចុះតម្លៃបានដើម្បីឲ្យប្រជាជនដែលមានកម្រឹតជីវភាពមធ្យមអាចមានលទ្ធភាពទិញលំនៅដ្ឋានបាននេះជាចំណុចមួយដែលអ្នកជំនាញជាច្រើនបានលើកឡើង។ ធ្វើការវិនិយោគដើម្បីផលចំណេញ ប៉ុន្តែក៏គួរតែគិតដល់ផលប្រយោជន៍សង្គមផងដែរ យើងគួរតែជួយគ្នាទៅវិញទៅមកទំាងប្រជាជន និងអ្នកវិនិយោគ។ក្នុងស្ថានភាពទីផ្សារបច្ចុប្បន្នតើអ្នកវិនិយោគគួវិនិយោគ ឬយ៉ាងណា? សំនួរចោទសួរឡើងក្នុងស្ថានភាពទីផ្សារប្រទេសកម្ពុជាបច្ចុប្បន្នតើវិនិយោគិនគួរ ឬមិនគួរវិនិយោគក្នុងប្រទេសកម្ពុជាដែរឬទេ? វិនិយោគិននឹងឆ្លើយដដែលៗថា រងចំាតាមដានសិន! ស្ថានភាពនយោបាយបច្ចុប្បន្នក្នុងប្រទេសកំពុងឡើងកំដៅ ក៏ដូចជាវដ្តបញ្ហានូវភាពចម្រូងចម្រាសក្នុងរដូវកាលបោះឆ្នោត សម្រាប់អ្នកវិនិយោគមួយចំនួនពួកគាត់គិតថានេះជាបទពិសោធន៍ដដែលដែលកើតមានឡើងស្ទើរគ្រប់ប្រទេស ដូច្នេះពួកគេគ្មានការព្រួយបារម្ភអ្វីនោះទេ។ តាមគំនិតរបស់ខ្ញុំអ្នកវិនិយោគគួរតែធ្វើការវិនិយោគមកប្រទេសកម្ពុជាដោយផ្អែកលើស្ថានភាពសេដ្ឋកិច្ចរបស់ប្រទេស។ ប្រទេសកម្ពុជាត្រូវបានទទួលងារថាជាខ្លានៅអាស៊ី ដោយសារស្ថេរភាពកំណើនសេដ្ឋកិច្ចរបស់កម្ពុជាមានកំណើនថេរប្រមាណ៧ភាគរយក្នុងរយៈពេលប្រំាឆ្នំាជាប់គ្នា ក៏ដូចជាកំណើនម៉ាក្រូសេដ្ឋកិច្ចរបស់ប្រទេសកម្ពុជាមានភាពប្រសើរឡើង នេះបើយោងតាមសេចក្តីប្រកាសរបស់ក្រសួងសេដ្ឋកិច្ច និងហិរញ្ញវត្ថុ។ អានអត្ថបទបន្ថែម៖ ប្រជាជនកម្ពុជាផ្លាស់ប្តូរបរិបទរស់នៅ ឬយ៉ាងណា?Click here to download your free copy!

ប័ណ្ណកម្មសិទ្ធិដីធ្លីគឺជាជម្រើសដ៏ពេញនិយមដើម្បីឈានចូលក្នុងទីផ្សារអចលនទ្រព្យកម្ពុជា ជនបរទេសមួយចំនួនមិនបានដឹងទេថាពួកគេអាចប្រើមធ្យោបាយផ្សេងទៀតដើម្បីក្លាយជាម្ចាស់កម្មសិទ្ធិទ្រព្យនោះបាន ឬយ៉ាងហោចណាស់អាចគ្រប់គ្រងបាននូវអចលនទ្រព្យនិងដី។ លោក Grant Fitzgerald ដែលជានាយកប្រចាំប្រទេសរបស់ក្រុមហ៊ុនសេវាកម្មអចលនទ្រព្យឯករាជ្យបានអោយដឹងក្នុងបទសម្ភាសន៏ជាមួយ Realestate.com.kh ថាមានមធ្យោបាយផ្សេងៗទៀតដែលជនបរទេសអាចទិញ ដីក្នុងប្រទេសកម្ពុជាបាន។ ជនបរទេសអាចទិញដីក្នុងប្រទេសកម្ពុជាបានតាមរយៈភាគីតំណាង៖ទោះបីជាមាហានិភ័យជាងការទិញដោយឈ្មោះរបស់អ្នកផ្ទាល់ក៏ដោយ លោក  Fitzgerald បាននិយាយថាមធ្យោបាយដ៏ល្អបំផុតដើម្បីឱ្យជនបរទេសអាចទិញដីក្នុងប្រទេសកម្ពុជាបានគឺការ ទិញតាមរយៈភាគីតំណាង។លោកបានពន្យល់ថា “អ្វីដែលសំខាន់ ភាគីតំណាងដើរតួរជាអ្នកទិញអចលនទ្រព្យឱ្យជនបរទេស។ ប៉ុន្តែប័ណ្ណកម្មសិទ្ធិត្រូវដាក់ជាឈ្មោះជាជនជាតិខ្មែរ។”ប៉ុន្តែគាត់បានបញ្ជាក់ទៀតថាមានវិធានការដែលមានសុវត្តិភាពដែលជនបរទេសទទួលយក ដើម្បីការពារការវិនិយោគរបស់ពួកគេ។លោកនិយាយថាអ្នកត្រូវមានឯកសារបួនសំខាន់ៗក្នុងនាមជាជនបរទេសដែលទិញអចលនទ្រព្យតាមរយៈ ភាគីតំណាង មានដូចជា៖ ទី១កិច្ចសន្យាអ៊ីប៉ូតែក ទី២ កិច្ចសន្យាខ្ចីប្រាក់ ទី៣ កិច្ចសន្យាជួល ទី៤ កិច្ចសន្យាសន្តិសុខ។ ១.កិច្ចសន្យាអ៊ីប៉ូតែក៖លោកបានពន្យល់ថាកិច្ចសន្យាអ៊ីប៉ូតែកគឺជាកិច្ចសន្យាដែលបានចុះបញ្ជីតាមរយៈសង្កាត់ ហើយផ្ទេរឈ្មោះអ្នកទិញទៅធនាគារ ដែលការខ្ចីប្រាក់អភិវឌ្ឍន៍អចលនទ្រព្យដោយជនជាតិខែ្មរ ទាល់តែមានការអនុញ្ញាតពីភាគីជនបរទេស។២.កិច្ចសន្យាខ្ចីប្រាក់៖ទន្ទឹមគ្នានេះលោកបាននិយាយថាកិច្ចសន្យាកម្ចីគឺជា “ក្រដាសកម្ចីមួយដែលមានកាប្រាក់ក្នុងអំឡុងពេលមួយ” ហើយត្រូវបានធ្វើឡើងដោយភាគីសងខាងទាំងជនបរទេសនិងភាគីតំណាង។៣.កិច្ចសន្យាជួល៖លោកបានបន្តថាកិច្ចសន្យាជួល “គឺការផ្ដល់សិទ្ធិអោយជនបរទេសរស់នៅលើអចលនទ្រព្យនោះ” ក្នុងកិច្ចសន្យាជួលមានរយៈពេលចាប់ពី៥០ឆ្នាំឡើងទៅ។៤.កិច្ចសន្យាសន្តិសុខហើយកិច្ចសន្យាសន្តិសុខជាទូទៅជាការដាក់ចេញនូវកាតព្វកិច្ច និងការកំណត់រវាងភាគីទាំងពីរ។ តើប័ណ្ណកម្មសិទ្ធិប្រភេទណាដែលជនបរទេសអាចកាន់កាប់បានតាមរយៈភាគីតំណាង?លោក Fitzgerald បានពន្យល់យ៉ាងច្បាស់ថា តាមរយៈភាគីតំណាងនេះ ជនបរទេសអាចកាន់កាប់ អចលនទ្រព្យឬប័ណ្ណកម្មសិទ្ធិណាមួយក៏បាន។ លោកនិយាយថា វាជាការរៀបចំឯកសារឲ្យមានត្រឹមត្រូវ និងមានសុវត្ថិភាព នៅពេលដែលការរៀបចំបានត្រឹមត្រូវ វាពិតជាមានសុវត្ថិភាព និងមានប្រសិទ្ធភាពទៀតផង។”តើស្ថាប័នជំនួញអាចកាន់កាប់ដីនៅក្នុងប្រទេសកម្ពុជាបានដែរឫទេ?លោក Fitzgerald បាននិយាយថាគឺអាចទៅរួចក្នុងការកាន់កាប់ដី ក្នុងនាមជាក្រុមហ៊ុននៅក្នុងប្រ ទេសកម្ពុជាតាមដំណើរការស្រដៀងទៅនឹងភាគីតំណាងដែរប៉ុន្តែជនបរទេសត្រូវតែកំណត់ពីប្រភេទអាជីវកម្មឱ្យបានច្បាស់លាស់ ដែលត្រូវធ្វើតាមរយៈមេធាវី។ទាំងនេះត្រូវបានគេហៅថាក្រុមហ៊ុនដែលកាន់កាប់ដីធ្លី។លោកបានពន្យល់ថាជនជាតិកម្ពុជាម្នាក់មានសិទ្ធិកាន់កាប់៥១ភាគរយនៃភាគហ៊ុនក្រុមហ៊ុនទាំងមូល ប៉ុន្តែក៏មានឯកសារច្បាប់ដែលស្ថាប័នជំនួញភាគីបរទេសទាំងនេះអាចប្រើប្រាស់ ឲ្យទទួលបានសិទ្ធិ និងអំណាច ក្នុងការសម្រេចផ្សេងៗ បើទោះបីជាពួកគេមានកាន់ភាគហ៊ុនត្រឹមតែ៤៩ភាគរយក៏ដោយ។ស្វែងរក និងសិក្សានូវការណែនាំសំខាន់ៗក្នុងការទិញអចលនទ្រព្យតាមរយៈភាគីតំណាងក្នុងប្រទេស កម្ពុជា!  Click here to download your free copy!

នៅក្នុងការចុះទស្សនកិច្ចផ្លូវរដ្ឋនៃសាធារណៈរដ្ឋប្រជាមានិតចិនមកកាន់ប្រទេសកម្ពុជា រយៈពេលពីរថ្ងៃ នៅថ្ងៃទី ១៣ និង ១៤ ខែតុលាឆ្នាំ២០១៦កន្លងទៅនេះ ដែលមានវត្តមានចូលរួមដ៏ខ្ពង់ខ្ពស់ពីនាយករដ្ឋមន្ត្រីប្រទេសកម្ពុជា និងប្រធានាធិបតីនៃប្រទេសចិន។ដំណើរទស្សនៈកិច្ចនេះកម្ពុជាសម្រេចបាននូវកិច្ចព្រមព្រៀង និងអនុសារណៈយោគយល់គ្នាចំនួន ៣១ ចំណុចទាក់ទងនឹងវិស័យផ្សេងៗគ្នារួមមាន ការពង្រឹងកិច្ចសហការអន្តរជាតិ សេដ្ឋកិច្ច និងហិរញ្ញវត្ថុ (ពាណិជ្ជកម្ម) ពន្ធដារ ការអនុវត្តន៍ច្បាប់ ឧស្សាហកម្ម និងសិប្បកម្ម ប្រព័ន្ធធារាសាស្រ្ត ហេដ្ឋារចនាសម្ព័ន្ធ ការគ្រប់គ្រងធនធានទឹក និងបរិស្ថាន។   ជាមួយគ្នានោះដែរនៅរសៀលថ្ងៃទី ១៤ ខែតុលា ឆ្នាំ២០១៦ លោកទេសរដ្ឋមន្ត្រី ស៊ុន ចាន់ថុលរដ្ឋមន្ត្រី ក្រសួងសាធារណការ និងដឹកជញ្ជូន បានចុះហត្ថលេខាលើកិច្ចព្រមព្រៀងលើគម្រោងសាងសង់ចំនួន៣សំខាន់ៗជាមួយភាគីចិន ដែលគ្រោងនឹងចាប់ផ្តើមសាងសង់នៅឆ្នាំ២០១៧ខាងមុខ។ គម្រោងទាំងបីដែលនឹងចាប់ផ្តើមថ្មីនេះមានដូចជា៖   គម្រោងផ្លូវល្បឿនលឿនពីភ្នំពេញទៅកាន់ក្រុងព្រះសីហនុ គម្រោងស្តារឡើងវិញនូវផ្លូវជាតិលេខ១១ អ្នកលឿង-ថ្នល់ទទឹង និងគម្រោងស្ពានឆ្លងទន្លេមេគង្គក្រូចឆ្មារ-ស្ទឹងត្រង់ ។គម្រោងផ្លូវល្បឿនលឿនពីភ្នំពេញទៅកាន់ក្រុងព្រះសីហនុ៖សម្រាប់គម្រោងនេះជាប្រភេទគម្រោងដែលនឹងដំណើរការសាងសង់ និងគ្រប់គ្រងដោយក្រុមហ៊ុនឯកជន មុននឹងផ្ទេរជូនរាជរដ្ឋាភិបាល ហើយនឹងត្រូវអភិវឌ្ឍន៍ដោយក្រុមហ៊ុនសាងសង់ស្ពានថ្នល់របស់ចិន China Road & Bridge Corporation (CRBC)។គម្រោងនេះគ្រោងនឹងចំណាយទឹកប្រាក់ដ៏ច្រើនសន្ធឹកសន្ធាប់ប្រមាណជាង ១,៩០០ លានដុល្លារ នេះបើតាមការលើកឡើងរបស់លោករដ្ឋមន្ត្រី ស៊ុន ចាន់ថុល។  គម្រោងផ្លូវជាតិលេខ ១១ អ្នកលឿង-ថ្នល់ទទឹង៖  គម្រោងស្តារឡើងវិញនូវផ្លូវជាតិដែលមានស្រាប់គឺផ្លូវជាតិលេខ១១ចេញពីអ្នកលឿងទៅថ្នល់ទទឹង អភិវឌ្ឍន៍ដោយក្រុមហ៊ុនគ្រប់គ្រងការសាងសង់ក្វាងចូវវ៉ានអាន។ គម្រោងនេះនឹងចំណាយទឹកប្រាក់ប្រមាណ៩៨លានដុល្លារអាមេរិកលើផ្លូវដែលមានប្រវែង៩៦,៤៨១គីឡូម៉ែត្រនិងតួផ្លូវមានទំហំទទឹង១១ម៉ែត្រ។គម្រោងសាងសង់ស្ពាន ឆ្លងកាត់ទន្លេមេគង្គ ក្រូចឆ្មារ-ស្ទឹងត្រង់៖ចំណែកគម្រោងសាងសង់ស្ពានឆ្លងកាត់ទន្លេមេគង្គ នៅក្នុងស្រុកក្រូចឆ្មារខេត្តត្បួងឃ្មុំទៅស្រុកស្ទឹងត្រង់ខេត្តកំពង់ចាម គម្រោងនេះនឹងត្រូវចំណាយថវិការសរុបជិត ៥៧ លានដុល្លារសហរដ្ឋអាមេរិក ជាមួយនឹងស្ពានដែលមានប្រវែង ១,១៣១ ម៉ែត្រ ដែលមានទំហំទទឹង ១៣.៥០ ម៉ែត្រ។សូមបញ្ជាក់ផងដែរថា ជាមួយនឹងគម្រោងសាងសង់ស្ពាន់ដដែលនេះ ក៏មានគម្រោងត្រួតពិនិត្យលើបច្ចេកទេស ដែលជាគម្រោងមួយផ្សេងទៀតដើម្បីត្រួតពិនិត្យលើគម្រោងសាងសង់ស្ពានមួយនេះ ដែលនឹងត្រូវសហការគ្នាក្នុងការសាងសង់ជាមួយក្រុមហ៊ុនគ្រប់គ្រងការសាងសង់ក្វាងចូវវ៉ានអាន។សម្រាប់លទ្ធផលទាំង៣១ចំណុចនៃការចុះហត្ថលេខាលើកិច្ចព្រមព្រៀង និងអនុសារណៈយោគយល់គ្នារវាងកម្ពុជា-ចិន ក្នុងចំណោមនោះក៏នូវមានការព្រមព្រៀងមួយចំនួនទៀតផងដែរ ដែលបានផ្តោតទៅលើវិស័យអចលទ្រព្យដែលនឹងត្រូវ ធ្វើការអភិវឌ្ឍន៍ក្នុងជំហានបន្តបន្ទាប់នៅពេលអនាគតដូចជា៖លិខិតប្តូរសារស្តីពីគម្រោង សាងសង់អាគារពេទ្យមិត្តភាពកម្ពុជា-ចិនកិច្ចព្រមព្រៀងឥណទានសម្បទានជាប្រាក់យ័នចិនសម្រាប់គម្រោងសាងសង់ផ្លូវជាតិលេខ៥១កិច្ចព្រមព្រៀងសម្បទានសម្រាប់ការអភិវឌ្ឍអាកាសយានដ្ឋានអន្តរជាតិសៀមរាប-អង្គរកិច្ចព្រមព្រៀងឥណទានសម្បទានជាប្រាក់យ័នចិនសម្រាប់គម្រោងសាងសង់ផ្លូវក្រវ៉ាត់ក្រុងទី២កិច្ចព្រមព្រៀងពិធីសារ សម្រាប់គម្រោងរោងចក្រអគ្គិសនីដើរដោយធ្យូវថ្ម ៤៥០មេហ្គាវ៉ាត់ នៅក្រុង ព្រះសីហនុ    តាមដានព័ត៌មានអំពីវិស័យហេដ្ឋារចនាសម្ព័ន្ធតាមរយៈRealestate.com.khClick here to download your free copy!

ចាប់តាំងពីខែមករាក្នុងឆ្នាំ២០១៦នេះ អង្គការ CARE Cambodiaនិងដៃគូបានអនុវត្តគម្រោងមួយដែល មានឈ្មោះថា “សិទ្ធិការងារសម្រាប់កម្មករសំណង់ស្រ្តី” ដែលបានផ្តល់ជំនួយពីសហគមន៏អុឺរ៉ុប និងក្រុមហ៊ុនសហប្រតិបត្តិការអភិវឌ្ឍន៏អូទ្រីស( Austrian Development Cooperation)។ប៉ុន្តែតើនរណាជាស្រ្តីកម្មករសំណង់? ហេតុអ្វីបានជាអង្គការ CARE Cambodia និងក្រុមហ៊ុនសំណង់ត្រូវជួយពួកគេ? ធ្វើការផ្ដើមស្រាវជ្រាវនិងស្វែងយល់អំពីដំណោះស្រាយបន្ថែមរបស់គម្រោងនេះ។ស្រ្តីកម្មករសំណង់ភាគច្រើនបានរៀបការហើយមានកូនមកធ្វើការក្នុងវិស័យសំណង់ជាមួយគ្រួសាររបស់ពួកគេ ពួកគេភាគច្រើនមានអាយុច្រើនជាង៣០ឆ្នំាដែលជាស្រ្តីមិនមាមជំនាញនៅក្នុងរោងចក្រ ឬវិស័យឧស្សាហកម្មកម្សាន្ត។ ស្រ្តីដែលធ្វើការជាកម្មករសំណង់ភាគច្រើនមិនមានការអប់រំខ្ពស់នោះទេហើយពួកគេបានធ្វើការចំណាកស្រុកទៅទីក្រុងភ្នំពេញដើម្បីស្វែងរកការងារធ្វើពីព្រោះតែជីវភាពក្រីក្រ។ ការស្រាវជ្រាវរបស់អង្គការ CARE Cambodia បញ្ជាក់ថាស្រ្តីកម្មករទាំងនេះមានចំនេះដឹងតិចតួចណាស់អំពីការប្រើប្រាស់សិទ្ធិរបស់ពួកគេ។ទាំងស្រ្តីធ្វើការក្នុងវិស័យឧស្សាហកម្ម និងនយោជិកត្រូវវបានគេរាយការណ៏ថាស្ត្រីមានជំនាញពិសេសក្នុងការធ្វើកិច្ចការដែលពួកគេបានធ្វើ។“ស្រ្តីពូកែខាងការងារបន្ទាប់បន្សំដូចជា ការរៀបចំរបស់របរតិចតួចហើយពួកគេធ្វើការលឿនជាងបុរស់” “ស្រ្តីមួយចំនួនដែលធ្វើការនៅទីនេះអាចលាយស៊ីម៉ង់បានយ៉ាងល្អជាងបុរស់។ ពួកគេពិតជាមានរបៀបរៀបរយខ្លាំងណាស់ ពួកគេដាក់របស់របររៀបរយបន្ទាប់ពីពួកគេធ្វើការរួច ហើយសម្អាតស្អាតបាតទៀតផង។”ដោយសារតែបញ្ហានេះស្រ្តីកម្មករសំណង់ចំនួន៩ក្នុងចំណោមស្រ្តី១០នាក់ ត្រូវបានគេរាយការណ៏ថាទទួលបានប្រាក់កម្រៃតិចជាងបុរសហើយមួយចំនួនទៀតត្រូវបានគេរាយការណ៏ថាការទទួលខុសត្រូវ និងសិទ្ធិទទួលបានការការពារមិនដូចបុរសនោះទេ។ការបណ្ដុះបណ្ដាលរបស់អង្គការ CARE Cambodia ដែលជាការចែករំលែកក្នុងភាពជាដៃគូជាមួយ   ក្រសួងការងារបណ្ដុះបណ្ដាល និងវិជ្ជាជីវៈ ដើម្បីស្វែងរកបញ្ហាទាំងនេះ។ វគ្គបណ្តុបណ្តាលប្រធានបទដូចជា៖ យេនឌ័រនិងវប្បធម៏ សិទ្ធិពលកម្ម សិទ្ធិស្រ្តី និងសុវត្ថិភាពការងារ។ សិក្ខាកាមនឹងទទួលបាន ដំណោះស្រាយជាច្រើនក្នុងស្ថានភាពការងារជាក់ស្ដែងរបស់ស្រ្តី ហើយអាចរៀននូវមធ្យោបាយជាច្រើនដែលអាចទាំងការពារកម្មករនយោជិត និងលើកទឹកចិត្តពួកគេឱ្យធ្វើការដោយសក្ដានុុពលពេញលេញ។ការបណ្ដុះបណ្ដាលបន្ទាប់នឹងធ្វើឡើងនៅថ្ងៃទី២៥ ខែតុលា តាមកន្លែងដែលបានកំណត់។ សម្រាប់ពត៌មានបន្ថែមទាំងភាសាខ្មែរនិងភាសារអង់គ្លេស កម្មវិធីបន្តបន្ទាប់នឹងធ្វើឡើងក្នុងខែវិច្ឆកា និងខែធ្នូ។ សូមធ្វើការកក់កន្លែងសម្រាប់ក្រុមហ៊ុនរបស់អ្នក ដោយធ្វើការទំនាក់ទំនងតាមរយៈលោកស្រី  Eat Sopheak  ដែលមានលេខទូរស័ព្ទ ០១២ ៧២១ ៣២១ ឬក៏តាមរយៈអីុម៉ែល sopheak.eat@careint.org ការបណ្ដុះបណ្ដាលធ្វើជាភាសារខ្មែរ។ប្រសិនបើអ្នកចង់ដឹងព័ត៌មានបន្ថែមអំពី គម្រោងរបស់ឃ៊ែរអាចទំនាក់ទំនងប្រធានគម្រោងគឺលោកស្រី Kalyan Rath តាមរយៈអីុម៉ែល kalyan.rath@careint.org ឬក៏ទីប្រឹក្សាររបស់គាត់គឺលោកស្រី Adriana Siddle តាមរយៈអីុម៉ែល adriana.siddle@careint.orgស្វែងយល់បន្ថែមអំពីព័ត៌មានអចលនទ្រព្យតាមរយៈRealestate.com.kh!Click here to download your free copy!

បម្រើឱ្យភាពរឹងមាំសម្រាប់ស្ថេរភាពនយោបាយនិងសេដ្ឋកិច្ចអស់រយៈពេល៧ទស្សវត្ស ព្រះរាជាណាចក្រថៃឥឡូវនេះនៅមានភាពជាប់គាំងសេដ្ឋកិច្ចមួយរយៈ។ ស្រាប់តែនៅពេលថ្មីៗនេះប្រទេសថៃបានបាត់បង់នូវព្រះមហាក្សត្ររបស់ខ្លួន ដែលប្រជាពលរដ្ឋថៃគោរពស្រលាញ់ជាទីបំផុតនោះគឺព្រះអង្គម្ចាស់ Bhumibol Adulyadejដែលជាព្រះមហាក្សត្រសោយរាជ្យយូរជាងគេក្នុងពិភពលោក។ ព្រះវរាជបិតាជាតិថៃបានសោយទីវង្គតកាលពីម្សិលមិញនៅវេលាម៉ោង ២ៈ៥២ នាទីរសៀលម៉ោងនៅប្រទេសថៃ។ ការិយាល័យព្រះបរមរាជវាំងគ្រួសារថៃ បានកំណត់ថានេះជាការស្លាប់បាត់បង់នូវសន្តិភាពទាំងមូលរបស់ព្រះរាជាណាចក្រថៃ។ ដំណោះស្រាយក្នុងភាពស្រពិចស្រពិល៖ដូច្នោះហើយប្រជាជនជាច្រើនបានប្រមូលជួបជុំគ្នានៅឯមន្ទីពេទ្យដើម្បីបង្ហាញនូវការអាណិតអាសូរនិងភាពសោកស្តាយរបស់ពួកគេ។ ហើយប្រជាជនមួយចំនួនទៀតបានសម្ដែងការព្រួយបារម្មណ៏នូវការប្រែប្រួលសេដ្ឋកិច្ច។ ការរៀបចំអភិបាលកិច្ចរបស់ព្រះអង្គបាននាំមកនូវស្ថេរភាពសេដ្ឋកិច្ចនិងនយោបាយអស់ រយៈពេលជាច្រើនទស្សវត្សកន្លងមកហើយ។ប្រជាជនមួយចំនួនខ្លាចមានការវិនិយោអចលនទ្រព្យបរទេសមកវិនិយោគក្នុងប្រទេសរបស់ខ្លួន ដែលជាទីផ្សារពេញនិយមនៅក្នុងតំបន់ហើយទទួលបានប្រាក់ចំណេញខ្ពស់ទៀតផងនោះ ដោយមើលឃើញនូវចន្លោះប្រហោងនៃភាពមិនច្បាស់លាស់នេះដែលធ្វើឱ្យមានការធ្លាក់ចុះទីផ្សារក្នុងប្រទេស។លោក Alex Evengroen ដែលជានាយកប្រតិបត្តិរបស់ក្រុមហ៊ុន Key Real Estate Co., Ltd.,បានសន្និដ្ឋានអំពីស្ថានភាពនេះថា “ការប្រគួតប្រជែងឧស្សាហកម្មអចលនទ្រព្យថៃនិងធ្វើឱ្យមានភាពប្រសើឡើងនិងឆ្ពោះទៅរកវិនិយោគិនបរទេសនិងវិនិយោគិនក្នុងស្រុករបស់ប្រទេសថៃ។ យើងនៅតែរងចាំមើលថាតើនៅពេលអនាគតគោលនយោបាយរបស់ប្រទេសថៃនៅតែដដែលឬក៏វាក្លាយទៅជាការបត់បែនតាមការរស់នៅរបស់ប្រជាជនទូទាំងពិភពលោក?”តើវិនិយោគិនទៅវិនិយោគនៅប្រទេសថៃឬមកពីប្រទេសថៃ?ទោះបីជាមានទស្សនៈជាច្រើនផ្សេងៗគ្នាចំពោះព្រឹត្តិការណ៏អកុសលមួយនេះក៏ដោយ អ្នកជំនាញមួយចំនួនបានបង្ហាញថាសក្ដានុពលវិនិយោគិនប្រហែលជាការជ្រើសរើសទិសដៅវិនិយោគរបស់ពួកគេក្នុងប្រទេសដែលកំពុងអភិវឌ្ឍន៏ដូចជាប្រទេសកម្ពុជារហូតទាល់តែភាពមិនច្បាស់លាស់នេះបានស្ងប់ស្ងាត់ទៅវិញ ហើយធានាឱ្យមានស្ថេរភាពនយោបាយឡើងវិញ។ លោក Bobby Peoples ដែលជាអ្នកគ្រប់គ្រងប្រចាំប្រទេសរបស់ក្រុមហ៊ុន Home Connect ដែលជាក្រុមហ៊ុនដែលមានជនបទេសយ៉ាងច្រើនស្វែងរកទិញផ្ទះតាមរយៈក្រុមហ៊ុនអចលនទ្រព្យមួយនេះបានពន្យល់ថា “ការសោយទីវង្គតព្រះមហាក្សត្រថៃ Bhumibol Adulyadej រដ្ឋាភិបាលយោធាថៃត្រូវតែបង្ហាញប្រជាជនថៃនូវភាពប្រាកដប្រជាក្នុងអំឡុងនេះ ពួកគេអាចផ្ដល់នូវសន្តិសុខស្ថេរភាព និងការផ្សះផ្សាជាតិឡើងវិញ។ ប្រសិនបើពួកគេមិនអាចគ្រប់គ្រងបាននោះទេ ទាំងវិនិយោគិនថៃនិងបទរទេសដែលវិនិយោគក្នុងប្រទេសថៃនឹងងាកមករកប្រទេសកម្ពុជាវិញ ព្រោះជាជម្រើសល្អជាង។ ប្រសិនបើនៅតែមានសភាពបែបនេះ!”លោក Alex Evengroenនៅតែមានមន្ទិលសង្ស័យថា “ក្នុងនាមជាអ្នកជំនាញក្នុងវិស័យអចលនទ្រព្យខ្ញុំមិនគិតថាវាអាចប៉ះពាល់ទីផ្សារអចលនទ្រព្យកម្ពុជាឡើយ ព្រោះថាវិនិយោគិនថៃ ឬអ្នកទិញលំនៅដ្ឋានជាច្រើនបានវិនិយោគក្នុងវិស័យអចលនទ្រព្យទូទៅ។”ប៉ុន្តែលោក Alex Evengroen នៅតែសង្ឃឹមយ៉ាងមុតមាំថា “នាពេលអនាគត ប្រទេសទាំងពីរនឹងដើរលើផ្លូវតែមួយហើយពិភាក្សាជាមួយឱកាសសក្ដានុពលសម្រាប់ឧស្សាហកម្ម និងសង្ឃឹមថានឹងមានចំណងមិត្តភាពរឹងមាំនាពេលអនាគត។” ពិភពលោកបានបាត់មនុស្សដ៏អស្ចារ្យម្នាក់ ហើយប្រទេសថៃបានបាត់បង់បិតាជាតិរបស់ខ្លួន ប៉ុន្តែតើវាជាការបាត់បង់សេដ្ឋកិច្ចដែរឬទេ? ពីរបីថ្ងៃបន្ទាប់គឺជាថ្ងៃដែលមានសារសំខាន់សម្រាប់ប្រជាជនថៃ ហើយប្រជាជនគ្រប់រូបនឹងរងចាំមើលអនាគតប្រទេសថៃឈានចូលក្នុងទំព័រប្រវត្តិសាស្រ្តថ្មីមួយ។ តាមដាននូវព័ត៌មានអចលនទ្រព្យថ្មីៗ ជារៀងរាល់ថ្ងៃ!Click here to download your free copy!

ក្នុងរយៈពេលពីរទសវត្សកន្លងមក ទម្រង់ផ្សេងគ្នានៃប័ណ្ណកម្មសិទ្ធិដីធ្លីបានកើតមានឡើង។ ប្រតិបត្តិ ការ បានធ្វើឲ្យមានការផ្លាស់ប្តូរបណ្តើរៗដែលជាលទ្ធផលបែបនេះ។ លោក Grant Fitzgerald អ្នកគ្រប់គ្រងប្រចាំប្រទេសរបស់របស់ក្រុមហ៊ុន IPS កម្ពុជា ផ្តល់នូវទស្សនខ្លះៗ ទៅលើប្រភេទ នៃប្លង់កម្មសិទ្ធិ មួយក្នុងអំឡុងពេលជជែកពិភាក្សារបស់លោកជាមួយនឹង Realestate.com.kh ក្នុងពេលថ្មីៗនេះ។ប្លង់ទន់នៅកម្ពុជា៖ លោក Fitzgerald បានលើកឡើងថា ប្លង់ទន់គឺជាទម្រង់ទូទៅុមួយនៃកម្មសិទ្ធិកាន់កាន់។ ប្រមាណជា ៨៥ ភាគរយនៃអចលនវត្ថុទាំងអស់នៅក្នុងប្រទេសកម្ពុជា ត្រូវបានកាន់កាន់តាមរយៈប្លង់ទន់ និងត្រូវ បានចុះបញ្ជីទាំងនៅសង្កាត់ និងខណ្ឌ ដែលមានតែក្រុមប្រឹក្សា និងថ្នាក់ស្រុកទទួលស្គាល់ប៉ុណ្ណោះ។ លោកបានលើកឡើងទៀតថាប្លង់ទន់ត្រូវបានផ្ទេរក្នុងពេលតិចជាង១០ ថ្ងៃ និងមានតម្លៃទាប។ប្លង់រឹងនៅកម្ពុជា៖លោក Fitzgerald បានពន្យល់ថា ប្លងរឹង គឺជា “ទម្រង់នៃប័ណ្ណកម្មសិទ្ធិកាន់កាប់រឹងមាំមួយនៅក្នុងប្រ ទេសកម្ពុជា។”  ប្លង់រឹងបានចុះបញ្ជីនៅថ្នាក់ជាតិ តាមរយៈក្រសួងរៀបចំដែនដីនគរូបនីយកម្ម និងសំ ណង់។ ការផ្ទេរប្លង់រឹងគឺត្រូវធ្វើនៅការិយាល័យសុរិយោដី និងជាធម្មតាត្រូវចំណាយពេល ១២ សប្តាហ៍ទើបរួចរាល់។  អ្នកត្រូវបង់ពន្ធលើការផ្ទេរ ៤ភាគរយ។ប្លង់រឹងប្រភេទLMAP នៅកម្ពុជា៖លោក Fitzgerald បានពន្យល់ថា ប្លង់រឹង LMAP ឬ “ប្លង់រដ្ឋបាលនិងការគ្រប់គង់ដីធ្លី” បានចូលជា អត្ថិភាពនៅក្នុងឆ្នាំ ២០០២ ដោយមានជំនួយពីធនាគារពិភពលោក។ លោកបាននិយាយថាគម្រោង នេះត្រូវបានបង្កើតឡើង “ជាមួយនឹងគំនិតនៃការពង្រឹងគុណភាពនៃ ព័ត៌មានពីប្លង់កម្មសិទ្ធិនៃអចលន ទ្រព្យនៅក្នុងប្រទេសកម្ពុជា។”ដូចគ្នានេះដែរ ថ្លៃសេវាលើការផ្ទេរ និងរយៈពេល គឺស្ទើរតែដូចគ្នារវាងប្លងរឹងប្រភេទLMAP និងប្លង់រឹង។ ភាពខុសគ្នាគឺត្រង់ថាប្លងរឹងប្រភេទ LMAP គឺមានការកំណត់ដោយប្រព័ន្ធ GPS និងប្លង់ប្រភេទនេះមានគោលបំណងឆ្ពោះទៅរកទីតាំងភូមិសាស្រ្តនៅតាមជនបទ។ប័ណ្ណសហកម្មសិទ្ធិ “ប័ណ្ណកម្មសិទ្ធិរួម”លោក Fitzgerald បានពន្យល់ថា “ប័ណ្ណកម្មសិទ្ធិកាន់កាប់រួម ប្រើបានសម្រាប់ជនបរទេស ដែលអ្នក ដទៃទៀតមិនអាចប្រើបា្រស់បាន។” លោកបានលើកឡើងថា ប័ណ្ណកម្មសិទ្ធិរួមមានគុណសម្បត្តិជាក់ លាក់ជាច្រើន។ ក្នុងចំណោមលក្ខណៈសម្បត្តិទាំងនេះគឺជាការរឹតបណ្តឹងកម្មសិទ្ធិបរទេសឲ្យមានត្រឹម តែ ៧០ភាគរយនៃអគារ ដែលមិនឲ្យជាប់ជាន់ផ្ទាល់ដីទេ។ ចំណុចនេះអាចត្រូវអនុវត្តសម្រាប់តែការ សាងសង់អគារបន្ទាប់ពីឆ្នាំ ២០១០ និងមិនគួរសាងសង់ក្នុងចម្ងាយ ៣០ គីឡូម៉ែត្រពីព្រំដែននៃប្រ ទេសណាមួយទេ។ប័ណ្ណកម្មសិទ្ធិរួម ក៏បានទទួលស្គាល់នៅក្រសួងរៀបចំដែនដីនគរូបនីយកម្ម និងសំណង់ផងដែរ។ ហើយទាំងពេលវេលា និងថ្លៃសេវានៃការផ្ទេរប្លង់ គឺស្រដៀងគ្នាទៅប្លង់រឹងនិងប្លង់រឹងប្រភេទ LMAP។សូមស្វែងរក អចលនទ្រព្យរបស់ក្រុមហ៊ុន IPS សម្រាប់លក់ និងជួល ថ្ងៃនេះ!  Click here to download your free copy!

ព័ត៌មានលំអិតអំពីការងើបឡើងទីផ្សារដែលទាក់ទងនឹងគម្រោងអភិវឌ្ឍថ្មីមួយនៅចំកណ្ដាលទីក្រុងភ្នំពេញ។ Royal one គឺជាគម្រោងរបស់ក្រុមហ៊ុន Royal Group (Cambodia) ដែលមានគម្រោងអភិវឌ្ឍន៍អគារភ្លោះដែលមានកម្ពស់៦២ជាន់។ អគារភ្លោះកម្ពស់៦២ជាន់នេះស្ថិតនៅតាមបណ្ដោយមហាវិថីព្រះមុនីវង្សនៅទល់មុខរូបសំណាក់ព្រះគនេសហើយមានទេសភាពល្អស្រស់ស្អាតនៅចំកណ្ដាលទីក្រុងទៀតផង។ភាពច្នៃប្រឌិត និងការរចនាម៉ូតរបស់គម្រោង Royal One ដោយមានអគារភ្លោះពីរស្ថិតនៅក្នុងដីដែលបានកំណត់មួយ សាងសង់នៅលើផ្ទៃដីដែលមានការអនុញ្ញាតសាងសង់ត្រឹមត្រូវ ដែលស្ថិតនៅតាមបណ្ណោយមហាវិថីព្រះមុនីវង្សនៅជិតផ្សារថ្មី និងអគារកាណាឌីយ៉ា។ ជាន់ទីមួយរបស់អគារទាំងពីរត្រូវធ្វើជាការិយាល័យហើយជាន់ទី២ជាសណ្ឋាគារនិងជាអគារលំនៅដ្ឋាន។  មានហាងលក់ទំនិញផ្សេងៗនឹងត្រូវបានសាងសង់ឡើងផងដែរហើយក៏មានជាន់មួយចំនួនទៀតសម្រាប់ជាចំណតរថយន្តផងដែរ។បើនិយាយពីសោភ័ណភាពវិញ អ្នកអភិវឌ្ឍន៍ប្រើប្រាស់ឧបករណ៍ទំនើបៗក្នុងគោលបំណងដើម្បីឱ្យអគារមើលទៅមានភាពទាន់សម័យនិងភាពរឹងមំា។ ពួកគេក៏មានគម្រោងសាងសង់ទឹកធ្លាក់នៅចន្លោះ អគារទាំងពីរផងដែរ បន្ថែមពីនេះទៅទៀតពួកគេមានបំណងប្រែក្លាយអគារទាំងពីរជា(សំណង់អគារប្រវត្តិសាស្រ្តទៀតផង)។  តម្លៃខុនដូទំនើបត្រូវបានគេព្យាករណ៏ថាមានតម្លៃប្រហែល ៣,៥០០ក្នុងមួយម៉ែត្រការ៉េ។ គម្រោងសាងសង់ការអភិវឌ្ឍ The Royal One នឹងចាប់ផ្ដើមសាងសង់ក្នុងឆ្នាំ២០១៧ ហើយរំពឹងថាសាងសង់រួចរាល់នៅចុងឆ្នាំ២០២១។អំពីអ្នកអភិវឌ្ឍន៍គម្រោង The Royal Oneក្រុមហ៊ុន The Royal Group គឺជាក្រុមហ៊ុនវិនិយោគចម្រុះមួយដែលមានបុត្រសម្ព័នក្រុមហ៊ុនផ្សេងៗគ្នា ដែលបោះទុនវិនិយោគពាសពេញឧស្សាហកម្មក្នុងប្រទេសកម្ពុជាមានដូចជា៖ ទូរគមនាគមន៏ ធនាគារ រមណីយដ្ឋាន ការអប់រំ ប្រព័ន្ធផ្សព្វផ្សាយ ធានារ៉ាប់រង ពាណិជ្ជកម្ម អចលនទ្រព្យ និងកសិកម្ម។ ក្នុងចំណោមគម្រោងជោគជ័យជាច្រើនពួកគេបានវិនិយោគទៅលើ សេវាកម្មអាផាតមិន Embassy Palace គម្រោង Northbridge គម្រោងខុនដូ North Park គម្រោងរមណីដ្ឋាន Royal Park ក្នុងខេត្តសៀមរាប សណ្ឋាគារកាំបូឌីយ៉ាណា  កាស៊ីណូ និងសណ្ឋាគារ Titan King និង គម្រោងផ្លូវរថភ្លើង Royal Railway។សូមធ្វើការទាក់ទងព័ត៌មានបន្ថែមអំពីគម្រោងនេះ!Click here to download your free copy!

ជូនចំពោះប្រិយមិត្តអ្នកអានទាំងអស់ជាទីរាប់អាន យើងមានភាពរីករាយក្នុងការផ្សព្វផ្សាយពីការបោះពុម្ពផ្សាយនូវទស្សនាវដ្ដី “អចលនទ្រព្យកម្ពុជា” សម្រាប់ខែតុលា ឆ្នាំ២០១៦ ដែលរក្សាសិទ្ធិគ្រប់យ៉ាងដោយ Realestate.com.kh!ក្នុងនាមជាអតិថិជនដែលបានចុះឈ្មោះក្នុងគេហទំព័ររបស់យើង អ្នកនឹងមានឱកាសក្នុងការទទួលបាននូវទស្សនាវដ្តីតាមប្រព័ន្ធអនឡាញរបស់យើងមុនអ្នកផ្សេងទៀតនៅក្នុងប្រទេសនេះ!នៅក្នុងការបោះពុម្ពលើកនេះយើងសិក្សាពី៖ចំណុចមួយចំនួនទាក់ទងទៅនឹងការវិនិយោគដីឡូតិ៍ក្នុងប្រទេសកម្ពុជាកំណើននៃការវិនិយោគនៅតំបន់ផ្សារទួលទំពូងក្នុងទីក្រុងភ្នំពេញការពិចារណា លើបញ្ហានៅក្នុងការវាយតម្លៃលើអចលទ្រព្យកម្ពុជា និងស្វែងរកវិធីសាស្រ្ដដ៏ល្អបំផុតដើម្បីដោះស្រាយនូវការប្រឈមទាំងនេះ។ជាការពិតណាស់អ្នកអាចស្វែងរកនូវជម្រើសជាច្រើននៃអចលនទ្រព្យសម្រាប់ជួល និងលក់នៅទូទាំងប្រទេស និងអាចស្វែងយល់ពីការសិក្សាពីគម្រោងអចលនទ្រព្យថ្មីនៅកម្ពុជា។ អ្នកទិញ និងអ្នកលក់អចលនទ្រព្យដ៏ឆ្លាតវៃ ត្រូវតែដឹងឲ្យបានច្បាស់អំពីលក្ខខណ្ឌនៃទីផ្សារ អចលនទ្រព្យមុនពេលធ្វើការសម្រេចចិត្តណាមួយ។ ដោយសារតែកត្តាទាំងនេះបានជា ទស្សនាវដ្ដី "អចលនទ្រព្យកម្ពុជា" បានដាក់បញ្ចូលទាំងការវិភាគ និងដំបូន្មានដ៏មានសារៈសំខាន់ពីទីផ្សារអចលនទ្រព្យកម្ពជា ហើយទស្សនាវដ្ដីនេះជាមគ្គទេសក៍មួយដែលងាយស្រួលអានក្នុងការស្វែងយល់ពី របៀបវិនិយោគអចលនទ្រព្យនៅកម្ពុជាដោយភាពឆ្លាតវៃ។Get your Free Copy!

សាលារាជធានីភ្នំពេញគ្រោងស្ថាបនាស្ពានឆ្លងកាត់ទន្លេសាបមួយកន្លែងទៀតដើម្បីតភ្ជាប់ពីតំបន់អភិវឌ្ឍន៍ជ្រោយចង្វារមកកាន់តំបន់ឬស្សីកែវត្រង់ចំណុចគីឡូម៉ែត្រលេខ៦។កាលពីព្រឹកថ្ងៃទី ៧ ខែតុលា ឆ្នាំ ២០១៦ សាលារាជធានីភ្នំពេញបានរៀបចំកិច្ចប្រជុំជាមួយមន្រី្តជំនាញដើម្បីពិ ភាក្សាគ្នាលើគម្រោងស្ថាបនាផ្លូវថ្មី ហើយរុះរើផ្លូវដែកចាស់ចេញ។ ក្នុងឱកាសនោះដែរ លោក ប៉ា សុជាតិវង្ស ជាអភិបាលក្រុងភ្នំពេញបានមានប្រសាសន៍ទាក់ទងទៅនឹងគម្រោងសាងសង់ស្ពានឆ្លងកាត់ទន្លេសាប។ លោកថា “ការរសាងសង់ស្ពានចម្លងថ្មីមួយនេះគឺបានត្រៀមកញ្ចប់ថវិការួចរាល់ហើយ ចំណែកឯការសាងសង់នឹងត្រូវដំណើរការក្នុងពេលឆាប់ៗនេះ។”លោកបានបញ្ជាក់ថាក្នុងជំហានបន្ទាប់មន្ត្រីជំនាញធ្វើការចុះសិក្សាពីលក្ខខណ្ឌតំបន់ និងទីតាំងដែលត្រូវសាង សង់ ដោយធ្វើយ៉ាងណាឲ្យការតភ្ជាប់គ្នាវាងត្រើយខាងលិច និងខាងកើត ដោយធ្វើយ៉ាងណាដើម្បីបម្រើផលប្រយោជន៍ដល់ប្រជាជនក្នុងតំបន់ និងសម្រួលឲ្យការធ្វើ ចរាចរណ៍កាន់តែមានភាពងាយស្រួល។ នៅក្នុងពេលបច្ចុប្បន្ននៅត្រើយខាងកើតក៏មានការអភិវឌន្ឍន៍ ជាទីក្រុងរណបថ្មីមួយដែរ។លោកបញ្ជាក់ទៀតថា៖ "សម្រាប់ត្រើយខាងលិចគម្រោងស្ពានថ្មីនឹងនឹងត្រូវភ្ជាប់មកលើផ្លូវដែកចាស់ស្ថិតនៅក្នុងសង្កាត់ឬស្សី កែវខណ្ឌឬស្សីកែវឆ្លងកាត់ផ្លូវជាតិលេខ៥ហើយឆ្លងទន្លេឆ្ពោះទៅផ្លូវលេខ៧០ទំនប់ទួលគោក។លោកអភិបាលបានលើកឡើងថា ដើម្បីដោះស្រាយលើផលប៉ះពាល់នៃការធ្វើដំណើរ ក៏ដូចជាន្លឿនដំណើរការនៃការសង់ អាជ្ញាធរក្នុងតំបន់ នឹងធ្វើការសហការជាមួយក្រសួងសាធារណៈការ និងដឹកជញ្ជូន ដើម្បីដកយកផ្លូវចាស់ចេញ ហើយជំនួសមកវិញនូវការសាងសង់ផ្លូវបេតុងទំហំទទឹង ៣០ម៉ែត្រដែលមានប្រវែងសរុប ៦គីឡូម៉ែត្រជូនប្រជាពលរដ្ឋ។លោកសង្កត់ធ្ងន់ថា នៅពេលដែលគម្រោងទំាង២នេះបានស្ថាបនារួចរាល់នោះ  បានជួយរំដោះបញ្ហាចរាចរណ៍ដ៏មមាញឹកនៅច្រកចូលក្នុងរាជធានីភ្នំពេញបានមួយចំណែកពីផ្លូវជាតិលេខ៥ត្រង់គីឡូម៉ែត្រលេខ៦ទៅដល់ស្ពានជ្រោយចង្វារ ជាពិសេសប្រជាពលរដ្ឋនៅតំបន់ឬស្សីកែវនេះដែលត្រូវឆ្លងកាត់តំបន់ជ្រោយចង្វារគឺពុំចាំបាច់ទៅឆ្លងស្ពានជ្រោយចង្វារទៀតឡើយ។ទាក់ទងទៅនឹងគម្រោងថ្មីនេះ លោក អ៊ិន ស៊ីថា ជាទីប្រឹក្សាក្រុមហ៊ុន VTrust Appraisal ជឿថាគម្រោងនេះនឹងត្រូវបានសាង សង់ប្រាកដមែន ដោយសារតែវាក៏ជាផ្នែកមួយនៃផែនការយុទ្ធ សាស្រ្តរបស់រដ្ឋាភិបាលនៅក្នុងតំបន់។ លោកបានពន្យល់ថា បច្ចុប្បន្នមានផ្លូវតែផ្លូវជាតិពីរខ្សែប៉ុណ្ណោះនៅក្នុងតំបន់សម្រាប់ជាផ្លូវ ចេញចូល ទីក្រុង រួមមានផ្លូវលេខ ៥ និងលេខ៦។  នៅក្នុងឱកាសបុណ្យសំខាន់ៗដូចជា បុណ្យភ្ជំបិណ្ឌ និង បុណ្យចូលឆ្នាំខ្មែរ ការធ្វើចរាចរណ៍កាន់តែមានការលំបាក។ ដូច្នេះការកសាងផ្លូវ ឫស្ពានថ្មីនេះនឹង ជួយបន្ធូរបន្ថយស្ថានភាពចរាចរណ៍ ទាំងនៅក្នុងតំបន់ និងទីក្រុងទាំងមូល។លោកបានបន្តលើកឡើងទៀតថាការកសាងស្ពានថ្មីនេះគឺមានសារៈសំខាន់ដល់ប្រជាជនមូលដ្ឋាន។ នៅពេលដែលការសាងសង់ស្ពាននេះត្រូវបានបញ្ចប់ ផ្លូវថ្នល់ ក៏ដូចជាពាណិជ្ជកម្មផ្សេងទៀតនឹងកើត មានច្រើនឡើងនៅក្នុងតំបន់។ បន្ថែមលើសពីនេះទៅទៀត លក្ខខណ្ឌទាំងនេះនឹងនាំមកនូវការធ្វើអា ជីវកម្មបន្ថែមទៀតនៅលើផ្លូវដងផ្លូវ។ ផ្ទះអនាធិបតេយ្យមួយចំនួនក៏នឹងត្រូវកែប្រែក្លាយជាសំណង់ ដែលមានសណ្តាប់ធ្នាប់  ហើយការអភិវឌ្ឍន៍កាន់តែច្រើននឹងកើនឡើងនៅក្នុងតំបន់នោះ។នៅពេលដែលគម្រោងស្ពានថ្មីនេះបានសាងសង់តាមផែនការ នោះនឹងធ្វើឲ្យរាជធានីភ្នំពេញមានស្ពានឆ្លងកាត់ ទន្លេសាបចំនួន៤កន្លែងដូចជា ៖ ស្ពានជ្រោយចង្វារចំនួន២ ស្ពានព្រែកភ្នៅ និងស្ពានថ្មីនៅខ័ណ្ឌឫស្សីកែវនេះ ៕ ស្វែងរកព័ត៌មានពីគម្រោងអភិវឌ្ឍន៍ថ្មីៗ នៅប្រទេសកម្ពុជាជាមួយ realestate.com.kh!   Click here to download your free copy!

ព្រលានយន្តហោះក្រុងព្រះសីហនុ (អតីតព្រលានយន្តហោះកងកេង) បានបង្កើតឡើងតាំងពី ទសវត្សឆ្នាំ១៩៦០។ បន្ទាប់ពីសម័យខ្មែរក្រហមបានបញ្ចប់ទៅព្រលានយន្តហោះនេះត្រូវបានប្រតិបត្តិការឡើងវិញនៅដើមឆ្នាំ២០០៧ ប៉ុន្តែសេវាកម្មមានដំណើរដំណើរការតែក្នុងរយៈពេលខ្លីប៉ុណ្ណោះហើយក៏បានផ្អាកដំណើរការដល់ឆ្នាំ ២០១១។បន្ទាប់ពីអាកាសយាន្តដា្ឋនអន្តរជាតិសៀមរាបបានដំណើរការនៅចុងឆ្នាំ ២០១១ មានគម្រោងចង់បើកដំណើរការជើងហោះហើរទៅមកវាងក្រុងភ្នំពេញ សៀមរាប និងក្រុងព្រះសីហនុ។ នៅឆ្នាំ ២០១៣ សេវាកម្មដឹកអ្នកដំណើរពីសៀមរាបទៅក្នុងព្រះសីហនុក៏បានដំណើរការឡើង។យោងទៅតាមលោក ស៊ីន ចាន់សិរីវុត្ថា ដែលជាអគ្គនាយករងនៃរដ្ឋលេខាធិការដ្ឋានអាកាសចរណ៍ស៊ីវិលកម្ពុជា បានលើកឡើងថាព្រលានយន្តហោះក្រុងព្រះសីហនុ គឺជាព្រលាន្តយន្ត ហោះដែលមានទំហំធំជាងគេនៅកម្ពុជា។លោក ស៊ីន ចាន់ស៊ីសិរីវុត្ថា បានឲ្យដឹងថាអាកាសយាន្តដា្ឋនអន្តរជាតិក្រុងព្រះសីហនុនឹងក្លាយជាព្រលានយន្តហោះធំជាងគេនៅប្រទេសកម្ពុជានៅក្នុងរយៈពេល ១០ទៅ១៥ ឆ្នាំខាងមុខ។លោកបានបន្តទៀតថាសេដ្ឋកិច្ចរបស់ខេត្តព្រះសីហនុកាន់តែមានភាពរីកចម្រើនទៅមុខខ្លាំងឡើងគឺដោយសារមានកត្តាសេដ្ឋកិច្ចសំខាន់បានចូលរួមចំណែកដូចជា៖ វិស័យពាណិជ្ជកម្ម វិស័យឧស្សាហកម្ម ការដឹកជញ្ជូន ការនាំចេញនិងនាំចូល និងវិស័យទេសចរណ៍ជាពិសេសជាងនេះទៅទៀតគឺ តំបន់ក្រុងព្រះសីហនុកំពុងក្លាយជាតំបន់ដ៏មានសក្តានុពលសម្រាប់កាងភិវឌ្ឍន៍វិស័យអចលនទ្រព្យក្នុងតំបន់កំពុងប្រែក្លាយជាតំបន់សេដ្ឋកិច្ចពិសេសហើយមានរោងចក្រឧស្សាហកម្មជាច្រើនបានបង្វែរទិសដៅរបស់របសខ្លួនមកកាន់តំបន់នេះ។ ហើយជាពិសេសមួយទៀតកំពុងផែស្វ័យក្រុងព្រះសីហនុក៏ជាកំពុងផែអន្តរជាតិដែលមានកូនសោរដ៏សំខាន់សម្រាប់សេដ្ឋកិច្ចកម្ពុជា។ម្យ៉ាងវិញទៀតក្រុងព្រះសីហនុក៏ជាទិសដៅទេសចរណ៍សម្រាប់ប្រទេសកម្ពុជា សម្រាប់ទាំងភ្ញៀវជាតិ និងអន្តរជាតិ។ ព្រលានយន្តហោះក្រុងព្រះសីហនុបានផ្តល់ភាពងាយស្រួលដល់អ្នកទេសចរណ៍យ៉ាងសម្បើម។ ចំណែកឯការហោះហើរក្នុងស្រុកព្រមទាំងអន្ដរជាតិឆ្ពោះទៅទីក្រុងហូជីមិញ  រាជធានីភ្នំពេញ និងសៀមរាបផងដែរ ក៏ដូចជាមានការផ្តល់ជូនសេវាយន្ដហោះឯកជនអន្តរជាតិ និងឧទ្ធម្ភាគចក្រផងដែរ។ ព្រលានយន្តហោះអន្តរជាតិក្រុងព្រះសីហនុមានស្ថានភាពភូមិសាស្រ្តដូចនឹងព្រលានយន្តហោះនៅប្រទេស ជប៉ុន ហុងកុង សិង្ហបូរី ដែលសុទ្ធសឹងជាព្រលាយន្តហោះដែលស្ថិតនៅជិតកំពុងផែ និងសមុទ្រ៕ តាមដានបន្ថែមអំពីព័ត៌មាននៃការអភិវឌ្ឍន៍តាមរយៈRealestate.com.kh!

មិនមានអ្វីគួរឱ្យភ្ញាក់ផ្អើលនោះទេសម្រាប់ហាងកាហ្វេបែបទំនើប តួយ៉ាងមានយីហោហាងកាហ្វេជាច្រើនដែលបានបើកដំណើរការក្នុងទីក្រុងភ្នំពេញ។ ប៉ុន្តែការមកដល់ហាងកាហ្វេយីហោយក្ស Starbucks ដែលទើបបើកថ្មីៗនៅទីក្រុងភ្នំពេញហាក់បីដូចជាប្លែកបន្តិចសម្រាប់ប្រជាជនកម្ពុជាដែលរស់នៅទីក្រុងភ្នំពេញ។ យើងឃើញថាយីហោអាហារនិងភេសជ្ជៈយីហោអន្តរជាតិត្រូវបានទិញសិទ្ធិអាជីវកម្មចូលមកក្នុងប្រទេសយ៉ាងច្រើន។មកដល់ភ្លាមលក់ភ្លាម៖ជាមួយនិងបទពិសោធន៏ជាង៤៥ឆ្នាំក្នុងវិស័យឧស្សាហកម្មកាហ្វេ Starbucksដែលបានគ្រប់គ្រងហាងលក់រាយជាង ២២,៥១៩ នៅលើពិភពលោក(គិតត្រឹមថ្ងៃ ទី២៨ ខែមិថុនា ឆ្នាំ២០១៥)។ ឈ្មោះកាហ្វេ Starbucks គឺជាឈ្មោះល្បីដែលបានទទួលស្គាល់ពាសពេញពិភពលោកតាមរយៈយុទ្ធនាការផ្សព្វផ្សាយយ៉ាងយកចិត្តទុកដាក់ និងតាមរយៈការខិតខំប្រឹងប្រែងដាក់ផលិតផលបស់ខ្លួនលក់ក្នុងទីផ្សារ។ ក្នុងខែតុលាឆ្នាំ២០១៦សាខាចម្បងថ្មីមួយទើបតែបើកដើម្បីបម្រើដល់សាធារណៈជនកម្ពុជាក្នុងសង្កាត់បឹងកេងកង១ រាជធានីភ្នំពេញ Starbucks ទើបតែសម្ភោធន៏សាខាថ្មីរបស់ក្រុមហ៊ុនស្ថិតនៅចំកណ្ដាលទីក្រុងភ្នំពេញ។ សាខាថ្មីរបស់ Starbucks មាន២ជាន់និងទំហំ៦៥០ម៉ែតការ៉េ រួមបញ្ចូលទាំងរូបគំនូរលើជញ្ជំាងចម្លាក់មួយដែលជាការបរិយាយនូវរឿងនិទានបែបបុរាណខ្មែរសុវណ្ណមច្ឆា។ Starbucks នៅប្រទេសគម្ពុជាបានចាប់ដៃគូជាមួយអង្គការមួយដែលមានឈ្មោះថា Cambodian Children’s Fund ដែលជាអង្គការអភិវឌ្ឍន៍សហគមន៏រយៈពេលវែងមួយ។ ពួកគេបាន និយាយថា “ពួកយើងគិតយ៉ាងល្អិតល្អន់ដើម្បីឱ្យមានការរីកចម្រើនក្នុងប្រទេសកម្ពុជា ដែលវាទាក់ទងនិងតម្លៃរបស់ក្រុមហ៊ុនយើងផងដែរ វាមិនត្រឹមតែជាការពង្រីកអាជីវកម្មក្នុងទីផ្សារនោះទេ។” កាហ្វេ និងការវិនិយោគ៖ប៉ុន្តែ Starbucks ដែលកំពុងតែបើកនេះជាហាងកាហ្វេដែលមិនត្រឹមតែជាចំណុចវិជ្ជមានសម្រាប់តែឧស្សាហកម្មចំណីអាហារនិងភេសជ្ជៈឡើយ…វាថែមទាំងមានការទាក់ទងជាមួយនឹងអចលនទ្រព្យទៀតផងដែរ ជាក់ស្តែងតាមរបាយការណ៍របស់ធនាគារពិភពលោកបានអះអាងថាប្រទេសកម្ពុជាជា ប្រទេសដែលមានប្រាក់ចំណូលមធ្យមកម្រឹតទាប ដែលប្រទេសកម្ពុជាមានប្រាក់ចំណូលប្រចាំឆ្នំាជាមធ្យមប្រមាណ ១០២៦ ដុល្លារនិង ៤០៣៥ដុល្លារ។ ដូច្នេះ ប្រជាជនកម្ពុជាអាចមានលទ្ធភាពគ្រប់គ្រាន់ក្នុងការចំណាយ នេះបើយើងតាមរបាយការណ៏ធនាគារពិភពលោក។ជាមួយនិងការកើនឡើងការចំណាយរបស់អតិថិជន Starbucks មិនមានអ្វីគួរបារម្មណ៏អំពីតម្លៃខុសគ្នា ខ្លាំងឡើយជាមួួយនឹងតម្លៃកាហ្វេរបស់ខ្លួន បើធៀបទៅនិងតម្លៃកាហ្វេក្នុងស្រុក។ តម្លៃកាហ្វេក្នុងស្រុកប្រហែល ០,៧៤ដុល្លា(ហើយខ្លះមានតម្លៃត្រឹមតែ ០,២៥ដុល្លា) ខណៈដែលមួយកែវតូចរបស់ Starbucksមានតម្លៃចាប់ពី ២,៩៥ ដុល្លា។ប្រសិនបើកាហ្វេមួយកែវជាសញ្ញាបង្ហាញពីកំណើនប្រាក់ចំណូល ក្រលេកមើលពីវិស័យអចលនទ្រព្យអាចនឹងអនុវត្តតាមនិន្នាការស្រដៀងគ្នានេះ វិនិយោគិនអាចនឹងពង្រីកទីផ្សាដោយសារតែប្រជាជនអាចទិញ  និងជួលអចលនទ្រព្យក្នុងអត្រាខ្ពស់បាន។ ការកង្វះទីផ្សារលក់បន្ត (ការលក់និងជួលអចលនទ្រព្យឡើងវិញ) ដើម្បីឲ្យការអភិវឌ្ឍន៍អចលនទ្រព្យបង្ហាញថាជាបញ្ហាដ៏ធំបំផុតមួយរបស់ទីផ្សារកម្ពុជាសម្រាប់អ្នកវិនិយោគ។ជាងនេះទៅទៀត ប្រសិនបើទីផ្សារកម្ពុជាបង្ហាញថាអាចរកប្រាកចំណូលបានច្រើនសម្រាប់ Starbucks ក្រុមហ៊ុនអាហារនិងភេសជ្ជៈអន្តរជាតិផ្សេងទៀតនឹងមកវិនិយោគក្នុងទីផ្សារកម្ពុជាផងដែរ ដោយមានការទទួលបានទំនុកចិត្តពីអតិថិជនកាន់តែច្រើនឡើង។ដូច្នេះខណៈដែល Starbucks បានបើកក្នុងសង្កាត់បឹងកេងកង១បានក្លាយជាកាហ្វេដែលពេញនិយម និងទទួលបានការស្វាគមន៏យ៉ាងកក់ក្ដៅក្នុងតំបន់ ដើម្បីសាកល្បងរស់ជាតិរបស់ខ្លួនវាពិតជាសំខាន់ណាស់សម្រាប់វិនិយោគិនដែលមានបំណងវិនិយោគរយៈពេលវែងក្នុងប្រទេសកម្ពុជា។ស្វែងយល់បន្ថែមអំពីទីតំាងនិងការអភិវឌ្ឍន៍ក្នុងក្រុងភ្នំពេញ!

Habitat គឺជាខុនដូបូទិកតែមួយគត់ដែលមានចំនួន១៤ជាន់ ស្ថិតនៅលើផ្លូវ២១ ជាផ្លូវដែលមានមនុស្សរស់នៅច្រើននៅខណ្ឌទន្លេបាសាក់ រាជធានីភ្នំពេញ។បច្ចុប្បន្នផ្ទះគំរូរបស់គម្រោងកំពុងដាក់តាំងបង្ហាញ ហើយផ្តល់ឱកាសដល់អ្នកដែលចង់ទិញរហូតដល់ខែវិច្ឆិការ ដែលលំនៅដ្ឋាននេះបង្ហាញពីទ្រព្យសម្បត្តិដែលមានការធានាយ៉ាងពិតប្រាកដ។ លើសពីនេះទៅទៀតជាមួយនឹងដំណើរនៃការរៀបចំការផ្ដល់វិញ្ញាបនបត្របញ្ជាក់កម្មសិទ្ធិកាន់កាប់ លំនៅដ្ឋានប្រភេទខុនដូគឺអាចធានានូវភាពជាកម្មសិទ្ធិពេញលេញតាមរយៈការចុះហត្ថលេខា និងប្រគល់ជូន។សាងសង់តាមស្តង់ដារ និងគុណភាពអន្តរជាតិ គម្រោងខុនដូ Habitat Condos មានប្រព័ន្ធពន្លត់អគ្គីភ័យអេឡិចត្រូនិក សន្តិសុខ ហើយការសាងសង់មានគុណភាព និងសុវត្ថិភាពលំដាប់ថ្នាក់ទីមួយរបស់ពិភពលោក។ ម្ចាស់អភិវឌ្ឍន៍ម្នាក់ឈ្មោះលោក Intan Kosem ដើមកំណើតខ្មែរដែលទទួលការអប់រំនៅក្នុងប្រទេសអូស្ត្រាលី ប្រទេសស្វីស និងសហរដ្ឋអាមេរិក បាននាំមកនូវការច្នៃប្រឌិតសម្រាប់គម្រោង Habitat រួមជាមួយនឹងគុណភាពបែបអន្តរជាតិ ស្របតាមចំណង់ចំណូលចិត្តនៃការរស់នៅដែលមាននិរន្តរភាពនិងភាពចុះសម្រុងគ្នា។ ដៃគូអភិវឌ្ឍន៍ លោក Michael Davitt ដែលមានបទពិសោធន៍យ៉ាងច្រើននៅក្នុងការសាងសង់នៅប្រទេសអូស្រ្តាលី។ជាការធានាអះអាងមួយតួយ៉ាងគម្រោងអាផាតមេន DK Sanctuary គឺជាចំណុចគោលមួយសម្រាប់ធ្វើការកត់សម្គាល់អ្នកអភិវឌ្ឍន៍សម្រាប់គុណភាពនៃការសាងសង់ការថែរក្សា  និងសេវាកម្មគ្រប់គ្រងអចលនទ្រព្យនៅ Habitat ត្រូវបានធានា។ គម្រោងលំនៅដ្ឋានកន្លងមករបស់ក្រុមហ៊ុនដូចជាគម្រោង  DK Sanctuary នៅទន្លេបាសាក់មានអ្នកជួលកាន់កាប់៩៥% តាំងពីពេលបើកក្នុងឆ្នាំ២០១០។ អាផាតមេនសម្រាប់រស់នៅរបស់គម្រោងនេះបានក្លាយជាលំនៅដ្ឋានរបស់មន្ត្រីការទូត នាយកប្រតិបត្តិ និងគ្រប់គ្រងជាន់ខ្ពស់ដទៃទៀ។ មានការបង្ហាញជាសក្ខីកម្មពីកម្រិតនៃការកាន់កាប់ច្រើនការជួលអគារ និងការគ្រប់គ្រង ជាមួយនឹងចំនួនសរុបនៃសំណង់ដែលគូសបញ្ជាក់ពីសមត្ថភាពរបស់អ្នកអភិវឌ្ឍន៍ដើម្បីផ្តល់ជូននូវការវិនិយោគដែលផ្តល់លទ្ធផលខ្ពស់នៅក្នុងការប្រកួតប្រជែងទីផ្សារលំនៅដ្ឋាន។ជាមួយនឹងបទពិសោធន៍ក្នុងការរចនាហាងកាហ្វេ Hard Rock Cafe នៅខេត្តសៀមរាប និងសាលតំាងបង្ហាញរបស់ក្រុមហ៊ុនរថយន្ត Audi នៅក្រុងភ្នំពេញ។ ក្រុមហ៊ុន Claire Croste of JPMC Architect & Consultant Ltd. បាននាំយកបទពិសោធន៍នៃការអភិវឌ្ឍលំនៅដ្ឋានមកកាន់គម្រោងHabitat។ ជាមួយនឹងក្រុមហ៊ុនសាងសង់ល្បីឈ្មោះ ក្រុមហ៊ុនសាងសង់ និងរចនា MEP (ឧទាហរណ៍ ក្រុមហ៊ុន Space Logic ពីសិង្ហបុរី) ដែលបានធ្វើការជាមួយគ្នា លទ្ធផលបានក្លាយជាការអភិវឌ្ឍលំនៅដ្ឋានដែលបានកំណត់ជាចំណុចគោលថ្មីសម្រាប់ការរចនា និងរបៀបរស់នៅក្នុងបរិយាកាសដែលមានមនុស្សរស់នៅចម្រុះគ្នានៃរាជធានីភ្នំពេញ។គ្រប់យូនីតទាំងអស់រួមមានកំរាលឈើស្រស់ស្អាត ដែលឈើប្រមូលដោយស្របច្បាប់ពីព្រៃឈើរបស់កម្ពុជាដោយក្រុមហ៊ុន អន្ដរជាតិល្បីឈ្មោះមួយ។ ប្រព័ន្ធអេឡិចត្រូនិមានស្តង់ដារ ជាមួយនឹងទូរទ្ទស្សន៍ខ្សែកាប CCTV និងប្រព័ន្ធពន្លត់អគ្គិភ័យដែលមានស្តង់ដារ និងមានបំពាក់ដោយម៉ាស៊ីនត្រជាក់គ្រប់យូនីតទាំងអស់។សម្រាប់គម្រោងអចលនទ្រព្យនេះគឺជាសហគមន៍ដែលមាន អាងហែលទឹកដែលមានទឹកប្រៃនៅលើដំបូល កន្លែងហាត់ប្រាណ កន្លែងអាំងសាច់នៅលើដំបូល។ នៅលើជាន់លើបង្អស់មានយូនីតដែលអាចរស់នៅបានពីរគ្រួសារដែលផ្តល់នូវទេសភាពស្រស់ស្អាត និងទទួលប្រយោជន៍ពីសេវាកម្មជាច្រើនទាំងនេះ។អ្នកទិញទាំងអស់ត្រូវបានធានាថាគ្មានអ្វីរារាំង ឫបាំងមិនឲ្យមើលឃើញនូវទេសភាពនៃអចលនទ្រព្យនៅក្បែរៗនោះ ដែលមាន លំនៅដ្ឋានទាបខ្ពស់ថ្មីៗ(៣០ទៅ៤០ម៉ែត្រ)រួមជាមួយនឹងតំបន់បៃតង(កំណើនមួយដ៏កម្រនៅក្នុងទីក្រុងភ្នំពេញ)។ គម្រោង Habitat  ទន្លេបាសាក់គឺជាទីតាំងល្អបំផុតដោយមានផ្សារទំនើបអ៊ីអន ណាហ្គាវើល ផ្សារទំនើបលក់ទំនិញរួចពន្ធ សណ្ឋាគារ និងកាស៊ីណូណាហ្គាវើល២ និងទេសភាពមាត់ទន្លេសម្រាប់ដើរកំសាន្តល្បីល្បាញនៃទីក្រុង ឫជិះតុតុតាមមាត់ទន្លេកំសាន្ត។ ជាមួយផ្នែកខ្លះនៃទន្លេបាសាក់នៅជិតៗកន្លែងរស់នៅរបស់អ្នក ហើយសង្កាត់បឹងកេងកង១ក៏នៅជិតគ្នាដែរជម្រើសនៃការកម្សាន្ត និងបរិភោគអាហារដែលគ្មានព្រំដែន ដែលមានតែមួយគត់នៅតំបន់នេះ។តម្លៃជាមធ្យមគឺ ២,៧៨០ ដុល្លារក្នុងមួយម៉ែត្រការ៉េ  តម្លៃសរុបមធ្យម១,៧៥០ដុល្លារក្នុងមួយម៉ែត្រការ៉េ ទំហំនៃយូនីតមានទំហំចន្លោះពី៨៧ម៉ែត្រការ៉េទៅ១៨៦ម៉ែត្រការ៉េ (សម្រាប់ព័ត៌មានលម្អិតសូមមើលផ្ទះគំរូរបស់យើង ឬពិគ្រោះ យោបល់លម្អិត)។ជាមួយនឹងអត្រាជួលត្រឡប់ពី ៨% - ១០% និងមិនមានការទាក់ទាញការធ្វើទីផ្សារ អ្នកអភិវឌ្ឍន៍ផ្តល់នូវផលិតផលចុងក្រោយ និងវាយតម្លៃពីតម្លៃរបស់វា។ “អ្វីដែលអ្នកឃើញគឺពិតជាអ្វីដែលអ្នកទទួលបាន!”  ត្រៀមខ្លួនទៅរស់នៅក្នុងផ្ទះ ឫក៏ចង់ជួលគឺជាជម្រើសរបស់អ្នក។បាវចនារបស់អ្នកអភិវឌ្ឍន៍គឺ “Habitatគឺជាលំនៅដ្ឋានរបស់អ្នក។” អ្នកអាចទាក់ទងដោយផ្ទាល់ថ្ងៃនេះតាមរយៈ 010 927 450/017445083 ឫinfo@habitat.condos  ឬ ចូលទៅកាន់ www.habitat.condos ឫ www.facebook/habitatcondos និងមើលការតាំងបង្ហាញផ្ទះគំរូដោយផ្ទាល់។មើលបញ្ជីអចលនទ្រព្យរបស់គម្រោងខុនដូ Habitat!

ការវិភាគទីផ្សារអចលនទ្រព្យជាមួយ Realestate.com.kh ជួបជាមួយអ្នកជំនាញនៅក្នុងទីផ្សារចែករំលែកទស្សនរបស់ខ្លួនលើវិស័យទីផ្សារអចលនទ្រព្យកម្ពុជាឆ្នាំ២០១៦។    លោក Sam Yang នាយកប្រតិបត្តិរបស់ក្រុមហ៊ុន Eastland Development HK Co. Ltd. ១) តើមានការផ្លាស់ប្តូរសំខាន់អ្វីខ្លះ នៅក្នុងទីផ្សារអចលនទ្រព្យកម្ពុជារហូតដល់ឆ្នាំ ២០១៦ និងតើអ្វីដែលបានប៉ះពាល់ដល់ការផ្លាស់ប្តូរនៅលើទស្សនវិស័យទីផ្សារនាពេលបច្ចុប្បន្ននេះ?“ខ្ញុំចង់និយាយថាមានការកើនឡើងនូវការប្រាក់សម្រាប់ អច-លនទ្រព្យប្រភេទដីធ្លី និងអចលនទ្រព្យប្រភេទពាណិជ្ជកម្ម។នៅក្នុងប្រទេសកម្ពុជាតម្លៃនៃអចលនទ្រព្យប្រភេទដីធ្លី ភាគច្រើនជម្រុញឲ្យមានមានការកើនឡើងនូវតម្លៃរបស់វា។ ទោះជាយ៉ាងណាលក្ខណៈនេះត្រូវបានគេរំពឹងថាក្នុងអំឡុងពេលបោះឆ្នោតនៅកម្ពុជានៅឆ្នាំក្រោយការប្រែប្រួលនឹងចុះត្រជាក់ទាក់ទងនឹងទីផ្សារដីធ្លី តម្លៃនៃអចលនទ្រព្យប្រភេទដីធ្លីត្រូវបានគេរំពឹងថានឹងនៅតែមានស្ថិរភាព បើទោះបីតម្លៃដីអាចនឹងធ្លាក់ចុះបន្តិចក៏ដោយ។សម្រាប់អចលនទ្រព្យពាណិជ្ជកម្ម ខ្ញុំជឿថាទីផ្សារនេះនឹងនៅតែខ្លាំងដោយសារតែការផ្គត់ផ្គង់តម្រូវការយ៉ាងខ្លាំង ក៏ដូចជាការផ្គត់ផ្គង់ដល់ប្រភេទការិយាល័យ"កម្រិតB"។ លើសពីនេះទៅទៀតសហគ្រាសលក្ខណៈបរទេស ឬមូលនិធិសម្រាប់ទិញ ឬការវិនិយោគនៅក្នុងគម្រោងដែលជិតបញ្ចប់។ ដោយសារមានតែអគារពាណិជ្ជកម្មមួយចំនួនប៉ុណ្ណោះដែលនឹងបញ្ចប់នៅឆ្នាំក្រោយ ខ្ញុំជឿថាតម្រូវការនេះនឹងជំរុញទីផ្សារមួយនេះឲ្យឈានទៅមុខ។”២) តាមគំនិតរបស់អ្នក តើអ្វីគឺជាផ្នែកមួយនៃទីផ្សារដែលជាតម្រូវការនៃការអភិវឌ្ឍន៍នៅពេលបច្ចុប្បន្ន ហើយជាអ្វីដែលអ្នកជឿថាជាការអភិវឌ្ឍន៍ដែលមានសុវត្ថិភាពរយៈពេលវែងនៃទីផ្សារអចលនទ្រព្យនៅប្រទេសកម្ពុជា? ហេតុអ្វី? ហើយអាចនឹងសម្រេចបានដោយរបៀបណា?“ការអប់រំរបស់វិនិយោគិនគឺជាកត្តាសំខាន់បំផុតដែលត្រូវការដើម្បីរក្សាទីផ្សារឲ្យមានភាពរឹងមំា និងសុវត្ថិភាពល្អនៅក្នុងរយៈពេលវែង។ នេះគឺដោយសារតែអ្នកមិនមែនជាប្រជាជនកម្ពុជាមិនមានការយល់ដឹងច្បាស់លាស់អំពីប្រទេសនេះ ឬសូម្បីតែអំពីរាជធានីភ្នំពេញ។ និយាយអំពីអ្នកស្រុក ពួកគេមិនទាន់ យល់ដឹងទាំងស្រុងពីអត្ថប្រយោជន៍នៃការរស់នៅក្នុងខុនដូនៅឡើយ ខ្ញុំផ្ដល់យោបល់ថាមានតម្រូវការយ៉ាងខ្លាំងដើម្បីបង្កើនការចាប់អារម្មណ៍របស់ប្រទេសនេះទៅកាន់ពិភពលោកនេះតាមរយៈការផ្សព្វផ្សាយពាណិជ្ជកម្មនៅបរទេស ដោយបង្ហាញភាពស្រស់ស្អាតនៃប្រទេសនេះ។ ហើយនោះជាអ្វីដែលរដ្ឋាភិបាលអាចធ្វើ ក៏ដូចជាសម្របសម្រួលជាមួយវិស័យឯកជននៅក្នុងគោលបំណងដើម្បីសម្រេចបាននូវភាពជោគជ័យ "។លោក Ross Wheble នាយកប្រចាំប្រទេសរបស់ក្រុមហ៊ុន Knight Frank (កម្ពុជា) ភីធីអ៊ីអិលធីឌី១) មានការផ្លាស់ប្តូរសំខាន់អ្វីខ្លះនៅក្នុងទីផ្សារអចលនទ្រព្យកម្ពុជារហូតដល់ឆ្នាំ ២០១៦ ហើយតើអ្វីដែលបានប៉ះពាល់ដល់ការផ្លាស់ប្តូរនៅលើទស្សនវិស័យទីផ្សារនាពេលបច្ចុប្បន្ននេះ?ការប្រែប្រួលសំខាន់មួយដែលយើងបានឃើញមកទល់ពេលនេះនៅឆ្នាំ២០១៦គឺការកើនឡើងនៃការវិនិយោគមកពីប្រទេស ចិន។កាលពីមុនការវិនិយោគរបស់ចិនត្រូវបានផ្តោតសំខាន់ទៅលើហេដ្ឋារចនាសម្ព័ន្ធ និងវិស័យសំណង់ ប៉ុន្តែមានពេលនេះមានការវិនិយោគធំៗដោយអ្នកអភិវឌ្ឍន៍របស់ចិនចូលមកក្នុងប្រទេសកម្ពុជាដែលជាច្រើនបានបណ្តាក់ទុនលើវិស័យបដិសណ្ឋារកិច្ច/កាស៊ីណូនិងការកំសាន្តនៅក្នុងខេត្តព្រះសីហនុ។ខណៈដែលមានការព្រួយបារម្ភត្រូវបានលើកឡើងទាក់ទងនឹងទីផ្សារខុនដូនៅរាជធានីភ្នំពេញ ប្រទេសកម្ពុជាគឺនៅតែជាគោលដៅវិនិយោគដែលមានភាពទាក់ទាញ ចំណែកខេត្តព្រះសីហនុហាក់ដូចជាក្លាយជាចំណុចក្តៅបន្ទាប់ពីបានជំរុញការកែលម្អហេដ្ឋារចនាសម្ព័ន្ធរួចមក។ខេត្តព្រះសីហនុមិនមែនត្រឹមតែជាគោលដៅទេសចរណ៍មួយដែលមានសក្តានុពលប៉ុណ្ណោះទេថែមទាំងជាមជ្ឈមណ្ឌលសេដ្ឋកិច្ចសំខាន់របស់ប្រទេសកម្ពុជាជាមួយកំពង់ផែសមុទ្រទឹកជ្រៅតែមួយគត់ និងតំបន់សេដ្ឋកិច្ចពិសេសមួយចំនួនហើយនេះនឹងជំរុញឲ្យមានតម្រូវការលើវិស័យអចលនទ្រព្យនៅក្នុងខេត្តនេះ។ ការរំពឹងទុករយៈមធ្យមទៅរយៈពេលវែង គឺជាក្តីសង្ឃឹមនៃភាពជោគជ័យរបស់ក្រុងព្រះសីហនុ! មានព័ត៌មានថ្មីទើបបានចេញផ្សាយអំពីសណ្ឋាគារលំដាប់អន្តរជាតិផ្កាយប្រាំ Six Senses នឹងត្រូវបានប្រតិបត្ដិការនៅលើកោះមួយដាច់ពីគេគឺកោះក្របីដែលគ្រោងនឹងបើកនៅឆ្នាំ២០១៧ ការមានសណ្ឋាគារលំដាប់ពិភពលោកយ៉ាងច្រើនបែបនេះ គឺជាការឆ្ពោះទៅកាន់ការអភិវឌ្ឍន៍តំបន់ឆ្នេរ។ ២) តាមគំនិតរបស់អ្នកតើអ្វីគឺជាផ្នែកមួយនៃទីផ្សារដែលជាតម្រូវការនៃការអភិវឌ្ឍន៍នៅពេលបច្ចុប្បន្ន ហើយជាអ្វីដែលអ្នកជឿថាជាការអភិវឌ្ឍន៍ដែលមានសុវត្ថិភាពរយៈពេលវែងនៃទីផ្សារអចលនទ្រព្យនៅប្រទេសកម្ពុជា? ហេតុអ្វី? ហើយអាចនឹងសម្រេចបានដោយរបៀបណា?“ទីផ្សារអចលនទ្រព្យរបស់កម្ពុជាគឺនៅតែស្ថិតក្នុងដំណាក់កាលដំបូងនៃការអភិវឌ្ឍន៍ និងបញ្ហាផ្សេងៗដែលកើតមានឡើងក្នុងដំណាក់កាលដំបូងនេះ។ ទោះជាយ៉ាងណាផ្នែកសំខាន់ៗផ្តោតសំខាន់សម្រាប់ប្រទេសកំពុងអភិវឌ្ឍន៍គឺគួរជាហេដ្ឋារចនាសម្ព័ន្ធ។ នេះរួមបញ្ចូលទាំងផ្នែកហេដ្ឋារចនាសម្ព័ន្ធរូបវ័ន្តដូចជា៖ ផ្លូវថ្នល់ បណ្តាញផ្លូវរថ ភ្លើង  ឬប្រព័ន្ធដឹកជញ្ជូនធំៗ និងប្រព័ន្ធទឹកភ្លើង និងហេដ្ឋារចនាសម្ព័ន្ធអរូបី (មានប្រព័ន្ធអប់រំ ប្រព័ន្ធថែទាំសុខភាព  និងប្រព័ន្ធហិរញ្ញវត្ថុ) ហើយវាត្រូវបានទទួលស្គាល់ផងដែរថាការអភិវឌ្ឍហេដ្ឋារចនាសម្ព័ន្ធគឺមានសារៈសំខាន់មិនត្រឹមតែសម្រាប់កំណើនសេដ្ឋកិច្ចប៉ុណ្ណោះទេ ប៉ុន្តែថែមទាំងសម្រាប់ការកាត់បន្ថយភាពក្រីក្រដែលជួយបង្កើនតម្រូវការអចលនទ្រព្យក្នុងរយៈពេលវែង។រដ្ឋាភិបាលពិតជាបានធ្វើឱ្យមានវឌ្ឍនភាពទាក់ទងនឹងចំណុចនេះជាមួយនឹងគម្រោងហេដ្ឋារចនាសម្ព័ន្ធសំខាន់ជាច្រើន ដែលបានបញ្ចប់ បានចាប់ផ្តើមការសាងសង់ ឬបានប្រកាសក្នុងអំឡុងពេលប៉ុន្មានឆ្នាំកន្លងមកនេះ ប៉ុន្តែចាំបាច់ត្រូវមានគោលនយោបាយហេដ្ឋារចនាសម្ព័ន្ធសំខាន់មួយដើម្បីកំណត់លក្ខខ័ណ្ឌត្រឹមត្រូវ។ឧបសគ្គសំខាន់មួយគឺការប្រមូលមូលនិធីវិនិយោគដែលជាគន្លឹះមួយជាប់ទាក់ទងយ៉ាងខ្លំាងនៅក្នុងទីផ្សារកំពុងអភិវឌ្ឍន៍។ វិធីមួយដើម្បីដោះស្រាយបញ្ហានេះគឺតាមរយៈគោលនយោបាយនៃការធ្វើផែនការនៅក្នុងតំបន់មួយផ្សេងទៀត ដែលត្រូវការដោះស្រាយឱ្យប្រសើរឡើងនូវតម្លាភាពនៅក្នុងទីផ្សារ។ នៅក្នុងទីផ្សារដែលមានការអភិវឌ្ឍន៍វាមិនមែនជារឿងចម្លែកសម្រាប់អ្នកអភិវឌ្ឍន៍នោះទេ ដែលនឹងត្រូវបានទាមទារឲ្យធ្វើការរួមចំណែកយ៉ាងសំខាន់ក្នុងការកែលម្អហេដ្ឋារចនាសម្ព័ន្ធដើម្បីធានានូវផលប៉ះពាល់តាមរយៈការអភិវឌ្ឍន៍របស់ខ្លួន។ ជាមួយនឹងការកើនឡើងនៃគម្រោងអភិវឌ្ឍន៍ត្រូវបានប្រកាសនៅក្នុងប្រទេស  វាជាតំបន់មួយចំាបាច់ត្រូវមានការត្រួតពិនិត្យឡើងវិញ"។លោក Matthew Rendall ជាដៃគូជាន់ខ្ពស់របស់ក្រុមហ៊ុន Sok Siphana & Associates និងជាសមាជិកនៃ ZICOlaw១) តើមានការផ្លាស់ប្តូរសំខាន់អ្វីខ្លះ នៅក្នុងទីផ្សារអចលនទ្រព្យកម្ពុជារហូតដល់ឆ្នាំ ២០១៦ និងតើអ្វីដែលបានប៉ះពាល់ដល់ការផ្លាស់ប្តូរនៅលើទស្សនវិស័យទីផ្សារនាពេលបច្ចុប្បន្ននេះ?“ខ្ញុំគិតថាការអភិវឌ្ឍន៍ខុនដូលំនៅដ្ឋាន នៅតែមានការផ្លាស់ប្តូរយ៉ាងសំខាន់។ នេះត្រូវបានអមដោយការអភិវឌ្ឍចម្រុះនូវប្រភេទលំនៅដ្ឋាន/ផ្សារលក់ទំនិញ។ លទ្ធផលវាបានពង្រីកតំបន់នៃរាជធានីភ្នំពេញដែលជាកន្លែងដែលសហគមន៍ជនបរទេសកំពុងពិចារណាក្នុងការរស់នៅ។ ចំណែកឯកន្លែងដែល ធ្លាប់ផ្តោតសំខាន់ពីមុនដូចជានៅក្នុងទីប្រជុំជនតំបន់បឹងកេងកង ឥឡូវនេះវាជារឿងធម្មតាដែលគេចាប់ផ្តើមពិចារណាក្នុងការធ្វើលំនៅដ្ឋាននៅជាយក្រុងចេញឆ្ពោះទៅកាន់ព្រលានយន្តហោះ។ តំបន់លំនៅដ្ឋានត្រូវបានពង្រីកជាកន្លែងសម្រាប់ជនបរទេសនៃទីក្រុងភ្នំពេញប្រកបដោយប្រសិទ្ធភាព។” ២) តាមគំនិតរបស់អ្នកតើអ្វីគឺជាផ្នែកមួយនៃទីផ្សារដែលជាតម្រូវការនៃការអភិវឌ្ឍន៍នៅពេលបច្ចុប្បន្ន ហើយជាអ្វីដែលអ្នកជឿថាជាការអភិវឌ្ឍន៍ដែលមានសុវត្ថិភាពរយៈពេលវែងនៃទីផ្សារអចលនទ្រព្យនៅប្រទេសកម្ពុជា? ហេតុអ្វី? ហើយអាចនឹងសម្រេចបានដោយរបៀបណា?“មិនប្រាកដលើចំណុចនេះទេ ប៉ុន្តែអ្វីដែលសំខាន់គឺតម្រូវការសម្រាប់អ្នកអភិវឌ្ឍន៍ក្នុងការរៀបចំយុទ្ធសាស្រ្តក្នុងការធ្វើការងារមុនពេលចាកចេញពីគម្រោង។ ឧទាហរណ៍ ការគ្រប់គ្រងរយៈពេលវែង នៃប្លុកអាផាតមេននៅពេលដែលការអភិវឌ្ឍន៍បានបញ្ចប់ និងបានលក់ទាំងស្រុង។ លក្ខណៈនេះត្រូវការឱ្យការអភិវឌ្ឍន៍នៃម្ចាស់សាជីវកម្មធ្វើការរួមគ្នា (ដែលម្ចាស់មកប្រជុំគ្នារៀបចំការគ្រប់គ្រង និងការត្រួតពិនិត្យ ការថែរក្សា ការជួសជុល និងសន្សំប្រាក់ទុកសម្រាប់សង់ត្រលប់វិញនៅពេលអនាគត)។ ការបរាជ័យលើចំណុចនេះ ថាតើអ្នកអភិវឌ្ឍន៍ត្រូវគ្រប់គ្រងប្លុកអាផាតមេន ឬប្រថុយប្រថាន ឬបណ្តាោយឲ្យការអភិវឌ្ឍន៍នេះធ្លាក់ចូលទៅក្នុងភាពទ្រុឌទ្រោម។ អ្នកទិញនឹងចាប់ផ្តើមសម្លឹងមើលការអភិវឌ្ឍន៍កន្លងមករបស់អ្នកអភិវឌ្ឍន៍ បន្ទាប់មកវិនិច្ឆ័យលើរបៀបដែលពួកគេគ្រប់គ្រង (នេះជាការសម្រេចចិត្តថាតើត្រូវទិញគម្រោងអភិវឌ្ឍន៍បន្ទាប់របស់អ្នកអភិវឌ្ឍន៍នោះឬយ៉ាងណា) "។លោក ហ៊ឹម សីហា ជាប្រធានផ្នែកស្រាវជ្រាវនៅក្រុមហ៊ុន VTrust Appraisal Co., Ltd.១) តើមានការផ្លាស់ប្តូរសំខាន់អ្វីខ្លះ នៅក្នុងទីផ្សារអចលនទ្រព្យកម្ពុជារហូតដល់ឆ្នាំ ២០១៦ និងតើអ្វីដែលបានប៉ះពាល់ដល់ការផ្លាស់ប្តូរនៅលើទស្សនវិស័យទីផ្សារនាពេលបច្ចុប្បន្ននេះ?“សម្រាប់ទីផ្សារអចលនទ្រព្យរបស់ប្រទេសកម្ពុជាឆ្នាំ២០១៦ ការប្រែប្រួលមួយគួរឱ្យកត់សម្គាល់បានក្លាយជាការផ្គត់ផ្គង់ទីផ្សារលំនៅដ្ឋានលើសតម្រូវការ មានខុនដូ បុរី លំនៅដ្ឋានជាមួយដី និងក្បាលដីឡូតិ៍ ដែលទាំងអស់នេះបង្កើតការប្រកួតប្រជែងដ៏គួរឲ្យភ័យខ្លាច ក្នុងចំណោមអ្នកអភិវឌ្ឍន៍ដែលបានបន្ថែមការផ្តោតសំខាន់ថ្មីលើអ្នកមានជីវភាពមធ្យម នៅក្នុងគោលបំណងដើម្បីជំរុញកំណើនលក់របស់ខ្លួន។គម្រោងខុនដូបានដាក់លក់ជាមុននៅក្នុងរាជធានីភ្នំពេញក្នុងអំឡុងពាក់កណ្តាលដំបូងនៃឆ្នាំ២០១៦ កើនឡើងរហូតដល់ ១៣,៣ពាន់យូនីត កើនឡើងទ្វេរដងធៀបនឹងរយៈពេលដូចគ្នាកាលពីឆ្នាំមុន។ ទោះជាយ៉ាងណាតម្រូវការទីផ្សារលំនៅដ្ឋានបានធ្លាក់ចុះចាប់តាំងពីដើមឆ្នាំ ២០១៦ ដោយសារតែការផ្គត់ផ្គង់លើសតម្រូវការនេះ និងទំនុកចិត្តរបស់អ្នកទិញមានភាពទន់ខ្សោយ។”២) តាមគំនិតរបស់អ្នកតើអ្វីគឺជាផ្នែកមួយនៃទីផ្សារដែលជាតម្រូវការនៃការអភិវឌ្ឍន៍នៅពេលបច្ចុប្បន្ន ហើយជាអ្វីដែលអ្នកជឿថាជាការអភិវឌ្ឍន៍ដែលមានសុវត្ថិភាពរយៈពេលវែងនៃទីផ្សារអចលនទ្រព្យនៅប្រទេសកម្ពុជា? ហេតុអ្វី? ហើយអាចនឹងសម្រេចបានដោយរបៀបណា?“សម្រាប់ពេលឥឡូវនេះវិស័យអចលនទ្រព្យមានឱកាសច្រើនក្នុងការកែលម្អ ប៉ុន្តែទិដ្ឋភាពសំខាន់បំផុតមួយដែលត្រូវការការពិចារណាពីពេលវេលាគឺ: (១) បញ្ហាច្បាប់ដែលត្រូវធ្វើជាមួយការគ្រប់គ្រងការអភិវឌ្ឍដីឡូតិ៍ (២) វិធានការជំរុញសេដ្ឋកិច្ចថ្មីមួយដោយអ្នកអភិវឌ្ឍន៍លំនៅដ្ឋានដើម្បីជំរុញឱ្យមានកំណើនការលក់របស់ខ្លួនបន្ទាប់ពីមានការធ្លាក់ចុះនៅក្នុងទីផ្សារលំនៅដ្ឋាន។ចំពោះការអភិវឌ្ឍដីឡូតិ៍ការផ្គត់ផ្គង់់ប្រភេទនេះគឺជាការផ្លាស់ប្តូរល្អមួយដើម្បីជំរុញទីផ្សារអចលនទ្រព្យទូទៅ ប៉ុន្តែអាជ្ញាធរគួរតែសិក្សាឲ្យបាមស៊ីជម្រៅ និងបង្កើតយន្តការដើម្បីលើកទឹកចិត្ដ និងការពារអ្នកអភិវឌ្ឍន៍ ដែលមានអាជ្ញាប័ណ្ណព្រមទាំងទប់ស្កាត់ជាមួយអ្នកដែលមិនមានអាជ្ញាប័ណ្ណក្នុងគោលបំណងដើម្បីជៀសវាងបញ្ហាផ្នែកច្បាប់រយៈពេលវែង។សម្រាប់ជំរុញទីផ្សារថ្មីបច្ចុប្បន្នអ្នកអភិវឌ្ឍន៍បានផ្ដល់ឱ្យនូវជម្រើសដែលអាចបត់បែនខ្លាំងបំផុតមួយសម្រាប់អ្នកទិញផ្ទះ និងដីឡូតិ៍ដោយអនុវត្តន៍គម្រោងការទូទាត់ដោយមិនចំាបាច់បង់ប្រាក់កក់ជាមុនឡើយនេះជាវិធីដើម្បីជំរុញការលក់របស់ពួកគេ។ ក្នុងរយៈពេលខ្លីនេះជាការអនុវត្តន៍មានលក្ខណៈល្អប្រសើរ និងមានប្រយោជន៍សម្រាប់ទីផ្សាររួម។ប៉ុន្ដែខណៈពេលធនាគារមានការប្រុងប្រយ័ត្នខ្លាំងណាស់នៅពេលផ្តល់ប្រាក់កម្ចីទិញផ្ទះ ក្រលេកមើលអ្នកអភិវឌ្ឍន៍ភាគច្រើនមិនបានបង្កើតការវាយតម្លៃគ្រប់គ្រាន់ទៅលើអតិថិជនរបស់ខ្លួនមុនពេលយល់ព្រមលើកិច្ចសន្យាក្នុងការផ្តល់ប្រាក់កម្ចីដល់អតិថិជននោះទេ។ ប្រសិនបើការគ្រប់គ្រងមិនបានល្អក្នុងរយៈពេលមធ្យមទៅរយៈពេលវែង វាបានបង្កើតការជំពាក់បំណុលវ័ណ្ឌកក្នុងចំណោមអ្នកទិញ ដោយមិនឆ្លើយតបនឹងលក្ខខណ្ឌហើយដូច្នេះទើបហេតុផលនេះនាំឱ្យមានការធ្លាក់ចុះប្រាក់កម្ចីទិញផ្ទះ ដូច្នេះនិយ័តករគួរសិក្សាលើចំណុចនេះឲ្យបានម៉ត់ចត់។”លោក Sunny Soo នាយកគ្រប់គ្រងនៃក្រុមហ៊ុន Keystone Property Consultants Co., Ltd.,ដែលជាដៃគូរក្រុមហ៊ុនអន្ដរជាតិ Savills ១) តើមានការផ្លាស់ប្តូរសំខាន់អ្វីខ្លះនៅក្នុងទីផ្សារអចលនទ្រព្យកម្ពុជារហូតដល់ឆ្នាំ ២០១៦ និងតើអ្វីដែលបានប៉ះពាល់ដល់ការផ្លាស់ប្តូរនៅលើទស្សនវិស័យទីផ្សារនាពេលបច្ចុប្បន្ននេះ?“ការផ្លាស់ប្តូរនៃទីផ្សារអចលនទ្រព្យក្នុងប្រទេសកម្ពុជាក្នុងឆ្នាំ២០១៦ នៅតែជាភាពស្រដៀងគ្នាទៅនឹងឆ្នាំកន្លងមករបស់ខ្លួនដែលជាកន្លែងដែលអ្នកអភិវឌ្ឍន៍បរទេសភាគច្រើនគឺនៅតែបន្តការសាងសង់ខុនដូ ខណៈពេលដែលអ្នកអភិវឌ្ឍន៍ក្នុងតំបន់នៅតែកាន់កាប់ដី ដោយធ្វើការអភិវឌ្ឍន៍លើគម្រោងលំនៅដ្ឋាន។ការជះឥទ្ធិពលត្រូវបានលើកយកមកពិភាក្សានៅពេលថ្មីៗនេះ អំពីការភ័យខ្លាចនៃការផ្គត់ផ្គង់លើសតម្រូវការនៅក្នុងទីផ្សារនាពេលអនាគត។ ការភ័យខ្លាចក៏ដូចជាការព្រួយបារម្ភហាក់នៅតែបន្តកើតមានឡើង ប៉ុន្តែគំនិតសុទិដ្ឋិនិយមមួយបានលើយកមកពិចារណាពីតថភាពលើទីផ្សារនៃអត្រាកំណើនយឺតនៅឆ្នាំ២០១៦នេះផងដែរ។ ខ្ញុំមើលឃើញថាវាជារឿងធម្មតាដែលមានអ្នកឈ្នះ និងអ្នកចាញ់នៅក្នុងការប្រកួតប្រជែងទីផ្សារដែលជាកន្លែងនៃអាជីវកម្មដែលមានហាហានិភ័យខ្ពស់។ ប្រសិនបើអ្នកអភិវឌ្ឍន៍មានការ រៀបចំជាមុនលើការអភិវឌ្ឍអភិវឌ្ឍន៍ដូចជាការស្រាវជ្រាវពីទីផ្សារ ការសិក្សាពីកត្តាផ្សេងៗក្នុងទីផ្សារគឺប្រសើរជាងការជម្រុញតែលើភាពសុទិដ្ឋិនិយមជ្រុលពេក ដោយសារការមិនអើពើ ឫមិនយកចិត្តទុកដាក់ចំពោះទីផ្សារនោះនឹងទទួលបរាជ័យ។”២) តាមគំនិតរបស់អ្នកតើអ្វីគឺជាផ្នែកមួយនៃទីផ្សារដែលជាតម្រូវការនៃការអភិវឌ្ឍន៍នៅពេលបច្ចុប្បន្ន ហើយជាអ្វីដែលអ្នកជឿថាជាការអភិវឌ្ឍន៍ដែលមានសុវត្ថិភាពរយៈពេលវែងនៃទីផ្សារអចលនទ្រព្យនៅប្រទេសកម្ពុជា? ហេតុអ្វី? ហើយអាចនឹងសម្រេចបានដោយរបៀបណា?“ភាពស្របច្បាប់នៃប្រព័ន្ធច្បាប់នៃការគ្រប់គ្រងផែនការទីក្រុង ក៏ដូចជាប្រទេសត្រូវតែអនុវត្តន៍ ហើយការកែលម្អនៅតែបន្ត និងជម្រុញបង្កើនចក្ខុវិស័យវែងឆ្ងាយក្នុងពេលអនាគត បើទ់ោះបីជាមានតម្លាភាពទីផ្សារ និងក្របខ័ណ្ឌអនុវត្តច្បាប់ឲ្យបានល្អហើយក៏ដោយ វាមិនមានវិធីល្អជាងនេះ ទៀនោះទេ។”គោលការណ៍ច្បាប់ និងផែនការច្បាស់លាស់នៅពេលអនាគត ជាមួយការអនុវត្តត្រឹមត្រូវនឹងក្លាយជាការសំខាន់បំផុតដើម្បីបម្រើ និងធ្វើឲ្យទីផ្សារឆ្ពោះទៅរកការអភិវឌ្ឍន៍ទីក្រុងដោយភាពជោគជ័យ។ តើគោលបំណងនេះគឺដើម្បីបន្ថយភាពតានតឹងនៃហេដ្ឋារចនាសម្ព័ន្ធទីក្រុង ឬដើរតួរនាទីជាអនុនគរូបនីយកម្មដោយផ្ទាល់! ប៉ុន្តែសំខាន់ជាងនេះទៅទៀតវាក៏នាំឱ្យមានការស្វ័យត្រួតពិនិត្យបានល្អនៅពេលអនាគតផងដែរ ហើយនោះជាពេលដែលកម្រិតនៃការធានាសម្រាប់ទីផ្សារអចលនទ្រព្យមួយ ដែលមានភាពជោគជ័យអាចត្រូវបន្តកើនឡើង។”  ស្វែងយល់ព័ត៌មានសំខាន់ៗទាក់ទងនឹងអចលនវត្ថុតាមរយៈ Realestate.com.kh!

ភាពសំខាន់ក្នុងវិស័យអចលនទ្រព្យសម្រាប់ឆ្នាំកន្លងមក ប៉ុន្តែតើវាបានចាប់ផ្តើមឡើងដោយរបៀបណា ហើយវាត្រូវមានមុខងារបែបណា? លោក Grant Fitzgerald ដែលជាប្រធានគ្រប់គ្រងប្រចាំប្រទេសរបស់ក្រុមហ៊ុន Independent Property Services Cambodia បានរៀបរាប់ព័ត៌មានលំអិតលើប្រធានបទនេះនៅក្នុងបទសម្ភាសន៍របស់លោកជាមួយនឹង RealEstate. com.kh ។តើច្បាប់លើប័ណ្ណកម្មសិទ្ធិបានចាប់ផ្ដើម និងវិវត្តន៍ដោយរបៀបណា?កម្ពុជាមានសេដ្ឋកិច្ចរីកចម្រើនគួរឲ្យចាប់អារម្មណ៍ លោក Fitzgerald បានពន្យល់ថារដ្ឋាភិបាលបានបង្កើតគំនិតឲ្យមានសហកម្មសិទ្ធិកាន់កាប់លើអាគារសម្រាប់វិនិយោគិនបរទេសតាមរយៈការផ្តល់ប័ណ្ណកម្មសិទ្ធិក្នុងការកាន់កាប់។ លោកបានលើកឡើងថាការមានការយល់ច្រឡំជាច្រើនអំពីប្រាក់ឧបត្ថម្ភ និងដែនកំណត់នៃគំនិតនេះចាប់តាំងពីការចាប់ផ្តើមប្រើប្រាស់ ប៉ុន្តែលោកបានបញ្ជាក់ ថាប័ណ្ណកម្មសិទ្ធិនេះគឺអាចអនុវត្តន៍សម្រាប់តែការសាងសង់អគារបន្ទាប់ពីឆ្នាំ២០១០។ លោកបានបន្ថែមទៀតថាជនបរទេសអាចមានសិទ្ធិកាន់កាប់ត្រឹមតែ៧០%នៃអចលនទ្រព្យទាំងមូល និងជាអចលនទ្រព្យដែលនៅខាងលើជាន់ ហើយត្រូវតែស្ថិតនៅចំងាយ៣០គីឡូម៉ែត្រពីព្រំដែន។ តើប័ណ្ណកម្មសិទ្ធិមានលទ្ធភាពកម្រិតណា ហើយអ្នកទិញទិញចុងក្រោយអាចផ្ទៀងផ្ទាត់ដោយរបៀបណា?លោក Fitzgerald បញ្ជាក់ថាប័ណ្ណកម្មសិទ្ធិគឺជាប័ណ្ណស្របច្បាប់ ប័ណ្ណកម្មសិទ្ធិគឺជាលិខិតកម្មសិទ្ធិដ៏រឹងមាំ។ លោកនិយាយថា “ប័ណ្ណកម្មសិទ្ធិគឺត្រូវបានចុះបញ្ជីនៅក្រសួងរៀបចំដែនដីនគរូបនីយកម្ម និងសំណង់ដែលជាការគ្រប់គ្រង់ជាន់ខ្ពស់បំផុតក្នុងរដ្ឋាភិបាល ដូច្នេះគ្រប់ប័ណ្ណកម្មសិទ្ធិដែលបានចុះបញ្ជីនៅក្រសួងគឺពិតជាប័ណ្ណកម្មសិទ្ធិដែលមានភាពរឹងមាំនិងសុវត្ថិភាព។ដើម្បីផ្ទៀងផ្ទាត់ពីភាពស្របច្បាប់នៃប្លង់ណាមួយ អ្នកគួរតែសាកសួររកទាំងប្លង់រឹង និងផែនការអភិវឌ្ឍន៍មេ។ លោក Fitzgerald បានពន្យល់ថាលក្ខណៈនេះនឹងផ្តល់ឱ្យអ្នកអាចទទួលបានព័ត៌មានសំខាន់ៗដូចជា ព័ត៌មានលម្អិតរបស់ម្ចាស់អចលនទ្រព្យទ្រព្យ ព័ត៌មានលម្អិតពីអចលនទ្រព្យ និងប្រភេទនៃប្លង់នៃអចលនទ្រព្យនោះជាដើម ករណីមួយប្រសិនបើវាជាប្លង់រឹង។ លោកបាននិយាយថា “ផ្នែកមួយនៃដំណើរការនៃការដាក់ពាក្យសុំប័ណ្ណកម្មសិទ្ធិគឺអាស្រ័យលើប្លង់រឹងនៃអចលនទ្រព្យនោះ។ ប្រសិនបើអ្នកអភិវឌ្ឍន៍មិនមានប្លង់រឹងទេ  គឺពួកគេមានប្លង់ត្រឹមទន់នោះពួកគេនឹងមិនអាចដាក់ពាក្យស្នើរសុំប័ណ្ណកម្មសិទ្ធិស្របច្បាប់សម្រាប់ខុនដូបានឡើយ។”  ចំណែកអ្នកអភិវឌ្ឍន៍ក៏នឹងមិនអាចស្នើរសុំដោយមិនដាក់បង្ហាញផែនការមេជាមុនសិនបានដែរ។ លើសពីទៅទៀត ជនបរទេសមិនត្រូវបានអនុញ្ញាតឱ្យធ្វើជាម្ចាស់អចលនទ្រព្យត្រឹមតែជាមួយប្លង់ទន់នោះដែរ។លោក Fitzgerald ក៏បានផ្តល់ដំបូន្មានឲ្យធើ្វការពិនិត្យមើលលើកិច្ចព្រមព្រៀងលក់ និងទិញនូវរាល់ឯកសារយោងទៅនឹងប័ណ្ណកម្មសិទ្ធិ និងសហកម្មសិទ្ធិជាដើម បើគ្មានឯកសារទាំងនេះទេ លោកបាននិយាយថាបញ្ហាចម្រូងចម្រាសនឹងកើតមានឡើង។តើត្រូវផ្លាស់ប្តូរប័ណ្ណកម្មសិទ្ធិដោយរបៀបណា?“ប័ណ្ណកម្មសិទ្ធិត្រូវបានអនុវត្តន៍ជាផ្លូវការនៅពេលដែលចំនួនលំនៅដ្ឋានត្រូវបានបញ្ចប់ការសាងសង់១០០ភាគរយ ហើយពួកគេបានត្រៀមខ្លួនរួចរាល់ដើម្បីប្រគល់ទៅឲ្យអតិថិជន។ នោះជាពេលចុងក្រោយសម្រាប់ការបំពេញក្រដាសស្នាមដាក់ស្នើរសុំប័ណ្ណកម្មសិទ្ធិ” លោក Fitzgerald បានលើកឡើង។ លោកក៏បាននិយាយដែរថា គ្រប់ភាគីទាំងអស់ត្រូវតែមានវត្តមាននៅក្នុងប្រទេសកម្ពុជានៅមុខក្រសួងសម្រាប់ការផ្ទេរសិទ្ធិកាន់កាប់។ លោក Fitzgerald ក៏បានលើកឡើងទៀតថាឈ្មោះនៃប្តីប្រពន្ធមិនត្រូវការឲ្យដាក់នៅក្នុងលិខិតនោះទេលុះត្រាតែអ្នកទិញមិនចង់ឱ្យដាក់ប៉ុណ្ណោះ។ ក្នុងករណីនេះប្តីប្រពន្ធក៏គួរតែមានវត្តមានសម្រាប់ប្រតិបត្តិការនេះដែរ។ ពេលថ្មីៗនេះការផ្ដល់ប័ណ្ណកម្មសិទ្ធិរួមសម្រាប់ជនបរទេសត្រូវបានទទួលរងការទប់ស្កាត់ ដោយសារបទពិសោធន៍កន្លងមកក្នុងអតីតកាល។ ហើយនៅពេលដែលរដ្ឋាភិបាលអនុវត្តន៍ច្បាប់ដើម្បីកែលម្អកំណើនអាជីវកម្មយើងប្រហែលជាមិនបានឃើញច្បាប់នៃប័ណ្ណកម្មសិទ្ធិ និងការអនុវត្តន៍ច្បាប់ដោយសង្ឃឹមនឹងអាចវិវត្តន៍ជាទម្រង់មួយមានលក្ខណៈល្អប្រសើរជាងមុន។Please read more: Cambodia Land Title Classifications Explained, Once and For All!

ទួលទំពូង ជនបរទេសភាគច្រើនបានស្គាល់ថាជាផ្សាររុស្ស៊ី  ដែលជាទិសដៅសម្រាប់ការទិញ ឥវ៉ាន់ និងញ៉ាំអាហាររបស់អ្នកក្នុងស្រុក និងភ្ញៀវទេសចរ តូបលក់ទំនិញគ្រប់ប្រភេទ មានគ្រឿងបន្លាស់ម៉ូតូ ក្រណាត់សូត្រ ឱសថ និងគ្រឿងទេស គ្រឿងអេឡិចត្រូនិច និងស្ទើរតែគ្រប់ទំនិញដែលមិនអាចរៀបរាប់អស់ ល្អបំផុតសម្រាប់អ្នកដែលចង់ស្វែងរកបទពិសោធន៍ដើរទិញទំនិញ។ ប៉ុន្តែនៅប៉ុន្មានឆ្នាំចុងក្រោយនេះទួលទំពូង (TTP) បានផ្លាស់ប្តូរលើសពីគោលដៅកំណត់ និងបានក្លាយទៅជាចំណុចក្តៅសម្រាប់ជនបរទេសដែលរស់នៅក្នុងរាជធានីភ្នំពេញ វាក៏បានទាក់ទាញការចាប់អារម្មណ៍ពីអ្នករស់នៅក្នុងស្រុកដ៏ច្រើនកុះករ ផងដែរ មនុស្សមួយចំនួនដែលស្វែងរកផ្ទះនៅជិតកន្លែងធ្វើការក្នុងទីក្រុង និងអ្នកផ្សេងទៀតដែលចង់ទិញឥវ៉ាន់ ឫកន្លែងស្នាក់នៅ។ដោយមានលំហូរចូលសាច់ប្រាក់ និងការធ្វើចរាចរណ៍ដោយថ្មើរជើង អ្នកលក់ឥវ៉ាន់ បានសម្រុកទៅកាន់តំបន់នេះដើម្បីបើកដំណើរការអាជីវកម្មមួយចំនួនដូចជា៖ បារ ភោជនីយដ្ឋាន និងហាងលក់សំលៀកបំពាក់ទាន់សម័យ  ជាមួយការច្នៃប្រឌិត និងឥទ្ធិពលផ្សេងៗពីសហគមន៍ចម្រុះនៅទីនេះ។ ទន្ទឹមនឹងនេះដែរអ្នកអភិវឌ្ឍន៍ខុនដូ អាផាតមេន ក៏កំពុងចូលមកកាន់តំបន់នេះផងដែរ ដែលបានធ្វើឱ្យតំ បន់នេះមានប្រជាប្រិយភាពសម្រាប់ការជួលនិងការទិញរបស់ជនបរទេស។មូលហេតុនៃប្រជាប្រិយភាពនេះអាចធ្វើឲ្យការជួល និងតម្លៃដីមានការកើនឡើងនៅក្នុងតំបន់បឹងកេងកងនៃទីក្រុងភ្នំពេញនេះជាជម្រើសដំបូងសម្រាប់អ្នករស់នៅក្នុងស្រុក។ ប៉ុន្តែអ្នកអភិវឌ្ឍន៍ខុនដូ និងសណ្ឋាគារ បានគ្រប់គ្រងការទិញដីក្នុងតំបន់បឹងកេងកង ដែលតម្លៃដីបានកើនឡើងយ៉ាងខ្ពស់៧,០០០ដុល្លារក្នុងមួយម៉ែត្រការ៉េ និងរួមជាមួយអត្រានៃការកាន់កាប់អគារខ្ពស់បំផុតនៅក្នុងទីក្រុង អត្រានៃការជួលក៏បានកើនឡើងយ៉ាងខ្លាំងផងដែរ។Celia Boyd និងដៃគូដែលជាម្ចាស់ហាងកាហ្វេ និងបារ LOT 369 នៅទូលទំពូងបានលើកឡើងថា “ជនបរទេសជាច្រើនបានចាប់ផ្តើមផ្លាស់ប្តូរទៅទួលទំពូង ដោយសារតែតំបន់នេះនៅចំកណ្តាលទីប្រជុំជន ប៉ុន្តែមិនមានតម្លៃថ្លៃដូចនៅក្នុងសង្កាត់បឹងកេងកង១ឡើយ។ នៅតែមានទីផ្សារល្អ និងភោជនីយដ្ឋាននៅជុំវិញ ហើយតំបន់នេះនៅតែមានការចាប់អារម្មណ៍ពីអ្នករស់នៅក្នុងស្រុកយ៉ាងច្រើន។”ហើយមិនដូចតំបន់ផ្សេងទៀតនៅកណ្តាលរាជធានីភ្នំពេញទេ ទួលទំពូង គឺមិនសំបូរដោយភ្ញៀវទេសចរដែលយើងហៅថា(backpackers)ច្រើននោះទេ  លោក Boyd និយាយថា “ភ្ញៀវទេសចរចូលមកផ្សារនេះ ប៉ុន្តែមិនមែនជាតំបន់សម្រាប់ភ្ញៀវទេសចរ(backpackers)ដូចនៅផ្លូវលេខ២៧១ ឬតាមផ្លូវនៅក្រុងសៀមរាបជាឪទាហរណ៍។”លោក Boyd បានបន្តថា “វាក៏មានភាពងាយស្រួលក្នុងការធ្វើដំណើរជុំវិញក្រុង” “កន្លែងភាគច្រើនជាទីប្រជុំជននៅជិតៗគ្នា និងជាសហគមន៍ដ៏មានភាពស្រស់ស្អាត និងប្រជាប្រិយភាពផងដែរនៅក្នុងតំបន់នេះ។”លោក Brendan McCarthy ជាម្ចាស់បារ និងភោជនីយដ្ឋាន Long After Dark  បានកត់សម្គាល់ថា “ជីវិតនៅផ្សារទួលទំពូង មាននិន្នាការធ្វើប្រតិបត្តិការក្នុងល្បឿនសន្សឹមៗមួយ តំបន់នេះគឺមានភាពទាក់ទាញបំផុត ហើយលក្ខណៈធម្មជាតិតែមួយគត់របស់តំបន់នេះគឺផ្តល់ភាពស្និតស្នាលបំផុតជាមួយយើង។”“គួរឱ្យចាប់អារម្មណ៍ជាច្រើនទៀតជម្រើសនៃការញ៉ាំអាហារ ភេសជ្ជៈ និងការទិញទំនិញមានបម្រើជូនគ្រប់ពេលទាំងអស់ ដែលបង្កើនឱ្យមានភាពរស់រវើកនៅក្នុងតំបន់ លោក McCarthy បានបន្ថែមទៀតថា “ខ្ញុំគិតថាតំបន់ជិតខាងដ៏មានភាពទាក់ទាញបែបនេះដែលអាចធ្វើឲ្យយើងធ្វើការផ្លាស់ទីមកកាន់ទីនេះចំបងនោះគឺដោយសារតែកំណើននៃការអភិវឌ្ឍន៍មានការលូតលាស់លឿនបែបនេះ។”ហាងលក់សម្លៀកបំពាក់ កំពុងកើនឡើងយ៉ាងច្រើននៅទូទាំងរាជធានី និងនៅទួលទំពូង។ មានអ្នកលក់កាន់តែច្រើន ដូចជាហាង ESQ  ដែលជាហាងលក់សំលៀកបំពាក់ទាន់សម័យនៅទល់មុខផ្សារ គឺមាននំាចូលម៉ូតសំលៀកបំពាក់ថ្មីជារៀងរាល់ខែ ដែលល្អបំផុតសម្រាប់អ្នកដែលចង់ដើរទិញទំនិញ ម៉ូតបែបលោកខាងលិចជាមួយនឹងម៉ាស៊ីនត្រជាក់និងបន្ទប់ប្តូរសំលៀកបំពាក់។ ចំពោះការចរចាតម្លៃនៅជុំវិញទីផ្សារទួលទំពូងមិនថាស្បែកជើង និងសំលៀបំពាក់  ត្រូវត្រៀមខ្លួនជាស្រេចដើម្បីតថ្លៃ!លោក សេង ហួរ ជាសហកម្មសិទ្ធិ និងមេចុងភៅនៅភោជនីយដ្ឋានសាច់អាំងអាហារសមុទ្រទួលទំពូង បានបើកហាងរបស់គាត់ក្នុងឆ្នាំ២០១២នៅលើផ្នែកម្ខាងនៃផ្សារ។  សព្វថ្ងៃនេះភោជនីយដ្ឋានរបស់លោក ហួរ បានលក់ជាង៨០គីឡូក្រាមនៃអាហារសមុទ្រស្រស់មាន ក្តាម ត្រី បង្កង ខ្យង និងមឹក និយាយរួមគ្រប់ប្រភេទនៃហាអាហារសមុទ្រទាំងអស់ជារៀងរាល់យប់រាល់សប្តាហ៍។លោក ហួរ បានប្រាប់ពីអាថ៌កំបាំងនៃភាពជោគជ័យរបស់គាត់គឺ  គុណភាពនៃម្ហូបអាហារ សេវាកម្មរហ័ស និងស្តង់ដាអនាម័យខ្ពស់ ដែលអនុញ្ញាតឱ្យភោជនីយដ្ឋានរបស់គាត់មានភាពពេញនិយមជាងកន្លែងដូចគ្នាដែលនៅជុំវិញគាត់។ ប៉ុន្តែលោក ហួរ បាននិយាយថាពីមុនទីនេះមិនមានភាពមមាញឹកនោះទេ “តំបន់ទួលទំពូងគឺខុសគ្នាទាំងស្រុងធៀបទៅនឹងកាលពីរឆ្នាំមុន។ ពីមុនមានតែអ្នកនៅក្នុងទួលទំពូងប៉ុណ្ណោះមកញុំាអាហារពេលល្ងាច  ឥឡូវនេះមានមនុស្សជាច្រើនមកពីឆ្ងាយៗដូចជា៖ ទួលគោក និងខណ្ឌសែនសុខ ជាដើម ញុំាអាហាររួមគ្នាជាមួយមិត្តភក្តិ និងក្រុមគ្រួសារនៅក្នុងភោជនីយដ្ឋានរបស់យើង។”លោក ហួរ បានកត់សម្គាល់ថា សម្រាប់ជនបរទេសពិតជាមិនបានដឹងអំពីភោជនីយដ្ឋានរបស់គាត់នោះទេពីមុន ប៉ុន្តែឥឡូវនេះយើងក៏មានជនបរទេសច្រើនដែរដែលចូលមកកន្លែងនេះ ពីព្រោះពួកគេកំពុងរស់នៅក្នុង អាផាតមេននៅតំបន់នេះ។ ហើយបច្ចុប្បន្នសេវាកម្មអាផាតមេនជួលមានកាន់តែច្រើន នៅក្នុងតំបន់ទួលទំពូង។”ប៉ុន្ដែដូចដែលធ្លាប់មានកន្លងមកទាក់ទងនឹកការអភិវឌ្ឍន៍តំបន់មួយចំនួន អ្នករស់នៅទួលទំពូងអាចនឹងចាប់ផ្តើមមានអារម្មណ៍ថាតំបន់នេះមានការផ្លាស់ប្តូរនៅពេលដែលអត្រាជួល និងតម្លៃលក់មានការកើនឡើងនៅក្នុងប៉ុន្មានឆ្នាំខាងមុខ ដូចគ្នាទៅនឹងអ្វីដែលកើតឡើងនៅបឹងកេងកងពីមុនមក។អ្នកស្រី Keiko Fujita-Hix សហស្ថាបនិក និងជាម្ចាស់ភោជនីយដ្ឋាន Sesame Noodle Bar នៅទួលទំពូងបានលើកឡើងថា ចាប់តាំងពីអ្នកស្រីបានបើកភោជនីយដ្ឋានក្នុងឆ្នាំ ២០១២ មកការជួលបានកើនឡើងជាង៥០%។ ទន្ទឹមនឹងនេះដែរ សម្រាប់ទីតាំងភោជនីយដ្ឋានរបស់អ្នកស្រីនឹងមានការផ្លាស់ប្តូរក្នុងពេលឆាប់ៗ ដោយសារម្ចាស់ផ្ទះចង់បំលែងកន្លែងនេះទៅជាអាគារអាផាតមេនថ្មីមួយវិញ។ប៉ុន្តែ Keiko បានកត់សម្គាល់ថា ភោជនីដ្ឋានSesameនឹងនៅតែស្ថិតនៅក្នុងតំបន់ទួលទំពូងដដែល បើទោះបីជាត្រូវការផ្លាស់ទីតាំងរបស់ខ្លួនក៏ដោយ។អ្នកស្រី Keiko និយាយថា “មានឥទ្ធិពលតែមួយគត់នៅទីនេះគឺជាសហគមន៍ដែលអាជីវកម្មរបស់យើងបានវិនិយោគឡើង អាជីវកម្មរបស់យើងស្ថិតនៅជិតផ្ទះរបស់ក្រុមគ្រួសារដែលជាអ្នកធ្វើការ  អតិថិជនស្មោះស្ម័គ្ររបស់យើង និងអាជីវកម្មក្នុងស្រុកដទៃទៀតដែលគាំទ្រយើងទៅវិញទៅមកហើយយើងមិនចង់ផ្លាស់ទីកន្លែងណាផ្សេងទៀតនោះទេ។”សូមស្វែងរកអចលនទ្រព្យល្អបំផុតសម្រាប់ជួលនៅទួលទំពូង ជាមួយ Realestate.com.kh ឥឡូវនេះ!

នៅពេលច្ចុប្បន្នការពុះដីឡូតិ៍លក់កំពុងមានសន្ទុះកើនឡើងយ៉ាងខ្លាំងក្លានៅក្នុងទីផ្សារប្រទេសកម្ពុជា ដោយសារការពុះដីឡូតិ៍លក់នេះទទួលបានប្រាក់ចំណេញច្រើន និងមានភាពងាយស្រួលចំពោះអ្នកអភិវឌ្ឍន៍ក្នុងវិស័យនេះ។ មិនចាំបាច់មានដើមទុនគ្រប់គ្រាន់ក៏អាចធ្វើបានឲ្យតែពួកគេមានភាពឆ្លាតវៃ រកបានទីតាំងបានល្អនោះប្រាកដជាអាចរកប្រាក់ចំណេញបានយ៉ាងឆាប់រហ័ស។ ទាក់ទងនឹងការពុះដីឡូលក់ ក៏ដូចជាការទិញដីឡូតិ៍ តើអតិថិជនបានពិចារណាគ្រប់ជ្រុងជ្រោយដែរឫទេ មុននឹងសម្រេចចិត្តទិញដីកន្លែងណាមួយ?នៅពេលលើកឡើងពីបញ្ហាប្រឈមនៃការទិញដីឡូតិ៍នៅក្នុងទីផ្សារកម្ពុជា លោក យិន លាងគង់ ជានិពន្ធនាយកនៃទស្សនាវដ្តី Property View និងជាការីនិពន្ធផ្នែកសេដ្ឋកិច្ចនៅទូរទ្ទស្សន៍BTV បានលើកឡើងថាកន្លងមកសម្រាប់ទីផ្សារដីឡូតិ៍គឺធ្លាប់មានបញ្ហាកើតឡើងរវាងអ្នកភិវឌ្ឍន៍ និងអ្នកទិញ។លោកសង្កត់ធ្ងន់ទៅលើទិដ្ឋភាពបីយ៉ាងដែលមានការពាក់ព័ន្ធគ្នាក៏ដូចជាដើម្បីបញ្ជៀសពីបញ្ហាផ្សេងៗ ដែលកើតមានឡើងជុំវិញទីផ្សារដីឡូតិ៍នៅក្នុងប្រទេសកម្ពុជា។ការវិនិច្ឆ័យរបស់អ្នកទិញ៖អ្នកទិញគួរមានការប្រុងប្រយ័ត្នមុនពេលទិញដីតំបន់ណាមួយត្រូវដឹងថា អ្នកអភិវឌ្ឍន៍មានកម្មសិទ្ធិត្រឹមប្លង់ទន់ ឫប្លង់រឹង។ ត្រង់ចំណុចនេះលោកបានលើកពីឧទាហរណ៍ជាក់ស្តែងថា នាពេលកន្លងមកធ្លាប់មានអ្នកវិនិយោគដែលមានប្លង់រឹង ប៉ុន្តែនៅពេលដែលលក់ទៅអោយអ្នកទិញ ម្ចាស់ដីឡូតិ៍កាត់ត្រឹមប្លង់ទន់ទៅឲ្យតែប៉ុណ្ណោះ។ នេះជាការប្រឈមដ៏អាក្រក់មួយសម្រាប់អ្នកទិញ ក្នុងករណីអ្នកវិនិយោគទៅរស់នៅក្រៅប្រទេស ឫស្លាប់បាត់បង់ជីវិត ហើយផ្ទេរសិទ្ធិកាន់កាប់ទៅឲ្យកូន ឫសាច់ញាតិផ្សេងទៀត នោះមានន័យថាសិទ្ធិកាន់កាប់ពិតប្រាកដតាមផ្លូវច្បាប់នោះគឺអ្នកដែលមានប្លង់រឹង ចំណែកឯអ្នកកាន់កាប់ត្រឹមប្លង់ទន់មិនមានសិទ្ធិកាន់កាប់ស្របច្បាប់លើដីឡូតិ៍ដែលខ្លួនបានទិញនោះទេ។ក្រមសីលធម៌របស់អ្នកអភិវឌ្ឍន៍/អ្នកលក់៖អ្នកវិនិយោគខ្លួនឯងគួរមានក្រមសីលធម៌វិជ្ជាជីវៈ គឺមិនត្រូវបោកប្រាស់ប្រជាពលរដ្ឋនោះទេ។ ក្នុងករណីមានប្លង់ទុនត្រូវផ្តល់ប្លង់ទន់ តែបើមានប្លង់រឹងត្រូវផ្តល់ជាប្លង់រឹងជូនពលរដ្ឋទើបជាការប្រសើរ។ លោកជឿជាក់ថានេះក៏ជាការការពារមួយជូនប្រជាពលរដ្ឋដែលបានទិញគម្រោងដីរបស់ពួកគេផងដែរ។ ជាមួយគ្នានេះដែរលោក លាងគង់បន្ថែមថា ចំណុចមួយទៀតដែលអ្នកវិនិយោគត្រូវគិតគូគឺការកំណត់ប្លង់ហេដ្ឋារចនាសម្ធ័ន្ធច្បាស់លាស់សម្រាប់ពលរដ្ឋ ដូចជាប្លង់ផ្លូវថ្នល់ ប្រព័ន្ធលូ បង្គោលភ្លើង និងប្លង់លំនៅដ្ឋានជាដើម។ លោកថាកាលណាមានប្លង់គ្រប់គ្រងត្រឹមត្រូវគឺធ្វើឲ្យតំបន់ដីឡូតិ៍នោះមានការអភិវឌ្ឍន៍លឿន លំនៅដ្ឋានមានសណ្តាប់ធ្នាប់មានសោភ័ណភាព និងភាពស្រស់ស្អាត។ "នាពេលកន្លងមកគម្រោងដីឡូតិ៍ភាគច្រើនបន្ទាប់ពីលក់រួចរាល់អ្នកអភិវឌ្ឍន៍មិនបានគិតគូលើការផ្តល់ប្លង់លំនៅដ្ឋានជូនពលរដ្ឋឡើយ។ នេះជាហេតុដែលធ្វើឲ្យប្រពលរដ្ឋសាងសង់លំនៅដ្ឋានតាមការនឹកឃើញ មានតូច មានធំ មានខ្ពស់មានទាបលាយលំគ្នា ហើយមួយចំនួនទៀតមិនសាងសង់អ្វីទាំងអស់ ដោយទុកលក់យកផលចំណេញជាដើម។ នៅពេលអនាគតតំបន់នេះនឹងអាចក្លាយជាតំបន់ដែលមានការសាងសង់លំនៅដ្ឋានបែបអនាធិបតេយ្យ" នេះបើតាមការលើកឡើងរបស់លោក លាងគង់។តួនាទីរបស់រដ្ឋាភិបាល៖ទាក់ទងជាមួយនឹងក្រសួងរៀបចំដែនដីនគរូបនីយកម្ម និងសំណង់ និងក្រសួងសេដ្ឋកិច្ចនិងហិរញ្ញវត្ថុ លោក លាងគង់បានជម្រុញឲ្យក្រសួងទាំងពីរបង្កើនល្បឿនក្នុងការធ្វើច្បាប់បញ្ញត្តិគ្រប់គ្រង់ដីឡូតិ៍។ លោកនិយាយថាប្រសិនបើយើងមានច្បាប់បញ្ញតិ្តត្រឹមត្រូវនិងច្បាស់លាស់ នោះក្រសួងនឹងមានភាពងាយស្រួលក្នុងការកំណត់ដល់អ្នកវិនិយោគឲ្យអនុវត្តន៍តាមគោលការណ៍ច្បាប់ តួយ៉ាងថាតើត្រូវទុកផ្លូវប៉ុន្មានម៉ែត្រ ប្លង់លំនៅដ្ឋានបែបណាប្រព័ន្ធលូទំហំមុខកាត់ប៉ុន្មានម៉ែត្រ។ ទាំងនេះដើម្បីឲ្យការអភិវឌ្ឍន៍មាននិរន្តភាព គោរពតាមបទដ្ឋាន បរិស្ថាន និងសោភ័ណភាពរបស់ទីក្រុង។ ដំបូន្មានសម្រាប់អ្នកទិញដីឡូតិ៍៖នៅពេលសួរអំពី ថាតើអ្នកទិញដីឡូតិ៍គួរពិនិត្យមើលលើចំណុចអ្វីខ្លះមុនពេលទិញដីឡូតិ៍? លោក លាង គង់បានលើកឡើងថា ភាគច្រើននៃអ្នកទិញដីឡូតិ៍ជាអ្នកដែលមានជីវភាពក្រោមមធ្យម និងមធ្យម ហើយមួយចំនួនពួកគេគឺទិញដីសម្រាប់លក់យកចំណេញ។ លោកបញ្ជាក់ពីចំណុចនេះថាភាគច្រើននៃដីឡូតិ៍គឺមិនឡើងថ្លៃទៀតទេ បើកើនឡើងក៏មិនច្រើនដែរ ដោយសារអ្នកវិនិយោគបានយកចំណេញច្រើនរួចទៅហើយដូច្នេះអ្នកទិញគួរពិចារណាលើចំណុចនេះ ។លោកលើកឡើងទៀតថា សម្រាប់អ្នកមានជីវភាពខ្ពស់(អ្នកមាន) គឺពួកគេមិនទិញដីឡូតិ៍ទេព្រោះដីឡូតិ៍មានការអភិវឌ្ឍន៍យឺត ហើយអ្នកទិញទៀតសោធនៅចាំមើលគ្នាមិនព្រមសាងសង់អ្វីឡើយចំណែកឯការសាងសង់លំនៅដ្ឋានគឺគ្មានសណ្តាប់ធ្នាប់។ លោកថាកាលណាតំបន់ដីឡូតិ៍មួយមិនមានការ សាងសង់ដែលមានសណ្តាប់ធ្នាប់ត្រឹមត្រូវ ដីតំបន់នោះក៏មិនកើនឡើងតម្លៃដែរ។ទោះជាយ៉ាងណាលោក លាងគង់បានលើកឡើថាការពុះដីឡូតិ៍បានផ្តល់ផលប្រយោជន៍ដល់សង្គមជាតិទាំងមូលផងដែរ ព្រោះអាចផ្តល់លទ្ធភាពឲ្យពលរដ្ឋមានជីវភាពមធ្យមអាចមានលទ្ធភាពទិញដីបាន ហើយលោកក៏បានជម្រុញឲ្យគ្រប់គ្នាគួរតែទិញដីចំណែកណាមួយ ដើម្បីទុកសាងសង់លំនៅដ្ឋានសមរម្យមួយនៅពេលអនាគត។វិនិយោគដោយយកចិត្តទុកដាក់៖ អានអត្ថបទអំពីការណែនំាការទិញដីឡូត៍ពី Realestate.com.kh

ខុនដូ One Park តំណាងឱ្យផ្នែកមួយនៃការអភិវឌ្ឍន៍ដោយភាពទាន់សម័យ និងថែមទាំងជាគម្រោង អភិវឌ្ឍន៍ចម្រុះដ៏ល្អមួយនៅក្នុងទីក្រុង។ គម្រោងនេះលាតសណ្ឋឹងនៅលើផ្ទៃដីសរុបចំនួន ៧,៩ ហិកតា និង ទំហំនៃគម្រោងមានប្រមាណ ២,៥ លានហ្វីតការ៉េ។ គម្រោង One Park ស្ថិតនៅចំបេះដូងនៃរាជធានីភ្នំពេញ ដែលជាមជ្ឈមណ្ឌលពាណិជ្ជកម្មនៅក្នុងទីក្រុងភ្នំពេញ ដែលជាតំបន់អភិវឌ្ឍថ្មី គឺស្ថិតនៅជិតស្ថាប័នក្រសួង និងសា្ថប័នហិរញ្ញវត្ថុ នៅតាមបណ្តោយមហាវិថីសហពន្ធ័រុស្ស៊ី។បច្ចុប្បន្ន នៅក្នុងតំបន់នេះមិនទាន់មានការអភិវឌ្ឍន៍ហេដ្ឋារចនាសម្ព័ន្ធនៅឡើយ ក្រុមហ៊ុនអភិវឌ្ឍន៍ Graticity Real Estate Development (GRED) ទទួលបានឱកាសសម្រាប់ធ្វើការអភិវឌ្ឍន៍ទាំងមូលនៃគម្រោងនេះ។  ជាគម្រោងមួយដែលមិនមានការហាមឃាត់ទាក់ទងនឹងទំហំ ឫកម្ពស់នៃ អគារ ឫមិនកំណត់ពីដែនកំណត់នៃហេដ្ឋារចនាសម្ព័ន្ធ  នេះជាគម្រោងដ៏អស្ចាររ្យតែមួយគត់នៅក្នុងទី ក្រុងភ្នំពេញ។ នេះបានផ្តល់លទ្ធផលពីការរចនាមួយដែលធានានូវស្តង់ដារនៃហេដ្ឋារចនាសម្ព័ន្ធ រចនាឲ្យស្របទៅនឹង ដង់ស៊ីតេប្រជាជនតិច ចម្រុុះដោយអាគារដែលឈរទល់មុខគ្នាពីខាងជើង និងខាងត្បួង ហើយ គម្រោងនេះត្រូវបានរចនាឡើងឲ្យស្របតាមបែបផែនធម្មជាតិ ដោយសារមានការសិក្សាស៊ីជម្រៅ ដោយក្រុមហ៊ុនអភិវឌ្ឍន៍មានកេរ្តិ៍ឈ្មោះ និងមានស្នាដៃនៃការសាងសង់កន្លងមក។ លើសពីនេះទៅទៀត ដោយសារគោលគំនិតសំខាន់បំផុត “Parking Podium” របស់ One Park គម្រោងនេះបានយកចិត្តទុកដាក់ពីសេវាកម្ម និងកន្លែងចតរថយន្តជាមួយចំណតរថយន្តផ្ទាល់ខ្លួន ចំនួន១៦០០កន្លែង។ សម្រាប់ផ្សារលក់ទំនិញក៏មានទុកកន្លែងចតរថយន្តគ្រប់គ្រាន់តាមចិញ្ចើមផ្លូវដល់ម្ចាស់ហាងទាំងអស់។ លក្ខណៈពិសេសទាំងនេះបង្ករឲ្យមានភាពងាយស្រួលសម្រាប់អ្នករស់នៅ ហើយថែមទាំងនឹងការពារគម្រោងពីបញ្ហានៃការកក់ស្ទះចរាចរនៅពេលអនាគត។ ប្លង់នៃគម្រោងនេះរចនាឡើងតាមរចនាបទបែបអឺរ៉ុប ជាមួយផ្លូថ្មើរជើងធ្វើពីឈើធំទូលាយ ដែលមានផ្សារលក់ឥវ៉ាន់ បារ ហាងកាហ្វេ និងភោជនីយដ្ឋាននៅជុំវិញអគារទាំងនោះ ដោយប្រជុំគ្នាត្រង់ចំណុច កណ្តាលបង្កើតបានជាមាហាវិថីធំទូលាយមួយនៅខាងក្នុងដែលជួបគ្នារវាងលំនៅដ្ឋានភ្លោះ។ ផ្នែកសំខាន់នៃទីធ្លាកណ្តាលនេះ នឹងមានរូបសំណាក់ Eros ដែលត្រូវបានគេស្គាល់ថាជា អាទិទេព ដែលតំណាងឲ្យក្តីស្រលាញ់ គំនិតនេះបានយកមកពី Piccadilly Circus ក្នុងទីក្រុងឡុង  ផ្សារលក់ទំនិញ និងលំនៅដ្ឋានអាចធ្វើអាជីវកម្មបានទាំងនេះ បច្ចុប្បន្នបានលក់អស់ស្ទើរតែ ១០០%។ នៅចុងម្ខាងនៃផ្សារទំនើបផ្លាហ្សានឹងមានសាលារៀនអន្តរជាតិ ធ្វើឲ្យមានលំហូរនៃអាជីវកម្ម និងវប្បធម៌នៃការរស់នៅចម្រុះ នៅក្នុងអគារចម្រុះរបស់ One Park។ ផ្ទុយទៅនឹងការអភិវឌ្ឍន៍ អ្នករស់នៅក្នុងគម្រោងនេះក៏នឹងអាចទទួលបានទីកន្លែលធម្មជាតិពណ៌បៃតង និងកន្លែងលេងកីឡាផ្សេងៗគ្នា។ បន្ថែមលើសពីនេះទៅទៀតផ្លូវធំទូលាយ  និងផែនការទីក្រុងនឹងត្រូវធានានៅក្នុងតំបន់ព័ទ្ធជុំវិញបឹងកក់ ។សម្រាប់តម្លៃចាប់ពី១៧០,០០០ដុល្លារក្នុងមួយយូនីត ខុនដូរបស់ One Park មានភាពស្រស់ស្អាតទំនើប និងធំទូលាយដោយមានជម្រើសដែលអាចជ្រើសរើសបានតាមតម្រូវការ យូនីតត្រូវវបាន បំពាក់គ្រឿងសង្ហារិមមួយឈុតតាមតម្រូវការ។ នេះគឺដោយសារភាពជាដៃគូរវាងក្រុមហ៊ុន GRED ជាមួយនឹងក្រុមហ៊ុន DP Architects សិង្ហបុរីដែលជាក្រុមហ៊ុនស្ថាបត្យកម្មមួយ ដែលមានភាព ល្បីល្បាញ។ គម្រោងនេះរួមមាន៖ អាងហែលទឹក កន្លែងហាត់ប្រាណ និងកន្លែងលេងសម្រាប់កុមារ ជាមួយនឹងសមាមាត្រខ្ពស់នៃបរិបទរស់នៅលក្ខណៈបៃតងបែបធម្មជាតិនៅក្នុងគម្រោងទាំងមូល។លទ្ធផលចុងក្រោយនៃការរចនា One Park ជាផលិតផលអន្តរជាតិយ៉ាងពិតប្រាកដ និងជាផលិតផលមួយដែលមិនចេះធ្លាក់តម្លៃក្នុងរយៈពេលរាប់សិបឆ្នាំទៀត។ ក្រុមហ៊ុន Graticity Real Estate Development (GRED) អ្នកអភិវឌ្ឍន៍គម្រោង One Park គឺជាក្រុម ហ៊ុនអភិវឌ្ឍន៍អចលនទ្រព្យនៅហុងកុង ជាមួយនឹងបទពិសោធន៍ច្រើនក្នុងការសាងសង់គម្រោងធំៗទៅតាមស្តង់ដារគុណភាពល្អបំផុត ដែលការរៀបចំគម្រោងមានតែមួយគត់ទៅតាមបរិបទនៃវប្បធម៌។ដោយបានធ្វើពិធីបញ្ចុះបឋមសីលានៅឆមាសទី២ ឆ្នាំ២០១៥ ការសាងសង់នៅការដ្ឋានរបស់ One Park កំពុងដំណើរការ ដែលស្ថិតក្រោមការណែនាំរបស់ការិយាល័យវិស្វកម្មសំណង់ទី២របស់ប្រទេស ចិន ជាមួយនឹងកម្មករ ១,២០០នាក់នៅក្នុងការដ្ឋានក្នុងពេលបច្ចុប្បន្ន និងជាការដ្ឋានសំណង់ធ្វើការ ២៤ ម៉ោង។ នេះមានន័យថា ជំហានទី១នៃលំនៅដ្ឋានអាជីវកម្ម និងផ្សារលក់ទំនិញនឹងសាងសង រួចរាល់ត្រឹមត្រីមាសទី១ ឆ្នាំ២០១៧ ហើយក្នុងដំណាក់កាលដំបូងមានខុនដូចំនួន ១,៦០០ យូនីតនឹងត្រូវលក់ចេញទៅឲ្យប្រជាពលរដ្ឋត្រឹមចុងឆ្នាំ២០១៧មានសាលាអន្ដរជាតិមួយស្ថិតនៅក្នុងគម្រោង One Park នឹងត្រូវដំណើរការនៅឆ្នាំ ២០១៨ផងដែរ។ស្វែងរកព័ត៌មានបន្ថែមទៀតអំពីគម្រោង One Parkថ្ងៃនេះ !